Sangguniang Manwal ng Guro para sa Lumang Tipan

ANG UNANG AKLAT NI SAMUEL
Kapwa kinuha ng I at II Samuel ang pangalan nito mula sa
propetang si Samuel, na siyang pinakabantog na tauhan sa
I Samuel. Maaaring sumulat siya ng isang salaysay na pinagkunan
ng unang bahagi ng I Samuel, ngunit hindi maaaring
siya ang sumulat ng lahat ng ito dahil ang salaysay ng kanyang
pagkamatay ay matatagpuan sa kabanata 25. Bukod pa
sa mga isinulat ni Samuel, tila gumamit ng materyal ang dikilalang
awtor mula sa mga propetang sina Nathan at Gad
(tingnan sa I Samuel 10:25; I Mga Cronica 29:29).
Sa Biblia ng mga Hebreo, pinagsama ang I at II Samuel sa
isang aklat na tinatawag na “Samuel.” Pinaghiwalay ito ng
Greek version ng Biblia sa dalawang aklat, at nagpatuloy ang
tradisyong iyan hanggang sa ngayon. Tinawag sa isang subheading
sa King James Version ang I Samuel na “Ang Unang
Aklat ng mga Hari.” Angkop ang pamagat na ito dahil ikinukuwento
rito ang pagpapahid ng langis sa unang hari ng Israel—si
Saul.
Saklaw ng aklat ng I Samuel ang panahon mula sa pagsilang
ni Samuel hanggang sa pagkamatay ni Saul, na mga 1010 b.c.
Sa panahong ito tila nagkaisa kahit paano ang mga lipi ni Israel
sa unang pagkakataon mula noong mga panahon nina
Moises at Josue. Naganap ang pagkakaisang ito sa ilalim ng
mga unang hari ng Israel, na pinahiran ng langis ni Samuel.
Para sa mas detalyadong pagsusuri ng I Samuel, tingnan sa
Gabay sa mga Banal na Kasulatan, “Samuel, propeta sa Lumang
Tipan” (p. 224–25).
Pambungad
I Samuel 1–11
Nasa I Samuel 1–11 ang salaysay ng pagkamatay ni Eli at ang
sumunod na paglilipat ng pagkahukom ni Eli, ang una sa
mga hukom ng Israel na isa ring saserdote, kay Samuel, ang
batang propetang magiging huling hukom ng Israel. Si Samuel,
gaya ni Samson na nauna sa kanya, ay isang anak sa pangako,
na isinilang sa pamamagitan ng kapangyarihan ng
Diyos sa dati-rati’y isang baog na ina. Sina Samuel at Samson
ay kapwa rin mga Nazareo. Gayunman, dahil sa pananampalataya,
natalo ni Samuel ang mga Filisteo, isang bagay na hindi
nagawa ni Samson na malakas ang katawan ngunit mahina
ang pananampalataya. Inilahad din sa mga kabanatang ito
ang hangarin ng Israel na alisin ang mga hukom at magkaroon
ng hari sa lupa, kaya nga, tinanggihan nila ang kanilang
tunay na Hari, ang Diyos ng langit, na si Jesucristo.
137
Ilang Mahahalagang Alituntunin ng
Ebanghelyo na Hahanapin
• Ang mga himala ay maaaring dumating sa mga humihiling
nang may pananampalataya (tingnan sa I Samuel 1:1–17;
tingnan din sa Mormon 9:15–20).
• Responsibilidad ng mga magulang na turuan ang kanilang
mga anak na mahalin ang Panginoon at iwasan ang kasamaan
(tingnan sa I Samuel 2:27–34; 3:13; tingnan din sa
D at T 68:25–32).
• Tinatawag tayo ng Panginoon sa maraming paraan, at ang
matutong makilala ang kanyang tinig ay mahalaga sa ating
espirituwal na pag-unlad sa buhay na ito (tingnan sa
I Samuel 3:1–10).
• Lubos lang nating matatanggap ang mga kapangyarihan
ng langit kapag tayo ay matwid (tingnan sa I Samuel 4–7;
tingnan din sa D at T 121:34–44).
• Kapag tinanggihan natin ang inspiradong payo ng propeta
o iba pang mga lider ng Simbahan, Diyos ang talagang tinatanggihan
natin (tingnan sa I Samuel 8:7; tingnan din sa
D at T 1:37–38).
• Ang mga tungkuling nagmula sa Panginoon ay inihahayag
sa mga may awtoridad. Yaong mga may awtoridad pagkatapos
ay tatawagin, ipakikilala para masang-ayunan, itatalaga,
at sasanayin ang mga napili ng Panginoon (tingnan sa
I Samuel 9–10).
Mga Mungkahi sa Pagtuturo
Ang Video ng Lumang Tipan pagtatanghal 18, “ ‘Dahil
sa Batang Ito Ako Nanalangin,’ ” ay gumagamit ng
makabagong kuwento para ilarawan ang banal na tungkulin
ng mga magulang (tingnan sa Gabay sa Video ng Lumang Tipan
para sa mga mungkahi sa pagtuturo).
I Samuel 1–3. Responsibilidad ng mga magulang na ituro
sa kanilang mga anak na mahalin ang Panginoon at iwasan
ang kasamaan. (35–45 minuto)
Itanong sa mga estudyante kung ano sa paniwala nila ang pinakamalaking
pangangailangan sa mundo. Hayaang talakayin
nila ang kanilang mga ideya nang isa o dalawang minuto,
pagkatapos ay basahin ang sumusunod na pahayag ni Pangulong
David O. McKay:
“Kung tatanungin ako kung ano ang pinakamalaking
pangangailangan sa mundo, dapat kong sabihin nang
walang pag-aatubili; matatalinong ina at … ulirang
mga ama” (sinipi sa Richard L. Evans’ Quote Book
[1971], 20).