PDF - Land og saga

32 • Menntun, námskeið og nýsköpun Menntun, námskeið og nýsköpun • 33
Starfsfólkið mesta auðlind fyrirtækja
-Þjónustufyrirtækið Vinnuvernd sinnir meðal annars fjölbreyttu fræðslustarfi
Vinnuvernd er þjónustufyrirtæki
sem sérhæfir sig á sviði
vinnuverndar, heilsuverndar og
heilsueflingar. Þjónusta Vinnuverndar
miðar að því að aðstoða
fyrirtæki og starfsmenn þeirra
við að bæta öryggi, líðan og
heilsufar á vinnustað og á þann
hátt að draga m.a. úr fjarvistum.
Hjá Vinnuvernd starfa læknar,
hjúkrunarfræðingar, sjúkraþjálfarar,
lýðheilsufræðingur,
vinnuvistfræðingur og sálfræðingar
sem allir sinna fjölbreyttum
verkefnum. Alls er þetta 12-
14 manna teymi.
Sem dæmi um þjónustuþætti
má nefna trúnaðarlæknisþjónustu,
úttektir á vinnuaðstæðum,
vinnuvistfræðilega ráðgjöf, heilsufarsmælingar,
áhættumat, vinnu
við eineltismál, áfallahjálp, ýmis
konar fræðsla, námskeið og margt
fleira. Einnig hafa sérfræðingar
Vinnuverndar aðstoðað fjölmörg
fyrirtæki við að skipuleggja heilsueflingu
til lengri tíma.
Aldrei mikilvægara
Valgeir Sigurðsson hjá Vinnuvernd
segir það er líklegast aldrei
hafa verið mikilvægara en nú að
fyrirtæki sinni vinnu- og heilsuverndarstarfi.
„Starfsfólkið er
mesta auðlind fyrirtækja og má
segja að það sé lykilatriði að hlúa
vel að því við uppbyggingarstarfið
sem framundan er. Bæði starfsmenn
og stjórnendur eru vængbrotnir
eftir áföll síðastu 10-12
mánaða, víða hefur fólki verið
fækkað, starfshlutfall fært niður
eða laun og fríðindi skert. Engu
að síður er launakostnaður stærsti
einstaki kostnaðarliðurinn í öllum
rekstri og það er mjög mikilvægt
að leggja rækt við uppbygginguna
á öllum vinnustöðum. Vinnuverndarstarfið
er líklegast ódýrasta
ráðgjafaþjónusta sem völ er á nú í
dag og það er hægt að gera býsna
margt fyrir lítið fjámagn. Verkefni
sem ná beint til starfsmanna og eru
sýnileg á vinnustaðnum eru mjög
mikilvæg um þessar mundir, „segir
Valgeir.
Valgeir segir það er líklegast aldrei hafa
verið mikilvægara en nú að fyrirtæki sinni
vinnu- og heilsuverndarstarfi. Ljósm. Ingó.
Fræðsla og námskeið
Allt frá upphafi hefur Vinnuvernd
sinnt fjölbreyttu fræðslustarfi
sem hefur farið fram í formi
fræðslufunda og námskeiða, auk
þess sem Vinnuvernd sendir mánaðarlega
fræðslupistla til þeirra
fyrirtækja sem hafa gert þjónustusamninga
við fyrirtækið.
Valgeir segir að áhersla hafi
verið lögð á að hafa fræðsluerindi
og námskeið stutt og hnitmiðuð.
„Tíminn er dýrmætur auk þess sem
ýmsir starfshópar eru óvanir því að
sitja lengi og hlusta. Snörp námskeið
með virkri þátttöku eru því
það sem við höfum boðið uppá.
Meðal fræðslufunda og námskeiða
má nefna skyndihjálp, einelti,
líkamsbeitingu, streitu og áföll
og gerð áhættumats á vinnustað.
Nú síðast höfum við boðið uppá
fyrirlestur þar sem fjallað er um
sóttvarnir á vinnustað í tengslum
við heimsfaraldur inflúensu
(H1N1). Flestir fræðslufundir og
námskeið fara fram á vinnustöðum
og reynum við að tengja efnistök og
framsetningu hverju fyrirtæki og
starfshóp fyrir sig,“ segir Valgeir.
Hann segir að síðastu mánuði
hafi starfið hjá Vinnuvernd snúist
talsvert um þau áföll sem orðið
hafa í samfélaginu. Ýmsum áfallaverkefnum
hafi verið sinnt og það
hafi verið unnið með þau innan
sem utan vinnustaðanna.
