7th october 2002 - ConstitutionNet

CONSTITUTION OF KENYA REVIEW COMMISSION 

(CKRC) 

Verbatim Report Of 

DISSEMINATION OF REPORT AND DRAFT BILL, 

MATHIRA CONSTITUENCY, HELD AT KARATINA CATHOLIC 

CHURCH 

ON

7 TH OCTOBER 2002 

Final Copy 

DISSEMINATION OF REPORT AND DRAFT BILL, MATHIRA CONSTITUENCY, HELD AT KARATINA 

CATHOLIC CHURCH ON 7 th OCTOBER 2002 

Present: 

1. Com. Dr. Githu Muigai 

Secretariat Staff In-Attendance. 

1. Anne Wairimu Miki - Assistant Program Officer 

2. Grace Gitu - Verbatim Reporter 

3. Johnson Mugo Nyumu - District Coordinator 

The meeting started at 10.55 a.m. 

Mugo Nyumu: Muriega. Nitukuambiriria na tutanambiriria, tuambe tuhoyithio ni muthuri umwe kana mutumia umwe atuhoithie 

please. 

Peter Karuri Karuhiu: Ha ritwa njitagwo Peter Karuri Karuhiu na ninyenda mwathani niundu wa kuhonokia. Guciarwo 

ndaciarirwo mwaka 1963, mweri 27, January. Riu haha nitukuhoya. 

Thengiu Mwathani Ngai Baba wa matuini. O we warikuo kiambiriria, owe wombire iguru na thi ona indo ciothe irikuo. Tuoka 

mbere yaku tuinyihitie hari we tukienda irathimo ciaku. Kiambiriria kiega na kirikiro kiega nitungiuga nitukuonete. Thengiu Baba 

tondu nituakinya hindi ya campaign, tucagurire aria mangihota gutuatha thiini wa bururi. Na weka uguo ngumo na rugoci ni ciaku 

Ngai Baba. Na nitukuga nitukuonete. Tuahoya na macio tondu ni maingi tungikuhoya na mauru maitu Jehova niugutukiriria o 

ritwaini ria muruguo Jesu Kristu muhonokia witu. Wega wa mwathani Jesu Kristu na wendani waku Ngai, na ngwataniro ya 

2

Roho Mutheru iroikara na ithui hingo ciothe. 

Mugo Nyumu: Mr. Munyiri, can you tell those people to bring the public address now. Tukuenda tuiguanire. Mukuenda 

twarie lugha iriku? 

Audience: O Gikuyu kiu turaigua. 

Mugo Nyumu: Hari mundu woiga Gikuyu he mundu ungi uma no undu ungi. 

Audience: Aca. 

Mugo Nyumu: Kwoguo twarie Gikuyu. No tuaria githweri nimukuigua. Asante. Niwega muno niundu wa uguo mukite. 

Ningwenda kumumenyithia ati umuthi ni muthenya munene. Tondu riria muokite haha Mathira, ndeto iria ciothe mwaririe iri buku 

ini ino na gutiri mbuku ingi thiini wa bururi ndungu gukira ino. Gukira andu aria maririe kwoguo andu a Mathira nimuekire wega 

muno na umuthi. Muiyandikithie o ro uguo nigetha kameme kau kari nja goke nigetha tuiguane na mukiririe tondu riu irio iri 

hakuhi gwika atia? Kuhia. 

Ndamu welcome mucii uyu wa Mathira na ndimwire umuthi twina gikeno tondu wira uria wothe tuarutire riu niwambiriirie 

guciara maciaro. Umuthi twina Commissioner kuuma Nairobi, Commissioner witagwo Dr. Githu Muigai, ni wakiri uri gatu na 

nituhetwo gitio tondu niwe tureheirwo umuthi nigetha atutaririe uhoro wa Katiba ino njeru. Umuthi ni muthenya wanyu. Mundu 

uri na kiuria niekuria. Tuturaga na inyui guku kwoguo umuthi niwe nguhe mweke. 

Dr. Githu Muigai: Muriega andu a itura riri ria Mathira? 

Audience: Turiega. 

Dr. Muigai: Nii ni nii ndetwo Githu wa Muigai na ndi Commissioner wa kiama giki kia guthondeka Katiba njeru, na ngwenda 

tuambirire na kumumenyithia andu aria tukiite nao. Muiritu uyu urugamite haha, etagwo Anne Wairimu wa Miki. Na niwe 

mwandiki munene wa maundu maria mothe tukuaria umuthi. Muiritu uria ungi wi haria uikaire thi etagwo Grace wa Gitu nake 

niwe mwene kameme gaka kanyititwo haha, na okite nigetha maundu maria mothe tukuaria tutigiririre ni manyitwo ni kameme, 

nigetha riria hindi ingi mukenda kumenya kana muthenya uria tuokire, nituoyire maundu maria tukuaria umuthi, mukoria muiritu 

uria. Ningi undu wa keri, ndirenda kwamba kumumiriria, ino bairu murona haha niyo ina maundu maria mothe moimire itura 

rianyu, na ni igukurwo i wabici itu iria iguku na coordinator witu. Mundu wothe ungienda guthii kurora kana maundu maria 

tuogire ni mandikirwo, na kana nimaraingirire Katiba iria njeru; amenye maratathi mothe megukorwo wabicini ya coordinator 

witu uguitwo Mr. Mugo. Riu tutanathii na mbere, reke nyambe njite mheshimiwa Honourable Matu Wamae, ame amugeithie 

ndagika imwe tondu twi itura riake. Njoke ndimumenyithanie na andu aria angi turaruta wira nao a itura riri rianyu. Mheshimiwa. 

3

Hon. Matu Wamae: Niwega muno Commissioner Githu Muigai, niundu wa guka guku Mathira guturehera Katiba iria draft 

njeru. Gutuonia maundu maria murikitie kuona magiriire gutuarwo thiini wa Katiba njeru. Kuringana na uria andu makaiguanira 

conference yagia. Kuuma October mirongo iri na inyanya, kinya November mirongo iri na inyanya. Andu a Mathira ni mui ati; 

thiini wa Kenya twari number iri iguru muno hari andu aria maheanire maundu maingi muno. Tondu nituaheanire maoni ma andu 

hakuhi magana mugwanja. Na nituerirwo ni Commission ati nimakenire muno ni uria tuahenire maundu maitu mothe. Na 

nimuakirwo file iri haha, ino yothe, ni maundu maria muaheanire. Makiri haha. Nimurakiona uria makiri maingi. 

Nindimucokagiria ngatho muno tondu nimuatuigure. Riria tuamuirire mumire na tukimwira muandike maundu maria mukuona 

magiriire na muke aria mukuhota kuheana na kanua muke muheane. Na mugika guo na Commissioners aria mari guku 

nimaikarire guku na magicoka magithii Kiamariga na uhoro ucio ukirutika. Riu ni hindi ya kuona magetha ma wira ucio witu. Na 

tondu ndikwenda gutahia uhoro uria uriho, ningutigira Commissioner mamuhe uhoro no nitukenete muno ni Commissioner Dr. 

Muigai niundu wa guka na magatuma wakiri uikaine muno guku Kenya. Wakiri agigatuika Dr. , ti uhoro munyinyi. Atuikite 

wakiri, agathoma masters agacoka agatuika Dr. of law. Ucio ni uhoro munini? 


Mutikiringe karuhi nigetha akiigue ni mukenete nake niundu wake guka. Nigetha aigue a feel at home, uigue uri comfortable. 

Tugukorwo tugikena muno ugituhe maoni maria mari thiini wa proposals ici cianyu na tukuire ati; ithui turi andu a Mathira na 

andu a Nyeri kwa jumla, twina bata muno na Katiba ino njeru. Turahota kuhurana na andu aria othe maramuhura. Mundu 

wothe e kuga ati Katiba ino ti njega atamithomete ni tuaregana nake. Onakorwo ni Judge kana o tutingitikira. Mundu ambiririe 

kuhura Katiba. Mundu ukwenda kuuga ndekuiguana nayo, nioke kuria conference iria igakorwo thiini wa Bomas of Kenya. 

Notiarugame na guku nja, ndari na kahinda ga guka kwariria. Hari maundu naithui tungienda kuria. maundu maria andu 

mangienda kuria no kahinda ga kuria maundu macio mamwe ni riria conference igakorwo kuo. Na tutingienda mundu uguthaka 

na uhoro uyu. Na ithui kinya ithui andu a Mathira kuringana na uria njaritie na andu aya Dr. Githu Muigai. Andu aya mangienda 

githurano giki kiroka gikwo na Katiba ino njeru. Niguo muugite? 

Audience: Ii. Clapping from the audience. 

Hon. Matu Wamae: Mangienda elections ciikwo na new Katiba. Tondu tungika na old Katiba ndigututeithia, na ningi wira uyu 

wothe utumiire hakuhi billion inya tutingienda urire thi. Na nocio tungienda ona korwo githurano nigigucererwo mweri umwe 

kana mieri iri. Kaba gicererwo mweri umwe kana mieri iri na tuike githurano na Katiba ino njeru. Nigetha thirikari iria iguka 

yambiririe wira na Katiba njeru ti yambiririe na Katiba iria nguru. Wira uyu wothe turutite, urutitwo ni Kenya yothe, utuike ni 

wira utekurira thi. Ndikwenda kuongerera gukira hau, hihi nindiheo kahinda hau muicoini njuge kaundu kangi. Ngwenda 

4

gugucokeria ngaatho riu na gukuira you are very welcome in Mathira and we are very happy that you have brought us the 

Constitution of Kenya. Thank you. 

Clapping from the audience. 

Com. Muigai: Mheshimiwa niandirikania, ninguriganiirwo kugweta ati; Kenya yothe andu a Mathira nio mari aingi muno aria 

marutire maoni ma uria mekwenda Katiba yandikwo. Naithui twi Commission no tuende muno kumucokeria ngatho niundu wa 

uguo. Reke riu njoke ndimumenyithania na Johnson Mugo nimumui. Johnson Mugo niwe urugamiriire wira wa Commission. 

Guku niwe district coordinator Nyeri. Na mundu ungi ugwitwo Joseph Mugo Muiga, nake ni member wa committee iria 

irugamagirira maundu guku Mathira. Margaret Nyathogora, nake ni mutumia umwe wa aria marathurirwo magathii giciiriro kiria 

tugathii gucirira Katiba ino kiria Mheshimiwa aria uhoro wakio na nikio kiretwo national conference. He muthuri uguitwo 

Domiziano Muraguri wa Nderi. Nake muthuri ucio ni umwe wa aria marathurirwo agathii nake national conference nigetha 

arugamirire itura. 

Domiziano Muraguri: Andu a Mathira muriega? 

Audience: I turiega. 

Com. Muigai: He muthuri ungi ugwitwo Hezekiah Waithanji wa Minjire, nake muthuri ucio athuritwo ta acio angi eri. Agathii 

kuu kurugamirira itura. Na andu acio atatu, angikorwo hari undu tukuaria umuthi na twarie muigue ati uria handikitwo Katiba ini 

tihaiganiru, mumenye andu aria mugutuma ni aigana? 

Audience: Ni atatu. 

Com. Muigai: Mumere makinya kuu makoiga andu a Mathira uria maroigire. Uguo niwega muno mumamenye. Na ningi 

mangigacoka itandikitwo uria muramerire, nio mugakiuria na Mheshimiwa wanyu tugakorwo nake kuo. Kwoguo mwina andu 

aigana? 

Audience: Ana. 

Com. Muigai: Niwega muno. Undu wa mbere uria riu tukuambia naguo tondu nituguthara mathaa, tukuambia na kumuririkania 

gitumi kiria giatumire kamiti ino tukoragwo nayo ya guthondeka Katiba ithondekwo. Aingi anyu nimukuririkana, kuuma riria 

multi-party yokire bururi witu 1992, kinya githurano kiria tuiriga guthii kia 1997, andu a Kenya nimatuire moigaga nomende 

Katiba njeru nigetha Katiba iyo ikorwo ikirugamirira kihoto kia andu othe a Kenya, o kuria maruma. Muno mwena wa 

githurano. Muno kuria thirikari ithondeketwo na muno maundu megie kurugamirira macira magotiini, kunyihia mahinya ma 

5

President. Tondu wa mahinya maria President akoretwo namo kuuma hindi ya wiyathi. Muno ningi kurora andu ta birithi, andu 

ta D.O, ta D.C. na ma Chiefu na maundu maria mangi mothe tui makoretwo bururi uyu matagiriire. Na inyui aingi nimukuririkana 

riria twakinyire 1997, thirikari niyetikirire, abunge anyu na andu aria angi, mawakiri church. Andu aingi a bururi witu, matindikite 

thirikari muno kinya thirikari ikiuga niyetikira; nigetha guthondekwo kamiti iria ikurora Constitution, na irore maundu mau mothe 

inyui mwi muingi mutuire muguga mena wathe. 

No kamiti itu ndiahotire kuanjia wira kinya miaka iri irathirire, na inyuothe nimui niki na tutiekuenda gucoka na thutha, tukuenda 

guthii na mbere. No riria turambirie wira November 2000, nituanjiriirie amwe anyu nimukuririkana tugiuka guku maturaini. 

Tukiruta wira na Church na ciama cia ateti na ciama iria ingi. Tukigeria guthomithia muingi uhoro wa Katiba na uhoro wa watho, 

na uhoro wa githirikari nigetha tukahota gucoka guku. Tuarie na inyui mukimenyaga maundu maria ithui tubatairio nimo. 

Angorwo ni maundu ta mau ma Bunge tuaria uhoro wamo. Kana maundu ma wabici ya President kana maundu maria mangi me 

Katibaini. Neyo niyo twetaga civic education. Thutha ucio nituracokire turathiururuka Kenya i yothe. Ta nii ndirathii kundu itari 

ndathii. Ndirona andu itari ndaigua nia Kenya, na ndiramenya maundu maingi muno na ngwihoka committee yote yoteh riu gutiri 

mundu utetigirite muno maundu maria mutuihokire, na tukagia na umiriru muno ati inyui andu a Kenya muri inyuothe; nimurenda 

kuona watho mweru, nimurenda kuona Katiba njeru. 

Riria turarikirie kumuthikiriria Kenya I yothe, nituraikarire thi ciumia inyanya. Turanyita o Constituency o Constituency riboti iria 

muatuheire. Na maoni maria muarutire na maundu maria muoigire murenda kuona me Katibaini. Twaikara thi turamandika na 

turamagayania maitu matatu, na hau ningwenda gutariria wega nigetha ndukarugame uge atiriri; ii nii nanithomete Constitution iri 

na nindamuirire tutirarihwo iria tuatuara, Constitution iregete kuandika uguo niki. Turihagwo iria muthenya wa mbere wa mweri 

tuatuara iria. maundu maria mothe muatuirire ta mau, na maria mangi mothe tuagayanirie maita mau, matatu. 

maundu ma mbere tugikira thiini wa Constitution. Tukiuga tondu Constitution ndikineneha muno, ndingiandikwo maundu mothe, 

githi mutikumiona. Ina ibungo cigana? Nimuronire? Tarorai hau muone. Ina ibungo magana meri ma mirongo kenda na kenda. 

Notuatindania na inyui umuthi nimukuenda tuongerere kimwe ri, magana matatu kwi hindi makiri maingi? No tuongerere kingi 

mahinge matatu. No ibuku riri riguitwo Katiba, ritingiandikwo maundu mothe. Tondu ibuku riri nirio ria kuonaniriria kuria 

turenda guthii no barabara iria itutuaraga kuu ni iria ciitagwo watho wa Kenya. Watho wa Kenya ni chapter magana matano ma 

mirongo kenda; na ciothe itingikirwo haha. Ta reke ndimuhe muhiano. He watho uria urugamagirira indo cia mundu riria mundu 

akua, watho ucio tuwitaga law of succession. Watho wa kurugamirira indo cia mutigairi. Watho ucio nduri haha thiini wa 

Katiba. Wi laws of Kenya. He watho uria urugamagirira githaka kia mundu. Wagura githaka, wagura plot, he watho uria 

ukuheaga title na ukarugamirira title yaku. Watho ucio witagwo registered land Act. Nduri haha thiini wa Constitution. 

Niwanyita? 

He watho witagwo Traffic Act. Watho wa traffic ni uria ugite uria ngari ciagiriirwo gutwarwo. Ikoiga utuarire guoko kwa 

umuotho. Ndukagere kwa urio tondu kwa urio niukuguthana na ngari iria ingi, iria ciugite ngari ndigatuarwo yathira maguru. 

6

Ngari ikirwo matawa.Watho ucio nanga wi haha? Wi Traffic Act. Kwoguo uria ngwenda kumuririkania ni atiriri, mwaga 

maundu maria mamwe moigire thiini wa Katiba, mutikamake. Ni tondu maundu mau turamanyitire, turona ni maundu maritu na 

ni maundu mega, no matiguikirwo haha. Meguikirwo laws of Kenya, na nikuo mari na nimaingi muno, na mamwe mamo 

ningugueta o tukiaria uria tuguthii na mbere umuthi. No nomurie atiriri. Maya turagayanirie mamwe turoiga me haha, maria mangi 

me law of Kenya. Mau ma gatatu ni mariku? Mau ma gatatu ni maria turoigire mathondekwo wega matuike nimo policy ya 

thirikari. Policy ya thirikari. Na nimo thirikari iria iguka, na ni inyui muguthura. Igucoka icoke maratathi maria turandikire, yuge 

Commission yoigire policy ikorwo ihana atia. Policy nikii? Ni muoroto wa thirikari, nigetha riria thirikari ikuamura mititu, 

igathoma policy iria tuathondekire. Riria thirikari iguthondeka mai, igathoma policy uria tuoigire. 

Riria iguthondeka githomo, igathoma policy. Kwoguo wira wanyu muarutire wi maita matatu, na wira ucio wi haha. 

Nituaiguithania? Riu tukinyite ha? Tukinyite riri, watho uria ithui turona wagiriire gukorwo wi thiini wa Katiba. Niturekirira thiini 

wa Katiba na turamuhe copy na hari o copy ingi iguthiururukio haha ni coordinator na muheo. Turacoka tureka uguo ii, 

turathondeka document ino. Ino niyo iretwo report ya Commission. Tondu riboti ya Commission ni ya kuheana uria tuarutire 

wira uria mwatuheire. Uria twekire na maoni maria muatuheire. Kana nituathomire, na tuathoma tuekire atia na mawoni mau. Na 

tugatariria thiini wa report ino. maundu mamwe mwatwirire na ni maundu ma bata muno, na mamwe nituareganire namo na 

nonginya tukamutariria tondu ni inyui muingi ni inyui mutuandikite. Kiria gigutuma turege undu mwatuirite. No ngwenda 

muririkane ati, inyui muri andu a Mathira na muri andu a Nyeri district, na muri andu a Central Province, tunyitaniire bururi wa 

Kenya na maruriri mangi maingi na andu me district ciao na constituency ciao. 

