Sangguniang Manwal ng Guro para sa Lumang Tipan

Ang Unang Aklat ni Samuel
may kaunti tayong talento, at maganda ang katawan
para mailantad sa publiko. Wala na tayong ibang magagawa
dahil ‘dapat tayong magkaroon ng reyna tulad
sa ibang mga bansa!’…
“Kailan, o kailan, tatayo nang matatag ang ating mga
Banal sa mga Huling Araw sa sarili nilang mga paa,
magtatakda ng sarili nilang mga pamantayan, susunod
sa wastong mga huwaran at mamumuhay nang maluwalhati
ayon sa inspiradong mga huwaran ng Ebanghelyo….
Tiyak na hindi nababatay ang mabubuti at
masasayang buhay at malinis na katuwaan sa mahalina,
marangya, at kalabisang mga bagay” (“Like All the
Nations,” Church News, 15 Okt 1960, 14).
Para matulungan ang inyong mga estudyante na maipamuhay
ang natutuhan nila, ipawari sa kanila ang
isang matalik na kaibigan o kapamilyang nahihirapang
paglabanan ang mga tukso ng mundo. Ipasaliksik sa
kanila ang Gabay sa mga Banal na Kasulatan o mga kuwento
sa mga banal na kasulatan na magagamit nila
upang ituro sa taong iyon na mas liligaya siya sa pagsunod
sa Panginoon at hindi sa mundo (halimbawa,
Alma 40:11–14; 41).
I Samuel 9–10. Ang Panginoon ay tumatawag ng mga taong
maglilingkod sa mga tungkulin sa pamamagitan ng
pagbibigay-inspirasyon sa mga may awtoridad. (25–30)
Sinabi ni Pangulong Thomas S. Monson, na noon ay Pangalawang
Tagapayo sa Unang Panguluhan:
“Sinumang tawagin ng Panginoon, ay pinapagindapat
ng Panginoon” (sa Conference Report, Abr. 1988, 52: o
Ensign, Mayo 1988, 43).
Ipabigkas sa isang estudyante ang ikalimang Saligan ng Pananampalataya
at ipapaliwanag sa mga estudyante ang kahulugan
nito. Magbahagi ng isang karanasan nang matanggap
ninyo ang isang tawag na maglingkod sa Simbahan. Ipaliwanag
ang nadama ninyo tungkol sa tawag at kung paano kayo
tinulungan ng Panginoon. Ipaliwanag kung paano ninyo nalaman
na ang Panginoon ang tumawag sa inyo.
Sabihin sa mga estudyante na ang pagtawag kay Saul na maging
unang hari ng Israel sa lupa ay nagtuturo sa atin ng
ilang mahahalagang alituntunin kung paano tinatawag ang
mga tao na maglingkod sa kaharian ng Diyos. Basahin ang
I Samuel 10:1, 6–12, 17–27 sa inyong mga estudyante para malaman
ang mga sagot sa sumusunod na mga tanong:
• Kahit si Samuel ang tumawag at nagpahid ng langis kay
Saul, sino ayon kay Samuel ang talagang responsable sa
pagtawag at pagpapahid ng langis kay Saul? (tingnan sa
I Samuel 10:1; tingnan din sa I Samuel 9:15–17; Mga Saligan
ng Pananampalataya 1:5).
140
• Ano ang ginawa ng Panginoon para kay Saul upang maiakma
siya sa kanyang tungkulin bilang hari? (tingnan sa
I Samuel 10:6–7, 9). Maraming lider ng Simbahan ang nagpapatotoo
na nang sang-ayunan sila at italaga para sa isang
katungkulan, nadama nila ang isang marubdob na damdamin
tungkol sa gawain ng Panginoon, lakip ang mas matinding
pagmamahal sa mga taong tungkulin nilang paglingkuran.
Nalaman din nila na binibigyang-inspirasyon sila ng
Panginoon na gumawa ng mga tamang pasiya.
• Ano ang ipinangakong gawin ni Samuel para makatulong?
(tingnan sa t. 8). Ang mga namumuno ay may responsibilidad
na sanayin ang mga taong naglilingkod sa ilalim ng
kanilang pamumuno.
• Ano ang ginawa ni Saul nang tanggapin siya ng ilan at hindi
ng iba? (tingnan sa mga talata 9–11, 26–27).
• Bakit tinipon ni Samuel ang mga tao para ipakilala si Saul
bilang hari? (tingnan sa mga talata 17–24). Ang tawag dito
ay batas ng pangkalahatang pagsang-ayon (tingnan sa
D at T 26:1–2). Isang sagradong oportunidad ang kilalanin
sa harapan ng Diyos na ang tao ay natawag sa gawain at
ang kongregasyon ay nakikipagtipan na susuportahan at
susundin ang taong ito sa kabutihan.
Para sa bawat alituntuning tinalakay, magbahagi ng karagdagang
mga ideya o personal na mga karanasang tutulong sa
kanila na makita ang kamay ng Panginoon sa pamamaraan
ng pamamahala sa Simbahan. Maaari ninyong anyayahan
ang isang lider ng priesthood, tulad ng bishop o branch president,
para magsalita sa klase tungkol sa mga tungkulin.
Pambungad
I Samuel 12–15
Nang simulan ni Saul ang paghahari sa Israel, siya ay mapagpakumbaba
at espirituwal. Ang mga katangiang iyon ang
nagbigay sa kanya ng kakayahang makagawa ng maraming
kabutihan para sa Israel bilang kanilang hari at maging kasangkapan
sa mga kamay ng Panginoon. Sa kasamaang-palad,
matapos ang mabuting simula naging malungkot siyang
halimbawa ng nangyayari kapag tinukso ng kapangyarihan
ang tao na maging hambog sa halip na magpakumbaba.
Ilang Mahahalagang Alituntunin
ng Ebanghelyo na Hahanapin
• Kadalasan ay pagsuway ang bunga ng kahambugan, kung
saan nagtitiwala tayo sa sarili nating paghatol nang higit
kaysa sa paghatol ng Diyos (tingnan sa I Samuel 13:5–13;
14:24–32, 38–46; 15:1–24; tingnan din sa 2 Nephi 9:28).