„Nú þegar ný inflúensa (H1N1)
hefur skotið sér niður hafa hjúkrunarfræðingar
okkar og læknar
aðstoðað fyrirtæki við viðbraðgsáætlanir
þar sem menn leggja
það niður fyrir sér hvernig best sé
fyrir vinnustaðinn að búa sig undir
og bregðast við þessum vágesti.
Þessi vinna hefur verið unnin samkvæmt
þeim leiðbeiningum sem
sóttvarnarlæknir hefur gefið út,“
segir Valgeir.
Stuðningur stéttarfélaga
Að sögn Valgeirs átta sig ekki
allir á því að fjölmörg stéttarfélög
styðja ríkulega við námskeiðahald
á vinnustöðum. „Segja má að stéttarfélögin
hafi þetta hvert með sínu
lagi. Full ástæða er til þess að nefna
framgöngu Eflingar – stéttarfélags
sérstaklega en félagið hefur stutt
dyggilega við fræðslustarf í fyrirtækjum
og innan stofnana.
Annars er bjart framundan og
þó ótrúlegt megi virðast er Vinnuvernd
að stækka og eflast. Fjölmargir
stjórnendur hér á landi eru fyrir
nokkru búnir að átta sig á því að
það er hagkvæmt að sinna vinnuog
heilsuverndarstarfi og heilsueflingu
á vinnustað og ég á ekki von á
öðru en þeim muni fjölga í framtíðinni,“
segir Valgeir.
Rannsóknarþjónustan Sýni ehf.
setur á stofn matvælaskóla
Nú er að taka til starfa nýr skóli
á höfuðborgarsvæðinu. Ber
hann nafnið Matvælaskólinn
hjá Sýni. Hann er starfræktur
af Rannsóknarþjónustunni
Sýni ehf. sem var upphaflega
stofnuð sem rannsóknarstofa
fyrir matvæla- og fóðuriðnað.
Snorri Þórisson, matvælafræðingur
og framkvæmdastjóri
Sýnis, segir að Matvælaskólinn
hjá Sýni sé hugsaður sem
umgjörð utan um fjölbreytt
námsefni fyrirtækisins og
samstarfsaðila þess og verða
fjölmörg námskeið í boði hjá
skólanum.
Rannsóknarþjónustan Sýni ehf.
var stofnuð 1. apríl 1993. Þótti
gárungunum dagsetningin benda
til þess að um grín væri að ræða,
þ.e. að einkarekin rannsóknarstofa
ætti litla framtíð fyrir sér.
Hjá Sýni starfa nú 14 manns, þar
af níu háskólamenntaðir, sumir
með áratuga reynslu í þjónustu
við matvælaiðnaðinn. Dótturfyrirtæki
Sýnis, Promat ehf. er rekið
á Akureyri og þar eru þrír starfsmenn.
Snorri segir að öll verkefni sem
Sýni tekst á við snúist um matvæli
og gæði á einn eða annan hátt. „Til
að byrja með voru helstu verkefnin
örverumælingar og efnamælingar
fyrir framleiðendur í matvæla- og
fóðuriðnaði en smám saman jókst
áhersla á ráðgjöf og fræðslu.“
Fjölbreytt námskeiðahald hefur
verið sívaxandi þáttur í starfseminni
hjá Sýni. Áhersla hefur verið
lögð á að aðlaga námskeiðin að
þörfum hvers fyrirtækis eða hóps.
Til að mæta þörfum fyrirtækja úti
á landsbyggðinni hafa starfsmenn
RÞS haldið námskeið um allt land.
Hafa þau auk þess verið haldin á
nokkrum tungumálum með aðstoð
túlka svo að efnið skili sér
sem best til þeirra sem ekki hafa
full tök á íslensku. Og loks hefur
efni sem dreift er verið þýtt á
nokkur tungumál.
„Í umræðu um heilsueflingu og
vellíðan á vinnustað hefur umræða
um mataræðið verið vanrækt,“
segir Snorri. „Við höfum
því boðið fyrirtækjum og stofnum
upp á námskeið sem við köllum
Borðum betur. Í þessu samhengi
höfum við aukið áherslu á
mataræði og fjölbreytni í hráefnisvali
og þróað ýmis námskeið á
því sviði. Meðal annars má nefna
matreiðslunámskeið þar sem
hressir krakkar koma og matreiða
og borða saman.”
„Í umræðu um
heilsueflingu
og
vellíðan á
vinnustað
hefur umræða
um mataræðið
verið
vanrækt,“
Nýjasta verkefnið
Matvælaskólinn hjá Sýni, nýjasta
verkefni Sýnis, er hugsaður
sem umgjörð utan um fjölbreytt
námsefni fyrirtækisins og samstarfaðilanna
og er ætlað að svara
mikilli þörf á fræðslu í matvælaiðnaði.