Kwoguo nonyende muririkane ati; undu uria tuandikite haha, kana haha, nowage kuringana na uria inyui mungienda. Na 

muririkane ati haha notuandikire undu uria ungitikirwo ni andu a Kenya yothe. Na kwoguo nigetha andu a Kenya yothe 

maiguithanie, maundu mau inyui mwendaga ri, tukeheria hanini na mangi inyui mutendaga, tukarehe nigetha andu othe meke atia? 

Reke ndimuhe ngerekano imwe, inyui andu a guku Mathira ri, riria tuamuririe kana nomuende majimbori muoigire atia? Mukiuga 

mutikwenda na mutikenda. 

Riria tuathire kuria Rift Valley, muno na kuo Rift Valley na ithi tukimiature njatu igiri. Iria ya iguru na iria ya kianda. Iria ya ukabi 

naithi tiyo ya kianda. Nayo iria ingi iri Turkana na andu aria angi ri naithi tiyo ya iguru. Acio maigire othe mekwenda majimbo. 

Na riria tuathire na guku ningi bururi wa Borana na Somali nao makiuga mekwenda majimbo. Riu mwandiki wa ibuku riri, 

niwakiiona ena wira muritu. Tondu ena andu maroiga mekwenda majimbo, nangi maroiga matikuenda. Na riu riria tuakinya hau 

na nitugukinya o riu. Ningugeria kumuonia uria tuagerire guetha kabara ga ki? Ga gatagati. Karia gekurugamirira andu ta inyui, 

aria mutekwenda majimbo nako karege kurugamirira mundu urendaga majimbo, no itikire kindu kingi gitari majimbo. Riu 

nigukiuga documents ici cieri mwacithoma. Ciaga kunyitana biu no uria inyui mwendaga, mumenye ni tondu ni document 

ithondeketwo ikigeria kurehe thayu; na thayu nowonekire o mundu angiuga, nii nindirenda kuhane una no ongikorwo gutihanari 

na uu niguo kuonekete, nonjiganire. Twi hamwe? 

7

Riu nindarikia history ya kuria tuoimire na inyui na uria tuteithanitie kinya handu hariku, haha. Ke riu turore Katiba yo yenyewe 

tondu umuthi tukire guku na Mheshiwa witu na athuri na atumia aya aria mugutuma conference. Tukire guku umuthi nigetha 

tuaririe Katiba tuiguthanie maundu maria. Undu wa mbere kana nitueka atia. Kana nituelewa uria Katiba ireka atia? Iroiga. 

Nigetha gutikainuke mundu oige atiriri, andu acio a Commission tuamatumire makarute wira na kai ona tondu tuatindania 

tutinamenya uria marutite na uria matigitie. Undu wa keri, ni tondu twina delegates aitu hahari mumatume. Naithi tiguo? Mumere 

ona document igithondekaga thayu, he handu tukuenda muakinya kuo mugeka atia? Mugakindira. Twihamwe? Nitukianjie riu 

turore Katiba. 

Mwina document, aria me nayo tuguthii o kahora, na tukuoya maundu maria ma bata ma bata. Mau mangi nitukuaria thuthaini, 

na muririkane ati undu uria wa bata muno umuthi ni ciuria iria mukuria. Na tonginya urie kiuria ona nouge undu ungi ungienda 

wongererwo kana uthondekwo. Twanjie riu? Undu wa mbere mukuona Katiba ino mweru, ni ati Katiba ya teneri, ikarai o hau 

nimukureherwo. He mundu urarehe. Bwana coordinator please, muikare thi o hau, muoye guoko na iguru mureherwo. Itikirai 

tuikare thi nigetha document ino irehwo. Itikirai tuikare thi nigetha riri…..itikirai tuikare thi. Itikirai tuikare thi riu nigetha tuthii na 

mbere. Riu iria tuuma nacio niciathiira, nituguitia ingi, ikarai thi oro uguo. Nituoiga irehwo ingi na cioneka nonginya muneo. Ni 

cianyu na ithondeketwo nigetha muheo o mundu copy, copy. Kwoguo ikarai thi nigetha tuthii…mundu wina iria I ngathitini no 

arumirire iyo. Mundu uria wina ino I ngathitini no arumirire. Noyo tuguthii turumiriire ona ithui. 

Undu wa mbere thiini wa Katiba ino njeru iria ingienda tuambe turore ni ati I handu yanjitie hagetwo preamble kana kionereria 

na preamble iyo niyo, Katiba itu ya tene ndiari na kionereria kia muthemba ucio. Kionereria kiu nikugeria kwiririkania ithui turi 

andu a Kenya kuria tumite na kuria turorete na bururi uria tungienda gutigira ciana ciitu. Uria tungienda ukorwo uhana. 

Mwathoma hau nimukuona nitukuga ithui tungienda Kenya iture I bururi umwe. Tondu nimui kuri andu aingi muno moigaga 

Kenya itinangio ituike njatu nyingi nigetha mathii o mundu na yake. Katiba iitu iroiga tungienda Kenya iture I bururi umwe. Na 

ithui turi andu a Kenya tunyitane nigetha tuteithie o mundu o mundu, o family o family, na tuteithanie ithuothe twi hamwe. 

Nigetha bururi witu uture wi bururi utiaga watho. 

Uria wuigananitie andu othe nigetha o mundu o mundu kana ni Mukuru kana ni munini kana ni mutongu kana ni muthini, kana ni 

mundu wina nduari kana utari. Andu othe mature maiganainio ni watho wa Kenya. Uguo niguo preamble iyo yugite. Undu wa 

keri uria munene twikite thiini wa Katiba nikuuga tondu nimuatuirire Kenya tutuire twi bururi, muathikiriria mukaigua ati; 

President aroigire, mundu ungi aroigire. maundu mangi maronekire. Mwatuirire tuthii tuandike ati Kenya gutiri mundu wi iguru ria 

watho. Gutiri mundu wi iguru ria watho ona umwe. Niguo turandikire. Na hau nimuona nyamu iretwo. Supremacy job. Muti wa 

keri mugituira tuike uguo, tuthii tuandike ati, gutiri mundu ugeka undu Kenya, kana ni President, kana ni chifu, uria arenda we 

mwenyewe tiga uria wandikitwo wathoini. Na niturandikire uguo. Andikite hau ati; Kenya yathanagwo ni andu a Kenya. The 

people of Kenya, nio ene bururi. Na President bururi ti wake. Na ajumbe bururi ti wao. Ma Minister bururi ti wao. Ma Judge 

bururi ti wao. Ma DC bururi ti wao. Bururi ni wau? 

8

Audience: Ni wa raia. 

Com. Muigai: Bururi ni wa andu a Kenya na niturandikire uguo kuringana na uria muoigire. Turacoka turoiga bururi wa 

Kenya, tondu niturathii tukaigua gwi kundu kurekwo maundu, ni kurakwo nakuu na nakuu. History ya bururi wa Kenya, capital 

yao ni Nairobi. Turoiga ikirwo Katiba ini, nigetha uhoro ucio ndukanagie nganja hindi ingi na irandikwo hau. Capital ya Kenya 

ni Nairobi. Uhoro ucio urathira. Turathii hangi turoiga atiriri, Kenya ruthiomi ruria ruhuthagirwo ruio ni Katiba ni ruagithungu, no 

ithui na ithi tutiri andu airu. Turoiga handikwo ona gukiaragio githungu, ruthiomi rua nation ya Kenya ni ruriku? 

Audience: Ni githweri. 


Com. Muigai: Na rurandikwo hau. Turacoka turandika turoiga atiriri, Kenya ni bururi o mundu ndini yake yagirire ni gutio. 

Kwi ndini nene gukira iria ingi? Mundu uria ukwenda gukorwo e mu Catholic. Agakorwo e….mu catholic. Mundu uria 

ukwenda gukorwo e wa P.C.E.A. agathii P.C.E.A. Mundu uria ukwenda guthoma gia akorino agathoma. Mundu uria ukwenda 

gutuika muithiramu ageka atia? Nigetha o mundu o mundu ni ngoro yake irimutuira. Naho hau turandika. Turacoka turoiga 

atiriri; tondu ni kuiragwo maita maingi ati bendera niricenjio ri na rwimbo rwa bururi niruricenjio, turoiga uhoro ucio uthirire hau. 

Bendera no iria tuaheirwo nayo wiyathi na rwimbo no ruria tuainire naruo bendera. Naho turandika. Turacoka turoiga atiriri, 

thiguku nicingihite muno. O mundu na yake. Turoiga cieherio ciothe, itigare ici? Ithatu. Muthenya uria tuaheirwo wiyathi, iyo ni 

thiguku mwanya. Iria tuaheirwo madaraka nayo niyo thiguku mwanya, na muthenya uria Katiba ino igatuika itu ni muthenya 

mwanya. Ithatu tu, icio ingi ciike atia? 


Com. Muigai: Nitukuaria thuthaini, ongorwo uri undu ungienda kuongerera. No muhaka tuarikia kugweta uria Katiba yugite 

guothe ri, niguo tukugia na kahinda ka mundu kuuga atiriri, no nonyende hana hekwa atia? Hathondekwo. Na riu nguthii oro 

uguo ndikitie. Kuuma hau nituraririe uhoro wa citizen a bururi uyu, na riria tuathiururukaga Kenya yothe ri, he undu umwe 

watumakirie; na inyui mugituira tuthii turore undu ucio. Ati muiritu aciaritwo bururi wa Kenya, akahikio ni mundu utari wa bururi 

wa Kenya, ciana ciake itingituika cia Kenya. Mugituira tuthii turore handu hau. Tondu inyui muatwirire gutiri mwana wa nda na 

wa mugongo. Mukiuga kana ni anake kana ni airitu, ciana iria maciarite niciaku? Ni cia bururi wa Kenya. Niguo turandikire. 

Turoima hau, ciana iria mutumite Ruraya na ninjui ta guku Mathira nimurute wira munene wa guthomithia ciana. Mathiaga mundu 

akinya Ruraya, aheo marua ma guikara kuu agatunywo maki? Ma guku Kenya. Mugituira mutikwenda uguo. Mukiuga mundu 

waciariirwo guku na ni kuo kwao ri, ndakanatunywo marua make ma….aheo marua maita meri ma kuu ari na maguku. Na 

nigetha ona githurano gietanwori agatumirwo ithandaku ageka atia? Agaikia kura. O uria atumaga mbeca guku tugaciria, nake 

9

akaigua uria mundu aiguaga ekira kura na niguo turekirire. Uguo niwega? Turacoka turoiga atiriri, bururi uyu wina thina tondu 

ciana bururi uyu kuuma riria tuagiire mathina maingi ri, ciana niciukite town na rimwe ciuragio nyina nuu, ithe nuu ndoio. Ciana 

nicioriirwo, niciorire micci. Agathii kwa chiifu kugira kibande, agatuika ndangiheo tondu arorio. Wi wao, thoguo nu? Gukaguo 

nuu? Turathondeka turoiga atiriri, mwana wothe wi guku Kenya unyihiirie miaka mungwanja, wonekete guku Kenya. Ni 

mukenya tondu ithui Africa, turi tuate ciana. Turoiga ciana ciothe, mundu wina miaka mugwanja gucoka na thi, ndakanacoke 

kurio oimite ku. E guku ni witu na nitwamutikira ni aneo kibande arute wira uria ekuruta. Atuara mkokoteni nowega. Turacoka 

turoiga atiriri njehere hau riu. 

Turoiga inyui muatirire ati muiguaga citizenship ya Kenya ni kwendio yendagio mawabichi ma thirikari. Ikaheo Uhindi, ikaheo 

Arabu, ikaheo Athungu. Turoiga tutigucoka kwenda uguo. Nigetha mundu wana nja atuike citizen turoiga guguthondekwo 

Commission iria ikurugamirirwo ni athuri na atumia a bururi uyu o mundu mutiikanu tui ndari waganu. Nigetha maundu mau 

magekwo atia? Magathii marugamirirwo makandikwo ngathitini tukamenya nuu ucio urenda gutuika citizen wa Kenya. Okire 

guku ri, na kuuma oka ateithitie na njira iriku, na kana e bururi ungi aretherwo maundu ma waganu. Riu athuri na atumia acio 

mathomari, makoiga ucio na ucio nituetikira, na ucio na ucio eke atia, athii. Nimuetikira uguo? 

Audience: Ii. 

Com. Muigai: Ini. Nigetha aria nao maratuirio ni mbeca icio cia ihaki, riu nao magiethe wira ungi wa kuruta. Handu hangi 

turathondekire ni haria hegie riri na haha nonyende. Riu twi kwa, iria na githweri tuitaka haki za binadamu. He undu umwe 

muatutumire naguo na ni undu hihi tugucoka tuaririe tuarikia. Ni muaturirie gitumi kiria gitumaga thirikari yurage andu na kundu 

kumwe andu nimoigire riu ona kuraga andu. 

Ona aria kuiragwo miici ni yathii kuragwo. Nikuarehire hathara guku miciini tondu muici ageragia kuraga aria atiga nigetha 

matikanamumenye igotini. Na he handu turoigire andu aria othe aganu mohagwo maisha makoherwo na kuo no matikoragagwo. 

Hau ninjui ona inyui nimukuenda o mundu kwaria uhoro ucio, tondu ti undu muhuthu, ni undu turathimire, turathima turathima. 

Gwi kundu andu maroigire andu nimoragagwo na aingi anyu nimoi guku kuuma 1983, andu matiri moragwo. Nimui uguo. Andu 

mohetwo Kamiti maigitwo kuu na matiri moragwo. No magoti maikaraga makiugaga ati mundu o wothe urari muici niekuo atia. 

Na ithui guku miciini muici oka kuiya ri ona niwamuona, agatiga akuraga nigetha mutikanacemanie igotini. Hau ningwenda 

muicirie nigetha muge kana nima niguo tuaiguanithiirie kana hari undu tungitua. Undu ungi ni undu wigie atumia. Atumia turoigire 

haha turandika ati atumia othe bururi wa Kenya nimagiriirwo gutio na kurugamirirwo ni watho wa Kenya, uria watho 

urugamiriire arume. Tondu Kenya ni bururi wa democracy, na bururi wa democracy, kana mwana ni wa kahii, kana ni wa 

kairitu, kana mundu ni mutumia, kana ni mundurume. Naithi ucio ti mundu, mbere ya Ngai naithi ti mundu? 

Audience: Ni mundu. 

10

Com. Muigai: Turoiga gutikanagie watho ungiuga ati muiritu uria wina githomo riu ta Wairimu uyu, ndakaheo wira. Wira ucio 

ugetherwo anake aria matari na githomo. Kwi mundu ungienda uguo? Kwi hindi ungienda guthii thibitari ugathondekwo ni 

ndagitari uria utari na githomo tondu ni mundurume? 


Com. Muigai: Githi unandukuenda o mundu uria ui wira wake. Mundu kuringana na githomo giake, na airitu ni aitu, na anake 

ni aitu, na aciari ni aitu na amami ni aitu, andu othe niau? Bururi wa Kenya tukuenda o mundu eremagirwo wira no ndagatunywo 

wira ni watho. Nituaiguithania? Riu mwenda kurunga ni mukurunga thuthaini. Turacoka turoiga aciari aitu aria matuciarite nao 

maheo handu hao. Aria twitaga andu aria akuru. Ithui turi andu airu, muikarire witu niuri giti kia andu aria akuru. Niguo? 

Turandikire Katiba ini ati, o uria turarora ciana na tukoiga ciana ni kienyu kia Ngai, gia kurugamirira bururi matuku ma thutha. 

Ona andu akuru twike atia? 

Tondu turaria indo iria marimire. Nacio cihau. He mundu ugukararania noguo? Haya tutigithie na mbere. Ciana nindaheana 

uhoro wacio tutigucoka hacio. Turacoka turoiga mundu wothe waciarirwo ena kaundu gake gatari keega, kana nikuona 

atonaga, kana ni kuaria ataragia. Kana ni guthii atangihota guthii, kana ni kuruara ndwari, ekwo atia, arugamirirwo ni watho. 

Aria twitaga na githungu disabled persons. Mundu ucio kana ni kionje kana ni gitumumu, arugamirirwo ni watho wa Kenya na 

nigetha akorwo andu ni githomo marathoma gia thirikari onake eke atia? 

Audience: Athome. 

Com. Muigai: Akorwo ni ndawa turanyua cia thirikari nake ageka atia? He mundu ungikararia uguo? 


Com. Muigai: Githi tiguo ithui tutuire. Na niguo tutuire twendete. Hau naho turathondeka uguo. Turacoka turoiga atiriri, bururi 

wa Kenya, gutikanagie na mundu ungirutithio wira wa ngombo. O mundu Kenya uria yaruma, gutikanagie ngombo ya 

muthemba uriku kana uriku. Nigetha andu a Kenya mature me free na mundu agakorwo na rutha rwa …uhoro ugeka atia? 

Wenda kiama giaku kia uteti, ugetikirio wike atia? Hatari karani kuria Nairobi gegukuira, ihi we ndugathondeke kiama 

nduroneka ta wina ugi wa kuigana kana mbeca cia ki? O mundu enda kiama. Hau ni handu hamwe mwatuirite tunine ciama 

itigare ithatu kana inya. Tuathima turona atiriri, reke ciana ciingihe mundu agie andu a kumurumirira. Kiama kiaga mundu wa 

kumurumira naithi gitigukua. Naithi tiwega handu ha kugiria mundu ucio muture uthu nake. He undu ungi turoigire haha ndiui 

kana nimuguitikania naguo. Turoigire atiriri, Ngai tondu niarathimite bururi uyu witu muno ri, na nduri mbara na nduri ngui, na 

mabururi maria matuthiururukiirie mena thina muno na mbara ri. Twitikire andu aria moka Kenya maingatitwo mabururi mao ni 

mbara tugeka atia? Tukamateithia kinya hindi iria igakinya yao yaki? Yakuinuka. 

11

Uguo tikuga ati moke guku moye migunda itu, kana moye mawira maitu. Kana moye maundu maria mangi. No ithui niundu wa 

gucokeria Ngai ngatho ri, naithui tukahe mundu uria wina thina ki? Gwa kurara. I tiguo tutuire. Undu wigie indo cia mundu tondu 

nituronire guku Kenya hindi irakinyire uraigua andu mena migunda kuna, nimatunywo, mena kindu kuna nimatunywo, turandika 

ati; mundu wothe wa Kenya no agure mugunda. Agure nyumba, agure kiria kingi. Kuria guothe angienda thiini wa Kenya. Na 

indo ciake itikanoywo ona mburi yake kana nguku yake ni thirikari ategwika atia? Atekurihwo. Turoiga ma Chief na ma DO na 

aria angi. Ninguka uhoro wao. Acio nituoigire mainuke makarute wira ungi. 


