Sangguniang Manwal ng Guro para sa Lumang Tipan

• Si Jephte ay anak ng isang patutot.
• Si Samson ay mahimalang isinilang sa isang babaeng dating
baog.
Sa bawat sitwasyon, kitang-kita na ang kamay ng Panginoon
ang nagliligtas sa kanyang mga tao sa pamamagitan ng mga
pinunong ito. Sa gayon nakikita natin na kahit sa karaniwang
nakalulungkot na panahon ng kasaysayan ng mga Israelita
may ilang pambihirang lalaki at babae. Maaari tayong matuto
ng mahahalagang aral mula sa mga may pananampalataya at
tapang. Maaari din tayong matuto sa pagmamasid sa masasamang
halimbawa ng mga yaong tumalikod sa Panginoon at
masama ang mga kinahinatnan.
Para sa iba pang impormasyon tungkol sa aklat ng Mga Hukom,
tingnan sa Gabay sa mga Banal na Kasulatan, “Hukom,
Aklat ng mga” (p. 77), at sa pambungad sa Judges 1–12 sa Old
Testament: Genesis–2 Samuel (p. 251).
Ilang Mahahalagang Alituntunin ng
Ebanghelyo na Hahanapin
• Ang kabiguang sundin ang mga tipang ginawa natin sa Panginoon
ay humahantong sa pagdurusa, kalungkutan, at
pagkawala ng mga ipinangakong pagpapala (tingnan sa
Mga Hukom 1:18–3:7; 8:32–35; 10:6–9).
• Kapag nagsisi at tumawag ang mga tao sa Diyos, ililigtas
niya sila, sa tamang panahon, mula sa kanilang mga suliranin
(Mga Hukom 3:9, 15; 10:10–16; 11:32–33).
• Makagagawa ng mga di karaniwang bagay ang mga karaniwang
tao kapag kusa nilang sinunod ang mga utos ng
Panginoon at tinanggap ang kanyang lakas (tingnan sa
Mga Hukom 4:1–16; 6:11–16; 7:1–22).
• Ang maisilang sa isang matwid na pamilya o kahit naorden
na noon pa man sa isang dakilang misyon ay hindi garantiya
ng personal na kabutihan. Ang pagsunod sa Panginoon
ay mas mahalaga kaysa mga talento o iba pang
mga kalamangan natin (tingnan sa Mga Hukom 13–16;
tingnan din sa Alma 2:26–31; Mormon 5:16–18).
• Ang kapalaluan at pagkamakasarili ay maaaring humantong
sa kani-kanyang trahedya at hadlangan tayo sa pagganap
sa mga tungkuling natatanggap natin sa Panginoon
(tingnan sa Mga Hukom 16).
Mga Mungkahi sa Pagtuturo
Mga Hukom 1–3. Ang hindi pagsunod nang lubos sa Panginoon
ay humahantong sa kalungkutan sa hinaharap.
(25–30 minuto)
Itanong sa mga estudyante ang mga sumusunod:
• Kung nakakita kayo ng isang maliit na batang naglalaro sa
gitna ng kalye na puno ng mga sasakyan at taong dumaraan,
ano ang tamang gawin ninyo?
129
Mga Hukom 1–21
• Sa palagay ninyo, bakit ginagawa ng mga bata kung minsan
ang gayong mapanganib na mga bagay kahit binalaan
na sila ng kanilang mga magulang na huwag gawin iyon?
• Ano ang maaaring mangyari kung patuloy nilang binalewala
ang payo ng mga magulang at ng ibang nakaaalam
kung ano ang pinakamabuti para sa kanila?
Sabihin sa mga estudyante na ito ay isang aral na nahirapang
matutuhan ng mga anak ni Israel.
Ipabasa sa mga estudyante ang Mga Hukom 2:1–3 at talakayin
kung ano ang sinabi ng anghel na dapat gawin ng mga Israelita
ngunit hindi nila ginawa. Ipabasa sa kanila ang Mga
Hukom 1:18–19 at magpahanap ng isang dahilan kung bakit
nabigo ang Juda na sakupin ang lahat ng teritoryong nakalaan
sa kanila. Itanong: Ano pa kaya ang ibang dahilan para
hindi nila masakop ang kanilang teritoryo? (Pagsuway at kawalan
ng pananampalataya.)
Maaari din ninyong patingnan sa mga estudyante ang Mga
Hukom 1:27–33 at ipaunawa na gayon din ang nangyari sa
ibang mga lipi. Magdrowing o magpakita ng isang karo (chariot)
na kamukha ng sumusunod na larawan at itanong sa
mga estudyante kung bakit hindi dapat naging problema ang
anumang uri ng karo (tingnan sa Exodo 14:23–31). Ipalista sa
kanila ang ilan sa mga problemang kinakaharap ng mga kabataan
ngayon na katulad ng “mga karong bakal.” Ipabasa sa
kanila ang Eter 12:27 at ipahanap kung ano ang katibayan
natin na ang Ama sa Langit ay may kapangyarihan na tulungan
tayong madaig ang pinakamatindi nating kinatatakutan
o paghihirap.
Idrowing sa pisara ang sumusunod na tsart, at iwanang
blangko ang mga kahon para punan ng mga estudyante: