O MeA e tAtAU OnA e IlOA - Australian Diabetes Council

Ituaiga o ma’isuka – faaauau pea
Ma’isuka ituaiga 2
E masani ona maua ai tagata i le 40 tausaga agai atu i luga. Ae peitai ua maua ai foi ma
talavou laiti, ua oo lava i tamaiti laiti. O le leaga o le olaga e filifili e ola ai o se faapogai autu lea
ua faateteleina ai i tagata talavou. O le le gaioi ma le leaga o le filifiliga o mea’ai e mafai ai ona
lapo’a ma mamafa tele ai pauna, aemaise lava le manava o le a lapo’a. O le a taofia mai ai loa
le tino i le faaaogaina lelei o le inisalini, (insulin resistance) ona oso ai loa le i luga o le kulukose
(suka). O le ma’isuka ituaiga 2 e mafai ona faatuai lona tupu mai. O le ma’isuka numera 2 e alu
i le toto ma le aiga ma e ono aafia ai fanau a fanau.
O le tala e fiafia ai e uiga i le ma’isuka ituaiga 2 e mafai ona fatuaituai pe puipuia foi pe afai ua
faia filifiliga sa’o mo soifuaga e ola lelei ai i le faateleina lea o gaioiga faamalositino, filifiliga mo
mea’ai mo le soifua lelei ma le lusi o pauna. Ona o le faapogai lenei e taua lava lou iloaina o
lou ono aafia i le ma’isuka ituaiga 2.
O auga o le ma’isuka ituaiga 2 e aofia ai le pi so’o ma alu le feauvai, fiainu, nenefu le vaai,
papala le pa’u, tuai ona pepe manu’a, mainiini ma pepe vae (feet) O le tele o taimi e leai ni
auga e aliali mai, pe e leiloa atu foi ni auga.
A sue ma ua iloa ua maua ile ma’i, e taua le taumafai ia tumau le maualuga ole kulukose ile
toto ile vave lava e mafai ai ina ia taofia ai nisi mau faaletonu.
O le puleaina e tatau ona amataina nei loa i le filifiliga o mea’ai lelei mo le soifua, ma le fai pea
lava o faamalosi tino.
Ae peitai, o le ma’isuka o se faama’i e sosolo. I le umi o le taimi, atonu o le a manaomia vai e
inu ma/ poo le tui foi i le inisalini.
13