MatartáknMerkingar með vínlýsingumVið kynnum með ánægju matartákn sem hafa verið þróuð sérstaklega fyrir Vínbúðirnar. Táknin gefa til kynna hverskonar vín er um að ræða og við hvaða matarflokka hver víntegund á sérstaklega vel við samkvæmt mati vínsérfræðingaVínbúðanna. Það er von okkar að merkingarnar auðveldi viðskiptavinum okkar að finna rétta vínið meðmatnum hverju sinni.Fordrykkir og smáréttirVín sem á að standa eitt og sér sem fordrykkur er best að hafa frískandi og ávaxtaríkt. Bæði sæt og þurr vín geta gengið sem fordrykkir en þausýruríku (eins og t.d. kampavín) æsa upp matarlystina og koma munnvatnskirtlunum í gang.SmáréttirBetra er að vínin séu frekar sýrurík, létt og fersk. Bragðfylling fer eftir því hvers konar pinna eða smárétti er að ræða. Hvítu vínin frá Alsace íFrakklandi eru t.d. hentug með margskonar mat og sérstaklega köldum mat. Létt og sýrurík rauðvín eiga líka vel við. Crianza frá Rioja, létturChianti frá Toscana frá Evrópu og svo léttari rauðvín Nýja-Heimsins eru vínin til að nota með smáréttunum.SólpallavínHentug til drykkjar ein og sér án nokkurs matar. Oftast létt og fersk vín, ýmist sæt eða þurr. Ferskir hvítir drykkir frá Þýskalandi eru ofarlega áblaði, fersk freyðivín bæði þurr og sæt, roðavín frá USA og léttari fersk rósavín koma helst til greina hér.OstarLéttari hvítmygluostar eiga vel við léttari og sýruríkari vín Evrópu. Má þar benda á Pinot Noir vín Búrgundar og hin frægu herragarðsvín fráBordeaux. Spánverjar og Ítalir framleiða einnig frábær rauðvín til að hafa með hvítmygluostum og léttari hörðum ostum. Má nefna vín frá Rioja,Penedes og Valdepenas á Spáni og Toscana, Veneto og Piemonte á Ítalíu. Með íslensku mygluostunum notum við sæt desertvín.SkelfiskurVínin þurfa að hafa ákveðinn ferskleika, hátt sýrustig og mega ekki yfirgnæfa skelfiskbragðið. Í þessum flokki eru til dæmis Muscat Sévre etMaine, létt hvít Búrgundarvín, léttari hvítvín Alsace, Verdiccio og Soave frá Ítalíu og hin fersku léttu hvítu vín Þýskalands.FiskurRéttir með rjómasósu kalla á bragðmeiri vín en sósulausir fiskréttir. Til að vinna á móti mjólkurfitunni í rjómanum er snjallt að velja sýruríkt vínsem nær í gegnum mjólkurfituna. Grillaður fiskur er skemmtilegur með þéttum hvítvínum sem hafa nettan eikarkeim. Sterkryddaðir fiskréttirkalla svo á eilítið sæt og fersk hvítvín til dæmis frá Þýskalandi eða öflugri hvítvín Alsace, þá helst Pinto Gris og Gewürztraminer.AlifuglarBesta giftingin er þegar vínið ýtir undir og magnar gæði matarins. Þyngri hvítvín eru algengust meðal vína úr Chardonnay þrúgunni ásamtöflugri vínum úr Pinto Gris, Riesling, Grüner Veltliner og Gewürztraminer. Til rauðvína teljast léttir Bordeaux og Búrgundarar, léttari Tempranillovín Spánar og léttari vín Toscana eins og til dæmis Chianti.SvínakjötVínið þarf að hafa nægan kraft til að fara með ljósara kjöti en ekki þá fyllingu sem þarf með þyngri kjötréttum. Það er ekkert sem bannar aðnota hvítvín með svínakjöti og vel þekkt að Mið-Evrópubúar drekka sín hvítu vín með góðri svínasteik, hvort heldur sem er þau vín sem eruþurr eða örlítið sæt.NautakjötÍ þennan flokk falla allra öflugustu rauðvínin. Vín sem hafa nægan styrkleika í bragði til að fullkomna góðar blóðugar steikur. Nautakjöter bragðmikið kjöt og kallar á bragðmikil vín. Helstu vínin í þeim flokki eru kraftmikil vín úr hinum klassísku þrúgutegundum, CabernetSauvignon, Merlot og Syrah.LambakjötÍslenska lambið er eitt það bragðmesta sem völ er á enda alið á íslensku heiðalyngi í bland við grasið græna. Við erum því að tala um að veljarétta vínið með sjálfkrydduðu úrvalslambi. Með góðu lambi er fátt betra en hin frábæru herragarðsvín frá Bordeaux eða flottar Gran Reservurfrá Rioja eða Ribera del Duero. Helst ber að hafa í huga að velja vín sem hæfir kryddun réttarins og eldunaraðferð hans.Léttari villibráðAðallega ljóst kjöt eins og fasanar, akurhænur og villiendur. Með þessum mat hentar sérstaklega vel að nota vel þroskuð rauðvín eða glæsilegustuog þyngstu hvítvín sem völ er á.
