Sangguniang Manwal ng Guro para sa Lumang Tipan

ang mga katagang ito at isulat ang cross-reference na 1 Nephi
3:7 sa gilid ng pahina ng kanilang mga banal na kasulatan sa
tabi ng bawat grupo ng mga kataga.
Basahin at talakayin ang tatlong mas maiikling kuwento sa
I Mga Hari 17 mula sa mga talata 1–7, 8–16, at 17–24. Itanong
sa mga estudyante kung sino ang nagpamalas ng pananampalataya
sa bawat kuwento at ano ang hindi alam ng mga ito
nang humayo sila at sumunod sa utos ng Panginoon. Isipin
na ang nangyari sa ikatlong kuwento ay batay sa pananampalatayang
ipinakita sa ikalawang kuwento. Ituro na maaaring
hindi natin alam kung anong mga dakilang pagpapala ang
nawawala sa atin kapag hindi tayo handang kumilos nang
may pananampalataya.
Ang lakas at kapangyarihang nagmumula sa pananampalataya
ay ipinamalas sa I Mga Hari 18. Isiping gumawa ng teatro
ng mambabasa, at mag-atas ng mga estudyanteng babasa sa
mga bahagi ng tagapagsalaysay, nina Achab, Abdias, Elias, ng
mga saserdote ni Baal, ng mga tao, at ng lingkod ni Elias.
Itanong sa mga estudyante:
• Ano ang matututuhan natin tungkol sa pananampalataya
mula sa iba’t ibang tao at halimbawa sa kabanatang ito?
• Ano ang inihahayag ng tanong ni Achab sa talata 17 tungkol
sa kanyang pananampalataya?
• Ano ang hinangaan ninyo tungkol sa pananampalatayang
ipinakita ni Elias sa Bundok ng Carmelo?
• Paano tumugon ang mga tao sa mahimalang mga pangyayaring
ito?
• Basahin ang I Mga Hari 19:1–3. Paano tumugon si Jezabel?
Ipaunawa sa mga estudyante na ang marahan at banayad na
tinig ng Espiritu ay naghahatid at nagpapalakas ng patotoo at
dumarating lamang sa mga mapagpakumbaba at masunurin.
I Mga Hari 18. Ang Diyos ay mas makapangyarihan kaysa
kay Satanas at sa mga kampon nito. (20–30 minuto)
Magpakita ng isang timbang tubig, isang pirasong kahoy, at
malaking bato sa mga estudyante. Itanong sa kanila kung
anong kuwento sa Lumang Tipan ang may tatlong bagay na
iyon. Bilang pahiwatig, sabihin sa kanila na ang mga bagay
ay pawang “nangatupok.”
Basahin ng buong klase ang kuwento tungkol kay Elias at sa
mga propeta ni Baal sa I Mga Hari 18:17–40. Itanong:
• Sa talata 17, bakit sinabi ni Achab na binabagabag ni Elias
ang Israel tungkol sa tagtuyot? (tingnan sa I Mga Hari 17:1).
• Sino ang sinabi ni Elias na talagang responsable sa tagtuyot?
Bakit? (tingnan sa I Mga Hari 18:18).
Talakayin ang dakilang kapangyarihang ipinagkaloob ng
Diyos kay Elias na sarhan ang kalangitan para hindi umulan.
Tinanggap ni Elias ang kapangyarihang ito mula sa Diyos dahil
sa kanyang pananampalataya kay Jesucristo at sa kanyang
kabutihan. Inilahad sa Helaman 10–11 kung paano tinanggap
157
ni Nephi ang kapangyarihang magbuklod at kung ano ang
kapangyarihang iyan. Ihambing ang mga katangiang pinuri
ng Panginoon kay Nephi sa mga katangian ni Elias. Ipaunawa
sa mga estudyante na taglay ng ating propeta ngayon ang
kapangyarihang magbuklod na iyon tulad ni Elijah (tingnan
sa D at T 110:13–16; 132:7).
Itanong sa mga estudyante:
I Mga Hari 17–22
• Sa I Mga Hari 18:21, ano ang ibig sabihin ni Elias nang sabihin
niyang nahahati sa dalawang opinyon ang Israel?
• Ano ang dalawang opinyong iyon?
• Ano ang dalawang opinyon na dapat nating pagpilian
ngayon?
• Paano maihahambing ang mga ito kay Elias at sa mga propeta
ni Baal: Aling panig ang mas marami? Aling panig
ang may kapangyarihang magligtas? Aling panig ang mayabang,
ngunit walang kapangyarihang magligtas?
• Sa palagay ninyo, bakit gustong palahukin ni Elias ang
mga saserdoteng palasamba sa mga diyus-diyusan sa kanyang
iminungkahing hamon (tingnan sa mga talata 19, 22)?
• Bakit iminungkahi ni Elias na magpahulog ng apoy mula sa
kalangitan bilang pagsubok sa tunay na Diyos (tingnan sa
mga talata 23–24)? (tingnan sa komentaryo para sa 1 Kings
18:22–24 sa Old Testament: 1 Kings–Malachi, p. 60).
• Sa palagay ninyo, bakit mga propeta ni Baal ang unang pinasubok
ni Elias?
• Gaano katagal sinubukang pasagutin ng mga propeta ni
Baal ang kanilang diyos? (tingnan sa mga talata 26–29).
• Sa palagay ninyo, bakit naglagay ng tubig si Elias sa kanyang
altar (tingnan sa mga talata 33–35)?
• Sa palagay ninyo, bakit sinagot ng Panginoon si Elias nang
may kahanga-hangang pagpapakita ng kanyang kapangyarihan
(tingnan sa mga talata 36–39)?
• Ano ang matututuhan natin dito tungkol sa pagsunod sa
mga makabagong propeta?
• Paano naging katulad ni Elias ang propeta natin ngayon?
(Taglay niya ang gayon ding kapangyarihang magbuklod
at susuportahan ng Panginoon ang sinasabi niya—kahit
kalabanin pa siya ng karamihan sa mundo.)
Maaari kayong magdagdag ng pangalawang saksi para suportahan
ang pagsunod sa mga tunay na propeta sa pagbasa at
pagtalakay sa kuwento tungkol kina Josaphat, Achab, at ang
propetang si Micheas sa 1 Kings 22 (tingnan sa mga komentaryo
para sa 1 Kings 22 sa Old Testament: 1 Kings–Malachi, p. 63).
I Mga Hari 19. Dapat nating pakinggan at sundin ang mga
bulong ng Espiritu. (20–25 minuto)
Ipabuod sa isang estudyante ang nangyari sa I Mga Hari 18.
Itanong sa mga estudyante:
• Paano kaya kayo tutugon kung gawin ng ating propeta
ang isang bagay na katulad niyon?