KLLAPIA E TESAVVUFIT - El-Hikmeh

VËRTET KLLAPI E TESAVVUFITStruktura kategoriale e mendimit filozofik/sufik nuk ështëkonstantë kuptimore të cilën e marrim nga trashëgimiafilozofike si të dhënë ideore a priori. Po të ishte e tillë, do tëshndërrohej në kanon, në atë ritualitet të mendimit që di vetëmpër përsëritjen liturgjike të të njëjtës. Gjatë kësaj duhet dalluarnocionet që dikur vlenin si instrumentarium i domosdoshëmfilozofik nga ata të cilët edhe sot vlejnë, por që kanë domethënietjetër. Nocioni i të Vërtetës, e me këtë edhe i Absolutit, është, sitë thuash, “temë njerëzore” e amshueshme, ai lloj i “zgjedhjes”së njeriut i cili presupozohet me vetë atë që prek jo vetëm nërrënjën e përvojës konjitive, por që qenësisht përcakton totalitetine njerëzores si të tillë. Sepse: që të mund të flasim dhe tëmendojmë, të sillemi në mënyrë njerëzore doemos na duhet “evërteta”. Ne sipas asaj barazohemi, atë e thërrasim në ndihmëkur jemi të cunguar në mënyrë të padrejtë dhe moralisht, kur “evërteta” e një individi, koncepti i tij i anshëm subjektiv, relativizmii vlerave të një grupi të caktuar, rendit normativ botëror sjellderi buzë desubjektivizimit patologjik, në atë kufi kur përpiqemitë besojmë se duhet të ekzistojë një rend i mbirenditur, kozmik ivlerave sipas të cilit do të matej ajo të cilën e kemi “humbur”padrejtësisht dhe në të cilën, në mënyrë objektive, kemi të drejtëtë plotë njerëzore. Nocioni i të vërtetës nuk vjetërsohet, dheedhe pse e ndryshon domethënien dhe fiton “përkufizim” tjetër,ajo megjithatë mbetet ajo që është – e vërtetë. Kjo histori e ripërkufizimitështë vetë historia e filozofisë, logosi i kohëzgjatjessë saj, “vetëdijësimi” i mendimit filozofik-sufik.Mirëpo, a nuk është nocioni i të vërtetës i bartur edhe në atosfera ku nuk e ka vendin dhe ku, sipas logjikës së gjërave dhendarjes së tyre vlerësore duhet trajtuar si i huaj dhe jo ipërpjesshëm? Apo, mbase, nga aspekti formal dhe përmbajtësorështë aq i gjerë dhe i pasur sa që mund të vlejë për të gjithasferat e veprimtarisë nejrëzore, të jetë normë dhe kriter i tyre