Sangguniang Manwal ng Guro para sa Lumang Tipan

ANG AKLAT NG DEUTERONOMIO
Pambungad
Deuteronomio 1–34
Ang Deuteronomio ay isang salitang binuo mula sa salitang
Griyegong deutero, “pangalawa,” at nomos, “law,” na ibig sabihin
ay “ang pangalawang batas” o “ang pag-uulit ng batas.”
Hinango ng mga Kristiyano ang titulong ito mula sa Septuagint
(ang unang pagsasalin ng Lumang Tipan sa Griyego) sa
halip na mula sa pangalang Judio ng aklat, Eileh Hadvareem,
na siyang unang dalawang salita ng aklat sa Hebreo, na isinalin
bilang “narito ang mga salita.”
Jerusalem
CANAAN
Dagat Mediteranea
Jerico
MANASES
GAD
RUBEN
MOAB
Ang aklat ng Deuteronomio ay tinatawag na pangalawang
batas dahil naglalaman ito ng pagbubuod ni Moises ng batas
ni Moises (tingnan sa Gabay sa mga Banal na Kasulatan,
“Deuteronomio,” p. 43).
Habang pinag-aaralan ninyo ang Deuteronomio, pansining
mabuti ang anumang mga cross-reference na bumabanggit sa
iba pang mga aklat ni Moises kung saan matatagpuan ang naunang
iba pang mga salaysay tungkol sa mga pangyayaring
ito. Ang paghahambing ng mga salaysay kadalasan ay nagbibigay
ng bagong impormasyon at mga ideya.
Ilang Mahahalagang Alituntunin ng
Ebanghelyo na Hahanapin
Bundok ng Nebo
Dagat na Alat
(Patay na Dagat)
• Kailangan natin ng mga paalala sa ginawa nating mga tipan
at ng panghihikayat na sundin ang mga ito (tingnan sa
Deuteronomio 1–33).
116
• Ang pagpapakasal sa loob ng tipan ay nakakatulong sa
atin at sa ating mga anak na manatiling tapat sa mga alituntunin
ng ebanghelyo (tingnan sa Deuteronomio 7:3–4).
• Ang mga pagsubok ay nakakatulong sa atin na magkaroon
ng sapat na pang-unawa sa espirituwal na mga bagay
(tingnan sa Deuteronomio 8; 10:12–17).
• Inutusan tayo ng Panginoon na magbayad ng ikapu at mga
handog (tingnan sa Deuteronomio 14:22–29; 15:7–11).
• Dapat nating hangarin ang katotohanan mula sa Diyos at
sa kanyang mga propeta, hindi mula sa mga manghuhula
o iba pang gawain ng kababalaghan (tingnan sa Deuteronomio
18:9–22; tingnan din sa D at T 1:37–38).
• Ang pagsunod sa mga kautusan ng Diyos ay naghahatid
ng mga pagpapala; ang pagsuway ay naghahatid ng kalungkutan
(tingnan sa Deuteronomio 28:1–45; 30:15–20).
• Pinagpapala ng Panginoon ang kanyang mga anak sa pamamagitan
ng pakikipagtipan niya sa kanila (tingnan sa
Deuteronomio 29:1, 9–14, 21, 25; 31:16, 20).
• Itinuturo sa atin ng mga banal na kasulatan kung paano
sambahin nang wasto ang Diyos (Deuteronomio 31:9–13;
33:9–10).
Mga Mungkahi sa Pagtuturo
Ang Video ng Lumang Tipan pagtatanghal 16, “Ang
Sambahayan ni Israel,” ay gumagamit ng makasaysayang
talaan ng panahon upang magbigay ng buod tungkol sa
sambahayan ni Israel (tingnan sa Gabay sa Video ng Lumang Tipan
para sa mga mungkahi sa pagtuturo).
Deuteronomio 1–1. Kailangan tayong paalalahanan tungkol
sa ating mga tipan sa ebanghelyo. (5–10 minuto)
Bumuo ng detalyadong mga tagubiling babasahin sa klase na
hinihilingan silang magdrowing ng isang bagay na bago sa
kanila. Dapat kabilangan ng sapat na mga detalye ang inyong
mga tagubilin na hindi makalilito kapag binasa nang mabilis.
Dahil dito, kailangang ipaulit sa inyo ng mga estudyante ang
mga tagubilin upang maunawaan nilang mabuti kung ano
ang gagawin. Hindi kailangang kumpletuhin ang proyekto,
kundi iparanas lang sa kanila na kailangang ipaulit ang mga
tagubilin. Ilimita ang bahaging ito ng aktibidad sa dalawa o
tatlong minuto.
Matapos humingi ng paglilinaw ang ilang estudyante, talakayin
kung bakit nila kailangang marinig na muli ang mga tagubilin.
Basahin ang pambungad na impormasyon sa aklat ng
Deuteronomio sa manwal na ito at ang nakasulat tungkol sa
Deuteronomio sa Gabay sa mga Banal na Kasulatan. Itanong:
• Paano naging katulad ng aktibidad na katatapos lang natin
ang Deuteronomio?