You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ONS HOOF VERJAAR!<br />
Op Woensdag 27 Mei het ons hoof ‘n<br />
baie spesiale dag beleef. Die VLR het<br />
almal saam gestaan en<br />
skelmpies gereël dat mnr Nel soos<br />
‘n koning oorlaai was met hope en<br />
hope geskenke! Mnr Nel se reaksie?<br />
“ Ek is uit my sokkies geseën! “. Ja, die<br />
Ovies was weer op hul stukke en het<br />
alles in hul mag gedoen om dit ‘n<br />
onvergeetlike dag te maak .<br />
Om dit behoorlik te vier, het die hele<br />
skool pouse aan kleurvolle “cup<br />
cakes” gesmul en die personeel ‘n<br />
warm ete in die personeelkamer geniet.<br />
Die hoofleiers was dit eens: die<br />
hoof se kantoor was amper te klein<br />
vir al die pakkies! Wel gedaan Ovies<br />
– julle weet hoe om ‘n man spesiaal<br />
te laat voel.<br />
Geluk mnr Nel!<br />
Die Verkyker Redaksie Span.<br />
HOOFVERJAAR/KOOR/ HEMELVAART<br />
HEMELVAART <strong>DIE</strong>NS<br />
Donderdag oggend, 14 Mei, het<br />
die koue luggie aan ons tone begin<br />
knibbel. Maar niks kon ons Ovies<br />
onder kry nie! Met blou en wit<br />
ballonne, ‘n orkes wat ongelooflike<br />
mooi musiek gemaak het, en<br />
‘n predikant wat ons harte geraak<br />
het met sy opregte woorde, het ons<br />
Ovies vanaf die pawiljoen op gekyk<br />
en saam met die balonne ons gees<br />
laat op beweeg en die besonderse<br />
betekenis van die Hemelvaart weer<br />
eens besef en beleef. Dankie vir elke<br />
Ovish lid wat die oggend so spesiaal<br />
gemaak het.<br />
Elné Diedericks, Estee Croukamp en<br />
Charlene Engelbrecht (Graad 11)<br />
OVERKRUIN KOOR - ONS<br />
KULTUUR TROTS!<br />
BAIE GELUK aan ons spog koor wat<br />
deurgedring het na die ATKV-Applous-Finaal<br />
wat gedurende<br />
Augustus in Port-Elizabeth aangebied<br />
word. Dit is die negende keer<br />
in 12 jaar wat ons koor hierdie eer<br />
te beurt val en ‘n feit waarop ons as<br />
skool ongelooflik trots is! Ons hoop<br />
julle geniet die Applous Finaal terdee<br />
en ons weet julle gaan uitstekend<br />
vaar!<br />
Dian Degenaar.<br />
VERKYKER 2015 03<br />
Uitgawe 2