Sangguniang Manwal ng Guro para sa Lumang Tipan

“Kakaiba tayo. Tayo ay natatanging mga tao. Nawa’y
palagi tayong maging di-pangkaraniwan at natatangi”
(In the World but Not of It, Brigham Young University
Speeches of the Year [14 Mayo 1968], 10).
Itanong at talakayin ang sumusunod:
• Ano ang ibig sabihin sa inyo ng pahayag na iyan?
• Ano ang mahirap sa pagiging kakaiba?
• Anong mga pagpapala ang maaaring dumating sa mga nangangakong
magiging kakaiba sa paraan ng Panginoon?
Ipabasa sa mga estudyante ang Mga Bilang 6:2 at hanapin ang
titulong ibinigay sa mga gumawa ng espesyal na tipan sa Panginoon.
Itanong: Paanong katulad ng “paghiwalay” ang pagiging
“kakaiba”? Ipaliwanag na ang isang “Nazareno”—isang
taong nagmula sa bayan ng Nazaret—ay hindi kapareho ng
isang “Nazareo” (tingnan sa komentaryo para sa Numbers
6:1–21 sa Old Testament: Genesis–2 Samuel, p. 199).
Basahin ang sumusunod na mga reperensya sa inyong mga
estudyante at tukuyin ang iba pang mga Nazareo noon:
• Mga Hukom 13:5, 24
• I Samuel 1:11, 19–20, 28
• Lucas 1:13–15
Ipabasa sa mga estudyante ang Mga Bilang 6:3–8 at tukuyin
ang tatlong pangako o sumpang ginawa ng mga Nazareo.
Ipabilang sa kanila kung ilang beses ginamit ang mga salitang
pagkatalaga, hihiwalay, at itinalaga sa Mga Bilang 6. (Labinganim
na beses.) Itanong:
Ano ang ibig sabihin ng paghiwalay para sa inyo?
Anong bagay ang sang-ayong gawin ng mga miyembro ng
Simbahan na naghihiwalay o nagpapamukod-tangi sa kanila
sa ibang mga tao sa mundo?
Talakayin ang mga paraan na naiiba kadalasan ang mga miyembro
ng Simbahan sa ibang tao. Basahin ang sumusunod
na pahayag ni Pangulong Gordon B. Hinckley:
“Kung maninindigan tayo sa ating mga pinahahalagahan,
kung sasalig tayo sa ating pamana, kung susundin
natin ang Panginoon, kung ipamumuhay lang natin
ang ebanghelyo, pagpapalain tayo sa kagila-gilalas
na paraan. Kikilalanin tayo bilang kakaibang mga taong
nakatagpo ng susi tungo sa kakaibang kaligayahan”
(sa Conference Report, Okt. 1997, 94; o Ensign,
Nob. 1997, 69).
109
Pambungad
Mga Bilang 11–21
Ang mga kabanata 11–21 ng Mga Bilang ay naglalaman ng
tatlong bahagi ng salaysay tungkol sa paglalakbay ng Israel
sa ilang:
1. Mula sa Bundok ng Sinai hanggang sa Paran, malapit sa
Cades (tingnan sa Mga Bilang 10:10–14:45)
2. Mula noong hindi sila payagang makapasok sa lupang pangako
hanggang sa muli silang magtipun-tipon sa Cades
pagkaraan ng mga tatlumpu’t walong taon (tingnan sa
mga kabanata 15–19)
3. Ang paglalakad mula Cades hanggang Bundok ng Hor
(tingnan sa mga kabanata 20–21)
Sa mga huling kabanatang ito, patuloy na nag-ibayo ang katapatan
ng mga anak ni Israel habang papunta sila sa lupang
pangako.
Ilang Mahahalagang Alituntunin ng
Ebanghelyo na Hahanapin
Mga Bilang 11–21
• Dahil ang Panginoon ay nagpapala ayon sa ating mga mithiin,
dapat tayong maging maingat na ipagdasal ang tama
(tingnan sa Mga Bilang 11:18–20, 31–35; tingnan din sa
I Samuel 8:5, 20–22; Jacob 4:14; Alma 29:4).
• Ang mga tao ay maaaring tumanggap ng personal na paghahayag,
ngunit tanging propeta lamang ang tumatanggap
ng paghahayag para sa buong Simbahan (tingnan sa Mga
Bilang 11:16–12:15).
• Kung may pananampalataya at tiwala tayo sa Panginoon,
magagawa natin ang lahat ng kanyang ipinag-uutos (tingnan
sa Mga Bilang 13:1–14:12; tingnan din sa 1 Nephi 3:7).
• Mahalagang gawin kung ano ang ipinag-uutos ng Panginoon
kapag ipinag-utos niya ito (tingnan sa Mga Bilang
14:40–45).
• Ang mga nagrerebelde o nagsasalita laban sa mga lider ng
Simbahan ay nagrerebelde laban sa Diyos. Kung hindi sila
magsisisi, sila ay isusumpa (tingnan sa Mga Bilang 16–17;
20:1–11, 13; 21:4–6; tingnan din sa 3 Nephi 28:34; D at T
121:16–22).
• Pinagpala ng Panginoon ang mga anak ni Israel sa isang
paraang nag-anyaya sa kanila na lumapit sa kanya (tingnan
sa Mga Bilang 21:4–9).