Námskeiðum má skipta í
grófum dráttum í þrjá flokka:
•Gæði og öryggi matvæla.
•Hollusta og matseld – t.d.
krakkamatur og hópeflisnámskeið
þar sem hópar elda og borða
saman.
•Sérhæfð námskeið t.d. nám
fyrir almenna starfsmenn í matvælaiðnaði
sem metið er til fimm
eininga á framhaldsskólastigi.
„Námsskráin er unnin í samstarfi
við Fræðslumiðstöð atvinnulífsins,
Starfsafl, Landsmennt,
Eflingu og Matvælastofnun.
Þar er ætlunin að bjóða upp á
framhaldsnám sem miðar að því
að viðkomandi geti starfað sem
gæðastjóri í matvælafyrirtækjum.
Einnig viljum við endilega
nefna nýtt námskeið sem haldið
verður í haust; Stofnun fyrirtækja
í matvælaiðnaði, en það
fékk styrk frá Starfsmenntaráði.
Þá erum við í góðu samstarfi
við Þekkingarmiðlun sem býður
námskeið varðandi mannauðsmál
og stjórnun og Verkís hf. með
námskeið um vinnuvernd, öryggismál,
neyðarstjórnun og hönnun
húsnæðis og búnaðar. Sýni ehf.
hefur gert samstarfssamninga
við Landsmennt og Starfsafl sem
styrkja mörg okkar námskeiða,“
segir Snorri en bendir á í lokin að
frekari upplýsingar um starfsemi
Matvælaskólans hjá Sýni megi fá
á heimasíðunni www.syni.is eða í
tölvupósti á netfangið matvaelaskolinn@syni.is
Öryggi og umhverfismál í öndvegi
-Verkfræðistofan Verkís býður meðal annars upp á námskeið á sviði öryggis- og heilbrigðismála.
Verkfræðistofan Verkís 2008
er öflugt, leiðandi ráðgjafarog
þekkingarfyrirtæki á meginsviðum
verkfræði og tengdra
greina með áherslu á orkumál.
Hlutverk þess og markmið er að
veita viðskiptavininum vandaða
og faglega ráðgjöf. Þá hefur
Verkís boðið upp á námskeið og
fyrirlestra á sviði öryggis- og
heilbrigðismála á vinnustöðum.
Verkís var stofnuð í nóvember
2008 við sameiningu Verkfræðistofu
Sigurðar Thoroddsen, Rafteikningar,
Fjarhitunar, Fjölhönnunar
og RT-Rafagnatækni sem
hvert um sig var með áratuga
reynslu í ráðgjöf og leiðandi á sínu
sérsviði.
Dóra Hjálmarsdóttir, deildarstjóri
Verkís, segir að í fyrirtækinu
sé fyrir hendi sérfræðiþekking
sem spannar allar þarfir
framkvæmda- og rekstraraðila frá
fyrstu hugmynd að nýju verkefni,
til aðstoðar við margháttuð rekstrar-
og viðhaldsverkefni.
Meðal þeirra þjónustu sem fyrirtækið
býður er:
• Undirbúningur framkvæmda og
áætlanagerð.
• Hönnun hvers kyns mannvirkja,
svo sem íbúðar- atvinnu- og þjónustuhúsnæðis,
orkuvera, samgöngumannvirkja
og allra þeirra
sérkerfa sem þarf í slík mannvirki.
• Verkefnastjórnun, bæði við hönnun
og á framkvæmdastað.
• Framkvæmdaeftirlit.
• Umhverfisráðgjöf.
• Öryggis- og heilbrigðisráðgjöf.
„Styrkur Verkís felst meðal annars
í því að á einum og sama stað
geta viðskiptavinir okkar sótt alla
hefðbundna verkfræðiráðgjöf, auk
þeirrar stoðþjónustu sem nú er
orðin eðlilegur hluti af undirbúningi
og rekstri flókinna verkefna.
Verkís leggur sig fram um að
sinna þörfum viðskiptavina sinna
fljótt og örugglega, og veita trausta
ráðgjöf við byggingu og rekstur
mannvirkja í sátt við umhverfið
og skynsamlega nýtingu auðlinda.
Fyrirtækið hefur þjónustað marga
af viðskiptavinum sínum í áratugi
og talar það sínu máli um viðhorf
þeirra til þjónustunnar,“ segir Dóra
Áhersla á öryggi
Um árabil hefur Verkís boðið upp
á öfluga öryggisráðgjöf varðandi
alla þætti mannvirkjagerðar og almenns
rekstrarumhverfis mannvirkja.