No turoiga ona mangigacoka, andu aria angi mugathura. Turoiga aria meguthurira riu tondu ni andu murithuragira aria 

mariathanaga guku. Kinya athuri na ningukinya hau. Athuri guku gwitu tuoiga athuri ni athuri na atumia. Githi tiguo? Tuoiga 

kiama gia athuri naithi tutiramenya gitiri na kinya atumia. Turaigire tukwenda kinya athuri tumahe igoti riao gicagini nigetha mundu 

uria muaganu. Uria wonaga Nyeri ni kuraya muno agigatuarwo ri, athuri makamba mageka atia? Magacira cira wake na waganu 

wake ukaninirwo o ha…o hau. Uguo niguo turatuire. 

Undu ungi. Riu nitukuhiuha nigetha riri. Reke tuke uhoro wa thirikari uria ikuhana. Githi hau tiho uhoro uri. Thirikari turoigire 

yaturwo maita mana. Kugie thirikari maita mana. He thirikari nene iria tureta thirikari ya nation. One minute. Turi o hamwe? Aria 

mwinaayo riu turarora Section 213. Nimuamiona? Riu ndirenda muambe murore 215. Turoigire thirikari iguaturanio maita mana. 

Kugie thirikari ya Kenya na niyo tureta national government. Neyo ni thirikari ya kurugamirira Kenya I yothe na indo cia Kenya 

ci ciothe. Kana ni iria ria Victoria, kana ni riria ria Indian Ocean, kana ni kirima giki gitu gia Kirinyaga. Icio ciothe irugamiriirwo 

nu? Ni thirikari ya Kenya iria tureta national government. Turacoka turathondeka kuuma hau thirikari ya district. Iria iratuire I 

county council, nitukumicenjia. Handu ha itagwo county council, kuu nikuo thirikari igucoka. District government. Na nii korwo 

ndi muteti giti kiria ingirugama nikia munene wa district tondu mahinya maria enamo ni manene muno. 

Munene wa district egutuika ta governor wa district. Riu district ya Nyeri. Giti kiria DC araikariire. Na kuria chairman wa 

county council araikariire, igutuika giti kiu, kimwe na giguikarirwo ni mundu uyu uretwo administrator. Na inyui mugucoka thiini 

wa district council, mutumane andu aria muguthura kuu mekuhana me MP ma district. Giti gia councillor ri ni gigucoka kihaice 

ngathi kidogo. Tondu Councillor riu megukorwo me thiini wa district council nikuo mariciragira; no district council ina mahinya 

maingi gwi kanju iria irari kuo. Tondu Minister wa Local Government ndegukorwo na mahinya ma kuingirira wira wa kanju. 

Kwa muhiano, local council ya Nyeri niyo irithondekaga bara cia Nyeri, niyoirithondekaga thibitari cia Nyeri. Niyoirugamiriire 

thukuru cia Nyeri. Niyo irugamiriire maundu mothe mekagwo ni muingi wa Nyeri. Niyo irugamirire maundu ma kahuwa na 

macani na ng’ombe na igoti rianyu inyui andu a Nyeri muririhaga kanju. Na kanju muamiriha igotiri igacoka ikahuthira mbeca 

iciio ku. Igacoka igatuma tunini Nairobi nio nao matigakue ni ng’aragu. Na ona inyui indo cianyu mugacirira ku? O kuria muri. 

Nihega hau? Thirikari iria ingi ni majimbo? 

12


Com. Muigai: Haya. Nitukuaria icio. Thirikari iria ingi. Province niikugia na thirikari yao no ni very weak. Thirikari ya Province 

ni ya gu coordinate districts. Nimwanyita hau? Thirikari I thiini wa district. Province kiria kuri ni coordinating body. Ke hau 

ndimutaririe wega nigetha muigue. Riu nituge ithui turi andu a Central Province, guku Nyeri nigukorwo wabici nigetha andu a 

Kiambu, na andu a Thika na andu a Murang’a na andu a Kirinyaga na aria angi. Magoka guku. Mundu ucio tweta district 

administrator, a district iria ciothe I central province. Magacemania guku Nyeri. Nigetha mahote kurora uria mangikuria districts 

ciao. Twi hamwe? Nikuga thirikari ya province ndiri na hinya. Wira uria inaguo nowakurugamirira maundu maria tungienda 

gutukania twi district. 

Nigetha andu a Nyeri na andu a Kiambu na andu a Murang’a na andu a Kirinyaga mangiuga ithui…ngwiciria hau nimuanyita. 

Kwoguo niturutie thirikari na iguru. Kwina thirikari ya Kenya, iyo tutiri na thina nayo, naithi tiguo? Iyo iraruta maundu ma bururi 

wi wothe. Niyo nyene army na niyo nyene birithi, na niyo nyene magoti me mothe tiga maria tukuaria uhoro wamo maria 

ndamwira ma athuri. Iyo nitueheria. Kuuma hau he thirikari ya district neyo niyo thirikari iria ina hinya na iyo irugamiriire uhoro 

wayo. Thi wa district, he thirikari ya location, na he thirikari ya sublocation, na thirikari icio ciothe ni cia guthurwo ni andu. 

Tungianjia na thi, thirikari iria ithi biu ni gicagi, sub-location. Thiini wa sub-location tuguthurana athuri na atumia aria 

marirugamagirira maundu ma itura ririku? Na itura ini riu noho tuguthondeka igoti ria athuri. Nigetha tuundu turia tunini tunini 

tutuaraga andu Nyeri tutikamarutage mucii. Tondu nituninirwo mucii. Nao athuri acio riria kwina mbeca cia kuhuthirwo, kana 

andu ni munanda marenda guthondeka, kana andu ni dispensary mekwenda guthondeka, kana ni mawira marandikanwo thiini 

wa district. Nigetha andu othe hatikagie mundu ugutigwo ri, uhoro ucio urirutagirwo ku, thiini wa location. Wira uria urarutagwo 

ni sub-chief, urirutagwo ni athuri ariku? Tucoke riu twambatire tukore location, nayo he thirikari ota iriku. Na ni thirikari ya 

athuri. Ya kiama gia athuri gitukanite athuri na atumia, na nio marithondekaga maundu ma itura uria mekwenda itura rituarithio. 

Tume hau tukore thirikari iria ina hinya, na niyo thirikari ya district. Ya division nitwaria uhoro wayo. Tucoke tuthii thiini wa 

district na kuu nikuo mahinya mari. Tucoke tuthii province na province ni gu coordinate. Tiguathana. Gutiri watho wi Province. 

Na nikio ino turathondekire ti majimbo. Tondu watho nduri thiini wa province, wi thiini wa district. Province wira wayo 

nikunyitania district nigetha iteithanie maundu maria ireka atia? Nituoye cukuru ta iria tuitaga provincial schools. Kwi hindi 

thukuru iyo ingigithondekwo districts ciothe itari hamwe. Ucio niguo wira wa province. Provincial hospital ta iria twinayo guku. 

Ikarugamirirwo ni andu ari ku? No andu acio othe mathuritwo o mundu kuuma district yao. Uguo niguo thirikari ikuhana. Reke 

riu tucoke turanie atiriri, I wira wa President. Na hau niho uhoro wothe uri. Ucio uguthii atia? Na ithui tukoiga atiriri, wira wa 

President tukwenda kuugayania maita meri. Na no inyui muatuirire uguo. Mugituira atiriri, mundu uyu uretwo President ri, riria 

athurwo ni andu ri, he na thina uroneka tondu, ta riu inyui andu a Mathira mungithura Mheshimiwa wanyu atuike President wa 

bururi. Naithi ndathii gutakingira bururi. Na inyui muritangikagirwo nu? Mugituira, eheriai President thiini wa Bunge, nigetha 

13

arute wira wa bururi na ithui tukorwo na Mbunge witu uria turiheaga uhoro. Uguo niguo turekire. 

Turoiga President wa Kenya ndagakorwo e mu member wa Bunge. Akorwo wira uria tumuhete ni wa President e wiki. 

Turacoka turoiga atiriri, thiini wa Parliament, tugayanie Parliament ituike nyumba cigana? Igiri. Nigetha kugie Parliament, iria 

tuitaga umuthi Parliament, Lower House na tuthondeke ingi Upper House. Andu amwe mendaga kumiita Senate. Guku 

turamitire national council. Andu aria tuthuraga thiini wa Parliament tuguthii na mbere na kumathura no mariikaraga chamber yao 

ya thi tucoke tuthure angi tugutuara Chamber ya iguru. Chamber ya iguru irutaga wira uriku? Inyui muatuirire atiriri, rimwe ri, 

maundu maria marahitukio ni Bungeri, mamwe nimarakorwo mateng’eretio muno. Nihethwo chamber iguikarwo ni athuri aria 

mariugaga, ambai mutige hanini undu ucio tucokere tuone kana ni mwega. maundu mamwe ta magucenjia Katiba nimuririkanaga 

amwe athuri na atumia aria me haha. Riria Katiba yacenjirio ciama ciothe ikigirio gugituika kiama no kimwe. Nimuririkanaga? 

Wira ucio warutirwo na muthenya umwe na andu aingi riu moigaga ke tugerie gutikanoneke uguo ringi. Nikugie na Chamber iria 

irikaga atia, iricungaga maundu. 

Niyo riu turathondekire chamber, na chamber iyo ikuga ati; nigugukorwo na andu igana rimwe kuu chamber iyo. No riu he 

handu ngwenda kumutariria hanini. Tondu he handu ngatheti iroiga atiriri, andu mirongo kenda matirithuragwo ati mariingagira 

Parliament matari athure. Ati turenda ninety nominated members. Uguo ti ma, na andu aria maroiga uguo nikuga matiui na ni 

andu a maheni. Uria turoigire ni atiriri; thiini wa legco. thiini wa legislative council iria tutumaga Mheshimiwa witu na aria angi. 

Igukorwo na member magana meri na ikumi o uria ihana riu. Twi hamwe. Acio tukumathura o uria tumathuraga. O mundu 

akarugamio ni kiama giake tukamuhe muti. No nitugucoka tukorwo na andu angi mirongo kenda nacio tutikumathura uria 

tuthuranaga riu. Na muthikirie wega. Na ningukinyukia njoke thutha hanini. Kinya umuthi uyu uria guthiaga thiini wa Parliament 

na nimui mu member wanyu niamuirite na aria angi ni ati; ona tungithura mu member witu tumuhe kura ngiri magana meri, riria 

agakinya Parliament agakora mundu ungi urathurirwo na kura ngiri ithano. Ni ma? Na ithi tiguo kuhanaga? 

Audience: Ii. 

Com. Muigai: Riu ukona handu hau ri hena kihoto? Hatiri na kihoto. Riu ithui uria turoiga haha ni atiriri; o kiama o kiama, 

nitukugeria kuiganania miti iria kihetwo na andu aria kinayo thiini wa Bunge. Twi hamwe? Ke ndimuhe example, githurano kiria 

tuirigari, kiama kiria giathanaga gia Kanu, kiari na kura about thirty four percent ya bururi wi wothe. No kiari na iti thiini wa 

legco makiria ya fifty percent. Twi hamwe? Riu tugakiuga atiriri, iti iria mwi naciori na miti iria muikiirio no nginye ciigananio. Na 

nigetha ciigananiori, iti ici mirongo kenda tuciigite nigetha tuthondeke nyamu itagwo party list. Angorwo kiama kiria kiho ni gia 

Safina, githurano gikwo kiumia giki kingi, gigatuhe list ya andu aria magathii Bunge tuakihurira miti. Na handu hau ndiratariria 

wega niui ndi mwarimu ninjui riria itaratariria wega. Kwoguo reke njokere hanini. Nimurahaigua? Ni ati o kiama o kiama no 

kinya tiga abunge aria marugamite na kiama kiu, acio me mwanya. Acio turamathura iti iria magana meri ma ikumi. 

Nonginya gituhe maritwa ma andu angi mirongo kenda. Mabangitwo kuringana na uria kiama kirona ati, tungigatonya Bunge, 

14

mundu uria ungi tukenda etwo tondu ni witu nu? Ni ng’ania wa ng’ania. Iyo niyo tureta party list. Mu-member ucio nikuga we ri 

tutiramuhurira kura direct. Twi hamwe? Nituge atiriri, ta riu itura ta riri rianyuri, he muthuri kana he mutumia utiikanitwo ni andu 

nimoi ni mundu wa kihoto na ni mundu ungithii gucira wega no timuteti. Ndoi guteta na ndangihota maundu ma campaign na 

makwaria na muingi na makurua na abunge aria angi. Ucio niwe woyagwo agekirwo list iriku? Nigetha andu a Mathira 

mamenye atiriri, ithui tuikiria democratic party miti tuthure Mheshimiwa Matu Wamae. Muti ucio urathura andu aigana? Eri. 

Tondu ahotana kiama kiu kiaingira Bungeri ona Githu niakaingirira hau. Tondu ni wa list iriku? Iri I kandu. Nimwanyita? 

Tondu riu bata wa iti icio mirongo kenda nigetha ciigananie. O uria DP iraingihia MP ikarumiriro ariku? Aya angi nigetha uritu 

wa abunge aria enao na miti iria maikiirio ike atia? O korwo ni Kanu nayo ri, o uria irongererwo mitiri, nao andu ao aria me list 

ino mageka atia? Kwoguo andu aria maroiga ati; turoigire andu ma nominatagwo andu mirongo kenda ri, matiraria uhoro wa 

ma. Andu acio mirongo kenda ni aguthii kuimbiriria kura iria tuikitie. Nigetha angikorwo Mheshimiwa turamuheire kura ngiri 

magana meri, karori kau gake gagakururi mundu uriku? Uria ungi. Na nigetha we ugithii guikia kura ukoiga atiriri; nii ri ingiathura 

riri, korwo ninii ndetikirio ri ingirathurire Kamau wa Njoroge, no Kamau ri kiama kiu kiao, gitiri na mundu uria ungienda 

ongererwo. Reke hurire kura kiama giki nigetha first ndume mbunge njoke ndimurumiririe mundu uri ungi uriku? Uria wi list. Riu 

riria miti iritaragwo yarikia gutarwo, murona ati tuarumirira uu turoiga, ati kiama kiria giikirie miti muno ni muingi nokio kina 

member aingi kundu kuriku? Niuguo riu. Hau nituoima. Nimwaigua. 

He handu hangi ngwenda guthondeka tondu harerwo atiriri, ati nituragiria anake maingire thiini wa wira munene wa President. 

Turoigire mundu ukwenda wira wa President ri, miaka mirongo itatu neyo? Ni minini. Anake mukuenda tumekire iriku. Thirty 

five naithi ti miega. Turacoka turoiga atiriri na no inyui muroigire. Muthuri akinyia miaka mirongo mugwanja agathii kuhuruka, no 

turekira kangi getagwo atiriri, turekira kangi karia ga kuganira uhoro na athuri aria marugamiriire bururi kinya ha. Turooiga tiga 

President uria wikuo riu, acio angi othe mundu warugamite 1997 etikirio kurugama ringi. Nui Constitution ino tutirandika ya 

muthenya umwe. Turoiga okorwo ni muthuri ta Mheshimiwa Mwai wa Kibaki, ucio no arugame. Angorwo ni muthuri 

Mheshimiwa ugwitwo Simeon Nyachae, ucio no eke atia. Tondu acio ni athuri a tene wiraini. Ni wazee wa kazi. Turoiga acio 

mathiire. Nio a muthia. Gutigutonya athuri angi megukiria seventy gitini kia President. Na niguo muoigite inyui. Turacoka turoiga 

atiriri, mundu wothe urenda guthii kuria Legco. gucira tondu cira niwagiire thina. Agie na degree athii ethe. MP akoragwo na 

degree yake ya kumuciririra. Ni muguitikania noguo? 

Audience: Muno. 

Com. Muigai: Nitugucira. No turoiga giki gikurugamwo riu. Ambotige. Turoiga kiria turathii kurugama riu, kiu nitukwamba 

gwitiikiria andu aria angi matigeke atia? No iria irirugamagwo thutha, MP agakorwo na degree na turoiga Councillor uria 

urithiiaga district council no nginya akorwo na githomo kia form four. Anga mutinetikania na uhoro ucio. He handu riu nigetha 

turikie. Nigetha turikie twarie kuanjia uhoro wa….etererai o hanini. He handu turathondekire turoiga atiriri; bururi uneo Prime 

15

Minister athiage Bunge ariwe ni getha President aikare kuuria Statehouse, arute maundu ma muingi wothe wa Kenya. Ti ma 

thirikari. Na no nginya ndimutaririe hanini uria turakinyire hau. 

Inyui muatuirire atiriri, President make rimwe nimaratuhingica. Tondu arokira rimwe rucini, agathii akaruta wira wa bururi. Thaa 

inyanya agathii akaruta wira wa thirikari yake. Hwaini agathii akaruta wira wa kiama. Riu hau gatagataini tukarigwo 

tungimuonire ri? Aria tutari a kiamari tungimuheire maoni maitu na uguo. Mugituira atiriri, thii muthondeke wabici ino ya 

President. Yehere guku iri wira ini wa kiama na wira wa thirikari. President ahaice haria arute wira wa bururi. Mumuethere 

mundu ungi, mundu ucio athiage Parliament nigetha agacokia ciuria kuu. Nigetha akaruta mawira ma thirikari. Uria turageririe 

gwika turoigire atiriri; he wabici maita mau, matatu. He wabici ya President. President niwe Commander-in-Chief wa Army ya 

Kenya. Niwe head of State. Niwe ungirugamirira bururi wa Kenya mabururini maria mangi na micemanio ya mabururi. Niwe 

ungi sign maratathi ma Kenya mothe. 

Kana Kenya ni maundu iraiguithania na Uganda, kana Ngeretha na kuria kungi. Signature ni ya President wa bururi. Niwe 

mwene kuheana mawira. Turoiga akorwo urenda gutuika Ambassador, President agakuamura. Akorwo urenda gutuika Judge, 

President agakuamura. Angorwo niwe ugutuika munene wa birithi, kana wa jera kana wa kuria kungi, ukamurwo ni President. 

President niwe wagutua kana Kenya nikurua na andu. Nuui guku nigutuire hindi tutekumenya mbara iruithagio nuu. Turoiga ni 

President wiki ungiruithia mbara ya Kenya, aikarite thi na defence council, na akoiga ni tuthii Uganda riu, kana ni tuthii kuria 

kungi kwina haro. President niwe ungi declare the state of emergency. President ena power cia kuingirira iyo tweta district. 

President angirora district one ni nyamarikire muno tondu indo ciao niciirwo, kana kwiina haro kana kwina ngui, no a declare 

seventy…riu he handu murathoma ngathetiini hakerwo atiriri; ati turathondekire President utari power. Tiguo. President wa 

Kenya ena power cia kuigana. Uria turekireri ni kumueheria tumawira ini tutari na kiene. Tuaguthii kuhingura ndunyu, tuaguthii 

gwika atia…. 


