Sangguniang Manwal ng Guro para sa Lumang Tipan

Ang Unang Aklat ni Samuel
Itanong sa mga estudyante kung bakit sa palagay nila maaaring
totoo iyan.
Ipabasang mabuti sa mga estudyante ang I Samuel 1–2 at ipasulat
ang mga katangian at kilos na nagpapakita na si Ana ay
isang matalino at ulirang ina (tingnan sa I Samuel 1:10–11,
15–18, 20, 24–28; 2:1–10). Ipabahagi sa kanila ang kanilang isinulat.
Maaari din ninyong gamitin ang komentaryo para sa
1 Samuel 1–2 sa Old Testament: Genesis–2 Samuel (mga pahina
267–69). Itanong:
• Ano ang pinakagusto ni Ana sa lahat?
• Sa palagay ninyo, bakit gustung-gusto niyang magkaanak?
• Ano ang kahalagahan ng pagkakaroon ng mga anak sa plano
ng kaligayahan ng Ama sa Langit?
• Matapos tayong mabiyayaan ng mga anak, ano ang responsibilidad
natin bilang mga magulang? (tingnan sa
D at T 68:25–31).
Ipabasa sa mga estudyante ang I Samuel 2:12–17, 22 at itanong:
• Ano ang mga kasalanang nagawa ng mga anak na lalaki ni
Eli bilang mga saserdote sa tabernakulo?
• Basahin ang I Samuel 2:22–25 at 3:12–13. Ano ang ginawa
ni Eli tungkol sa mga ginawa ng kanyang mga anak?
• Basahin ang sinabi ng Panginoon kay Eli sa I Samuel
2:27–36 at 3:12–14. Ano ang naging pagkakamali ni Eli?
• Paano “[pinarangalan ni Eli] ang kanyang mga anak ng higit
kaysa [Panginoon]”?
• Ano ang matututuhan natin sa matinding parusa ng Panginoon
kay Eli? (tingnan sa I Samuel 4:10–18).
• Paano naging simbolo ng maaaring mangyari sa kawalanghanggan
ang parusa kay Eli kung hindi tayo masigasig sa
mga tungkulin natin sa pamilya?
Ipaunawa sa mga estudyante na ang mga anak ay may kalayaan
at kung minsan ay naliligaw ng landas kahit nagawa na
ng mga magulang nila ang lahat ng kanilang makakaya. Ganito
ang nangyari kay Samuel, na nagkaroon din ng suwail na
mga anak ngunit hindi siya isinumpa ng Panginoon dahil
dito (tingnan sa I Samuel 8:1–3).
Itanong sa mga estudyante kung ano sa palagay nila ang malalaking
hamong kinakaharap ng mga kabataan ngayon na
gustong maging “matatalinong ina at ulirang mga ama.” Itanong:
Sinusuportahan at isinusulong ba ng mundo ang ganitong
mga paniniwala tungkol sa mga lalaki, babae, at pamilya
na tulad ng ginagawa ng Diyos? Kung maaari, bigyan ang
mga estudyante ng kopya ng “Ang Mag-anak: Isang Pagpapahayag
sa Mundo” na nasa pahina 256.
Magpahanap sa mga estudyante ng mga pangungusap at talatang
naglalarawan ng dapat gawin ng “matatalinong ina at
ulirang mga ama.” Talakayin kung ano ang magagawa ngayon
ng mga estudyante para ihanda ang kanilang sarili na maging
uri ng mga magulang na inilarawan sa pagpapahayag.
138
I Samuel 3:1–10. Ang matutuhang makilala ang tinig ng
Panginoon ay mahalaga para sa ating espirituwal na kapakanan
sa buhay na ito. (20–25 minuto)
Gumawa ng audiocassette recording ng anim o walong iba’t
ibang tunog, na ang ilan ay pamilyar sa mga estudyante at
ang iba ay hindi, o maghandang gumawa ng mga tunog sa
klase at papikitin ang mga estudyante. Pagkatapos ng bawat
tunog, pahulaan ito sa mga estudyante. Pagkatapos ay itanong
sa kanila kung bakit nila natukoy ang ilang tunog at ang iba
ay hindi. Ipabasa sa kanila ang I Samuel 3:1–10 at itanong:
• Anong tunog ang narinig ni Samuel na hindi niya nakilala
noong una?
• Ano sa palagay ninyo ang kahulugan ng “ang salita ng Panginoon
ay mahalaga noong mga araw na yaon”? (t. 1;
tingnan din sa komentaryo para sa 1 Samuel 3:1 sa Old Testament:
Genesis–2 Samuel, p. 269).
Ang Panginoon, sa sarili niyang tinig, ay tinawag si Samuel
na maging propeta. Nakikipag-usap ang Diyos sa kanyang
mga tao sa pamamagitan ng kanyang mga propeta, ngunit
maaari din siyang makipag-usap nang personal sa bawat isa
sa kanyang mga anak. Ipalista sa mga estudyante ang iba
pang mga paraan na nakikipag-usap sa atin ang Panginoon,
tulad ng sa pamamagitan ng Espiritu Santo, mga banal na kasulatan,
mga magulang, at mga lokal na lider ng Simbahan.
Ipaaral sa buong klase o sa mga grupo ng mga estudyante
ang sumusunod na mga banal na kasulatan at ilista kung ano
ang maaari nating gawin para mas madaling makilala ang tinig
ng Panginoon:
• 1 Nephi 17:45
• Alma 5:57
• Doktrina at mga Tipan 1:14, 38
• Doktrina at mga Tipan 18:34–36
Isiping magbahagi ng sariling karanasan na nakatulong sa
inyo na matutong makilala ang tinig ng Panginoon.
I Samuel 4–7. Ang pananampalataya at kabutihan ay
kailangan bago magkaroon ng mga himala para sa atin.
(25–30 minuto)
Magpakita ng ilang bagay na simbolo ng suwerte o kamalasan
sa inyong mga estudyante, tulad ng paa ng kuneho, paruparong
itim, o bakal ng kabayo [horseshoe], at itanong kung
gaano kalakas ang mga bagay na iyon para magsagawa ng
mga himala. Iparepaso sa mga estudyante ang Josue 3:9–17 at
ipalahad kung anong bagay ang taglay ng mga Israelita na
nauugnay sa mga himala.
Ipabasa sa mga estudyante ang 1 Samuel 4:1–11 at ipaliwanag
kung bakit hindi iniligtas ng kaban ng tipan ang mga Israelita
mula sa mga Filisteo. Itanong sa kanila kung ano ang kaibhan
ng kaban sa agimat na pampasuwerte. (Tingnan din sa komentaryo
para sa 1 Samuel 4–7 sa Old Testament: Genesis–2 Samuel,
mga pahina 269–70). Ipabasa sa kanila ang Mormon 9:15–21 at
ipatukoy ang tunay na pinagmumulan ng mga himala at kung