Þar má nefna áhættugreiningar
mannvirkja, brunavarnir,
öryggis- og innbrotavarnir, ásamt
verkefnum sem snúa að neyðarvörnum
veitufyrirtækja svo sem
áhættugreiningar, viðbragðsáætlanir
og neyðarfjarskipti. Verkís
hefur á því sviði boðið viðskiptavinum
sínum upp á þjálfun í formi
æfinga, námskeiða, fyrirlestra og
leiðbeininga.
Dóra segir að á síðustu árum hafi
áherslan á öryggis- og umhverfismál
framkvæmda og reksturs
farið vaxandi. „Má segja að vakning
hafi orðið í þeim málum á Íslandi
og hefur Verkís tekið fullan
þátt í því að auka veg öryggis- og
heilbrigðis á vinnustað með því að
auka framboð sitt á þjónustu á því
sviði í formi almennrar ráðgjafar,
námskeiða, fyrirlestra og ráðstefnuhalds,“
segir Dóra
Síðustu árin hefur Verkís
boðið upp á ýmsa fyrirlestra
og námskeið á sviði öryggis
og heilbrigðis á vinnustöðum.
Námskeiðin eru sérsniðin að
þörfum hvers viðskiptavinar
og haldin hjá Verkís eða hjá
viðkomandi viðskiptavini.
Meðal þess efnis sem fjallað
er um er:
• Innleiðing öryggismála hjá
fyrirtækjum
• Afbrot og forvarnir
• Öryggiskerfi, uppbygging
og virkni þeirra
• Efling öryggisvitundar
starfsmanna
• Öryggis- og heilbrigðisáætlun
á vinnustað og áhættumat
starfa
• Öryggishandbók fyrir
smærri verktaka og fyrirtæki
• Viðbragðsáætlun vegna farsótta
Námskeiðin löguð af
þörfum fyrirtækja
Verkís hefur staðið fyrir námskeiðum
um framkvæmd áhættumats
starfa og gerð öryggis og
heilbrigðisáætlana. Efni námskeiðanna
hefur verið lagað að þörfum
fyrirtækja þannig að starfsmenn
þeirra, öryggisverðir og öryggistrúnaðarmenn
ásamt öðrum sem
sinna öryggismálum fyrirtækisins
séu betur í stakk búnir að framkvæma
áhættumat á sínum vinnustað
og fylgja úrbótum eftir. Einnig
býður Verkís upp á heilsufarsmælingar
og heilsufars- og næringarráðgjöf
í samvinnu við Rannsóknarþjónustuna
Sýni ehf.
Nú þegar heimsfaraldur inflúensu
geisar býður Verkís upp á
ráðgjöf um smitvarnir í formi fyrirlestra
og leiðbeininga til starfsmanna,
auk þess að bjóða fyrirtækjum
leiðbeiningu við gerð
viðbragðsáætlana til að tryggja sem
best samfelldan rekstur og öryggi
framleiðslunnar.
Verkís hefur aflað sér viðurkenningar
Vinnueftirlitsins sem alhliða
ráðgjafar- og þjónustuaðili á sviði
öryggis- og heilbrigðis á vinnustöðum
og er í samstarfi við sérfræðinga
á sviði öryggismála og vinnuverndar
m.a. Rannsóknarþjónustuna
Sýni ehf, Aðgát Eldvarnarþjónustu
ehf, Meton ehf, Forvarnir ehf og
Magnús Ólafsson sjúkraþjálfara.
Yfir 300 starfsmenn
Starfsemin, og þar með öll þjónusta
Verkís, uppfyllir kröfur ISO
9001 til vottaðra gæðakerfa auk
þess að fylgja metnaðarfullri stefnu
í öryggis- og umhverfismálum.
Yfir 300 einstaklingar starfa hjá
fyrirtækinu í höfuðstöðvunum í
Reykjavík og á sex öðrum stöðum
á landsbyggðinni. Rekstur dreifðra
útibúa tryggir þekkingu á staðháttum
og aðgang viðskiptavina
að sérfræðiþjónustu hvar sem er á
landinu.
Helstu viðskiptavinir Verkís eru
opinber- og einkafyrirtæki sem
eru m.a. byggjendur, eigendur og/
eða rekstraraðilar vatnsaflsvirkjana,
jarðvarmavirkjana, vatns- og
hitaveitna, stóriðju, samgöngu-,
mennta-, íþrótta-, og heilbrigðismannvirkja.
Einnig veitir Verkís
ýmsum þjónustufyrirtækjum og
verktökum ráðgjöf og þjónustu.
• TETRA fjarskipti – námskeið
og leiðbeiningar
• Eldvarnir og notkun slökkvibúnaðar
• Rýmingar og notkun slökkvibúnaðar
• Innleiðing öryggismála hjá
fyrirtækjum
• Neyðarvarnir og neyðarviðbrögð
/ viðbragðsáætlanir
• Smitvarnir.