Kröftugri villibráðÍslensk villibráð eins og rjúpa og hreindýr er einhver bragðmesta villibráð sem völ er á og liggur beint við að nota kraftmikil ogkrydduð vín með slíkum mat. Fyrst upp í hugann koma hin glæsilegu vín frá Norður-Rhone, Bordeaux, Búrgund, Piemonte,Toscana, Ribera del Duero, Rioja, Napa, Sonoma og Washington, svo einhver svæði séu nefnd.GrænmetisréttirRétt er að velja vín sem eru í bragðstyrkleika í samræmi við þann rétt sem borða á hverju sinni. Það er þekkt staðreynd aðgrænmetisréttir eru léttara fæði en kjöt og því er eðlilegt að velja vín sem eru í léttari og ferskari kantinum.Grillað kjötRistunin sem verður á matnum á grillinu hentar vel með eikuðum vínum, sem eru vín sem hafa einhvern keim af eikartunnu semþau hafa verið látin þroskast á. Grillmatur sem grillaður er með BBQ sósu þarf á annars konar vínum að halda, en með slíkum mathenta sæt eða sérlega ávaxtarík vín.Austurlenskur maturHér koma margs konar vín til greina. Súrsætur matur kallar á sætkennd vín, sterkkryddaður á sæt og ávaxtarík vín, léttkryddaðurá léttari vín og svo réttir eins og sushi á enn eina gerðina af víni.Sterkkryddaður maturVín merkt með þessu tákni eru þannig gerð að þau ættu að þola hvað best mjög heitkryddaðan mat með kryddstungu. Það eruekki mörg vín sem þola slíkt og oft er vænlegra að drekka hreinlega bjór með mjög „spicy“ matartegundum. Sæt og ávaxtarík víneru líklegust til þess að ráða við svona mat.Pasta og pítsurHvað varðar pítsuna er frumskilyrði að velja vín sem getur farið með tómatsósunni á pítsunni. Ítalska þrúgan Sangiovese hefurþann skemmtilega eiginleika að skila af sér vínum með eilítið súrum ávexti sem smellpassar við sýruna sem er náttúruleg ítómatnum. Sangiovese vín eru því númer eitt á listanum með pítsunni og líka með öllum pastaréttum byggðum á tómat.Reykt kjötHér fara mjúk vín best en mýktin gerir það að verkum að hvítvín eins og Pinot Gris, Gewürztraminer og léttir eilítið sætir þýskirRieslingar henta sérstaklega vel með reyktu kjöti. Íslenska hangikjötið er einstaklega mikið reykt og saltað og það kallar á sætu.Þá er rétt að benda á hin sætu freyðivín frá hreppnum Asti á Ítalíu. Kalt reykt kjöt er best með kældum hvítum vínum.PottréttirSé verið að nota kjúkling eða eitthvað annað ljóst kjöt er rétt að velja rauðvín í léttari kantinum til að fara með. Ef lamb, naut eðavillibráð er í pottréttinum er rétt að velja þung og kraftmikil vín með hátt sýrustig og mikil tannín. Slík vín mýkjast þegar þaukomast í samband við eggjahvítuna í kjötinu og eða rjómann í sósunni.ÁbætisréttirVeljið vín sem er sætara en eftirrétturinn. Best þekkt eru styrktu vínin sérrí og portvín en flóran af góðum eftirréttavínum nær tilmun fleiri vína. Fræg eru glæsilegu sætvínin frá Ungverjalandi, nefnd eftir héraðinu sem þau eru framleidd í eða Tokaji. Hin virtueftirréttavín frá Frakklandi þekkja margir. Þar má nefna eftirréttavínin frá Alsace sem eru svokölluð „Vendasnges Tardives“ og„Selection de Grains Nobles“. Ekki má gleyma hinum virtu sætvínum frá Sauternes sem þykja einhver glæsilegustu sætvín veraldar,ásamt hinum mörgu sætvínum sem framleidd eru í Suður-Frakklandi.Ein og sérVínin geta verið svo nett eða bragðlítil að þau hverfi algerlega ef þeirra á að neyta með mat. Geta verið það sæt að þau henti ekkimeð mat, svo römm að þau geti skemmt fyrir öllum mat, svo þroskuð að þau henti ekki með mat eins og fersk sams konar vín.Tilbúið að drekkaBest að neyta innan næstu 12 mánaða. Batnar ekki við geymslu.Tilbúið að drekka, má geymaGóð til neyslu núna. Batna við geymslu í allt að 2 ár.Batnar við geymsluEru hörð og óaðgengileg og rétt að umhella á karöflu og láta bíða í einhverjar klukkustundir. Geyma ætti flöskunna í nokkur ár.Slík vín endurgjalda undantekningalaust geymsluna með því að verða gríðarlega ilmrík og í góðu jafnvægi með réttri geymslu.Lífrænt ræktaðViðurkennd lífræn vottun – vín gerð úr lífrænt ræktuðum þrúgum. Engin kemísk eiturefni eða áburður er notaður við framleiðsluna.ÚrvalsvínÍ flokkinn Úrvalsvín er valið vín sem talið er vanta í almennt vöruúrval, en Vínbúðirnar leggja metnað í að bjóða framsækið ogfjölbreytt vöruúrval í samræmi við væntingar viðskiptavina. Í þennan flokk eru einnig oft valin svokölluð sígild vín, en það eru vínsem hafa í áranna rás fest sig í sessi fyrir framúrskarandi gæði.aPOLBCDGEFTHIJkVmrsnwYÆöFordrykkir/smáréttirSmáréttirSólpallavínOstarSkelfiskurFiskurAlifuglarSvínakjötNautakjötLambakjötLéttari villibráðKröftugri villibráðGrænmetisréttirGrillað kjötMatartáknAusturlenskur maturSterkkryddaðPasta/pítsurReykt kjötPottrétttirÁbætisréttirEin og sérTilbúið til að drekkaTilbúið til að drekka, má geymaBatnar við geymsluLífrænt ræktaðÚrvalsvín