Sangguniang Manwal ng Guro para sa Lumang Tipan

Itanong sa mga estudyante:
• Bakit magiging mahirap kay Ruth na gawin ang kanyang
ginawa?
• Ano ang naging buhay niya sa Israel? (Siya ay dukha at kinailangan
niyang mamulot ng makakain sa bukid.)
• Sa Ruth 2, ano ang nalaman natin tungkol kay Ruth mula
sa kanyang ginawa para masuportahan ang sarili at ang
kanyang biyenan?
• Ano ang nalaman natin tungkol sa uri ng pagkatao ni Booz?
Ipahambing sa mga estudyante si Ruth sa mga nabinyagan sa
Simbahan ngayon. Itanong sa kanila ang mga sumusunod:
• Ano ang ilan sa mga hamon ng mga nabinyagan ngayon
nang tanggapin nila ang ebanghelyo?
• Paano nila magagamit ang halimbawa ni Ruth habang ginagawa
nila ang mga pagbabagong ito sa kanilang buhay?
• Paano naging halimbawa si Booz ng tapat nang miyembro
ng Simbahan sa paraan ng pakikitungo niya sa taong ito na
“baguhan” sa ebanghelyo?
• Paano natin maiaangkop ang kanyang halimbawa sa mga
investigator at bagong binyag sa Simbahan?
Basahin sa mga estudyante ang mga salita ni Pablo sa Mga
Taga Efeso 2:19, na binibigyang-diin ang mga katagang “hindi
na kayo mga taga ibang lupa at mga manglalakbay.”
Itanong sa mga estudyante:
• Sa palagay ninyo, bakit ipinreserba sa Biblia ang kuwento
ni Ruth para sa atin?
• Anong mga katangian nina Ruth, Noemi, at Booz ang gusto
ninyong maging bahagi ng inyong buhay?
Ruth 1–4. Kapag inuuna natin ang Diyos sa ating buhay at
iniisip ang iba bago ang ating sarili, higit tayong pinagpapala
at lumiligaya. (25–30 minuto)
Magdrowing ng dalawang puno sa pisara. Sulatan ang katawan
ng isang puno ng Makasarili at ang katawan ng isa pa ng
Di-makasarili. Itanong sa mga estudyante ang kahulugan ng
dalawang salitang iyon at talakayin ang mga sagot sa sumusunod
na mga tanong:
• Anong mga salita ang gagamitin ninyo para ilarawan ang
mga bunga ng bawat isa sa mga punong iyon?
• Aling puno ang kakatawan sa buhay ni Samson?
• Ano ang mga bunga ng kanyang pagiging makasarili?
• Aling puno ang kakatawan sa buhay ni Ruth?
• Ano ang mga bunga ng kanyang pagiging di-makasarili?
Ipaliwanag sa mga estudyante na taliwas sa marami sa mga
kuwento sa Mga Hukom, ang aklat ni Ruth ay naglalaman ng
salaysay tungkol sa mga taong di-makasarili—inisip nila ang
mga pangangailangan ng iba bago ang kanilang sarili.
135
Ipabasa sa mga estudyante ang Mateo 22:37–39 at tukuyin
kung paano natin dapat mahalin ang Diyos at ang iba. Itanong
sa mga estudyante: Kung gusto natin talagang maging di-makasarili,
kaninong mga pangangailangan ang dapat nating isaalang-alang
bago ang sa atin? Ipabasa sa kanila ang Ruth
1:8–19 at magpahanap ng mga kataga at talatang nagpapakita
kung paano ipinamuhay ni Ruth ang mga alituntuning iyon
ng pagmamahal.
Idrowing sa pisara ang sumusunod na diagram o gumawa ng
handout para sa mga estudyante, na hindi isinasama ang mga
sagot. Ipabasa sa mga estudyante ang mga talata at ipasulat sa
ilalim ng bawat pangalan kung sino ang inaalala ng taong iyon.
Sino ang Ipinag-aalala Nila?
Ruth Noemi Booz Malapit
na kamaganak
Ruth 1:11–13 Orpha
at Ruth
Ruth 1:14–18 Noemi
Ruth 2:1–10 Ruth
Ruth 2:11–12 Noemi
Ruth 2:13–17 Ruth
Ruth 2:18 Noemi
Ruth 3:1 Ruth
Ruth 3:2–11 Noemi at
Elimelech
Ruth 3:12–18 Ruth at
Noemi
Ruth 4:6 Sarili niya
Ruth 4:9–10 Elimelech
Ruth 4:13–17 Noemi
Ruth 1–4
Itanong sa mga estudyante kung anong “mga bunga” ang dumating
sa buhay ni Ruth at ng iba pa dahil hindi sila makasarili.
(Halimbawa, pagmamahal, pakikisama, kasal, mga anak, at
pagkakaroon ng temporal na mga pangangailangan sa buhay.)
Basahin ang Ruth 4:18–21 at pansinin na si Haring David ay
inapo nina Ruth at Booz. Basahin ang Lucas 3:23–32 at pansinin
na si Jesucristo ay nagmula sa angkang ito. Itanong sa
mga estudyante: Anong mga pangyayari sa buhay ni Jesus
ang naglalarawan ng kanyang pagiging di-makasarili? Talagang
karapat-dapat siyang maging inapo ng di-makasariling
mag-asawang ito!