Sangguniang Manwal ng Guro para sa Lumang Tipan

Pambungad
Mga Bilang 22–36
Pinahintulutan ng Panginoon ang mga Israelita na magtipon
sa mga kampamento sa silangang panig ng Ilog Jordan matapos
silang gumala sa ilang sa loob ng apatnapung taon. Doon
sila naghanda sa pagpasok sa lupang pangako. Iniutos muna
sa kanilang makipagdigmaan sa mga Moabita at Madianita
(tingnan sa Mga Bilang 22–25) at nagkaroon ng pangalawang
census upang bilangin ang mga bubuo sa hukbo ng Israel
(tingnan sa Mga Bilang 26).
Nang matalo ang mga Madianita at mga Moabita, hinati ni
Moises ang teritoryo at binigyan ng mana ang mga lipi nina
Manases, Gad, at Ruben (tingnan sa Mga Bilang 31:1–32:15). Sa
wakas handa na ang mga anak ni Israel sa pagtawid sa Jordan
at angkinin ang kanilang mga mana mula sa Panginoon. Ang
aklat ng Mga Bilang ay nagtapos sa payo ni Moises sa Israel
tungkol sa pag-angkin sa lupang pangako (tingnan sa Mga
Bilang 33:50–36:13).
Ilang Mahahalagang Alituntunin ng
Ebanghelyo na Hahanapin
• Upang mapaglingkuran ang Diyos, kailangang talikuran
natin ang makamundong mga hangarin (tingnan sa Mga
Bilang 22–25; 31:8, 16; tingnan din sa Mateo 6:24; I Kay
Timoteo 6:10).
• Ang Lumang Tipan ay naglalaman ng detalyadong mga
propesiya tungkol sa pagparito ni Jesucristo (tingnan sa
Mga Bilang 24:14–19; tingnan din sa Jacob 7:11).
• Sa pamamagitan ng matapat na pagtitiis hanggang wakas,
magkakamit tayo ng mana sa isang lupang pangako (tingnan
sa Mga Bilang 26:63–65; tingnan din sa Mga Bilang
14:1–39; Mga Hebreo 11:8–10; Alma 37:38–45).
• Ang mga lider ng Simbahan ay tinawag ng Diyos, sinangayunan
ng kanilang pinaglilingkuran, at itinalaga sa pamamagitan
ng pagpapatong ng mga kamay ng mga may karapatan
(tingnan sa Mga Bilang 27:18–23; tingnan din sa Mga
Saligan ng Pananampalataya 1:5).
Mga Mungkahi sa Pagtuturo
Mga Bilang 22–25, 31. Upang mapaglingkuran ang Diyos,
kailangan nating iwaksi ang mga makamundong hangarin.
(50–60 minuto)
Isulat sa pisara ang Kasalanan ba ang maging mayaman? Talakayin
ang mga sagot ng mga estudyante, na tinatanong sila
kung bakit oo o bakit hindi. Ipabasa sa kanila ang I Kay
Timoteo 6:10 at Jacob 2:18–19 at ipatalakay kung ano ang
113
Mga Bilang 22–36
sinabi ng Panginoon tungkol sa mga kayamanan at kabutihan.
Sabihin sa kanila na pag-aaralan nila ngayon ang isang
kahanga-hangang salaysay tungkol sa isang lalaking nawalan
ng lahat dahil hinayaan niyang maging kanyang diyos
ang kanyang mga kayamanan.
Ipaliwanag sa mga estudyante na ang Mga Bilang 21 ay sinasabi
sa atin kung paano natalo ng mga Israelita si Sehon, na
hari ng mga Amorrheo, at si Og, hari ng Basan. Ikinatakot ito
ng mga Madianita at Moabita, na nagsanib ng puwersa
upang matalo ang mga Israelita.
Kung may oras pa kayo, maaari ninyong basahin ang kuwento
tungkol kay Balaam sa mga Bilang 22–24. Pasagutan sa
iba’t ibang estudyante o sa mga grupo ang sumusunod na
mga tanong, pagkatapos ay repasuhin ng buong klase ang kanilang
mga sagot at talakayin ang mga isyu kung kailangan.
Gumawa ng mga kopya ng komentaryo para sa Numbers
22–24 sa Old Testament: Genesis–2 Samuel, mga pahina 209–10)
para magamit ng mga estudyante).
• Sino si Balaam? Talaga bang siya ay lingkod ng Diyos?
(tingnan sa Gabay sa mga Banal na Kasulatan, “Balaam,” p.
20).
• Ano ang nais ni Balac na gawin ni Balaam? (tingnan sa
Mga Bilang 22:1–6).
• Bakit hindi nagpatulong si Balac sa kanyang diyos?
• Bakit gusto ni Balaam na magpunta kay Balac kung ayaw
siyang papuntahin ng Panginoon? (tingnan sa Mga Bilang
22:7–21).
• Bakit nagalit ang Panginoon kay Balaam sa pagpunta kung
pinayagan naman niya si Balaam? (tingnan sa Mga Bilang
22:20–22). Binago ng Pagsasalin ni Joseph Smith ang nakasaad
sa Mga Bilang 22:20 na “bumangon ka, sumama ka sa
kanila” at ginawa itong “bumangon ka, kung nais mo at sumama
ka sa kanila” (idinagdag ang pagkakahilig ng mga
titik). Binigyan nito ng responsibilidad si Balaam na magpasiya
kung pupunta nga siya.
• Bakit nakikita ng asno ang anghel samantalang hindi ito
makita ni Balaam? Paano makapagsasalita ang isang asno?
(tingnan sa Mga Bilang 22:22–30).
• Ano ang mas mahirap buksan, ang bibig ng isang asno o
ang mga mata ni Balaam? (tingnan sa Mga Bilang
22:27–33). Ano ang itinuturo nito sa atin?
• Kung isinugo si Balaam upang basbasan ang Israel, bakit
niya sinabihan si Balac na ialay ang magagarbong handog?
(tingnan sa Mga Bilang 23:1–24:13).
• Sino ang ipinropesiya ni Balaam sa Mga Bilang 24:14–19?
• Ano ang naging dahilan ng pagkasangkot ng Israel sa pagsamba
sa mga diyus-diyusan at pakikiapid sa mga anak na
babae ng Moab? (tingnan sa Mga Bilang 25:1–5).
• Sino si Phinees? Ano ang ginawa niya para nakamtan ang
“pakikipagtipan sa kapayapaan” ng Panginoon? (tingnan
sa Mga Bilang 25:6–13).