Turoiga aikare wabici arute mawira ma bururi. Akaruta wira wa bururi nigetha andu mamutetagira. I Prime Minister, Prime 

Minister turoigire atiriri, mundu ateta na kiama giake kiria atete nakio ri, aingira thiini wa Parliament, President agathii kuo 

akarora, Parliament nuu wina abunge aingi. Na nikio aria ngumuiraga abunge mirongo kenda ri acio mena bata. President aingira 

Bunge ri akarora mundu uria wina andu aingi kuu ajumbe. Akamune giti kia Prime Minister. Prime Minister niwaguthurwo ni 

President, na riria mutugo wake ugathukari, akeherio nuu? Wira wake nikurehe mawatho Parliament, niguthii ku run Ministry, o 

korwo thibitari gutiri ndawa agacokia ciuria na tuwira turia tungi tuakuu twa muthemba ucio. No he Vice President. Na Vice 

President na President turimathuraga me kindu kimwe. Hindi ya githurano arimuiraga atiriri; nii muathurare, muratuthura twina 

Mheshimiwa. Nigetha nawe ugatua cira. 

Nigetha President tondu ona utakua niathiaga ugeniri, President angikiruarira wabici ri, naithi mutigukirara wega mui atiriri; tui 

16

mokoini ma makamu na makamu niithi tuathurire. No riu uria Constitution ihana umuthiri naithi mundu ndekurehe makamu wake 

amurutite ona kuu. Naithi to aganie bururi na tiithui tumuthurite. Niguo turageragia guthondeka. Riu nimuaigua uhoro ucio. 

Handu he hao murathoma ngathetini muno na he na ngucanio kidogo. Turoigirie atiriri na no inyui muaturire, na ateti nao makiri 

na uria maroiga. Turoigire andu aya metagwo Minister. Ministries ciambe inyihio itigare ikumi na icio. Ikorwo ministry ikumi na 

cigana. Tondu bururi witu guatuikire mundu o wothe utari na wira agetherwo ki? Kinya kabururi kanini tagaka urona Minister 

mirongo iigana? Twenty seven ministers. Igacoka ikongererwo assistant minister aigana, eri eri makahinga mirongo iigana. 

Turoiga atiriri, thirikari inyihe nigetha indo ciitu handu irihe ma Minister ri, cirehe ndawa mathibitari. 

Nigetha tunyue ndawa. Riu turoiga Ministries inyihio itigare ikumi na icio. Mugicoka mugituira undu ungi mukiuga atiriri, ma 

Minister ri nimararuira iti muno. Wira uria tuamatumite makaga gwika atia? Meherie thiini wa thirikari mathii maikare Legco. 

mathondekere watho ku. Natuo tuti tutu tua Ministers nituetherwo andu angi matari andike. Marugamirire thirikari. Marakarania 

makabutwo magacoka kuria mundu athukumaga na nigetha ajumbe aitu ri mamoragie ciuria makimoragia muratuarithia atia. 

Kumwe muatuirire atiriri, rehei mundagatari mumutue Minister wa Health, nigetha amenye uria areka. Muthii murehe mwarimu 

uria uratiikana ni andu atuike Minister wa githomo. Murehe mundu uria ungi uramenya uria areka arugamirire ki, mbeca. Murehe 

uria ungi uramenya uhoro wa ngirigaca arugamirire ngirigaca. Riu uguo niguo turoigire. Turoiga Minister ni ikumi na atano, na 

mariethagwo Kenya I yothe. Mundu utari muteti, uguka kurugamirira Ministry, miaka yake yathii ageka atia, agathii. Hau 

nihekugia ngucaniriio no niguo ithui turatuire. 

Magoti turoigire, igoti nario riongererwo. Riu ndihakuhi kurikia tondu nituaririe muno. Igoti turoigire rithondekwo rimwe inene 

kuria iguru rigwitwo supreme court. Turoiga supreme court ikirwo iguru, irumirirwo ni court of appeal, irumirirwo ni high court, 

irumirirwo ni maya tuciraga namo guku metagwo ma Magistrates, tucoke tuthondeke magoi ma athuri kuria thi; nigetha athuri 

nao maciragire miciini. Riu mukenda kuria atiriri; njukiriria eno yumanite na aciarithania aya mekuori yumite ku? Yumite riri, inyui 

muatuirire ati andu acio matiratua cira na kihoto. Mugituira ati; ma Judge aria mekuo aingi ao mathuritwo ni undu wa uteti, na 

kundu kumwe tuathire muatuuririe atiriiri. Akorwo maritwa maya mirongo ina na atano ni o ma Judge ri, kai guku gwitu gukiuma 

o eri niki angikorwo kurathuranwo na githomo na umenyo wa wira? Naithi tiguo muoriirie. 

Riu naithui turoiga atiriri; athuri aya angikorwo andu aria maracirithia matiri na gitio kiao, nimakiagiriire ni guthii na mbere na 

cira? Na ithi mbunge witu ndeguka guku giatangathwo nigetha mumuongerero hinya. Mumwitie marua kana mumuongerere 

hinya. Anene naithi tinyui. Ma Judge mongagirirwo hinya nu? Gutiri. Kwoguo magakinya handu mundu agatua cira uria arenda. 

Agatua cira na ihaki, agatua cira na uteti, agacoka agatuika igoti ni riake andu othe maturagie maru. Turioiga ihi, tondu andu a 

Kenya nio ene magoti ri, inyui inyuothe muguika uguo ri, muikithio kigerio. Mundu uria ukuhituka na oneke mundu ucio ndari 

mbeca cia mundu o yagari, oneke mundu ucio ena githomo gia kuigana giti kiria aikariire ri, na ithi to gucoka e gucoka. I nake 

uria uteri? Na ithi to nginya ainuke. Makoiga o matiagiriirwo kuinuka. Ati ma Chief nomainuke, ma DO, ma PC nomainuke, no 

ma Judge matingiinuka. Mukuenda atia inyui? 

17

Audience: Mabataire kuinuka. 

Niguo tureciria ithui. Riu igoti turoigire rithondekwo uguo. Riu reke turikie. Ha muthiari. Ha muthia turoigire atiriri; ha muthia 

turoigire atiriri; he mawira matuire me kuo guku Kenya, na mawira mau maheanagwo, andu magacoka kurania ucio nake nuu 

uraneirwo wira? Tondu ndowikaine na ndarathurwo kumenyekana na uru. Ndari na githomo, ndari na experience, ndari na 

ugima. Turoiga atiriri, he mahinya meho tukwenda gwitia President, na twitie Prime Minister na tuitie aria angi nigetha tucokie 

ku? Bunge. Mheshimiwa tondu niwe tuthurite. Naithi to tuende iti ikineanwo agakorwo akiuria ucio waneo niwe u? 


Riu turoigire atiriri; giti kia Judge, giti kia Ambassador, giti kia Attorney General, giti kia Auditor General. Giti kia ma 

Commissioner kiinya ta ici tuikariire tugukiriria ni getha ineanwo na mutaratara ucio. Gitikananeanwo ringi Kenya abunge matoi 

acio maraneo nio a. 


Nigetha tueherie kimenyano. Nigetha tueherie kipendeleo, na nigetha Kenya andu othe maiganane. Na mbeca iria turongania 

guku tugathomithie ciana ri, nigetha itige kugua rui. Nigetha ciana iria tuathomithia na thina, tukamenya ona riria mawira 

makaneanwo nio makaneo. Uguo niguo turatuire. 

Undu wa muthia uria turatuire ni atiriri; inyui nituramuongereire mahinya. He handu murerwo atiriri, ndiraigure andu angi maroiga 

atiriri, Katiba ino njeru, ndiri kundu ihete muingi hinya. Gutiri Katiba iri yahe muingi hinya ta uu na niho tukurikiria. Turamuheire 

hinya wa guthura MP, mugacoka mukoiga niacoke. Niacoke na mucii tumuhe wira ungi, tondu kuuma athii ndararuta wira uria 

tuamutumire. Ucio ti hinya? 


Na turoiga kinya Councillor. Ona Councillor muri na hinya. Inyui muri na hinya uyu turamuheire tondu, tuokire no tiguku 

kwanyu. Inyui tuatigire mukenete. Gwi kundu tuathire. Kundu kumwe ndathiire na ndege twina Minister, twakinya nake andu a 

kuu makiuga twi na ngatho maita meri. Imwe he Ngai nikumurehe. Inyui hari inyui niguturehere mumember tondu tumuthurite 

miaka ikumi tutiri tuamuona. 


Andu acio magituira atiriri. Na ninjui guku kwanyu nimuonaga mu member wanyu. Magituira ithui nitukwenda mutuhe mahinya. 

18

Mu member riria athii akorira Nairobi to uyu muoka nake ri, tukamwita guku tumuethere wira ungi guku nigetha tutume mundu 

ungi. Mahinya mau nituramuheire. Riu tondu nindarikiari, Constitution iitu ihana uguo. He kiuria kimwe handu ndatigari. Riu 

ndikie na hau, Coordinator witu nawe woye kameme karia uguthiuuruka nako. Wega naithi ti twanjie mwena umwe tuke uguo 

na comment cia andu. Amba undirikanie hau. 

Mugo Nyamu: Ngoja kidogo. Amba wuikare thi. Ni ma ni ma hau niandirikania. Aroria atiriri muthuri ucio. Mundu akiuria 

kiuria ii, ngamurehera kameme. Akoiga ritwa riake na kuria oimite na akoria kiuria direct ategutinda….amba uge ritwa riaku. 

Wang’ombe wa Ihura: Nii njitagwo Wang’ombe wa Ihura. 

Com. Muigai: Wang’ombe aroria atiriri; iti ici turathondekire kia President na kia Prime Minister, na kia Mbunge ri, na 

mbunge ni maita meri. Ndui kwi Mbunge maita meri. Kwi Mbunge wa Legco. nitumite Legco. na uria ungi wa Senate. Nitumite 

Senate, na he Councillor. President turoigire miaka yake ni itano. Tukamuongerera ringi rimwe. Ahingia miaka ikumi ri, 

akainuka nigetha agateithia andu a mucii na maundu maria amenyeire kuria Nairobi nake. 

Prime Minister nake ri, giti giake ri, gikuringana na wira uria araruta. Tondu Prime Minister ri, no arutwo ni vote of no 

confidence. Any time. Abunge manginyitana moige Prime Minister ndari wira araruta no thirikari athukitie, arimu nimagomire, 

marigitari nimagomire. Mawakiri nimaregire guthii igotiini. No vote of no confidence iguikirwo nake Prime Minister eke atia? 

Ainuke. No nindariganirwo ni handu hamwe ha President ngwendaga kumuira tondu he na bata muno na hatituire. President 

nituroigire no arutwo wira. Turoigire he nyamu na githungu itagwo impeachment. No Mugikuyu ndoi iyo. Mugikuyu oi mundu 

akiandikwo na mundu akibutwo. Kwoguo notugire nituroigire uria President aributagwo. 

Turoigire President ri, angikinya handu atuike ndararumirira watho wa Katiba kana atuike ni ahuthirite indo cia bururi na mahitia, 

kana ni aganitie bururi na undu uriku kana uriku. Thiini wa Legco. gukahitukio motion. Motion iyo igacoka igathii thiini wa upper 

house. Upper house igaikara tari igoti. Igathikiriria wuira uria wiho, nake Chief Justice wa bururi agaikara kuu upper house e 

Judge. Riu maiguithania ati President no nginya ainuke ri, ageka atia? Akainuka. Niyo itagwo impeachment. I mundu ugwitwo 

MP. MP tuamuhe miaka yake ino, itano. Anina itano agacoka agoka agatuhoya miti. Akorwo ni tukenetio niwe ri tukamucokia. 

He handu hamwe muatuirire turona ti andu othe maiguithanirie. Muatuirire ona MP ri tumugirie gucoka maita maingi muno. 

Turona ati democracy nayo uria ihanari. Democracy itikiritie Mheshimiwa witu angikorwo niareka maundu maria turamwira ri. 

Athii arute wira. Muthenya uria atakaruta nitugeka atia? Na tondu twina mahinya ma kumwita ri, turona hatiiri na bata wa kugia 

na mahinya maita maingi, tondu namo nimekugiria muruti wa wira eke atia? Arore icembe. Ucio turatigana nake uguo. 

Councillor nake turamuhe miaka itano. No mundu uria urathii upper house turamuheire miaka ina. Upper House ndiikaragwo ni 

ya miaka ina. Nikuga turikaga githurano kia upper house mbere ya tuikite kia? Na riu inyui andu aria ateti na haha hatingikiaga 

ateti maigana una. Naithi hau ti hega. Nigetha wamba wageria giki gia thi kingirehe thina ri, ugathii kiria kia iguru. Ukageria 

munyaka waku. Niuguo? 

19

Mugo Nyumu: Okey. Tuoiga tuambiririe mwena uyu. 

Peter Murage Kanyua: Nii njitagwo Peter Murage Kanyua. Andu aingi nimanjui. Wa mbere ngwenda gucokeria kamiti iyo 

ngatho Mr. Chairman. Ngwenda gucokeria kamiti iyo ngatho muno makiria. No nii nguria kiuria o kimwe nigetha he andu aria 

angi chance. Ndacokia ngatho njuge atiriri, Kenyatta day, mithenya ya kuhurukwo ithondeketwo o itatu tu. Nii nguuga atiriri ati 

Kenyatta day icokie. Na gitumi ni giki; mwene giti, ati Kenya hau iri yoimire kundu kuru muno kwari nduma na mundu uria wa 

mirehire hau ri ni Kenyatta. Na muthenya ucio ni tui wari muru. Wa keri ri President aya angi niimokage no matikaheo mithenya 

ona mbeca itigacenjio. Ciikare iri cia Kenyatta tondu niwe mwene Kenya. Thank you very much. 

Mugo Nyumu: Tondu turi na andu aingi muno marenda kuria ciuria. Mundu orie na ihenya na orie o kimwe tu. 

Muriuki Wathuire: Niwega muno Commissioner. Njitagwo Muriuki wa Wathuire na nyumite Kari Ndundu. Giakwa 

ngwendaga kuria atiriri; ithui nitukorete kahinda kangi andu marathuragwo githemba kiu kuria icagini. Andu aya tuatuika 

turithuraga igotiini ria sub-location. Magacoka magoka division na angi mathii Nyeri. Nguragia atiriri, mundu ucio arikorwo 

agithurwo iti cigana. Tondu nitukorereire mundu wuikariire giti, agaikarira gia kahua, agaikarira gia kanitha. Agaikarira kia 

munanda. Agaikarira kia nathari. Ni cigana abatie guikarira. 

Com. Muigai: Ni kimwe kimwe. 

Mwangi Karingithi: Bwana Chairman njitagwo Mwangi wa Karingithi. Kuringana na uhoro wa disabled, ningwendaga kuria 

njurie representation ya disabled thiini wa Parliament, na thiini wa district council uhana atia tondu ndinahota kunyita wega. 

Magondu Mitambo: Nii njitagwo Magondu wa Mitambo. Gwitu ni Kanjuri o haria Gatei sub-location. Ngwenda kuria atiriri, 

kuria mitituini niturahurwo ni nyamu ta njogu. Katiba ino tondu ona gutiri woyagwo kanyamu ri na nii ndi umwe ni Ngai 

wandutire hau ri. Katiba ini ino kuri undu wa hiti icio murahitukiirie, na mbeca cia andu aria moragagwo ni hiti iriagwo ni andu 

aria matongoragia mititu. Kuri undu muthondekete? Nindoria please jaribuni. 

Com. Muigai: Okey thank you. 

Peter Kanyi: Nii na nii njitagwo Peter Kanyi na nyumite itura ria Ithiati. Hari undu waririo uhoro ukonie mihoere. Kurerwo 

kanitha ciothe niciitikiritio kuhoya. Ino nayo itagwo devil ri, mumiigite ha? Tuhoyage o uguo. 


Peter Karuri wa Karuhio: Nii ha ritwa njitagwo Peter Karuri Karuhio. Na ninguria kiuria tondu turi arimi a kahuwa 

20

ahinyiririku muno, na ndinaigua watho wa kahuwa kana wa iria wagwetwo. Mbeca cia arimi cia kuuma mweri wa ngiri igiri 

kuuma hindi iyo cithiite ku? 

James Weru Maina: Tuthikaniririe. Nii njitagwo James Weru Maina. Gwitu ni Kori location, kuria Thimaini. Bwana 

Commissioner hindi iria uguthomaga Katiba niuthomire kindu giguitwo preamble, na wahutia history ya bururi uyu hanini. Guku 

ni kuri andu marutire wira munene muno wa kurehe wiyathi independence iria ugwetire. Nao ni andu metagwo Mau Mau. 

Nituturite turitie kiria kiagiririe thirikari kuuma kiambiriria itambure kana I recognize wira wa andu acio. Na kiuria kiu gitiri 

giacokio ni thirikari iria ikoretwo kuo. Kwauguo ngoria atiriri, nginya thiini wa preamble yanyu kana thiini wa Constitution, ona 

holiday ici muraheana ri, kai matangikirekerwo magie na thiku imwe ya holiday itwo Mau Mau day. Tuture turirikana. Tondu 

Kenyatta day niyakiehera ri, itwo Mau Mau day. 

Kinyua wa Munyi: Nii ritwa riakwa njitagwo Kinyua wa Munyi na gwitu ni kuria location ya Kirimukuyu. Nii hari uhoro ucio 

wario. Ndinaigua wario uhoro wa andu aria mohagwo kuria njera. Na kuria njera ihinda riri, kuohagwo andu aria athini. Itonga 

na andu aria men indo matiohagwo. 


Daniel Baaru: Nii nanii njitagwo Daniel Baaru na gwitu ni guku Karindundu. Nguria atiriri; na nguria handu horio na 

mundekere. Ithui ruriri ruitu rua Gikuyu. Gikuyu we mwene atuire aruaga na ngoma na amirindaga. Namwe matimenyaga uguo 

ati ni thu iitu. Undu ucio wa ngoma ithui ruririini rwitu ni thahu. 

Laughter from the audience. 

Kibira wa Ngunyi: Nii njitagwo Kibira wa Ngunyi. Nguragia atiriri, lower House tondu irikoragwo na andu magana meri ma 

ikumi I, na ni ithui twina hinya wa kumithrua ri. Upper house nayo irikoragwo na andu aigana? Kiria kingi nguragia ni uhoro wa 

President. Angikorwo President aritikagirio aikare ringi miaka ta seventy niguo ariagaga guitikirio guthurwo ri. President 

angikorwo na miaka sixty nine niaritikagirio guthurwo? Kiuria kiria nguria ni kiuria gikonanie na currency. President athurwo 

tukonaga noti yandikitwo Moi. Niguthondekwo mbica ya currency ikorwo imwe ota ya America President wa mbere. 

Fredrick Murage: Njitagwo Fredrick Murage wa Icuga sub-location. Kiuria ni atiriri; angikorwo mjumbe niekuirwo agakuaga 

ma Judge na ma Commissioner maria mangi manene ri, niki kungigiria gukorwo kwina watho utakunwo wa kuga mjumbe no 

muhaka akorwo ena degree? 

Jeremiah Kiiru wa Mutitu: Njitagwo Jeremiah Kiiru wa Mutitu. Nii kiuria giakwa kiria kinene itari ndiraigua gikigwetwo haha 

ni atiriri. Riria Katiba ino irathondekwo ri, tuturaga ithui tuanyihiriirwo andu a kahuwa ni bengi itagwo cooperative. Nii ireciririo 

hihi. 

21

Githinji wa Rungu: Nii njitagwo Githinji wa Rungu na nini ndi mundu umwe muohe niundu wa igoti. Ndutite mbeca ciakwa 

igotini ngacoka ngohwo niundu wa guitia mbeca icio, na ndina marua maya please. Commissioner uthome wone. 

Michael Muita: Nii njitagwo Michael Muita. Na gwitu ni Iriaini. Kiuria giakwa ni atiriri, tondu our symbol of unity ni flag iitu na 

national anthem. Niki kigiritie muongerere uhoro wa mbia nacio ciongererwo hau ati mbica cia mbia citu ni our national unity. 

Iture na President uria witu wambiriirie bururi uyu. 

Gikuro wa Kahara: Nii njitagwo Gikuro wa Kahara. Na gwitu ni guku Konyu. Kiuria giakwa kihana ta uu. Ni kwari andu 

maikaraga forest, na nimerirwo moime kuo, thirikari iria yari kuo nigetha imaingateri niki kiagiriirie yuge ni mbara yendaga kurua 

na andu? 

James Mugambi: Njitagwo James Mugambi. Kiuria kiria ndirenda kuria ni giki. Ninjugire muoiga ati andu aria mariumaga na 

kuria nja magaga gwa guikara na tukamateithia na tukamagitira. I nake mundu uyu wa Kenya na ni bururi wao witagwo squatter 

ri, Katiba imuigite ha.? 

Gerald Muriithi Gakuo: Nii njitagwo Gerald Mureithi Gakuo. Riu hari uhoro wa Katiba niuthometwo ni mundu uria muno, 

na riu arikia guthoma muno ukanyingira kiongo muno. Tondu mundu ugwitwo Kenyatta oimire ndege o guku kahua na gwi 

kiurio oririo ni andiki a ngatheti. Akiurio atiriri, hebu mzee tupashe habari ya mashamba. maundu ma white highlands. Gucokia 

uria Kenyatta acokirie oigire, ‘Yale mashamba yako white highlands itapatiwa maskini wa Kerinyaga.’ Na riu kuma hindi ino 

riria muthomi wa Katiba eguthomaga. Ndiri ndiraigua agwetete uhoro wa kiugo ta kiu. Riu nii undu uria ingikiuga, tondu Katiba 

riu ino ni njeru nayo niikwenda ikorwo na gitumi giagutuma kiugo kiu kiaririo ni Kenyatta, ati kwarikia kuheanwo wiyathi, andu 

aria magakorwo magitumira migunda ya Kerinyaga ni a Kerinyaga. Rugama. Nikuri migunda miingi muno itigaritie. 

Elishaphan Gatheru: Nii njitagwo Elishaphan Gatheru. Kiuria kiria ndiroria Commission ino ya Katiba ni giki. Andu aria 

mahurirwo hindi ya tribal clashes ya 1992 na 1997 ri. Na riboti ya Akiwumi. Katiba iyo niiroiga ati; irutwo na andu aria othe 

mahurithanirie mbaara iyo mathitangwo? Na tenari andu aria matunyirwo migunda yao. Katiba iyo niraririria ati andu acio 

macokerio migunda iyo matunyirwo? 

John Kamanja Kairu: Njitagwo John Kamanja wa Kairu kuuma Mutathiini sub-location. Nii kiuria kiria ndiroria ri, 

Commission niimenyereire andu aria maturaga Kenya marimaga tondu nimo maturagia thirikari. Kahua, cai na indo iria ingi na 

ngano, maheyo mbia cia guthomithia ciana ciao na gwika maundu mothe matekuhatiririo na gutunywo indo icio? 

Daniel Ngatia: Asante. Nii ha ritwa njitagwo Daniel Ngatia, kuuma Ngandu, Kirimukuyu location. Ndirenda kuria ciuria igiri. 

Kia mbere ri ndirenda kuria atiriri, ni tuandikire ati ajumbe tondu nitui nimatiraga muno bunge. Nituandikire marihagwo na mathii 

22

maria mathiite, no ti muico wa mweri. Muroigire atia inyui ma Commissioner niundu nimakomaga muno magiraga oro mbeca. 

Number two ndirenda kuria atiriri, uhoro wa githurano tondu tuandikire o President akagia muthenya wake, na Minister 

muthenya wake ri, na Councillor muthenya wake ri. Inyui ma commissioner muroigire atia hau? 

Wachira Kamitha: Njitagwo Wachira wa Kamitha na gwitu ni Icuga. Ndirenda kuria atiriri, guku nikuahurirwo andu hindi iyo 

ya Mau Mau, na migunda igiaturwo demarcation igikwo ri, ciana cia andu acio mari githaka nimakuire. Matiuioi ni mundu. Riu 

maturaga mereraga o guku. Muiciritie uhoro wao atia, angikorwo nimekwenda makorwo me handu mariakaga matige guturaga 

barabara. Hau nimuthondekete undu? 

Eugene Mugo: Njitagwo Eugene Mugo. Ngwenda kuria atiriri, nituerwo uria wira ucio wa Bunge wothe urirutagwo, na uria 

ma MP marithuragwo, no uria President arithuragwo. No tutinerwo maririhagwo atia kana nio mariyongagirira mbeca uria 

mareyongereire. 

Peter Kairu: Njitagwo Peter Kairu, kuuma Iriaini. Ndirenda kuria atiriri, tondu nindaigua ithurano kurithuragwo andu aria ogi, 

na arimi hakuhi nuthu yao matiri degree aria marimaga thiini wa Kenya. Na riu policy icio ituikaga ithondekagwo ni andu a 

thirikari ri, Katiba iyoniirariria uhoro wa policy uria irithondekagwo nigetha arimi magakorwo uhoro wa iria, uhoro wa migunda, 

uhoro wa urimi niwamenyeka thiini wa Katiba iyo. Guthondekwo wega mundu wothe akorwo ni represented. 

Gichia Githiri: Njitagwo Gichia wa Githiri. Kiria ndirenda kuria ni uhoro ukonainie na kueheria muthenya wa Kenyatta day. 

Ihoya riakwa riuma atiriri; tondu freedom fighters nimoio aria maruire wiyathi. Kana Commission no icokie muthenya ucio no 

ndugetwo Kenyatta witwo heroes day. 

Mwangi Mumiru: Nii njitagwo Mwangi wa Mumiru kuuma kuria location ya Ruguru. Kiuria giakwa ndirenda kuria atiriri. 

Tondu o to uguo gukuiritwo ati mbunge athuragwo ni kura ngiri magana meri, nake ungi agathurwo na ngiri ithatu ri. Handu hau 

Commission irona atia niundu wa gukoragwo mbunge urathurwo ni andu anini, na niaranyitanira na mbunge uria uthuritwo ni 

andu aingi. Handu hau Commission yonete atia? Habangitwo atia? 

Githui: Ha ritwa njitagwo Githui kuma Magutu. Ndirenda kuria atiriri, tondu bururi nitui kuri andu mena hinya kuri aria angi na 

nio maiyite mbia cia bururi ri. Commission ya Katiba he handu ikirite haria tukamohera? 

Muriho wa Njiri: Njitagwo Muriho wa Njiri wa kuuma kuria Ruguru. Nii ninguria Commissioner uhoro wa ciama iria cia 

gicagi, na iria cia location. Iri nominatagwo ni Ministry ya local government kana nuu uriikithagia ithurano icio. Ni thirikari kana 

ni political party? Comment iria ingi ngu make ni ati, uhoro uyu wa miaka, age limit mundu no athurwo President athii na miaka 

thirty five. No nini ni woni wakwa ati age limit ino ni andu magiriire kuona mundu ucio ndangimatongoria no tutikandike. Undu 

uria ungi nguuga ni ati; gikundu giki kirerwo gi ku nominatwo kia andu ninety. Iyo iretwo upper house, yagiriirwo gutharanwo ta 

23

uria society yathuragwo na district. O district mundu umwe mundu umwe. No gutikagie na andu matathuritwo ni andu, 

maranengerwo power ni andu anyinyi akorwo muingi ni ukugia na hinya ni comment iyo. Ya muthia iria nguga ni ati; ni toguo 

tuerwo, muthenya uria wa Kenyatta day nituwite Mau Mau day handu, hakuwehutia. 

James Kiriungi: Nii njitagwo James Kiriukii. Kiuria kiria ngwendaga kuria tondu andu aria andike gwa thirikari, nio 

makoretwo maigite biashara. O korwo ni matatu nio maigite na duka iria nyingi muno. Commissioner kana kwi handu mekirite 

uria marirutagwo mawiraini macio. 

Stanley Kigara wa Kagombe: Na nii njitagwo Stanley Kigara wa Kagombe, kuuma Ngandu, Kirimukuyu. Kiuria kiria 

ngwendaga kuria ni ati, nitukoretwo na instances nyingi tugiaga na Commission ta iria yari ya Ouko. Ta ingi ningi yari ya J.M 

and what have you. No Commission yarikia wira wayo ri, ukona President ni akomera results cia Commission iyo, iria ihuthirite 

mbeca ciitu nyingi muno. Akorwo hari na Commission ya bururi ya hihi undu wahakanika na andu nimarenda kumenya. 

President aka release report iyo. 

Ireri Gituchi: Nii uria ngwenda kumenya hari Commission ino. Ritwa njitagwo Ireri wa Gituchi na gwitu no kuria Nyana 

irimaini. Riu kiundu kiria nguria ri, Commission ino ri nitukuria andu aria meguikarira iti riu, makona andu aria marite mbeca cia 

thirikari mamatuare igotiini. Aria mathinitie bururi uyu ugathina. Kinya ciana itiri githomo, gutiri mundu ungiona mbeca cia 

guthomithia ciana niundu mbia niciariirwo. 

Wycllife Ngari: Nii njitagwo Wycliffe Ngari na kiuria kiria ngwenda kuria ni hari Commission kana no ihote guteithia uhoro wa 

githurano. President ndagakoragwo ari na power hindi iria areka campaign, tondu hau niho tuhinyagiririkagira muno ni gukorwo 

ni akoragwo ambite guturig ombere. 

Dominic Kamwaro: Nii njitagwo Kamwaro. Kana Dominic. Nii hari proposals ingienda kuruta hari Commission. Tondu miaka 

itao itano ikiritwo hari President ri, niki kiratuma kuage guikirwo kinya MPS. Tondu kuri MPs makoragwo maikarite miaka 

itano, agaikara ringi na ndari undu areka. Agaikare ingi ikumi, ikumi na ithano. Kwauguo ni agiriire ni hathondekwo hau o undu 

umwe na President. 

Macharia wa Mureithi: Njitagwo Macharia wa Mureithi. Ngwenda kuria tondu andu aya meguku bururiini uyu matiandikitwo 

ni thirikari, na kuri andu marutaga ibarua ukaheo ni mundu ciringi twenty uria ungi agakuhe igana ri. Kwi undu muratuire wa 

andu acio matari mawira? 

Peter Nderitu Githitho: Njitagwo Peter Nderitu wa Githitho, na gwitu ni kuria Ruthagati na kindu kiria ingiuria Commission 

upto now, niki kiratuma COTU iroiga Katiba President ti muhe power. Igacoka magotiini ni kurathio ni undu wa Katiba iyo. 

Twirwo niki kiratuma mathii magotiini o riria menda. 

24

Thama-ini: Ha ritwa njitagwo Thama-ini. Ingi-suggest andu aria othe maiyite mbeca cia bururi uyu, makaiga thiini wa foreign 

accounts, cicokio guku nigetha tuhote gwika biashara nacio. Wa keri tugie na maximum number of members thiini wa 

Constituency. Handu hakuheana andu acio ninety. Tuge minimum ni ten thousand registered voters. Above that, another MP. 

Ngetha Muthiga: Njitagwo Ngetha wa Muthiga. Nonyende kuria hari githomo minimum requirement ya andu a Councillor na 

MP. Mundu wothe angiikarira kigeranio gia Form four andike ritwa, niatuika nieka kigeranio kiu na niikuheo certificate. Niki 

mugukigiria gukiuga mundu aikarira agie certificate ndakague. Ndagakorwo ari na fail. Nakio kia MP nomutaranie kana no 

hakorwo na equivalent ya degree ta ya chartered accountant kana higher national diplomas. 

Grace Wangu wa Mwangi: Njitagwo Grace Wangu wa Mwangi. Riu ndathoma maratathini maya ndona atumia matari ho 

muno. Ndeciria kuria Commissioner atiriri, tondu ithui atumia nituhikaga, na tuahika tuathii tuikara miaka mirongo kana kuma 

ikumi na itano kinya mirongo iri. Mutumia niegukorwo ni akurire. Gacungwa agoka. Mutumia ucio mukuru akaingatwo hamwe 

na ciana ciake. Ngwendaga kuria Commissioner kana kuri handu mangigitikira kuiyuriria atumia ati indo iria ingikorwo mucii 

ucio, hindi iyo mutumia araingatwo na ciana ciake, onake akorwo niakugairwo indo iria iri kuu nigetha gacungwa nake 

mathukume na ucio ungi ciao. 

Applause from the audience. 

James Wathiaka: Thikiririai. Nii njitagwo James Wathiaka wa Karatina. Niingienda kuria Commissioner atiriri, mawatho 

maria mekirirwo ma majimbo ri, thiini wa githomo kana maundu ini maria mangi ma thirikari ta DDC ri, Commission ireciria atia 

uhoro wa mo na Kenya ndiri na majimbo. 

Simon Gicheru: Njitagwo Simon Gicheru. Gwitu ni Gaikuyu. Ngwendaga kuria atiriri, Commission ino tondu review yao ni 

take ite ihinda irahu muno gukinyira wananchi ri. Muriikaraga thiku cigana ni getha mugekaga review ino tondu uhoro uyu wa ku 

delay maundu niuratuma wananchi maumie muno? 

Charles Njogu: Ndirenda kuria Commission atiri; thini wa Katiba magithondekari, nimeciritie uhoro wa civil servants, ta 

muarimu kana ndagitari. Tondu ni ndagitari muandike gwa thirikari agacoka akaiga gathibitari. Wathii kuria ri, ukerwo gutiri 

ndawa nigetha uthii hake. Nake muarimuri nimuandike aigite butchery. Handu ha guthomithia ciana ri areciria uhoro wa butchery 

yake. Nimarorete Katiba iyo? 


George Gachuiri wa Maina: Njitagwo George Gachuiri wa Maina kuma kuria Gaikuyu. Ndirenda kuria Commission atiriri, 

25

tondu nituikaga election na tukaigua no turahotwo. Andu nomarohotwo. Commission kuri undu ithondekete ya uici wa kura. 


Samuel Kibotha: Nii njitagwo Samuel Kibotha na nii kiuria giakwa hari Commission, ni andu aya metagwo bengi. Bengi 

niuguthii kuo ugakomba mbia, na nimuakiiguanira mbeca iria wakomba na rate iria uririhaga nayo. Ugacoka ugathikiriria ukaigua 

kahinda ni gakinya ati nikuongererwo ningi. Ugithii kuria mbeca ciaku iria ubatie kuriha, urerwo mbeca ati niirongereirwo. Na 

uhoro ucio thiini wa agreement marua maria wa hainire, nduathainire ukirwo ati mbeca icio niiricenjagio o mwaka o mwaka. 

Guakorwo irarihagwo na fifteen percent, igoka eighteen, twenty five, thirty five. Riu ukarigwo atiriri, we ukiheana kiria 

waheanaga waheanaga kuringana na income iria wonaga. Ugacoka kuiguaga, security yaku niyatuika attachment. Commission ri 

undu ucio nimuaritie? 

John Maina Muguongo: Nii hakwa ha ritwa njitagwo John Maina wa Muguongo na ndi muruti wira wa kana muhuri wa 

biacara guku Karatina, na ndirariria kana haria ingihutia muno, ingihutia uhoro wigie thirikari mwena ini wa transport barabaraini 

ici tuina cio guku gwitu Kenya. Twina ruo muno andu aria makoretwo makihuthira ngari cia matatu. Nigukorwo thirikari ira 

tutosha magoti mena goro muno. Magoti mena goro muno na riu ri barabara ni njuru. Ngari niirahinyiririo muno. Tondu kuuma 

hau guthii Nyeri ngari iyo igukorwo ituite indo ta cia ciringi ta ngiri igiri na nindirariha igoti. Kiuria giakwa ni atiriri, kana uria 

ingikiuria. Thiini wa Katiba iyo turathondekari, thirikari nikuri handu igekirira andu acio mahuthagira bara bara iyo gacunji kayo 

ga ku claimaga riria mahitirio thiini wa barabara icio. 

Francis Wang’ombe: Njitagwo Francis Wang’ombe kuuma Ngorano. Kiuria giakwa ni migunda ino tuguraga kuria Kieni. 

Tondu tuiragwo ni muthuri uyu ati title ni karatathi, karatathi tu. Ni kuri undu Commission ithondekete niundu wa andu acio 

magurite migunda, undu mategucoka kuingatwo migunda iyo? 

Keziah Wambui: Njitagwo Keziah Wambui kuuma Kunyu ya Kianda. Nii kiuria giakwa ni giki ndirenda kuria. Ithui atumia 

turianogie muno ni ciana citu, niundu wa gucirerera ciana. Ni ikinya ririku ringioywo niundu wa andu aria maramahira mahu. 

Tondu muiritu ahirwo ihu, muthuri areta muiritu ucio, niwe na nyukwa kuria muarutire ciana. 

Charles Mwangi Njogu: Ha maritwa makwa ni Charles Mwangi Njogu. Kuri andu makoragwo na mawira meri, matatu kana 

mana na kuri na mundu ona umwe utari na kawira handu ona kamwe. Gugakoragwo na one man, one job. 

Peter Theuri: Nii ha ritwa njitagwo Peter Theuri. Ngwendaga kuria atiriri, andu othe a population ya Kenya ni thirikari. Kuri 

andu aria mari mawira ini, na ni kuri andu angi athomu matari mawira. Ni hari probability ya andu acio ringi makororagwo 

masilahi mao magathii mawiraini tondu tikwenda kwao. 

26

Zakayo Gituku: Njitagwo Zakayo Gituku wa Njuru na nyumite Ngorono. Ndirenda kuria Commmission ino atiriri, nituiguaga 

ageni mokaga guku a International amnesty, na human rights. Uhoro wigimainie na jera ciitu. Igatuika njera ciitu nicio ikoragwo I 

the worst in the world. Ni hari undu Commission ino ireka niundu wa kumenyagirira andu acio mohetwo maikarage na 

conditions cia ki umundu. 

