Sangguniang Manwal ng Guro para sa Lumang Tipan

Ang Ikalawang Aklat ni Samuel
• Ang kapakanan ng isang bansa ay apektado ng kabutihan
ng mga lider nito (tingnan sa II Samuel 15:1–6; 19:9–10;
20:1–3; 23:1–5).
Mga Mungkahi sa Pagtuturo
II Samuel 11. Ang pagpapakontrol ng ating mga
desisyon sa masasamang hangarin ay naghihiwalay
sa atin sa impluwensya ng Espiritu at maaaring humantong
ito sa mas matinding kasalanan at kalungkutan.
(35–45 minuto)
S M T W TH F S
Basahin ang kuwento tungkol sa switch point na isinalaysay
ni Elder Gordon B. Hinckley, na noon ay miyembro ng Korum
ng Labindalawang Apostol, sa pambungad para sa II Samuel
11–12 sa gabay ng estudyante sa pag-aaral. Patandaan sa mga
estudyante ang kuwento tungkol sa switch point sa pag-aaral
nila ng II Samuel 11.
Gawin ang aktibidad A para sa II Samuel 11–12 sa gabay ng
estudyante sa pag-aaral sa pamamagitan ng pagdodrowing
ng tsart sa pisara at paggamit ng mga reperensya sa mga banal
na kasulatan sa unang hanay ng tsart at pagtalakay kung
ano maisusulat sa dalawa pang hanay. Kung nakumpleto na
ng inyong mga estudyante ang aktibidad, ipabahagi sa kanila
ang kanilang isinulat. Tingnan sa komentaryo para sa 2 Samuel
11:2 at 11:3–27 sa Old Testament: Genesis–2 Samuel (p. 290)
para sa tulong na masagot ang mga tanong ng mga estudyante
habang pinag-aaralan ninyo ang kabanatang ito.
Matapos kumpletuhin ang aktibidad, itanong sa mga estudyante
kung ano ang mga switch point sa buhay ni David—
ang maliliit na desisyong nagbaling sa kanya sa lubos na naiibang
direksyon. Ituro kung ilang beses at sa anong mga paraan
sana maaaring makabalik si David sa tamang landas at
paano niya sana lubos na napagsisihan ang bawat kasalanan
bago niya isinugo si Uria para mapatay (tingnan sa komentaryo
para sa 2 Samuel 12:13 at sa unang bahagi ng “Points to
Ponder” sa Old Testament: Genesis–2 Samuel, mga pahina
291–92).
Ang sumusunod na aktibidad ay tumutulong na mailarawan
ang kahalagahan ng paggawa ng matatalinong pasiya ayon sa
mga pamantayang walang hanggan: Sa pisara, magdrowing
ng isang mapa na nagpapakita ng daan papunta sa templo o
paliparan o istasyon ng tren na magdadala sa isang tao sa
templo. Paguhitan sa isang estudyante ang daan sa pisara,
ngunit sa bawat sangandaan na kailangang may likuan dapat
silang mag-kara-krus. Kung lumabas ang “kara,” kakanan
sila; kung lumabas ang “krus,” kakaliwa sila. Itanong:
• Makakarating ba ang isang tao sa templo sa ganitong
paraan?
• Paano ito maihahambing sa paraan ng pamumuhay ng
ilang tao?
• Saan natin dapat ibatay ang ating mga desisyon kapag dumarating
tayo sa isang switch point sa buhay?
• Ano ang nakaimpluwensya sa mga desisyon ni David?
Ipahambing sa mga estudyante si David kay Jose (tingnan sa
150
Genesis 39:7–12). Itanong sa kanila kung paano naiba ang
mga desisyon ni Jose kay David at bakit sa palagay nila napaglabanan
ni Jose ang tukso at si David ay hindi.
Isiping hatiin ang klase sa maliliit na grupo at bigyan ng kopya
ng polyetong Para sa Lakas ng mga Kabataan ang bawat grupo.
Pumili ng mga pahina na inaakala ninyong kailangangkailangang
mabasa ng inyong mga estudyante. Hatiin ang
mga pahina nang pantay-pantay para magkakaiba ang mga
pahinang pag-aaralan ng bawat grupo. Ipatukoy sa kanila
ang mga pamantayan na poprotekta sa kanila mula sa mga
kasalanang nagawa ni David kapag ipinamuhay nila. Ipabahagi
sa klase ang natuklasan ng mga grupo.
Ihambing ang Doktrina at mga Tipan 42:22–26 o 63:16–18 sa
Helaman 3:29–30 tungkol sa mga kahihinatnan ng pinagtitiwalaan
nating makakatulong upang makabalik tayo sa Ama
sa Langit. Hikayatin ang mga estudyante na alamin ang mga
switch point na kinakaharap nila bawat araw sa paggawa ng
mga pasiyang tutulong sa kanila na manatili sa landas tungo
sa buhay na walang hanggan.
II Samuel 12:1–23; 13:1–29. Ang kasalanang hindi pinagsisihan
ay hindi maitatago sa Diyos at laging naghahatid ng
kalungkutan. (25–35 minuto)
Paghandain ang dalawang estudyante na basahin ang paguusap
ng propetang si Nathan at ni Haring David sa II Samuel
12:1–14. Matapos silang magtanghal, isulat sa pisara ang sumusunod:
mayamang lalaki, mahirap na lalaki, maraming kawan at bakahan,
at ang maliit na tupang babae. Talakayin ang alinman sa sumusunod
na mga tanong na inaakala ninyong makakatulong:
• Ano ang kinakatawan ng mga simbolong ito sa talinghaga
ni Nathan?
• Paano naging katulad si David ng mayamang lalaki na maraming
kawan?
• Sa palagay ninyo, bakit gumamit ng talinghaga si Nathan
para ihayag ang kasalanan ni David?
• Alin sa mga kasalanan ni David ang pinakamabigat—pangangalunya
o pagpatay? (tingnan sa Alma 39:5; tingnan
din sa Gabay sa mga Banal na Kasulatan, PJS, II Samuel 12:13;
sa komentaryo para sa 2 Samuel 12:13 at sa unang bahagi
ng “Points to Ponder” sa Old Testament: Genesis–2 Samuel
(mga pahina 291–92).
Ituro na mga siyam na buwan na matapos magkasala si David
nang puntahan siya ni Nathan (tingnan sa II Samuel
11:26–27). Wala tayong talaan na nagsikap si David na magsisi
bago ang panahong iyan.
Idrowing sa pisara ang sumusunod na tsart, na tanging mga
reperensya lamang sa mga banal na kasulatan ang nakasulat
sa mga hanay sa ilalim ng mga pamagat: