Sangguniang Manwal ng Guro para sa Lumang Tipan

ANG IKALAWANG AKLAT NI SAMUEL
Ang ikalawang aklat ni Samuel ay ipinangalan sa propetang
si Samuel, bagama’t hindi siya binanggit sa aklat. Dapat alalahanin
na dati ay isang aklat lamang ang I at II Samuel (tingnan
sa pambungad sa I Samuel, p. 137). Ikinukuwento nito
ang pagpupunyagi ni Haring David na pagkaisahin ang bansa
at dalhin ang Israel sa tugatog ng kapangyarihan nito.
Tampok din dito ang mga katangiang nagtulot kay David na
magtagumpay.
Noong bata pa siya, si David ay dalisay at mapagpakumbaba.
Ang malungkot, nakatala sa II Samuel ang nakalulunos na
pagbabago sa kanyang buhay. Bakit naging isang taong “nagpalayaw
sa sarili na tanging isang hari lamang ang makagagawa”
ang mabait na si David, ayon sa obserbasyon ni Elder
Neal A. Maxwell (We Will Prove Them Herewith, 71)? Hanapin
ang mga pinili niyang gawin na nagpabago sa landas ng kanyang
buhay. (Para sa karagdagang impormasyon, tingnan sa
mga pambungad sa 2 Samuel 1–12 at 13–24 sa Old Testament:
Genesis–2 Samuel mga pahina 287, 295; tingnan din sa Gabay sa
mga Banal na Kasulatan, “David,” mga pahina 42–43).
Pambungad
II Samuel 1–10
Nakatala sa unang sampung kabanata ng II Samuel ang pagakyat
ni David sa tugatog ng kanyang kapangyarihan at kabantugan.
Habang pinag-aaralan ninyo ang mga kabanatang
ito, hanapin ang pakikipag-ugnayan ni David sa Panginoon at
kung paano niya tinawag ang mga kapangyarihan ng langit
na tulungan siyang magtagumpay.
Ilang Mahahalagang Alituntunin ng
Ebanghelyo na Hahanapin
• Nangako ang Panginoon na gagantimpalaan kapwa ang
mabuti at masama ayon sa kanilang mga gawa (tingnan sa
II Samuel 3:1, 27–39; 4:1–5:3, 19–25; tingnan din sa Alma
41:3–15).
• Kapag umasa tayo sa Panginoon, mas marami tayong magagawa
kaysa magagawa nating mag-isa (tingnan sa
II Samuel 5:17–25; 8).
• Ginagalit natin ang Panginoon kapag binabalewala natin
ang mga sagradong bagay—sa ating pag-uugali o kilos
(tingnan sa II Samuel 6; tingnan din sa D at T 63:64;
84:24–25, 54–58).
147
Mga Mungkahi sa Pagtuturo
II Samuel 1–4. Karunungan at integridad ni David ang tumulong
sa kanya na pagkaisahin ang Israel at Juda.
(20–25 minuto)
Para marepaso ng mga estudyante ang II Samuel 1–4, hatiin
sila sa mga grupo na may tig-2–4 na tao. Ipabasa sa bawat
grupo ang mga kabanatang iyon at gumawa ng isang maikling
pagsusulit na itinutugma ang mga tao sa isang bagay na
ginawa nila: Sa unang hanay ililista nila ang mga taong nakita
nila sa mga kabanatang iyon at isusulat nila sa pangalawang
hanay ang isang pahayag na naglalarawan ng isang bagay na
ginawa ng bawat isa sa mga tao. Bigyan sila ng isang kopya
ng sumusunod na halimbawa:
Sino ang Gumawa ng Ano?
_____ David A. (Isang Bagay tungkol kay Asael)
_____ Abisai B. (Isang Bagay tungkol kay Is-boseth)
_____ Rechab C. (Isang Bagay tungkol kay Abner)
_____ Abner D. (Isang Bagay tungkol kay Rechab)
_____ Joab E. (Isang Bagay tungkol kay Baana)
_____ Isang Amalecita F. (Isang Bagay tungkol kay David)
_____ Asael G. (Isang Bagay tungkol kay Joab)
_____ Baana H. (Isang Bagay tungkol sa Amalecita)
_____ Is-boseth I. (Isang Bagay tungkol kay Abisai)
Pagpalitin ng mga pagsusulit ang mga grupo at ipasuri ang
mga pagsusulit sa kanilang mga grupo. Kapag natapos ng lahat
ang kanilang pagsusulit, ipahambing sa mga estudyante
ang karunungan at integridad ni David sa iba pang mga tao sa
mga kabanatang iyon. Itanong sa kanila kung ano ang ginawa
ni David sa mga kabanatang iyon na lubhang kahanga-hanga
at ipapaliwanag sa kanila kung bakit gayon ang palagay nila.
II Samuel 5; 8. Kapag umasa tayo sa Panginoon, mas marami
tayong magagawa kaysa magagawa nating mag-isa.
(10–15 minuto)
Ipawari sa mga estudyante na nasa digmaan sila at parating
na ang mga kaaway. Magpakita ng larawan ng isang bagay
gaya ng spy satellite, reconnaissance plane, o hot air balloon