Sangguniang Manwal ng Guro para sa Lumang Tipan

Ang Ikalawang Aklat ng mga Hari
Ilang Mahahalagang Alituntunin ng
Ebanghelyo na Hahanapin
• Ang mga tao ang nananagot sa sarili nilang mga kasalanan,
ngunit kung minsan ay nagdurusa sila dahil sa mga
kasalanan ng iba (tingnan sa II Mga Hari 14:6; 24:2–4; tingnan
din sa Mga Saligan ng Pananampalataya 1:2).
• Nawawala ang proteksyon ng Diyos sa mga bansang nagapostasiya
(tingnan sa II Mga Hari 15:19–31; 17:3–23;
24:1–4; 25:4–7; tingnan din sa Eter 2:8).
• Ang pagsamba sa diyus-diyusan ay mabigat na kasalanan
(tingnan sa II Mga Hari 17:7–12; 21; tingnan din sa Exodo
20:1–6).
• Ang pagtanggi sa payo ng Panginoon at ng kanyang mga
propeta ay umaakay sa atin sa pagkabihag at iwinawalay
tayo sa Panginoon (tingnan sa II Mga Hari 17:6–8; 24:20;
tingnan din sa Moises 4:3–4).
Mga Mungkahi sa Pagtuturo
Ang Video ng Lumang Tipan pagtatanghal 18, “Balitang
Saksi sa Seis (Sentenaryo b.c.),” ay magagamit sa pagtuturo
ng pinangyarihan ng kasaysayan noong 600 b.c.—
II Mga Hari 24–25 (tingnan sa Gabay sa Video ng Lumang Tipan
para sa mga mungkahi sa pagtuturo).
II Mga Hari 14–19. Ang kaharian ng Israel ay nawalan ng
proteksyon ng Panginoon dahil sa kasamaan at apostasiya.
Ang kaharian ng Juda ay himalang naligtas at napanatili
ang kanilang kalayaan. (45–60 minuto)
Paunawa: Ang mungkahing ito ay magagamit na karugtong
ng mungkahi sa pagtuturo para sa II Mga Hari 6–13.
Tingnan ang mga tagubilin para sa aktibidad sa tsart sa
mungkahi sa pagtuturo para sa II Mga Hari 6–13 (p. 163) at
iatas sa mga grupo ng mga estudyante ang sumusunod na
mga hari:
• Amasias (tingnan sa II Mga Hari 14:1–22)
• Jeroboam II (tingnan sa II Mga Hari 14:23–29)
• Azarias, o Uzzia (tingnan sa II Mga Hari 15:1–7)
• Zacharias (tingnan sa II Mga Hari 15:8–12)
• Sallum (tingnan sa II Mga Hari 15:13–15)
• Manahem (tingnan sa II Mga Hari 15:16–22)
• Pekaia (tingnan sa II Mga Hari 15:23–26)
• Peka (tingnan sa II Mga Hari 15:27–31)
• Jotham (tingnan sa II Mga Hari 15:32–38)
• Achaz (tingnan sa II Mga Hari 16)
• Oseas (tingnan sa II Mga Hari 17:1–6)
• Ezechias (tingnan sa II Mga Hari 18:1–7)
164
Matapos nilang saliksikin ang kanilang mga talata, papunan
sa bawat grupo ang isang entry sa tsart para sa kanilang hari.
Repasuhin ang propesiya ni Moises tungkol sa mga anak ni
Israel sa Deuteronomio 28:1–26, lalo na sa mga talata 1 at 15.
Itanong sa mga estudyante kung ano ang kinailangang gawin
ng mga anak ni Israel para matanggap ang mga pagpapala at
proteksyon ng Panginoon.
Sumangguni sa tsart ng mga hari ng Israel at Juda at ipabilang
sa mga estudyante ang mabubuting hari sa bawat kaharian.
Basahin ang II Mga Hari 17:1–23 sa kanila at talakayin
kung ano ang itinuturo sa mga talatang iyon kung bakit bumagsak
ang kaharian ng Israel sa mga taga-Asiria (tingnan sa
enrichment section D at mga komentaryo para sa 2 Kings 17 sa
Old Testament: 1 Kings–Malachi, mga pahina 113–16, 126–27).
Ihambing ang masasamang hari ng Israel sa medyo mas mabubuting
hari ng Juda. Ipabasa sa mga estudyante ang II Mga
Hari 18:1–7 at ipalahad kung ano ang ginagawa ni Haring
Ezechias ng Juda habang nililipol ng mga taga-Asiria ang Israel.
Gamitin ang mga komentaryo para sa 2 Kings 18–19 sa Old
Testament: 1 Kings–Malachi, (mga pahina 127–28) para makapagpasiya
kung anong mga bahagi ng mga kabanatang iyon
ang ipapabasa sa inyong mga estudyante. Maaari ninyong piliing
ibuod ang II Mga Hari 18, ngunit makabubuting basahin
ang II Mga Hari 19:1–7, 32–37 sa inyong mga estudyante at talakayin
kung ano ang ginawa ng Panginoon para iligtas ang
Juda sa mga taga-Asiria at bakit.
Itanong sa mga estudyante:
• Ano ang matututuhan natin mula sa pagkawasak ng hilagang
kaharian ng Israel at pagkawala ng sampung lipi?
• Paano naging katulad ng pag-uugali at hangarin ng mga
taga-Asiria sa Israel ang pag-uugali at hangarin ni Satanas
sa atin?
Ipabasa sa mga estudyante ang 2 Nephi 1:13–16; 2:27; Helaman
3:27–30; 5:12 at ipalahad ang ipinayo ng Panginoon na
gawin natin para makaiwas sa pagbihag ni Satanas. Talakayin
kung ano ang ibig sabihin ng “makayayakap sa salita ng
Diyos” (Helaman 3:29). Isiping magbahagi ng mga karanasan
sa buhay ninyo na nagpapatotoo sa kagalakan at kapayapaang
nagmumula sa pagtatatag ng inyong buhay sa saligan ni
Jesucristo, na siyang Jehova, Diyos ng Lumang Tipan.
II Mga Hari 20–25. Ang kabutihan ay hindi bunga ng iisang
gawa. Bahagi ito ng proseso ng pagpili ng mabuti
habambuhay. (45–60 minuto)
Sa pisara, isulat ang pangalan ng isang pamilyar na tao mula
sa mga banal na kasulatan na kilala sa pagpili ng masasama.
Itanong sa mga estudyante:
• Palagay ba ninyo nakagawa ng kabaitan o kabutihan ang
taong iyan? (Siguro.)
• Kung gayon, bakit sila kilala sa pagiging masama sa halip
na mabuti?