Sangguniang Manwal ng Guro para sa Lumang Tipan

Repasuhin ang mga panuntunan sa pananamit at kaanyuan
sa polyetong Para sa Lakas ng mga Kabataan (p. 14). Ipaunawa
sa mga estudyante na maraming pagkakataon na, tulad ng
mga priest o saserdote ng tabernakulo, matutulungan sila ng
kanilang pananamit na tupdin ang kanilang mga tipan sa binyag
na tumayo bilang mga saksi ng Diyos (tingnan sa Mosias
18:10–12).
Exodo 29. Ang paraan ng paglalaan, o pagtatalaga sa
mga indibiduwal upang makapangasiwa noon sa tabernakulo
ay makapagtuturo sa atin kung paano maghanda sa
pagpasok sa bahay ng Panginoon. (30–40 minuto)
Sabihin sa mga estudyante na tahimik na pag-isipan ang pagpunta
sa templo o pagnilayin ang pinakasagrado nilang karanasan
sa templo. Itanong sa kanila kung ano ang maaari nilang
gawin upang makapaghanda sa pagdalo sa templo at
magawa itong pinakamagandang karanasan hangga’t maaari.
Ipabasa sa kanila ang Doktrina at mga Tipan 97:15–17 at ipatukoy
kung ano ang sinabi ng Panginoon para maging makabuluhan
ang ating mga pagdalo sa templo at ano ang hindi
magbibigay kabuluhan dito. Sa pangkalahatan, ibahagi ang
uri ng mga tanong na itinatanong sa interbyu sa pagkuha ng
temple recommend. (Maaari kayong mag-anyaya ng isang lider
ng priesthood sa klase para talakayin ang mga tanong na
iyon.) Itanong: Ano ang magagawa natin sa tuwina na tutulong
sa atin na maging karapat-dapat sa pagpasok sa templo
at mas maunawaan ang mga pagpapala nito?
Sabihin sa mga estudyante na pag-aaralan nila kung paano
naghanda ang mga saserdote sa pagpasok sa tabernakulo noong
panahon ni Moises. Paalalahanan sila na dahil hindi naging
karapat-dapat ang mga Israelita sa mas mataas na mga
ordenansa, ang mga saserdote lamang ang pumapasok sa pinakasagradong
bahagi ng tabernakulo. Ang paglalaan at pagtatalaga
ng mga saserdote ay sumasagisag sa maraming paraan
kung ano ang kailangang gawin ng lahat upang makapaghanda
sa gawain sa templo.
Ipagawa sa mga estudyante ang aktibidad B para sa Exodo
28–29 sa kanilang gabay ng estudyante sa pag-aaral at ipaulat
kung ano ang kanilang natutuhan. Ilista sa pisara ang anim
na pangyayari kapag natukoy na ang mga ito at talakayin
kung ano ang maaaring isinasagisag nito. Gamitin ang sumusunod
bilang gabay:
• Pangyayari 1: Si Aaron at ang kanyang mga anak ay hinugasan,
na sumasagisag ng paglilinis (tingnan sa Moises 6:57).
• Pangyayari 2: Isinuot ni Aaron at ng kanyang mga anak
ang sagradong kasuotan, na sumasagisag sa “bagong tao”
at naging bagong nilalang sa Panginoon (tingnan sa Mga
Taga Colosas 3:10–14; tingnan din sa komentaryo para sa
Exodus 28; 39:1–43 sa Old Testament: Genesis–2 Samuel, mga
pahina 151–53).
• Pangyayari 3: Si Aaron at ang kanyang mga anak ay pinahiran
ng langis. Ang langis ay ginagamit para magbigay ng
liwanag, na sumasagisag sa Espiritu Santo. Ang Espiritu ay
ibinibigay upang maging gabay sa buhay (tingnan sa
I Samuel 16:13; D at T 45:56–59).
95
Exodo 25–40
• Pangyayari 4: Tinalikuran ni Aaron at ng kanyang mga
anak ang lahat ng kanilang kasalanan, na sumasagisag sa
pagtalikod sa lahat ng bagay na hindi matuwid (tingnan sa
Alma 22:18). Sinabi ni Elder Neal A. Maxwell, miyembro
ng Korum ng Labindalawang Apostol:
“Kaya ang tunay at personal na sakripisyo ay hindi
ang paglalagay ng hayop sa altar. Sa halip, ito ay ang
kusang paglalagay sa altar ng ating makamundong
pag-uugali at pagtupok dito! Iyan ang ‘hain sa Panginoon
… may bagbag na puso at nagsisising espiritu,’
(D at T 59:8), na kailangan para mapasan ang krus,
habang ‘[tinatalikuran] ang lahat ng [ating] mga kasalanan’
upang makilala ang Diyos (Alma 22:18); dahil
kailangan munang itatwa ang sarili bago Siya lubusang
matanggap” (sa Conference Report, Abr. 1995, 91;
o Ensign, Mayo 1995, 68).
• Pangyayari 5: Si Aaron at ang kanyang mga anak ay nagalay
ng haing susunugin, na sumasagisag sa sakripisyo ni
Jesucristo (tingnan sa Alma 34:14–16).
• Pangyayari 6: Nilagyan ng dugo sa kanang tainga, kanang
hinlalaki, at kanang hinlalaki sa paa si Aaron at ang kanyang
mga anak. Ang tainga ay sagisag ng pandinig, ang
hinlalaki ay sagisag ng paggawa, at ang hinlalaki sa paa ay
sagisag ng paglakad. Ginawa ito upang ipahiwatig na dapat
silang makinig sa salita ng Diyos, gawin ang ipinagagawa
sa kanila ng Diyos, at lumakad sa landas na nais ng
Diyos na tahakin nila (tingnan sa Deuteronomio 10:12–13).
Ipabasa sa mga estudyante ang Moises 6:57–60 at ipahambing
ang karanasan ni Adan sa karanasan ni Aaron at ng kanyang
mga anak. Ipinaliwanag ng Panginoon kay Adan na kailangan
tayong maipanganak na muli sa pamamagitan ng tubig,
ng Espiritu, at dugo (tingnan sa t. 59) at, sa pamamagitan ng
prosesong ito ay “makatatahan sa kanyang kinaroroonan” (t.
57). Sinabihan si Adan na “sa pamamagitan ng tubig inyong
sinusunod ang kautusan; sa pamamagitan ng Espiritu, kayo
ay binibigyang-katwiran, at sa pamamagitan ng dugo kayo ay
pinababanal” (t. 60).
Ang huwarang ito ay nakita sa paglalaan kay Aaron at sa
kanyang mga anak:
• Sila ay hinugasan, na masimbulong nagpahintulot sa kanila
na makapagbihis ng bagong kasuotan, o maging bagong
tao o nilalang.
• Pinahiran sila ng langis, na sumasagisag sa Espiritu Santo.
Matapos tanggapin ang masimbulong pagpapahid ng Espiritu,
ang mga hain ay inialay upang bigyang-katwiran ang
mga ito sa harapan ng Diyos.
• Pinahiran sila ng dugo upang pabanalin sila, o gawin silang
banal sa pamamagitan ng dugong ibinuhos para sa
kanila (dugo ng hayop ang gamit nila).