O MeA e tAtAU OnA e IlOA - Australian Diabetes Council

6
‘Ai mea’ai e Lelei mo le Ma’isuka
Ole ‘ai e le faapea na ole maua mai ai o mea e ‘ai ma le fausiaina o mea mo le tino. Ole ‘ai ose
fiafiaga lea ma ose mafutaga ma isi e fiafia ai (social experience).
E le tatau ona toafia mai oe ile fiafiaga e ‘a’ai faatasi ma au uo ma ou aiga ona ole ma’isuka.
E mafai lava ona e maua le fiafiaga i faatasiga faapitoa pei o ‘aiga, faatasiga, ole aoga ma
sauniga e faamanatu ai le lotu. Ta’u i lau foma’i o mea’ai (dietitian) le faiaoga ole ma’isuka
ma lau foma’i ia mea’ai na ete ‘ai ai ma taimi e ‘ai ai. E tatau i au mea’ai ma au vai/fualaau
ona fesootai lelei ia fetaui ma le olaga na ua e ola ai faatasi ai ma lou aiga. Peitai, atonu ete
manaomia ni fesuiaiga i au amioga masani ai i lau mea’ai ina ia pulea lelei ai lou ma’isuka ma
tumau ai pea le soifua lelei.
Aiseā e taua ai le ‘ai mea’ai lelei mo le soifua maloloina?
O mea’ai lelei mo le soifua lelei o se tasi ia o vaega pito sili ona taua ile puleaina ole ma’isuka.
Ole ‘ai lelei e fesoasoani ile puleaina ole maualuag ole kulukose (suka) ole toto, le ga’o ile toto
ma le toto maualuag. O le ‘ai lelei e mafai ai foi ona fesoasoani e faapa’ū i lalo lou mamafa pe
afai ua ova lou mamafa. A ova lou mamafa tele, e faigata ona pulea lou ma’isuka. O le mea la
lea e taua ai le i ai o sau fua o mea’ai (diet) e fesoasoani ai ia oe ina ia lusi ou pauna na ua ova
o lou mamafa ma faaleleia ai le puleaina o lou ma’isuka.
E taua lava poo a ni fautuaga mo le fuaina o mea’ai (dietary advice) ia fesootai lelei atu i ou
manaoga. O iinei la e fesoasoani mai ail au foma’i o mea’ai (dietitian).
25