Gjendja e Mjedisit në Kosovë 2008-2010 - ammk-rks.net

Gjendja e Mjedisit në Kosovë 2008-2010/Raport1.2. Përmbledhje e Shkurtër e RaportitRaporti Gjendja e Mjedisit në Kosovë 2008-2010, përmban 8 kapituj. Në pjesën hyrëse të raportit përveçparathënies është prezantuar në pika të shkurtra edhe Profili i Kosovës, ku ka të dhëna për pozitën gjeografike,relievin, klimën, hidrografinë, lëvizjen e numrit të përgjithshëm të popullsisë, dendësinë, shtimin natyror dhe tëdhëna të tjera socio-demografike.Në këtë kapitull janë përshkruar edhe presionet kryesore të sektorëve zhvillimorë në mjedis. Këtu janë prezantuarformat dhe ndikimet në mjedis nga sektori i energjisë, industrisë, transportit, bujqësisë, pylltarisë dhe turizmit.Kapitulli i dytë i raportit përshkruan gjendjen e mjedisit. Prezantimi i gjendjes së mjedisit është bërë sipassektorëve përkatës. Për sektorin e ajrit janë prezantuar të dhëna për cilësinë e ajrit, monitorimin e cilësisë së ajrit,emisionet në ajër dhe ndikimin e sektorëve të ndryshëm në cilësinë e ajrit. Në sektorin e ujërave janë prezantuartë dhëna për resurset ujore të Kosovës, cilësinë e ujërave sipërfaqësore dhe monitorimin e ujërave sipërfaqësoresipas pellgjeve. Në kuadër të të dhënave për tokën, në raport janë prezantuar të dhëna për kategoritë e shfrytëzimintë tokave, format e humbjes së tokave bujqësore, ndotjen e tokave, sipërfaqet e ujitura të tokave, erozionin dhepërmbytjet e tokave. Gjendja e biodiversitetit është prezantuar përmes të dhënave për numrin e zonave tëmbrojtura të natyrës, menaxhimin e zonave të mbrojtura, gjendjen e këtyre zonave, gjendjen e llojeve bimore dheshtazore dhe aktivitetet e iniciativat e ndërmarra për mbrojtjen e natyrës. Në këtë sektor është prezantuar edhenjë përmbledhje e problemeve dhe rekomandimeve për biodivesitetin. Në kuadër të prezantimit të gjendjes memenaxhimin e mbeturinave dhe kimikateve në këtë raport ka të dhëna për gjenerimin e mbeturinave komunale,deponimin e këtyre mbeturinave, mbeturinat industriale, mbeturinat e ndërtimit, mbeturinat e automjeteve si dhepër importin dhe përdorimin e pesticideve dhe plehrave kimike.Në kapitullin Mjedisi dhe shëndeti publik, raporti ofron të dhëna për ndikimet mjedisore në shëndetin epopullatës, cilësinë e ujërave të pijes dhe sëmundjet që vijnë nga mjedisi i ndotur. Në këtë kapitull prezantohenedhe rekomandimet e Institutit Kombëtar të Shëndetësisë Publike për tejkalimin e gjendjes.Përmes kapitullit Shfrytëzimi i resurseve natyrore, raporti prezanton të dhëna për shfrytëzimin e resurseveujore nga sektorët e ndryshëm, degradimin e rrjedhave të lumenjve, shfrytëzimin e inerteve si dhe shfrytëzimine resurseve pyjore.Zbatimi i Strategjisë, Planit të Veprimit dhe planeve tjera për mjedis, është një kapitull tjetër i raportit, përmessë cilit synohet të prezantohet se sa është zbatuar Strategjia e Kosovës për Mjedis, numri i projekteve të realizuaranga Plani i Veprimit në Mjedis, progresin e arritur në hartimin e strategjive dhe planeve sektoriale të veprimit, sidhe hartimin e planeve dhe programeve mjedisore në nivelin lokal.Në kapitullin Masat e ndërmarra për mbrojtjen e mjedisit, është bërë një përmbledhje e masave dhe veprimevekryesore të ndërmarra nga institucionet e ndryshme për përmirësimin e gjendjes së mjedisit. Këtu janë përfshirëmasat në hartimin e legjislacionit mjedisor dhe përafrimin e tij me legjislacionin evropian, inventarizimin ehot-spoteve mjedisore, identifikimin hapësinor të ndotësve potencial, përgatitjen e kadastrës së ndotësve tëujërave, rregullimin e shtretërve të lumenjve, pyllëzimin e sipërfaqeve të zhveshura, rehabilitimin e deponivetë egra, rehabilitimin dhe rikuperimin e zonave me ndotje të lartë, si dhe zhvillimet dhe ngecjet në forcimin einstitucioneve mjedisore.Kapitulli Investimet për mbrojtjen e mjedisit, ofron një pasqyrë më të detajuar për investimet në sektorin emjedisit, burimet e financimit dhe mbështetjen nga donatorët. Gjithashtu, në këtë kapitull ka të dhëna edhe përkoston e disa projekteve kryesore në fushën e mjedisit.Në kapitullin e Referencave janë prezantuara të gjitha burimet të cilave ju referohet raporti, qofshin ato tëdhëna nga monitorimi i gjendjes së mjedisit, raporte e publikime, si dhe të dhëna të tjera nga institucionet endryshme qeveritare, joqeveritare dhe ndërmarrjet publike, veprimtaria e të cilave ndërlidhet me mjedisin, ose,që ofrojnë të dhëna të caktuara për ndonjë tregues mjedisor.Në kapitullin e fundit janë prezantuar tri shtojca të raportit, përkatësisht indeksi i tabelave, indeksi i figuravedhe indeksi i hartave. Të dhënat e prezantuara në raport ilustrohen përmes 68 tabelave, 65 figurave dhe 11hartave.© Agjencia për Mbrojtjen e Mjedisit të Kosovës/AMMK13