Sangguniang Manwal ng Guro para sa Lumang Tipan

ANG AKLAT NI RUTH
Pambungad
Ang kuwento tungkol kay Ruth ay nangyari noong panahon
ng mga hukom sa Israel, noong may kapayapaan sa pagitan
ng mga Israelita at mga Moabita (tingnan sa Gabay sa mga Banal
na Kasulatan, “Moab,” p. 158). Naganap ang mga pangyayari
sa Moab at sa lugar ng Israel na tinirhan ng lipi ni Juda.
Betlehem
Ruth 1–4
Bundok ng
Carmelo
Bundok ng
Tabor
Bundok ng
Gilboa
MOAB
Bundok
ng Nebo
Taliwas sa aklat ng Mga Hukom, na naglalaman ng maraming
malulungkot na kuwento ng apostasiya sa Israel, ang
kuwento tungkol kay Ruth ay isang masayang salaysay ng
pananampalataya, katapatan, at pag-ibig sa kapwa na katulad
ng kay Cristo. Ipinaaalala nito sa atin na ang kabutihan ng bawat
tao ay maaaring umiral kahit sa isang masamang mundo.
Ang kuwento tungkol kay Ruth ay humihikayat sa atin na
gumawa ng mabubuting pasiya at harapin nang buong tapang
ang mga hamon. Kung gagawin natin ito, lahat ng bagay
kalaunan ay magiging para sa ating ikabubuti. Mayroon
ding mahalagang tema ng pagtubos sa kanyang kuwento. Si
Ruth ay isang dayuhan. Siya ay dukha, isang balo, at walang
anak. Sa pamamagitan ni Booz, na “tumubos” sa kanya (tingnan
sa Ruth 4:4–10), si Ruth ay lubos na tinanggap bilang Israelita,
naging babaeng may kaunting yaman, muling pumasok
sa tipan ng kasal, at nagkaroon ng mga anak. Sa ganitong
tema ng pagtubos, nakatutuwang malaman na si Jesucristo ay
isa sa kanyang mga inapo (tingnan sa Mateo 1:5–16).
134
Binigyang-diin ni Sister Aileen H. Clyde, dating tagapayo sa
Relief Society General Presidency, ang isang mahalagang aplikasyong
magagawa natin mula sa kuwento tungkol kay Ruth:
“Tiwalang hinarap ni Ruth ang mga paghihirap na karaniwan
sa ating panahon—pagkamatay ng isang mahal sa buhay, pagkalumbay
sa isang bagong lugar, at pangangailangang pagpaguran
ang kanyang kakainin. Ang kanyang mumunting mga
pagsisikap, na malaki ang kinalaman sa isang dakilang kaganapan
kalaunan, ay nagsasabi sa akin na maaaring seryosohin
ng bawat isa sa atin ang kahalagahan ng ating buhay sa arawaraw
at mga pasiya tuwing pipiliin nating sundin ang Diyos”
(“Confidence through Conversion,” Ensign, Nob. 1992, 89)
Ilang Mahahalagang Alituntunin ng
Ebanghelyo na Hahanapin
• Tatanggapin ng Ama sa Langit ang mga tao sa lahat ng
bansa na lalapit sa kanya at susunod sa kanyang mga utos
(tingnan sa Ruth 1:16–17; 2:11–12; 3:13–17; tingnan din sa
Mga Gawa 10:34–35).
• Pinagpapala ng Panginoon ang mga nag-aalaga, nang may
pagmamahal, sa tumatanda nilang mga magulang at kamag-anak
(tingnan sa Ruth 1:16–19; 4:1–8).
Mga Mungkahi sa Pagtuturo
Ruth 1–2. Yaong matatapat sa Panginoon ay nagpapakita
ng kanilang katapatan sa pagkilos nang may pagpapakumbaba,
tapang, at kabutihan sa iba. (15–25 minuto)
Para matulungan ang mga estudyante na maging pamilyar sa
kuwento sa Ruth 1–2, isulat sa pisara ang sumusunod na mga
pangalan: Ruth, Elimelech, Mahalon, Chelion, Noemi, Orpha, at
Booz. Ipabasa nang mabilis sa mga estudyante ang Ruth 1–2 at
ipalahad kung sinu-sino sila. Sumulat sa pisara ng maikling
paglalarawan sa tabi ng bawat pangalan. Gamitin ang komentaryo
para sa Ruth 1–4 sa Old Testament: Genesis–2 Samuel
(mga pahina 261–65) para sa tulong kung kailangan.
Ipasadula sa dalawang estudyante ang mga papel nina Ruth
at Orpha sa harapan ng klase. Ipaakto sa kanila ang mga tauhan
at mag-usap ayon sa nawawari nilang maaaring nangyari
sa pagitan ng maghipag habang nagpapasiya sila kung pupunta
sa ibang bansa kasama ang kanilang biyenang babae.
Sabihin sa iba pang mga estudyante na pag-isipan kung ano
ang sasabihin nila kung sila si Ruth o si Orpha. Itanong:
• Ano ang nagtulak kay Ruth na sumama kay Noemi?
• Ano ang tunay na pinagmulan ng katapatan ni Ruth?
Sabihin sa mga estudyante na magpakita ng mga reperensya
sa mga banal na kasulatan na nagpapatunay sa kanilang
mga sagot.