Mwindii: Njitagwo Mwindii. Kiuria giakwa ni atiriri, uhoro wa quota system in the education system, ni iconsiditwo kueherio 

andu magatigaga amwe gukorwo akorwo ni a Nyeri maroywo na marks nyingi gukira aria angi. For example in our Secondary 

schools. 

Mung’ara: Njitagwo Mung’ara na gwitu ni na haha Karindundu. Ndirenda kuria atiriri; Commission ino no te iriengi ya nyingi 

ithondeketwo. Na maundu maya nituona ni mega angikorwo hihi thirikari iria iguka niikumatumatumira. No hena undu wiho ati; 

munene uyu urikuo umuthi ndekuuhinga o rimwe. 

Mary Nyokabi: Njitagwo Mary Nyokabi kuuma kuria Thigio. Ndirenda kuria tondu nindaigua nituerwo uhoro wa ciana ici 

ikoragwo guku town, ati niirioyaga ibande ciiakinyia miaka. Inacio ciana icio iri guku town na ciari ao mario guku town ri, nao 

mekuoyerwo ikinya ririku nigetha mahote kurera ciana icio ciao? 

James Maina: Ndirenda kuria kiuria, njitagwo James Maina. Ndirenda nguria ciuria atiriri. Ndina ciuria igiri. Kia mbere, uhoro 

uyu wa uhuru wa kuabudu, nikuagiiriire gukorwo kwina akorwo mundu niarenda kuambiriria kanitha akaheo permit. Akorwo 

urenda guthii kuhunjia andu, no nginya mundu athii akahoye permit ya kuhunjia handu hau. Kiuria gia keri kigie uhoro wa 

thitima. Niki gitumaga Kenya power irihie igoti inene thiini wa thitima ona gukira mabururi maria mangi ma Africa. 

Wanjohi: Njitagwo Wanjohi. Kiuria giakwa gikonie njohi. Njohi ici iranyuori Commission hihi niireciririe thirikari igetikagiria 

mundu eciria guthondeka njohi yake agetikagirio. Andu nimeguthira na magututeithiia atia? 

Rosalia Wanjiru: Nii njitagwo Rosalia Wanjiru kuuma Gekubo. Kiuria giakwa ni atiriri; tondu nikwirirwo kanitha ciothe 

ninjitikirie ihoye, naguo kanitha uyu utaraturaga guku uranyua mbaki ri, na ni wirutite ningi gucoka kuruta wira utari muega wa 

kuruithuia atimia ri, naguo kanitha ucio niwitikiritio uthii na mbere? 

Audience: Applause from the audience. 

Kaguithia: Nii njitagwo Kaguithia kuma Ngarano, na hari kiuria ngwendaga kuuria kuringana na terms cia presidency. Terms 

cia presidency ituikire ni ithano. Na agacoka, agacoka o ringi maita matano kinya akinyie miaka seventy akorwo hihi nita miaka 

seventy. Kiuria kiria nguragia atiriri; angithiria terms icio ciake ri, no acoke o kuu Constituency yake athurwo ta MP kana a 

retire completely? 

27

Watson Gathee: Njitagwo Watson Gathee, na ndi muhuri wa biacara. Ningwenda haha mjumbe witu athikiririe. Mundu 

niakombaga mbeca. Mutumia agakomba mbeca agathii kugira waru. Ngari ikagua waru icio ikaiywo. Agacoka bengi ikamuitia 

mbeca, aga agatuarwo njera. Atuarwo njera ri, nigutuiritio gukonekana ndari na kindu no athiite kuendithia o uguo. Mujumbe 

umwe na ena mjumbe uyu witagwo Muite. Areritwo atuarwo njera. Application irekirwo ati ndari na mbeca. Riu andu a 

Mathira kana Karatina mari njera, na matuiritio makoneka matiri kindu. Mujumbe ugathurwo niki? We ukire gutuiguithiari, hau 

ndunatuiguithia uhoro wa andu acio matari na mbeca, nimatuiritio makonwo matiri na mbeca. 

Isaac Githaiga: Maritwa makwa njitagwo Isaac Githaiga wa kuuma kuria Iriaini. Nio hari undu umwe njiguire wi na kieha, ati 

President arithuragwo thutha wa miaka minini. No nguragia tondu andu anini nimekunengerwo President miaka yake yathira. Na 

andu anini mahiukagirwo mekaga maundu uria kiundu gikuhiuha tondu thakame no hiuri. Nigukubatara tondu uria Gikuyu 

kiogire ati kahiga gakuru gatiagararagwo ni mai. Gugecirio mundu akinengerwo kuringana na miaka yake uria angihana. 

Lucy Njeri: Nii njitagwo Lucy Njeri. Gwitu ni Gaciku sub-location. Ndiroria kiuria giki kimwe atiriri, thiini wa nyumba ino 

atumia ri, ni ithui tuhatagiririo ni murimu, thibitari na githomo. Commissioner, Commission ino yanyu igutuika atia atumia na ni 

ithui ahatiririe ni githomo na murimu. Murimu waingira thiini wa mucii no wikire harambee. Ma MP nimo tutindaga tugita. Ciana 

iri mucii. 

Maina wa Gikero: Njitagwo Maina wa Gikero kuuma Karindundu. Commission ino niirutite wira mwega, na ndirathomire 

ndiraigua ati; no ituarwo njera mieri itandatu. Riuri andu aya mangituarwo njera tondu wa guthondeka Commission. Wira uyu 

wothe urutitwo ungituika wa bure, na andu mangioya hatua iriku? 

Maria Wanjiru: Ha ritwa riakwa njitagwo Maria Wanjiru. Nindaigua mukiuga maundu maingi muno na ndinaigua mukiuria 

undu umwe. Ninguria atiriri; tondu niturenda guthurirwo Kibaki ri na murimu uyu urikuo wa mukingo niguo wananina ciana na 

aciari ri. Ma bururi maria manene nikuri kuanaiguo ndawa gugituika ni mbeca ciagire Kenya, tucokanire tuheane indo ciitu 

yoneke? 

Peter Karani: Nii njitagwo Peter Karani kuuma Iriaini. Nii ndirenda kuria ciuria igiri. Kimwe ni mwena wigie grabbing ya 

migunda kana iwanja. Ta riu njuge ta icagi. Icagi kanju yari trustee, na icagi icio ciari cia aturi a gicagi kiria mundu ari. Na icagi 

icio ciatigitwo ni andu, ni kuria andu mangienda guaka thukuru kana thibitari. Magekuria. Na riu nicio ithiite ikoywo ni ma MP 

na ma Councillor. O iria irikitie migunda iria twi nayo ikarengwo point imwe imwe niundu wa kuiga niundu wa ciana cia rucii 

kana mathibitari. 

Kiuria kiria kingi gikurenga MP uria twi nake. Ndiui kana MP hihi niuie thibitari ona ni magomire, tondu nimetiirwo strike. 

Niugutuara mundu o hau na akuire hau na nda treatwo. Maturite mahana ta magomire. Uguo wathii haria murimo hatiri uteithio 

28

turateithio. 

Peter Munyi: Ha ritwa riakwa njitagwo Peter Munyi. Niwega niundu wa draft iyo ya Constitution. He handu tuandikire 

tukiuga, hindi iria tuguthurana nihakoragwo he na thina muingi muno tondu kura niciiyagwo, na nindarepresentite views ciakwa 

hari Commission iyo yari guku. No nituoigite atiriri, kura cia kiriio o haha ri, itarirwo o haha. Na nigetha tukamenya niuriku 

wahituka haha. Handu haciguo na mathanduku mathii magateo na kuria rui. 

Haria hangi ngiuga atiriri kuringana na meciria makwa. Mathandaku maria tuguikia kura thiini ri makorwo mari transparent. 

Nigetha ukona kiria kiri kuo thiini niki waikia kuo. Kana gwi kindu kingi kirehe ho mbere ya wuikitie kura. Thank you. 

Kibuchi wa Miano: Nii njitagwo Kibuchi wa Miano. Gwitu ni Kangucu, Gatundu sub-location. Ndirenda kuria kiuria kimwe. 

Hena bururi umwe wina haha witagwo Rift Valley, na nitui utuagwo tari bururi ni andu amwe. Na notuhoye tondu nindironete 

Katiba iyo uguo, na ndirona provinces ni inyanya. Na tondu bururi ucio ni munene muno wa Rift Valley ri, kai utangitinanio 

maita meri, either kugie na Rift Valley ya rugongo itwo ritwa kana ni Eldoret. Kugie na ingi ya kianda nigetha undu ucio 

weheranire. 

Secondly nituerirwo ni Commissioner uhoro wa national flag. Yatuika matuire ati ikorwo iri imwe. That means ni colour o iria ya 

black, red, green and whatever. Na rate iyo. Tugithii thiini wa guthiururuka tuonaga national flag iyo ikoragwo ina jogoo. 

Igacoka igakorwo ina kiugo Kanu. Angikorwo iri national flag kuringana na Katiba ya today kana iria irokari, niki gigutuma 

jogoo iyo ikorwo iriho kana ritwa riu na nituramenya atiriri angikorwo ni uguo. To tugikoro pass nakio kiama kiria gikuingira 

ikirehe symbol yao. 

Humphrey Ngatia: Nii njitagwo Humphrey Ngatia kuma kuria Magutu location. Nii kiuria giakwa gia Commission nikuria uria 

mungiiganania. Hau muoiga mundu uri na degree niwe urithiaga thiini wa Parliament . No muikurukaruke hanini mukinyie 

either form six. Kiria kingi Commission irathoma uria yathoma, ndinaigua ikigweta uhoro wa andu aria maikaraga kuria icagini. 

Tondu ndikuona kiria kingituma ukorwo uri wa thirikari na ukorwo wi squatter thiini wa bururi waku. 

Githaiga wa Kagambi: Ha ritwa ni Githaiga wa Kagambi kuuma Itiati. Ndina ciuria igiri. Kia mbere ni uhoro wa property iria 

ingiratitwo ta ya macukuru, kana Commission ino nirorete uria property iyo ya iharo cia cukuru, na kuria street ibataire guthii 

gugakwo matuka. Uria tungi recover property iyo nigetha icokerio aria ene yo. 

Gia keri twi na andu aria tugire ni disabled. Commission niirorete ikona tondu ungirora riu bururi ini, nyumba uria ciakitwo 

akorwo ni ta thimu, akorwo ni cioro ciakagwo cirri cia mundu mugima. No andu aria aitu mathiaga kuria thi, ringi marathii na 

wheelchair, ringi marathii makurumite. Ungirora gwi kundu matangihota gukinya, niundu wa miakire ya ma plot, niundu wa 

miakire ya thimu icio kana cioro. Andu acio nimareciririo uria mangihota gukorwo me free gutumira indo ta andu aria angi 

29

agima. 

George Gicoki: Ha ritwa njitagwo George Gicoki. Kuuma rugongo ruria rua thibitari. Ndina ciuria igiri ingienda kuria 

Commission. Kia mbere ni kia Electoral Commission. Kuuma 1992, 1997, riria Kanu yonire igicindwo. Niyathondekire tu 

constituencies tunini tunini twa ngiri ithano, ngiri ikumi na ikumi na ithano kuria gutagiriire. Na kuria kuagirire gukorwo 

gugitinanio ta guku nituge ta guku Mathira. Kundu kuri na makiria ya ngiri sixty, gugitugwo uguo kwari intact. Ndiroria 

Commission ino atiriri, kuri undu muiciritie uhoro wa kur rectify anomality iyo yekirwo hindi iyo. 

Kiuria gia keri, kigie uhoro wa our education system. Our education system kuuma ona haria kabere kuma o kindu 1984, nii 

ndathomete na iria nguru. Nitwareheirwo kindu gietagwo 8-4-4 system. Kuri undu Commission, tondu ndiri ndaigua 

gwakigweto. Kuri undu Commission iciritie kana ireciririe, ingirehe system ya education thiini wa Constitution. Tondu tui 

Constitution niyo the supreme law of the land. Ati gutiri hindi munene akaneneha ecirie ni eguthukangia education. Ihane uguo riu 

yahanire igituika ya bure tondu notugire ni ya bure. No icio. 

Joseph Kinga: Nii nanii njitagwo Joseph Kinga. Ndina ciuria igiri nguria. Kiuria kia mbere ni giki. Riu Commission I haha 

niundu wa Katiba ino njeru, na Katiba ino njeru niyo tureciriria ithui ati niyo igututwara ithuranoini. Na tondu nake mutongoria 

wa bururi aroiga ati tuguthurana na Katiba iria nguru. Angi insist orouguo, Commission ino igutumiriria atia ati wendi witu ithui 

turia a Kenya uhoro wa Katiba ino njeru niyo iguthurana ati niguo guguthii. Tukurumirira watho wa mundu ucio umwe, kana 

tukurumirira watho wa ithui othe uria turenda. Iyo nimwe ndirenda kuria. 

Ya keri ni ino, kwi wira urarutwo mwega muno uyu wa guthondeka Katiba, na ndiraigua gukirwo ati kuuma mweri ikumi na 

ithano, ikumi na igiri, Parliament no I dissolve. Ni kuri undu Commission ingika. O korwo Parliament niiku dissolve. President 

uyu adissolve Parliament, nake aka dissolve rwo oro hau. Bururi ukarugamirirwo ni kiama nigetha githurano gikike kiri fair. 

Kiuria gia gatatu nikio giki, mweri ithatu January nirio President wa bururi uyu agatiga wathani wake a retire. Nikuri undu 

ungituma mweri icio ithatu ingikinya githurano gitekikite, a retire, bururi urugamirirwo na njira ingi na gukorwo kwina ithurano na 

uhoro uyu wa Katiba ukorwo ugithii na mbere, akorwo atari thiini wa wathani wa bururi uyu. Nindarikia. 


Lucas Mwangi Wahome: Hari maritwa makwa njitagwo Lucas Mwangi Wahome, na gwitu ni Ithiati. Kiuria giakwa ndiroria 

atiriri, umuthi uyu ciana citu iri miciini tondu micara ya arutani niyagire. Na MPs nao nituaigua nimaheagwo ngiri magana 

matandatu o mweri na matirutaga mithenya mingi wira ta arutani. Ngwenda kuria atiriri na tondu nikuagia na Parliament igiri ri, 

nikuri na kamiti thondeke niundu wa guthondeka micara ya andu acio kana mariheagwo micara minene oro uguo. 

30

Kiuria gia keri. Nituaigua ati bendera noyo iguthii na mbere o iria tuaheirwo wiyathi naguo. Nacio mbeca ici ciatuika cicenjagio 

President oka ri. Nao hau ri muthondekete ningi uria eguka ni mbia ciake eguthondeka. Asante sana. 

Maina Mwangi: Nii na nii njitagwo Maina wa Mwangi kuuma Kiarithaini. Kiuria kiria ndinakio ni ati nituonete Katiba ino njeru 

ni mugite mundu no ature na passport. No nyende kumenya kana draft ino nimugite. Ouguo andu maheagwo ibande, ona 

passport na visas andu makorwo makiheo. Tondu bururi ni muthuku muno. Mundu haria ekuona kamweke oima college kana 

kuria kungi oima nigetha one haria angiteithikira. 

David Maina Murage: Nii njitagwo David Maina Murage kuuma kuria Iriaini. Rekei tuge bururi witu ni wa urimi. Thirikari iyo 

turathondeka iriheagwo mbeca kuuma, niithui turimaheaga taxes cia kurora thirikari iyo. Ngakienda kuuga atiriri, tondu ithui tutiri 

maguta kana gold ciakuendia ri. Utonga muingi umite urimiini wa muingi ri. Ni kuri undu Katiba ino ithondekete ino njeru. Ati 

riria arimi a kahua maga mbeca niundu wa gutuika ati bei nithukire kuria Ruraya. Katiba ino njeru niiciritie uria murimi ucio 

angiheo subsidy. Nigetha akahota guthii gukirima na nigetha thirikari nayo igakionaga gwa gukiendagia magoti. 

Ucio ungi naguo ni ati, uhoro wa borrowing. Foreign borrowing. Thirikari ino iri kuo nitui atiriri, yenda gucoka mbeca ithiaga 

kwi IMF, igathii na kuria kungi, bengi iria ingi igacoka mbeca itari na rutha rwitu. Tondu power itu tunengerete MPs aya 

tucagurete. Katiba ino turathondekari niiciritie kuima President ona Prime Minister ihe rutha Bunge ihitukagie uhoro wa 

gukomba mbeca hari ciama iria ikombithanagia mbeca. 

Wang’ombe: Hari ritwa njitagwo Wang’ombe, no uhoro uria ndirenda kwaria ndirenda kwaria mwena ini wa andu a 

Commission marathondeka Katiba. Ithui twi muingi turoiga umwe. Tiga uguo Moi aroiga ati niekumuoha mieri itandatu. Ithui ni 

ithui e kwamba kuoha tondu ithui ni ithui tuamuheire wira, na ndiri undu ungi nguongerera mbere ya hau. Kwoguo Moi athii 

akimenyaga uguo. Ati Katiba ni itu no tiyake. 


Michael Kinyua: Nii njitagwo Michael Kinyua kuma Gatei sub-location, Magutu location. Nii kiuria giakwa ni giki, nimui ati 

mbeca cia Kenya niithiaga iki lose value. Na cia lose value, ke tuge kuri mundu wathire retire miaka ke tuge ikumi uguo na kiria 

aheagwo, ringi ciari ciringi magana meri. Cia lose value ri, ciringi icio magana meri, umuthi angika atia nacio. Nimuiciritie uhoro 

ucio. 

Joseph Matheri Karoki: Nii njitagwo Joseph Matheri Karoki, na ningwendaga andu aria tuthurite magathii Constitutional 

conference manyite uhoro ucio nigetha ugathii wikwo amendment. Uhoro ucio ukonie equal representation. Tondu niukunyita 

kundu ta Mathira, turingithanie na Mukurweini hau herirwo ha andu aria ninety. Hau niheguka wegeega. Tondu guku Mathira ni 

ta maita meri ma Mukurweini. No unginyita kundu ta Ijara ati guku kuri sixty thousand, kuu no ngiri ikumi. Ndireciria ati acio 

angi tukurehe na njira ya hinya wa kiama niukuhota kuiganania na urehe equal representation. 

31

Wa keri, ninjuguire ati upper house irithuragwo ihinda riayo. President arithuragwo mwanya kana turimuthuraga hamwe na 

Parliament. Wa gatatu ni gutumana atiri, ati ithui turi muingi ni ithui tugite uria urerwo ni Constitutional Review Commission na 

kuoguori tubataire kurumirirwo. Na akorwo kuri andu matarenda urumirirwo ta acio mathitangite Commission ri, tuthitangwo na 

tuikirwo hamwe nao na Commissioners. 

Wambugu Muhu: Nii na nii njitagwo Wambugu wa Muhu, na ndiri na ciuria nyingi nguria. Kimwe nigikugwetetwo haria mbere 

tugithengia holiday. Yaani ni turi na thiku ta Kenyatta day, Moi day, no nguria iria ya Kenyatta day tondu muthenya ucio 

Kenyatta day niguo muthenya uria wekirirwo emergency Kenya, na ni muthenya wathinirie andu muno, na ni muthenya utagiriire 

kuriganira mitweini ya andu ati niho thina wamambiriirie. O tiga wagicenjirio ugitwo mundu handu ha aria mariire thina. Ngoria 

muthenya ucio ri, kai utangigarurwo witwo Mau Mau day kana freedom day, handu ha kuute tondu ni muthenya wi bata muno 

tuambiriirie thina waguo. 

Gia keri, mbeca cia Kenya icenjaagia o President aneneha, akahurwo ciake na guku tuitagwo Kenya niundu wa Mt. Kenya. 

Kai Katiba itangiuga mbeca cia Kenya ihuragwo Mt. Kenya uria tuitagwo nigetha iture itacenjagio. 


Ucio ni wa keri, wa gatatu, uhoro ini wa mahaki, kwi hindi tukwirio, ta riu guku tuninitwo ona mundu agura matatu ndiikaraga, 

tondu kuri mbeca ciunganagio ituaragirwo borithi na matigakinyite ni mahaki. Riu mahaki macio magacoka magatuika ati ona 

muhakani no anyitwo ta muhakwo. Nii nguhakanaga nigetha nditeithia, ngunyitirwo ki? Githi ti uria uhetwo mucara na gukerwo 

ni Parliament andu mongererwo micara nigetha mahaki mathire. No mongererwo micara nio mongagirira mahaki muno. Katiba 

ri ndithondeke mundu uria uhakagwo, uria uhakagwo akaumburagwo ni uria umuhakire. Handu ha manyitanagirio eri. Ni macio. 

Wachira Kamau: Ciuria cikawa no igiri. Njitagwo Wachira wa Kamau na gwitu ni itura ria Kirimukuyu location. Ciuria ciakwa 

ni igiri tu. Bururi uyu ri nigetha wiyathe, twari na mioroto iri. Ati twarikia kwiyatha, nitukarima migunda iy twetaga highland na 

niyo yaninithirie andu. Migunda iyo ona umuthi ri. Nii ta nii njiguaga, aria magurire, ungikinyira kuo no kanyanga. No ngwiciria 

thakame iria yaitikire ri, yaitikire niundu wa migunda. Riu tondu tutikwenda kuhana ta Congo ri, Commission ino ri niibangite 

uria athini kana mutaratara matura mothe ma Gikuyu na Embu na Meru. Aria matigarite kana ciana ciao, mekuona ati nimona o 

mundu ika ithano. Ndirikitie ndina kingi. 

Kiria kingi ni atiriri, muthamaki wa bururi uyu ugwitwo Jomo Kenyatta, akuire na agithikwo na njira ya gitio. Mundu ugwitwo 

Kimathi ri, aturaga athikitwo niki na nitugaga athikurio athikwo ta Kenyatta uria athikirwo. Njoke njurie atiriri; thirikari ino 

turathondekari, iria itwiraga niri na mahatia maingi. Umwe ri…ndukanyite mundu uyu ninguga kaundu. Umwe ri ni ati; thigari iria 

32

ciaruire mutitu ri, na ikihotana itiaheirwo mweke wa wira. Thirikari iria cioigaga wiyathi ndugoka iria ciandikitwo ciaturagaga ri 

ona umuthi nocio ituraga wira. Ningutigira hau ona gutuika ni maingi. Commission ni ithui iciririe andu aria maruire bururi uyu. 

Ciana ciao imenye gukarehe thina tondu no ikarehe. 

James Muhami: Nii njitagwo James Muhami na gwitu ni guku Magutu. Kiuria giakwa kwi Dr. Muigai ni kimwe kana igiri. 

Ithaka cia Kenya ni nene muno hari andu amwe. Na kuri githaka mundu arakorwo na ika ngiri mirongo ina na inya kana na 

ithano. Na andu aingi muno matiri na ithaka na matiri na gwa guikara. Commission yanyu niiroigire, ithaka ici nene uu itinio itiguo 

ona korwo ni ika magana matandatu. Ici ingi ciothe igakigairwo andu aria matari. Undu uria ungi wa keri ni atiriri; ni athini aingi 

muno nao mathinitio ni thirikari. Tondu ri migunda riria yambiriirio schemes, tuambiriria kugaira andu migunda ya guku bururiini 

wa Kenya. Andu o acio nio maracokire kuhurwo ni clashes makiingatagwo migunda ini iyo. Riria maingatwo migunda ini iyo ri, 

inyui nimurakuire magicoka kuu kuria makaruta mbeca cia guaka manyumba na development iria ciothe makoretwo 

magithukirio. 

Beatrice Mbere: Nii njitagwo Beatrice Mbere njikaraga guku Karatina. Na kiuria giakwa ndirenda kuria uu; Commission ino 

iragarura Katiba ri, tondu hindi ya 92 tugithurana President niathire akigura mwena wa North Eastern indo ciothe hari andu aria 

marugamite a opposition. Niiregeria ati hindi iria Moi agura andu mwena ucio na mwena ucio na we wi mwena wa opposition 

wa defect watuika ati ndugathurwo. Nimaregerera ati; hindi iyo agura opposition niigakorwo itete kura na Kanu niigakorwo 

ikiingiria andu aingi. 

Kiuria gia keri ni atiriri, uma ukoneka atia, angikorwo wakiri na Judge mathomaga githomo kimwe, na we wahitirio unyite wakiri 

uthitangwo. Wuige wakiri, wakiri ariho kuoya maundu macio nigetha akahenanieri. Uma ukoneka atia angikorwo wakiri 

ndaguthii gutunyithia mundu uria wina uma indo ciake. Kiuria gia gatatu ni riri, ndiraria uhoro wa thibitari, angikorwo thibitari ni 

ya thirikari na yakirwo iri ta mubano tumione tukaiguaga kuri na Nyayo ward, na mirimu iria iroraga andu ni miingi gukira 

mukingi tondu gutiri ndawa. Wona wathii haria ukandikirwo ndawa, chemist nicio nyingi gukira ndawa. Nicio nyingi gukira 

ndawa haria na ina goro. Muthondekani wa thibitari ya private, tuprivate turia turi guku tu dispensaries ni tuingi muno. Kuri undu 

ungionekaana ati ndawa ituike ni nyingi kuruga gukira guthii kugura ndawa haria Chemist kana cinyihio biu na tu private tunyihe 

na mundu ucio muthomeru uhoro wa thibitari guthinja na guika maria mangi. Atige kuheo visa cia guthii Ruraya tondu mbeca iria 

athomete nacio athomete na mbeca cia Kenya. Kwoguo tutige gukorwo tukirihio goro ithinjana kana gukomithia mundu 

thibitari. 

Speaker: Ni ngwambite guthii ndacererwo no ciuria ici ninguiguaga ari wega kuria. Kimwe ni; muiciritie atia uhoro wa mbeca. 

Tondu riu mbeca ciikagirwo mbica ya muthamaki uria urikuo. Mbeca igatumika nyingi muno guthondeka mbeca ici gucenjia iria 

ciumaho. Kana no kuhoteke thiini wa Katiba, indo iria twina cio thiini wa bururi ikorwo nicio iriikagirwo mbecaini. Nigetha iture 

iri o uguo. Kiu ni kimwe. Marriage certificate, ndirenda kuuga atiriri, umuthi mundu akiheo certificate no athire kwa DC, kwa 

Attorney General kana athii kanithaini, no atakihikanitie uhiki uria biu wa Gikuyuri ti uhiki muega. Niki kingigiria handikwo hau 

33

ati uhiki wa kienyeji kana wa Gigukuyu niwagiriire mundu aheo certificate. Uhoro ini wigie corruption. Corruption nguhoyaga 

atiriri, korwo nokuhoteketeri thiini wa Post office iria ciothe iri thiini wa Kenya. Kuiguo ithanduku riria ritagwo suggestion box. 

Ndahaka Judge ngathii ho ngandika na ngandika ritwa ati nindamuhaka. Nigetha maita mugwanja, andu mugwanja different, 

moneka nio mamuhakite agatumirwo akaheo warning na corruption ikuo thiini wa bururi uyu. 

Ndahaka birithi, ngandika marua ngaikia ho. Nayo cabi ikorwo iri Nairobi, mokage makiunganagio. 

Laughter from the audience. 

Uhoro wa ukombo niwario. Uhoro wa akombo niwario na uhoro wa atumia niwario nawario wega, no kiuria giakwa ni atiriri, 

hari atumia ri, niciio ngombo iria nene muno thini wa Kenya. Tondu riri ona niaguciara ciana agacoka akahurwo nacio ciothe na 

ndari na muteithia. Niguguthondekwo igoti ria andu aria matari hinya. Ndina kaundu kangi nawe. 

Uhoro wa Kenyatta day, niwagiriire kwehera, no riri kugie na Mau Mau day, tondu niyo yaruire bururi uyu. Acenjio etwo Mau 

Mau day. Muthenya ucio wa mweri twenty tondu ni Mau Mau yakuire ti Kenyatta. 

Undu uria ungi ni member wa Parliament. Nii nindacokia ngatho niundu wa andu aya, kuuga atiriri, ati gukorwo kuri na andu 

mirongo kenda. Tondu umuthi guku twina andu seventy four thousand, na kuria angi ta kuria a Bathi ni andu ngiri ikumi na mari 

na mjumbe na marihagwo umwe na moigaga undu umwe. Kwoguo angikorwo ni guku kuri na andu aingi ri, nii nindanyita mbaru 

tuheo mbunge ungi. 

David Karangi: Ha ritwa njitagwo David Karangi. Nii hari kindu ngwambaga nguria tondu andu acio othe maritie ndire 

ndiraigua makiuria kiuria kiu. Kiuria kia power ya President. Hari kindu githiaga Bunge gigathii gikaririo thiini wa Parliament, na 

gigatuika no nginya gietererwo President a-sign nigetha gituike watho. President ri, Commission ithondekete atia, agiriirwo ni 

kuheo thiku cigana nigetha a-sign undu ucio utuike watho? 

Wa keri, President angiaga gusign mjadala ucio urikitio kuhitukio ni Bunge, kuri action Commission ithondekete agiriirwo ni 

kuoyerwo. Kiuria gia gatatu ni riri, ta riu ithui turi arimi a kahua guku Mathira na turi arimi a cai. Nituaheirwo mandate ni thirikari 

ya guthura Commissioners aitu aria magiriirwo ni kurugamirira kahua gaitu. Na kuuma hindi iria mathurirwo. Tugithura mundu 

witagwo Mwago as a chairman witu wa kurugamirira kahua gaitu thiini wa Kenya. Githi umuthi uyu ri, wa Mwago ndari oka 

gutuira kana nioyete giti nigetha atuire mbeca citu cia kahuari kuria ithiaga. Uguo nitungiuria Commission ati kuagia na githurano 

kana thirikari yathondeka handu yo nyene ri. Na yetikire raia ithurane ri, ikaheanaga mandate ya mundu ucio wa rikia guthurwo 

agatungatira raia. 

Mwangi: Nii njitagwo Mwangi na njikaraga guku Karatina kana ndi mutuuri wa Karatina. Ni kuri maundu maingi muno 

mairitiio, no nikuri kaundu kamwe ndaigua gatari karahutio na nigatutangaga muno muno guku bururiini uyu. Riria guguthuranwo 

34

i, DC, na PC na MP na Councillor macokaga o Nyeri, magathii magathura athuri metagwo tribunal aria maciragirira migunda. 

Mutumia uria urathii uguo tondu ndakiri mbia na mundu ungi nake utari hinya ri, agatunywo kagunda gake na ni uhoro wa ma 

gakoragwo kari gake niundu tutiathurire mundu ucio. Uhoro ucio ri Commission ikuona atia iyo ya Constitution commission. 

Niundu wa guthuraga andu kuuma itura ini riria riri rio nigetha o andu acio mekumathura ri ao maeho hinya. Nigetha aria 

tuthurite guku mari a tribunal ri, akorwo ni ithui tukumathura ri tukamabuta tuona matirathii wega. Aria mathuriirwo Nyeri 

Provincial ri, nao ri tondu niithui tugukorwo tumathurite ri. Nao tugathurukwo angikorwo matirathii wega. Uhoro ucio ri 

Commission iciiritie atia? Tondu handu hau ni mui hinya witu guku ni nda. Na uhoro wa migunda, tukiaria uhoro wa migunda, 

uhoro ucio ndukariganire. Uhoro ucio Commission. Muicirie atiriri, ati andu acio matithiaga wega niundu makoragwo 

mathuriirwo kuuma na iguru. Tuheo rutha tumakuagire guku Commission icirie uguo. 

Margaret Nyathogora: O korwo tiuguo, mwanake niarere mwana ucio ona turia turi kiharo riu mundu niagethe gake haria 

ateire ambiririe kugira, onanie mwene, mwana arerwo ni andu eri. Turi hamwe? Ni thengiu. 

Hon. Matu Wamae: Onanii ndina kiuria ngwenda kuiguithio. Commissioner ndunatuira uhoro wa division officer. Uria 

gukuhana kwi division officers. Tondu tugire ni kuuma national, gugokwa provincial kana thirikari nini. Gugokwo district thirikari 

ina hinya. Gugoka location, division iguthii naku? Na indo icio iri nakuo division ri igutuika cia uu? Wa keri, ugire uhoro wa 

provincial administration. Kuuma PC, DC, DO, Chifu, Assistant Chifu nimekuinuka, makainuka atia? Katiba yugite atia. Hau 

niukwenda utuire. Muthenya uria makainuka ni uriku tondu andu nimarenda kumenya. 

Ha muico, ni ati Katiba ino tungimitikira ri, githurano kingithuranwo ri, tondu andu aya nomende kumenya. Angikorwo 

tugathurana githurano na Katiba ino njeru, githurano na maximum kingiuka ihinda ririku, nigetha andu aya mamenye kana 

nitugutura kana tutigutura. Tondu ona githurano nimarakienda onakio. Thank you. 

Mugo Nyumu: Asante sana. Riu ninguhe Commissioner kamweke agerie gucokia ciuria icio muamuria. 

Com. Muigai: Riu ningumucokeria ngatho inyuothe tondu nikuonania wira uyu wa Katiba ni muunyitite mbaru muno. Tondu 

kuuma riria tukire muaikara wega muathikiriria wega muacoka muoria ciuria ironania nimuguthikiriie na nimuthomete na 

nimureciria maundu mau na niwega muno. Riu hari andu moria ciuria na he andu maruta maoni mao. Mundu wa maoni 

ndikumucokeria tondu nikuagiriire oige uguo oiga na tuugire twina delegates aitu haha na nimathikiria na nimandika, na 

nimekuheo record nigetha makinya kuria national conference maririkane ati itura riri ritu ria Mathira tuoigire tukwenda una na 

una. No he ciuria ngucokia ta ithano kana ithathatu nigetha tucoke turikie. Uhoro wa holidays iria tuugite haha. Icio tihinge na 

ngwiciria ni twaigua uria muoiga. Ona twaga gucokia ya Kenyatta e wiki ri, to igicokio ya andu aria othe matungatite bururi. 

Nitugithii na mbere. 

35

Disabled: He handu haheanitwo uhoro wa disabled mari aiki na nitukuguetete, na ona thiini wa document he handu hoigite andu 

aria disabled no nginya maheo iti Commission ini ciothe cia thirikari. Hatikanagie Commission iguthondekwo itari na andu a 

disabled marugamiriire. Kurihwo indo cia mundu ciathukio ni nyamu, ona hau no haria tutoima na mathaa. Hau nitutariirie wega 

uria kuagiriirwo gwikwo. Uhoro wa devil worship uyu ni undu wi thina muno tondu, uria Katiba yandikagwo, ndiandikagwo 

maundu maria matagiriire. Yandikagwo maria magiriire. Riu tuandikaga tukiugaga ati; mundu nietikiritio Ngai wake uria 

ekwenda. Mundu nietikiritio kuingira kiama giake kia uteti kiria ukwenda. Riu nihakoragwo ari hinya muno kuandika maundu 

maria matetikiritio. Tondu mau nimo tuikagira watho ini uria ungi tugire tuitaga laws of Kenya. No uhoro uyu wa devil worship, 

Kenya yothe meguitikania na inyui na niguo moigire. Makiuga nitukwenda o mundu ahoyage Ngai wake no gutigakihoywo 

maundu maria mareka atia? Kwoguo iyo ndikamumakie iho, tuguthondeka thiini wa laws of Kenya. 

Undu uria ungi ona Mungiki nondikanirie nayo oro hau, na andu aria angi mukiugire matuikire. Tondu ciama ciothe iria cikuga ni 

cia culture kana ni cia maundu ma nduire. Ciothe niirikagirwo register, na no nginya andu magakiiuga maundu maria mareka 

atia? Na riu mundu uria ukwenda kurua, ageka atia. No gutingioneka mundu wa guthii kuruithia mundu uria utarenda. Riu ona 

mundurume guku gwitu angikirega kurua ri, athii kuruithio ni mundu? Githi to agitigwo wira ucio utigirwo andu ao na muhiriga 

wao. Riu wira ucio wothe nituroigire ndukarutwo haria hatagiriire na watho waguo wiha? Wi laws of Kenya niuguthondekwo. 

Njera. Njera nitugite uhoro wa cio muno haha ona ni mathaa maga makwaria uhoro wacio, no nitugite ati mundu wothe 

uhingiirwo kana ahingiirwo. Infact hau nituaritie muno tondu andu aria menayo tarora, Article 70, tondu ucio ni undu uthukitie 

Kenya muno. Mundu athii njera ni ta mundu watuirwo gikuo. I tondu gutiri irio, gutiri nguo, gutiri ndawa, na mungirora 

nihandikitwo rights of persons in custody. Na akerwo no nginya arie irio cigana una, no nginya nyumba ikorwo igana una. No 

nginya atuarwo thibitari, nonginya athome. Ni section nene muno. Nimwamiona? Kwoguo uhoro wa mundu uria wi njera ni 

aroretwo. 

He muthuri uririe atiriri, Parliament nyumba iyo ya iguru ri, ina andu aigana? Ina andu igana rimwe, na andu acio igana rimwe ri, 

seventy ni atukanu ni athuri na atumia. No mirongo itatu ni atumia peke yake. Na inyui atumia aria mugire na nii hihi itegutheretie 

wega. Katiba ino ona ndiui kana nokuoneke ingi iruire maundu ma atumia teno. Tondu ona iti icio ciamuritwo iti mirongo itatu 

ithii kuri atumia mari aiki. Nigetha maundu mau mothe atumia maroiga, maria arume mata…..nginyagia na hau matakinyite 

kuariria na mathondekwo, atumia acio mathii mageke atia, magathondekithie. Angorwo ni ciana ta icio, ongorwo ni maundu ta 

mau. Mageke atia? Kwoguo chamber iyo ina andu igana rimwe, mirongo mugwanja nimatukanite atumia na arume. No mirongo 

itatu ni atumia peke yake. Na district o district igutuma atumia ana. Kwoguo Nyeri district guguthurwo atumia ana mathii 

magatuike Senator. No tondu mbeca ciitu cianagithii kundu kuingi, ndiguiciria kuu no ciurire, ucio ni wira ugukorwo wi wa 

guteithia muno. 

