Sangguniang Manwal ng Guro para sa Lumang Tipan

Ang Unang Aklat ni Samuel
Isiping ibahagi ang sumusunod na pahayag ni Pangulong
Ezra Taft Benson:
“Mapipili nating magpakumbaba ng ating sarili sa pamamagitan
ng pagpipigil na mapoot sa ating mga kapatid,
pagpapahalaga sa kanila tulad sa ating sarili, at
pagpapasigla sa kanila na katulad natin o nang higit
pa kaysa sa atin (tingnan sa D at T 38:24; 81:5; 84:106).
“Mapipili nating magpakumbaba ng ating sarili sa pamamagitan
ng pagtanggap ng payo at pagpaparusa
(tingnan sa Jacob 4:10; Helaman 15:3; D at T 63:55;
101:4–5; 108:1; 124:61, 84; 136:31; Mga Kawikaan 9:8).
“Mapipili nating magpakumbaba sa pamamagitan ng
pagpapatawad sa mga nagkasala sa atin (tingnan sa
3 Nephi 13:11, 14; D at T 64:10).
“Mapipili nating magpakumbaba sa pamamagitan ng
pagbibigay ng di-makasariling paglilingkod (tingnan
sa Mosias 2:16–17).
“Mapipili nating magpakumbaba sa pamamagitan ng
pagmimisyon at pangangaral ng salitang makakapagpakumbaba
sa iba (tingnan sa Alma 4:19; 31:5; 48:20).
“Mapipili nating magpakumbaba sa pamamagitan ng
pagpunta sa templo nang mas madalas.
“Mapipili nating magpakumbaba sa pamamagitan ng
pagtatapat at pagtalikod sa ating mga kasalanan at
pagsilang natin sa Diyos (tingnan sa D at T 58:43;
Mosias 27:25–26; Alma 5:7–14, 49).
“Mapipili nating magpakumbaba sa pamamagitan ng
pagmamahal sa Diyos, pagsuko ng ating kalooban sa
Kanya, at pag-una sa Kanya sa ating buhay (tingnan sa
3 Nephi 11:11; 13:33; Moroni 10:32).
“Piliin nating magpakumbaba. Kaya nating gawin ito.
Alam kong kaya natin” (sa Conference Report, Abr.
1989, 6; o Ensign, Mayo 1989, 6–7).
Talakayin kung paano natin malilinang ang diwa ng pagpapakumbaba
sa ating buhay (tingnan din sa Mosias 3:19; Eter
12:27; D at T 3:4–8).
Pambungad
I Samuel 16–17
Ang kabataan ni David, ang batang pastol na naging pinakatanyag
na hari ng Israel, ay isang magandang halimbawa ng sawikaing
“Pagsapit ng oras ng pagtatanghal, nakalipas na ang oras
ng paghahanda.” Sa pag-aaral ninyo ng I Samuel 16–17, hanapin
kung paano naghanda si David at ang kaibhang ginawa ng
142
paghahandang iyon sa kakayahan niyang magsagawa pagsapit
ng oras (tingnan din sa Gabay sa mga Banal na Kasulatan, PJS,
I Samuel 16:14–16; 23; pambungad sa 1 Samuel 16–31 sa Old Testament:
Genesis–2 Samuel, (p. 277).
Ilang Mahahalagang Alituntunin ng
Ebanghelyo na Hahanapin
• Hinahatulan tayo ng Panginoon ayon sa ating pagkatao
kaysa ayon sa ating hitsura (tingnan sa I Samuel 16:7).
• Sa pagsampalataya sa Panginoon at personal na paghahanda,
madaraig natin ang anumang hamon sa buhay (tingnan
sa I Samuel 17:20–51; tingnan din sa Mateo 19:26).
Mga Mungkahi sa Pagtuturo
I Samuel 16–17 (Scripture Mastery, I Samuel 16:7).
Hindi tayo hinahatulan ng Panginoon ayon sa ating
hitsura kundi ayon sa ating pagkatao. (25–30 minuto)
Maghanda ng dalawang supot, at lagyan ng isang mahalagang
bagay ang isang supot at lagyan ng hindi gaanong mahalaga
ang isa pa (katulad ng pagkaing gugustuhin ng mga
estudyante sa isang supot at pambalot lang ng pagkain sa isa
pa). Ipakita sa klase ang dalawang supot at itanong: Nang
hindi tinitingnan ang nasa loob nito, alin ang pipiliin ninyo?
Pagkaraan ng kaunting talakayan, itanong sa kanila kung makakatulong
kung pipili sila ng isang kaklaseng titingin sa loob
ng mga supot at magrerekomenda ng dapat piliin.
Sabihin sa mga estudyante na may kuwento sa I Samuel na
nagpapakita na may isang tutulong sa atin na may “impormasyon
mula sa loob” tungkol sa mga pagpili at desisyong
kailangan nating gawin. Basahin ang I Samuel 16:1–13 sa inyong
mga estudyante at talakayin ang ilan sa sumusunod na
mga tanong:
• Bakit isinugo si Samuel sa bahay ni Isai sa Betlehem? (tingnan
sa t. 1).
• Sino ang naisip ni Samuel na pinili ng Panginoon na magiging
susunod na hari? (tingnan sa t. 6).
• Sumang-ayon ba ang Panginoon kay Samuel? Bakit? (tingnan
sa t. 7).
• Anong mga katangian ang napansin ni Samuel kay David?
(tingnan sa t. 12).
• Mula sa sinabi ng Panginoon sa talata 7, ano sa palagay ninyo
ang mga katangiang nakita ng Panginoon kay David?
• Paano nakatulad ng kuwentong ito ang sitwasyon sa dalawang
supot?
Isulat sa pisara ang sumusunod na mga katangian: masayahin,
bantog, handa ang puso’t isipan, mahilig sa palakasan, edukado, dalisay,
mapagpakumbaba, matapang, mabait, masunurin, tapat, guwapo,
may talento, espirituwal, at iginagalang. Itanong:
• Mula sa pinakamalaki hanggang sa pinakamaliit ang kahalagahan,
paano pagsusunud-sunurin ng mundo ang mga
katangiang ito sa pamimili ng isang lider?