Sangguniang Manwal ng Guro para sa Lumang Tipan

• Paano naiba ang paghatol ng Panginoon sa paghatol ng
mundo?
Nagsalita si Elder Marvin J. Ashton, na noon ay miyembro ng
Korum ng Labindalawang Apostol, tungkol sa mga paghatol
na ito::
“Tayo … ay may tendensiyang uriin ang iba ayon sa
pisikal at panlabas na anyo: sa kanilang ‘kagandahan,’
katayuan sa lipunan, lahi ng pamilya, natapos, o kabuhayan.
“Gayunman, iba ang pamantayang ginagamit ng Panginoon
sa pagsukat sa isang tao … (I Samuel 16:7).
“Kapag sinusukat ng Panginoon ang isang tao … sinusukat
Niya ang puso para alamin ang kakayahan at
potensyal ng tao na pagpalain ang iba.
“Bakit ang puso? Dahil ang puso ay kasingkahulugan
ng buong pagkatao ng isang tao….
“Sa laki ng ating puso masusukat ang ating buong
pagsasagawa. Ayon sa paggamit ng Panginoon, ang
‘puso’ ng tao ay naglalarawan ng pagsisikap niyang
paghusayin ang sarili, o ang iba, o ang kanyang kalagayan”
(sa Conference Report, Okt. 1988, 17; o Ensign,
Nob. 1988, 15).
Pamarkahan at marahil ay ipasaulo sa mga estudyante ang
I Samuel 16:7. Tandaan na ang puso ay simbolo ng buong
pagkatao ng isang tao. Itanong kung bakit mas mahusay pumili
ng mga lider ang Panginoon kaysa sa atin. Hamunin
ang mga estudyante na pagtiwalaan ang Panginoon at dinggin
ang payo ng mga lider na napili niya (tingnan sa Mga
Kawikaan 3:5–7).
I Samuel 16:14–23. Ang musika ay may kapangyarihang
impluwensyahan ang ating espiritu. (10–15 minuto)
Gawin ang aktibidad B para sa I Samuel 16 sa gabay ng estudyante
sa pag-aaral.
I Samuel 17. Sa pagsampalataya sa Panginoon at
personal na paghahanda, makakaya natin ang anumang
hamon sa buhay. (45–60 minuto)
S M T W TH F S
Para mailarawan sa isipan ng mga estudyante ang talagang
laki ni Goliath, magdrowing sa klase ng taong sintaas niya o
lagyan ng marka ang dingding sa tamang taas (tingnan sa komentaryo
para sa 1 Samuel 17:4–11 sa Old Testament: Genesis–
2 Samuel (p. 278). Kung gusto ninyo, maituturo ninyo ang bahaging
ito ng aralin sa pagtayo sa isang silya o mesa para maging
halos sintaas kayo ni Goliath.
Para maipaunawa sa mga estudyante kung gaano kahusay na
nakapaghanda si David noong kabataan niya, isiping gumawa
ng tirador na gaya ng nakalarawan. Gumamit ng anumang
matibay na tela o malambot na katad para sa supot
143
I Samuel 16–17
(hugis-itlog na mga 8x13 sentimetro, o 3x5 pulgada) at isang
bagay na gaya ng mga sintas ng sapatos para sa mga pisi (kahit
gaano kahaba mula 46–60 sentimetro, o 18–24 na pulgada).
Ibuhol sa isang dulo ang isang pisi at gumawa ng maliit na
silo sa kabilang dulo. Ilagay ang silo sa ibabaw ng hintuturo o
gitnang daliri at hawakan ang buhol sa pagitan ng hinlalaki
at hintuturo. Inihahagis ang bato sa pagpapaindayog ng tirador
sa ibabaw ng ulo at pagpapakawala sa pisi habang umaasinta
ang supot papunta sa target. Mahalaga ang pagtiyempo
at mahirap maging bihasa rito.
Basahin ang I Samuel 17 sa mga estudyante at ilarawan sa kanilang
isipan ang sitwasyong kinaharap ng hukbo ng Israel sa
lambak ng Ela. Isiping talakayin ang sumusunod na mga tanong
habang pinag-aaralan ninyo ang kabanata. Sumangguni
sa komentaryo para sa kabanatang ito sa Old Testament: Genesis–2
Samuel (mga pahina 277–79). para sa tulong kung kailangan.
• Gaano kataas si Goliath? (tingnan sa mga talata 4–10).
• Sa palagay ninyo, bakit niya hiniling na isang lalaki lang
ang lumabas at labanan siya? (tingnan sa mga talata 8–10).
• Ano ang reaksyon ni David nang marinig niya ang hamon
ni Goliath? (tingnan sa mga talata 26–32).
• Bakit naniwala si David na kaya niyang labanan si Goliath
at manalo? (tingnan sa mga talata 32–37).
• Bakit tinanggihan ni David ang kalasag at espadang inialok
ni Haring Saul? (tingnan sa mga talata 38–39).
• Anong mga sandata ang ipinalit ni David, at anong kalasag
ang pinagtiwalaan niya? (tingnan sa mga talata 40–47).
• Kailan kaya nagtamo si David ng kakayahang gumamit ng
tirador? (tingnan sa mga talata 34–37).
• Bakit si David ang piniling lumaban kay Goliath sa halip
na si Saul, na “lalong mataas … kay sa sinoman sa bayan”
(I Samuel 9:2)?
Ipagamit sa mga estudyante ang tirador at pasubukang asintahin
ang drowing ninyong Goliath at alamin kung gaano katagal
nagsanay si David. Huwag gumamit ng mga bato. Isipin
ang kaligtasan ng mga estudyante at gumamit ng isang bagay
na hindi makakasakit sa mga tao o sa inyong gusali—magandang
gamitin ang mga marshmallow.
Talakayin ang kahalagahan ng maagang pagkatutong magtiwala
sa Panginoon. Itanong: