O MeA e tAtAU OnA e IlOA - Australian Diabetes Council

Ituaiga o ma’isuka – faaauau pea
Ma’isuka a o To/Ma’itaga (Gestational Diabetes)
O le ituaiga ma’isuka lenei e tupu a o to le tina ma e masani lava
ona toe alu ese pe a uma ona fanau mai le pepe.
A o to le tina, e tuuina mai e le faa’autagata (placenta) ia homone e
fesoasoani i le tupu a’e ma le atinaeina o le pepe. O nei homone e
poloka ai foi ia gaioiga o inisalini mai le tina. O le mea la ua tupu, o
le manaoga mo le inisalini a o to le tina o le a faalua pe faatoluina
le maualuga atu nai lo tulaga masani. Afai la e le mafai e le tino
ona tuuina mai nei inisalini e pei ona manaomia nei e tali atu ai i le
manaoga faasili lea, ona tupu ai loa lea o le ituaiga ma’isuka lenei
(gestational diabetes).
O le iloiloga poo le fa’ataina mo le ituaiga ma’isuka lenei
(gestational diabetes) e faia i le 24 i le 28 vaiaso o le ma’itaga. Atonu
e toe tupu foi le ma’isuka lava lenei i leisi foi maitaga e soso’o mai.
O le maualuga o le kulukose (suka) i luga atu o tulaga masani atonu
o le a maua mai ai pepe e lapopo’a tele atu, ma e mafai ona faigata ai le faafanauga. E mafai ai
foi ona ono maua ai o lea pepe i le ma’isuka i le lona olaga mulimuli mai.
O le a le mea e manaomia e te faia pe afai ua iloa e maua oe i le ma’isuka a o e to
(gestational diabetes)?
E tatau loa ona e alu e vaai se faiaoga o le ma’isuka, se foma’i o mea’ai (dietitian), foma’i e vaaia
homone o le toto (endocrinologist), ma se foma’i tipitipi o fafine fananau (obstetrician).
O le puleaina e aofia ai le ‘ai e le tina o mea’ai e lelei mo le soifua, fai nai faamalositino
faaopopo i ai ma le siakiina pea lava pea o le maualuga o le kulukose (suka) o le toto.
O se tasi o auala lelei o le ‘ai so’o o mea’ai laiti i le aso mea’ai e lelei mo oe faapea foi pepe, nai
lo le tolu o mea’ai lapopo’a i le aso. O lenei tulaga o le a faafaigofie ai le manaoga mo inisalini
mai le atepili.
O i latou e sili ona ono maua i le ma’isuka a o to (gestational diabetes) o:
• Fafine ua ova ile 25 tausaga le matua
• Fafine ua ova atu i le 30 tausaga le matua
• Fafine e i ai i o latou aiga talafaasolopito o le ma’isuka ituaiga 2
• Fafine ua ova atu le mamafa
• Fafine Apoliki poo fafine mai le motu o Torres Strait
• Kulupu faapitoa mai atunuu eseese, tagata mai le Pasefika, tagata mai le malo Initia ma
tagata o mai i Saina
• Fafine sa maua i le ma’isuka a o ma’ito i isi taimi sa to ai muamua.
O fafine sa maua i le ma’isuka a o ma’ito (gestational diabetes) e i ai latou i le tulaga maualuga
e maua ai i le ma’isuka ituaiga 2. E fautuaina malosi i latou ia toe sueina i le Suega o le Lavatia
o Kulukose e auala atu i le Gutu (Oral Glucose Tolerance Test) 6-8 vaiaso talu ona uma le
fanau mai o pepe, ia ona fai lea tai 1 – 2 tausaga.
17