Reke njarie uhoro wa micara hau tondu nindaririkana. Micara mwathoma he nyamu iretwo Salaries Commission. Mundu wothe 

wandikitwo ni Kenya government, kuuma President kinya mundu uria urugaga cai kana uhataga wabici cia thirikari. Mucara 

36

wake urithondekagwo ni Salaries Commission. Salaries Commission ni commission ya athuri na atumia aria mekindirite, aria 

manaruta wira wa muingi, magacoka magathii retire na matiri na mundu mekwenda ndakaheo kiria gi giake; na matiri mundu 

mekwenda kuongerera mucara atararutira wira. Uguo niguo matuirire na niguo turekire. Degrees nituaririe uhoro wayo na hagia 

muthuri ukuria atiriri, arimi akorwo matiri na degree ri meguthura uu? Meguthura mundu wina hinya muno. Murimi arithiaga 

kanju iria tuitire district council na kuu nikuo mahinya mothe mari na kuu ndegwitio degree. No kuria kuraririo maundu ma 

bururi ri, reke tutume ciana iria turathomithia tondu ona degree naithi itiiyure guku. No mwakira muona gutiagiriire degree iyo ri, 

mwire delegates makinya Nairobi moige iyo ya degree ike atia? Yeheirwo ni inyui enyewe. 

He mundu uririe atiriri; uhoro wa migunda iria yaruirwo guku 1992, 1997 na andu makieherio migunda yao ihana atia. He handu 

he gicunji kinene muno no ndinakinyirira. Aria mwinayo iretwo past human rights abuses. Na nikuga ati maundu mothe 

manekwo bururi uyu. Andu magikua, indo igithukio, waganu wothe wanekika. Katiba ino riria tukamiamukira, he mieri iyo 

itandatu, Commission ithondekwo na nitumithondekete haha ithikiririe maundu mau mothe. Na ike maundu maya; 

Wa mbere, iheane recommendation ya andu aria maguthitangwo igotini. Two, ithondeke uria andu mangirihwo mundu wothe 

kindu giake kiorire. Three, ithondeke uria mundu angicokerio kindu giake angikorwo nogicokeke. Ithondeke uria andu a Kenya 

mangiikarania na thayu. Uguo iho ni mathaa mathirire na ndageria kuheana uhoro na njira nguhi. Nindaheana uhoro wa micara 

ya andu. No ona mubunge indo ciake….mbunge nake onake ariheagwo mucara ni Commission iyo tuoiga. Onao abunge tio 

mariyugagira no tutigukimetia karia tukimahete reke guikare o uguo. Andu aya tuigire marithuragwo ni President agacoka 

akamutuara Bunge nigetha Bunge imetikire. He mundu uririe marirutagwo atia; njira ya kumaruta no iyo. Nikuga atiriri, 

tungithura mundu….ta riu muthuri wiho ti muthuri nituge wabici ya Attorney General. Inyui muatuirire atiriri Attorney General ri 

uria araruta wira wake ri, nita arathikiriria ciama imwe na ndarathikiriria iria ingi. Mwehereirie mahinya ma gutuara andu igotiini. 

Nigetha mundu uria uratuara andu igotini akorwo ni mundu utarathikiriria uria ateti moigire. Turathondeka wabici ya mundu 

tureta, director of public prosecution. Riu Kenya yothe gutiri mundu ugatuarwo igotini athitangitwo kana ni kanyanga kana ni ki, 

tiga athitangirwo ni director wa public prosectution. Nake director ri ni mundu utangibutwo. Ndangibutwo ni President, 

ndangibutwo ni Prime Minister. Ndangibutwo nu, tiga ekire mawaganu meho tuandikite hau, na eka mawaganu mau ri, 

akabutirwo tribunal. Tribunal ithondekwo ya athuri na atumia, ithikiririe maundu maria ekite yone kana noeherio. 

Bata wa guika uguo ri, nigetha indo cia bururi itikaiywo ni andu amwe akarora na kuria kungi tondu ni marutanite ki? Twi 

hamwe? Na ningi ndagacoke oye mundu, mundu utari undu ekite, amuguthukie igotiini, nigetha akohwo tondu niguo eritwo ni 

aa? Ni ateti kana andu aria angi. Ni tuanyita riu? Kwoguo andu acio niguo marirutagwo. A member nimuoria atiriri; kai 

tutangikimatiniria miaka tao, hau nitukuaritie rucini ndigucoka. Mu member tondu miaka itano, itano niaracoka tukamuigirira 

ratiri, githi ti haiganu? Ini reke aikare. Andu aria maiyite indo cia bururi megwikwo atia? Nikio turathondeka wabici iyo ya DPP, 

nigetha aikare thi tuamuna wira. Etie bairu ciothe. Mundu wothe wanoya kanyamu gatari gake ri, naithi to marua egugikorwo 

nimo. Erwo atiriri, cokia indo kana tucemania ku. Kana ucokie na tucemanie. Kana akimatume kuria mundu acokagie e thini, I 

oimage indo ci guku. 

37

He handu ha atumia itanathoma na ninjagiririrwo hihi guthoma tondu he mutumia umwe woria uhoro wa indo cia atumia. Athuri 

magura atumia aria angi kana mora mucii, na watho ugite haha wega muno, ati gutikanagie watho kana mutugo, kana muikarire 

wa muthemba, uriku uria ungigiria mutumia agairwo indo ciake kuringana na haki yake iho. Na ngwiciiria mundu uria wina kiuria 

hau nitukwaria tuarikia nigetha ndimuthomere wega uria hau heritwo. 

Arimu na marigitari nimararuta biacara. Mukwenda atia? Matikarute? Tukuga atiriri, kamiti iyo ya kurora micara ri, ikurora 

micara wega nigetha marigitari marihwo wega, na arimu marihwo wega. O mundu arutage wira atekuguthuka kuhingura 

kabiacara. Uhoro wa githurano kuiywo ri. Wira uria munene haha tiga ni mathaa mathirire ni uria tuguthondeka electoral 

commission, nigetha igie na andu mekurugamirira githurano mena mahinya ma gwika atia? Magwikithia githurano kina ki? Kina 

utheri. Na uhoro ucio wiho na ona uria muthuri umwe oria uhoro wa gutara miti, turitaragira miiti haria tuikire atia? Na ithanduku 

rigakorwo niturona o haria mundu aikirie. No weterere uriona kana muti waku urio ho kana ni urutirwo kana undu wa 

muthemba ucio. Uhoro uyu wa anake aria maraciara ciana magacoka mundu akaga guteithia. Uhoro ucio onaguo urioho. Riu 

watho wa Kenya niguo ugucoka uthondekwo, yaani affiliation act, nigetha mundu akarumirirwo, nigetha o mundu akarera 

mwana wake. Naithi tiguo? 


Nituroigire mundu wothe uraruta wira wa muingi ri akaheo wira umwe. Angorwo uhetwo wira wa muingi, ungineo giti kia muingi 

wuikarire, ndungiikarira iti ithano, ithathatu mugwanja. Ni giti kimwe. Na ithi tiguo murenda? Uguo nituhitukitie. 

Nituaria uhoro wa street children. Njohi ino inyuagwo guku mucii. Njohi iyo niyariiririo muno Kenya yothe, na andu aingi ni aria 

marenda icokio. Hau niho ndimuirire atiriri; haria thina wa Katiba uri ni atiriri, ithui twi maundu tutarenda tondu turi uri tui na turi 

uria tuonete. Ta riu Mombasa yothe marenda mnazi ucokio. Kisumu giothe nanindathire nao maroiga ati, chang’aa icokio. Kuria 

Western wothe nao maroiga metikirio busaa. Andu maroiga ati njohi yarehirwo ya micuba inyuagwo ni itonga. Nake muthini 

uria watinda mugunda wake ndakone gia gwika atia? Gia kwinyotora nakio. Tuguika uguo twethe riri, haha niho bata ya thirikari 

ino tureta ya district. Ithui tuacoka na district ri, kuu kwi mundu ungituira uria tugwika? Aca, kuu nikuo tuguthii kuninira njohi 

iriku, na maundu maria mangi ma waganu tui mena guku miciini maria marehetwo kuma na nja. Kwoguo njohi icio niiguthira no 

ni ithui tugucinina. 

He mutumia woririe atiriri, ndawa cia mukingo gwi kundu iri ruraya ikarega guka guku. Riu ndawa cia mirimu yothe kana ni 

Cancer, kana ni diabetes, kana ni mukingo. Mirimu yothe iria itari ndawa ya kuhonia, no ni iri ndawa ya kuongerera uria 

urwarite matuku make ri, uria tutuite ha niguo rirerwo ni Katiba ni ati; ndawa ici nonginya igurwo ni thirikari na irehwo ku? 

Miciini ya andu. Mirimu yothe andu maruarite, kana ni TB, kana niyo ingi yothe tuagweta. Thirikari icokie mbeca mathibitariini 

na nigetha andu othe meke atia? Na ona he mutumia woiga, ona mirimu iria ithumburite andu muno to oiyo iki. Riu ona ungirio ni 

38

nda, naithi touragwo ni nda, tondu thibitari gutiri ndawa. Kana mutwe, kana indo iria ingi. Na maundu mau ni ho. Kihoto gia 

thirikari icoke kwi district. Nigetha riria ithui tuagomana tukera andu aria marathana thiini wa district, ambirirai na kurehe ndawa, 

na ona arimu aitu tungienda kumariha wega gukira uria mararihwo North Eastern ri, kwi mundu ungituria? Ithui notuge arimu aitu 

nituamongerera micara. Ongorwo acio angi matirenda kuongerera ni uhoro wao. Tondu ithui twina kahua na twina macani na 

twina iria na twina indo iria ingi. 

Reke riu turikie, nitugite mundu wothe wa Kenya, document yothe iheanagwo ni thirikari ya Kenya, ikaheanagwo na kihoto. 

Kana ni passport, kana ni kibande, kana ni title ya mugunda. Gutiri mundu wagiriire guthii kuara raini. Ciagiriirwo kuheanwo 

hatari na thina. Nitaturikirie riu. Uhoro wa migunda, nitugite haha, undu uria wa mbere urari na thina muno guku Kenya ni ati 

migunda itu irarugamiriirwo ni thirikari kuuma Nairobi, nake Commissioner akaheanaga migunda uria ekwenda. Akahe andu 

guku, kwanyu ndiui kana nimuonete uguo. Gwi kungi kinya kaburi kuria tuathikire andu, ikaheanwo ni Commissioner ari 

Nairobi. Mahinya mau mothe nituretirie Commissioner. Turamwira we nduri mugunda na ndukanaheane kindu gitari giaku. 

Migunda yothe iracokio ku, nyamwe iretwo National Land Commission. Riu migunda iria tutari nayo ithui, irirugamagirirwo ni 

national…..ithui riu twi district tugathii tukoiga migunda itu nitui uria turenda. Haha turenda cukuru, thibitari, haha turenda andu 

aria aitu matari migunda tumahe. Ika magana matano, kana ngiri kana kiria kingi. Uhoro ucio wi hau. Iriku? 

Mbeca nindiroka o hau. Nituroigire mbeca cia bururi ri, ciikirwo mbica cia bururi. Nigetha President athiire, gutiri President ungi 

ugoka ekirwo mbecaini. No riu aria mehori, mbeca iguthii ikurite na mehere. Tutigane nacio. Undu uria ungi ni power ya 

President guitikira watho ndorio ni muthuri wi haha. Power iyo President ari onayo, na ti power njuru tondu rimwe riria wi 

President uthuritwo ni muingi ri, na ugathurwo wega na githurano kiega, onawe uria uroiga andu nimagiriire guthikiria. Na 

Parliament noiguthuke ithondeke watho, nowe wi President ukamenya watho ucio ri, tumuega na andu aku. Riu President 

tumuhete thiku ikumi na inya. Parliament yathondeka watho, aregana na guo akaucokia. Akamera rorai ringi, no mathii maurora 

ringi mamucokeria, riu no muhaka a sign, na arega gu signari niuguo. Ugatuika laws wa signwo ni Speaker. 

He muthuri woige Minister maikare mari andu a guthurwo. Iyo nituaigua. Nake Mheshimiwa oria atiriri; division nayo atia? 

Division niiroriire. Tugithondeka iti division niirorire na ndiri ho. Riu turiumaga district tugathii …..riu niirathire. Irathire na cibu na 

headmen na andu ake acio marathianiire uguo. Na Mheshimiwa oria atiriri; DO makainuka ri? Haha yugite atiriri na no nyende 

kumuthomera ona kuria itanamuthomera kuu kungi. Yugite atiriri, yugite Katiba yoka muthenya uria ikaingira. Cibu na munyinyi 

wake na DO, na DC, na PC, on that day, they will stand dissolved. Makainuka o muthenya ucio. (Applause from the 

audience. ) 

Nindaririkanio ni Mheshimiwa atiriri. He kaundu ndaririkanio kuriganiritwo ni kumuira. Inyui mwi muingi mwatirire atiriri, riria 

turathii gucira magotiini ri, ithui gutiri mundu ukoragwo mwena witu. Tondu gwi prosecutor. Kuri aria marugamiriire Attorney 

General, kuri aria angi na ithui tutiri mundu wa guturugamirira. Na ona utari undu wikite no wohwo. Tondu ungikorio, guilty, not 

guilty, ukaigua niutindikirwo naku, na niwathii. Riu turoiga hathondekwo wabici ya mundu ugwitwo public defender. Uyu ni 

39

wakiri wa muingi uria wagiriire gucirira muingi free of charge. Kenya yothe handu hothe he igoti ria Kenya, hagakorwo he 

wabici ya mundu witagwo public defender. Nigetha wathitangwo ukoiga ni ambe etwo haha nigetha ndimwire nake anjire uria 

watho ugite. Nigetha ndigatondoire njohwo. Tondu nitui tariu watho wa kuiya ugite atiriri; ungiurio niwe uraiyire uge ii, ukuohwo 

miaka itatu. No ungiurio niwe uraiyire uge aca, urio niwe uraneirwo kindu gia kuiya, naithi Mugikuyu toagitikire tondu kuiya na 

kunengererio ni undu umwe. Mundu wa kunengererio ohagwo miaka mugwanja. Riu ugigetikira kunengererio naithi nduohirwo. 

Riu turoiga maundu mau mothe mariciragwo wakiri wa muingi eha, nigetha agataara andu. Tondu ithui tutirenda mundu ohwo 

atekite mahitia. Turenda kuohagwo o mundu uria wikite atia? O uria uhititie. 

Kaundu ka muthia ni riri, Mheshimiwa anjuria atiriri, Constitution ino njeru turenda ri, ingihuthirwo ri? Riu ithui tondu 

nimuatuheire wira niturariikirie. Wira uria riu utigarite ni wa national conference. Nimwamiririkana nituaritie uhoro wayo, na niyo 

murathurire andu. Haha twina delegates aitu, aria magathii national conference. National conference riu niyo ikamura. Tondu 

ithui iria tumuhete turamita draft. Draft. Na nikio ni tuguthii tucenjie maundu mamwe mau muroiga mutikwenda. Gwi kundu 

mwatuira na nituathikiriria, na gwi kundu muirite delegates anyu na nimui. Mukoiga muathii Nairobi mutigiririte ati hatiri handu 

hangikorwo devil worship. Githi tutiguthii tuandike uguo nigetha iyo nayo ndikagie handu ha kuingira. maundu maria mangi 

muatuira tuthii tuikire ha. Iyo ikahitukio ni delegates conference na Mheshimiwa wanyu ni mu member. Aya muthurite delegates 

athuri na atumia ni member. Kuri angi mathuritwo ni ciama ingi nao ni member. Kuu nikuo tukahitukiria maundu mothe. 

Yahituka natumihete thirty days. Tumihete thirty days, kuuma 28 th of this month, kinya 28 th of next month. Mungituma andu anyu 

na mumere matikarehe ngarari muno ri, githi toguo tugukiriikia. Ngarari ciikiaga kuingiha ri, niguo tungirikia narua twike atia? Riu 

tuarikia hau tukumituma Parliament nigetha abunge aitu tondu nio mahetwo watho ni Katiba iria ya tene kurehe Katiba njeru, 

nao meke atia? Mahitukie. Na tondu tugakorwo nao gwa conference ri, kwi hindi mangigithii gucenjia. Ndiguiciria. Riu 

Constitution ingirika, December muthenya ucio tuoiga tutikueheria. December ikumi na igiri naithi totukorwo turikitie. Riu kuma 

hau ri, naithi ti a member, na President na thirikari, mamenye uria megutuarithia. No na inyui tondu ni inyui marathikiria ni inyui 

muingi ri, na ithi mutigukimera. O muona kamweke naithi mutigukimera? Naithi tiuguo riu? Riu murekie mu member wanyu 

umwe mukimwire, wacoka Nairobi, muonana na President, umwire ithui andu a Mathira turenda atia? Na ithi tiuguo? Riu 

tuguetha mundu wa gutuhoyithia nigetha tuinuke. Andu aria matanona mbuku niiguethwo. Na copy ni muguetha haria wabici itu 

na muthuri uyu niegwika uguo. Riu mundu umwe atuhoithie nigetha turikie. Anga icio ingi nitugukiuria thutha ucio. Rekei 

turugame tugathe mwathani. 

Nituagucokeria ngatho Mwathani witu mwega, niundu wa gukorwo na Commissioners aria megukite muthenya wa umuthi. Na 

tondu bururi uyu nogutuhe watuheire o uguo tuhu. Na ithui niithui turathondeka mawatho maria mekwenda tuikare namo. Andu 

acio megutuheaga uhoro Mwathani witu, mahe hinya, no mahe rugendo rwega. Na ithui tondu nituoiga maundu maria 

matubatairie. Nao aria meguthii namo umahe ugi wa kumekira. Ona bururi uyu witu wothe, na uria turi na campaign ikirie guka, 

na itaramenyeka ni yari we ni umiui. Tukuiga hari we utuehererie mathina ma mithemba yothe. Na toria kwanakorwo na mathina 

ma uragani, utuehererie thiini wa bururi uyu witu. Tukuhoya uguo niundu wa Jesu Mwathani witu. Amen. Wega wa Mwathani 

witu Jesu Kristu, na wendani waku Ngai, nayo ngwataniro ya Roho Mutheru iroikara naithui na hingo ciothe. Amen. 

40

The meeting ended at 2.25 P.M 

&&&&&&&&&&&&&&&&&&& 

41

7th october 2002 - ConstitutionNet

Create successful ePaper yourself

Delete template?

Save as template?