Sangguniang Manwal ng Guro para sa Lumang Tipan

ANG AKLAT NG LEVITICO
Dahil ang mga anak ni Israel ay hindi espirituwal na handa
para sa Melchizedek Priesthood at mga ordenansa nito, inorganisa
sila ng Panginoon sa ilalim ng Aaronic o Levitical
Priesthood at ibinigay sa kanila ang batas ni Moises (tingnan sa
Exodo 32:19; Gabay sa mga Banal na Kasulatan, PJS, Exodo 34:1).
Ang aklat ng Levitico, na ibig sabihin ay “may kinalaman sa
mga Levita,” ay parang isang manwal na nagsasabi kung paano
kumilos sa Levitical Priesthood at mangasiwa sa mga ordenansa
ng pagsasakripisyo sa batas ni Moises. Kabilang dito
ang mga detalye kung paano isagawa ang mga ordenansang
kaugnay ng tabernakulo, na itinayo at inilaan samantalang gumagala
ang Israel sa ilang. Ang Levitico ay naglalaman din ng
ilang natatanging tagubilin na angkop sa bawat isa.
Ang proseso ng pagiging banal ay isang makabuluhang tema
sa aklat ng Levitico. Mahalagang pansinin na ang salitang banal,
o ang isang salitang nauugnay rito tulad ng pabanalin, ay
nakatala nang mahigit 150 beses sa Levitico. Upang maging
banal, kailangan muna tayong maging malinis—malaya mula
sa mga epekto ng kasalanan at nabigyang-katwiran sa harapan
ng Diyos. Ngunit ang kabanalan ay higit pa sa pagiging
malinis. Kabilang dito ang proseso ng pagpapabanal, o pagkakaroon
ng makadiyos na katangian. Ang pangkalahatang
pagkakabuo ng aklat ng Levitico ay kakikitaan ng gayunding
huwaran ng espirituwal na pag-unlad.
• Ang Levitico 1–16 ay nagtuturo tungkol sa pagiging malinis
at matuwid sa harap ng Diyos sa pamamagitan ng paggawa
ng angkop na mga sakripisyo at pagsunod sa “mga gawain
at mga ordenansa sa araw-araw” (tingnan sa Mosias
13:29–30).
• Ang Levitico 17–27 ay nagtuturo tungkol sa mga pamantayan
ng kabanalan sa ilalim ng batas ni Moises na naging
daan upang maging kakaiba ang pinagtipanang Israel
mula sa iba pang grupo ng mga tao (tingnan sa Exodo
19:5–6). Para sa karagdagang impormasyon at mas detalyadong
buod ng Levitico, sumangguni sa Gabay sa mga Banal
na Kasulatan, “Levitico” (p. 132).
Pambungad
Levitico 1–16
Ang batas ni Moises ay naging “tagapagturo upang ihatid
[ang mga anak ni Israel] kay Cristo” (Mga Taga Galacia 3:24;
tingnan sa 2 Nephi 25:24). Ang Levitico 1–16 ay naglalaman
ng tagubilin hinggil sa ilang mga gawain at ordenansa ng batas
na nagturo ng mga alituntunin ng ebanghelyo.
99
• Inilalarawan ng mga kabanata 1–7 ang iba’t ibang uri ng
mga sakripisyong dapat gawin ng mga tao noon. Ang mga
sakripisyong ito ay sumagisag sa Tagapagligtas at sa kanyang
nagbabayad-salang sakripisyo.
• Ipinaliliwanag ng mga kabanata 8–10 ang mga kailangan
sa mga saserdote upang maging karapat-dapat sila sa pagsasagawa
ng mga hain o sakripisyo.
• Ipinaliliwanag ng mga kabanata 11–15 ang iba’t ibang batas
tungkol sa kalinisan at karumihan, na binibigyang-diin
ang kahalagahan nito. Ipinakita ng mga batas na ito na kailangan
ang pagiging malinis ng sarili (tingnan sa kabanata
11), bilang mga pamilya (tingnan sa kabanata 12), at bilang
mga tao (tingnan sa mga kabanata 13–15).
• Ang kabanata 16 ang espirituwal na kasukdulan ng lahat
ng batas ng kalinisan. Nagtatagubilin ito tungkol sa dakilang
sakripisyo na nakapagpapalinis na iniaalay bawat
taon sa Araw ng Pagtubos.
Habang pinag-aaralan ninyo ang mga kabanatang ito, alamin
kung bakit ang batas ni Moises ay tinawag na napakahigpit
na batas ng mga gawain at ordenansa (tingnan sa Mosias
13:29–30), isang batas ng makalupang mga kautusan (tingnan
sa D at T 84:27; ang ibig sabihin ng carnal ay may kaugnayan
sa laman), at isang tagapagturo (tingnan sa Mga Taga Galacia
3:24). Pansinin lalo na kung paanong itinuturo ng buong kahulugan
ng batas ni Moises ang dakila at huling sakripisyo
ng Anak ng Diyos (tingnan sa Alma 34:13–14).
Ilang Mahahalagang Alituntunin ng Ebanghelyo na
Hahanapin
• Ang mga alay at handog na nabanggit sa batas ni Moises
ay sumisimbolo sa Pagbabayad-sala ni Jesucristo (tingnan
sa Levitico 1–7; tingnan din sa Moises 5:5–8).
• Upang lubusang makapagsisi, kailangang madama ng tao
ang tunay na kalungkutan, ipagtapat ang kanyang mga kasalanan,
at ituwid ang mga nagawang pagkakamali (tingnan
sa Levitico 1:1–4; 5:5; 6:4–7; tingnan din sa Isaias
1:16–19).
• Ang mga ordenansa ng priesthood ay kailangang eksaktong
isagawa ayon sa iniutos ng Panginoon at ng mga taong
karapat-dapat at inorden na magsagawa nito (tingnan
sa Levitico 8:6–13; 10:1–11).
• Upang makalapit kay Jesucristo kailangang ilayo natin ang
ating sarili sa lahat ng bagay na sinasabing marumi ng Panginoon
(tingnan sa Levitico 11:44–47; 12–15; tingnan din
sa Moroni 10:32).
• Ang pagkakaroon ng pananampalataya kay Jesucristo at sa
kapangyarihan ng kanyang Pagbabayad-sala ay nakakatulong
sa atin na malinis mula sa kasalanan at paglabanan ang
ating mga hangaring magkasala (tingnan sa Levitico 16).