PDF - Land og saga

28 • Menntun, námskeið og nýsköpun Menntun, námskeið og nýsköpun • 29
-Tónskóli Hörpunnar
Tungumál,
tækni og tónlist
Tónskóli Hörpunnar fagnaði
nýverið tíu ára starfsafmæli
sínu með nemendatónleikum í
vor, í haust verða svo sérstakir
kennaratónleikar af sama tilefni.
Tónskóli Hörpunnar er almennur
tónlistarskóli og sinnir
fólki á öllum aldri, kennir á flest
algengustu hljóðfæri og er einnig
með forskólakennslu á blokkflautu.
Kjartan Eggertsson, skólastjóri
Tónskóla Hörpunnar, segir
að áhersla sé lögð á hefðbundið
tónlistarnám þar sem hin svokölluðu
þrjú T séu leiðarvísir í starfi
skólans, en téin þrjú eru tungumál,
tækni og tónlist. „Með T3 vill
skólinn leggja áherslu á að nemendur
átti sig á því í hverju hljóðfæranám
sé fólgið. Nótnalestur er
eins og tungumál, sem hægt er að
lesa, skrifa og tala, tæknin er aðferðin
sem notuð er við að spila á
hvert og eitt hljóðfæri og tónlistin
er sú, sem nemandinn hefur áhuga
á að glíma við, sú sem kennarinn
villa að hann kynnist og sú sem er
viðfangsefni í kennslubókunum,“
segir Kjartan.
Hann segir markmið skólans
vera að nemendur öðlist þá
reynslu að þeir líti á hljóðfæraleik
sem sjálfsagðan hlut, í einrúmi,
með öðrum og í áheyrn annarra,
til ánægju og yndisauka. „Mestu
verðmæti tónlistarnáms felast
í þeirri reynslu að spila á hljóðfæri,
til dæmis undir því áreiti að
foreldrar og aðrir nemendur eru
áheyrendur, en þá eru flest skynfæri
virk; sjón, heyrn, jafnvægisskyn,
grófhreyfingar, fínhreyfingar,
snertiskyn og svo framvegis
og einbeitingin mikil og hvert
sekúndubrot skiptir máli. Sköpunarþörfin
fær góða útrás í hljóðfæraleik,“
segir Kjartan.
Draumar um partýspil
Hann segir að auk hefðbundinnar
klassískar tónlistarkennslu
læri nemendur að leika án nótna
og semja sína eigin tónlist. „Til
dæmis þurfa gítarnemendur að
læra klassískan nótnalestur, en
einnig gítargrip og hljóma og blús
og rokk tónstiga svo þeir verði
hæfari að leika af fingrum fram
og spinna,“ segir Kjartan
Tónskóli Hörpunnar býður
einnig upp á kvöldnámskeið fyrir
fullorðna í gítarleik í hóptímum
sem Kjartan segir að hafi verið
vel sóttir og hafi í sumum tilfellum
leitt til frekara náms. „Hversu
marga dreymir ekki um að kunna
gítargrip til að geta spilað í partýum
eða með skólasöngvum
barnanna sinna,“ segir Kjartan.
-Þekkingarsetur Þingeyinga
Sálrænt og félagslegt gildi
Kjartan segir tónlistariðkun
vera þroskavænlega athöfn, auk
þess að hafa mikið sálrænt og
félagslegt gildi og einmitt þess
vegna hafi tónlistarnám átt stóran
sess í samfélaginu. „Sá sem hefur
á einhverju árabili á grunnskólaaldri
stundað tónlistarnám nýtur
þess um alla framtíð, því hann á
þá auðveldara með að vera virkur
þátttakandi í hljóðfæraleik og
söng og er hæfari til að njóta hvers
konar tónlistar,“ segir Kjartan.
Í skólanum eru 250 nemendur,
en Reykjavíkurborg greiðir með
68 nemendum. „Skólinn hefur
í mörg ár vænst þess að allir
nemendur í sambærilegu tónlistarnámi
fengju sömu niðurgreiðslu
á námskostnaði frá borginni, en
borgarfulltrúar hafa ekki lagt
fram tillögur um breytingar á
úthlutun til tónlistarnema og
tónlistarskólanna til að jafna aðstöðumun,
þrátt fyrir yfirlýsingar
um jafnrétti til náms handa öllum
börnum og heiðarlega samkeppni
í skólarekstri. Á tímum sem
þessum ætti að auka fjármagn til
tónlistarkennslu og hvers konar
þroskandi náms handa börnum til
að reyna að mæta þeim afleiðingum
sem efnahagsleg kreppa hefur
á samfélagið,“ segir Kjartan.
Kjartan segir að framundan
hjá Hörpunni sé að takast á við
21% niðurskurð fjárframlaga frá
borginni. „Skólinn stefnir að því
að sinna öllum sínum nemendum
þrátt fyrir niðurskurðinn og vonar
að hann sé bara tímabundinn.
Í vetur stefnir skólinn að því
að halda námskeið fyrir tónlistarnema
og tónlistarkennara
undir nafninu „Líkamsvitund
tónlistarfólks“. Kennari verður
Heiðbjört Tíbrá Kjartansdóttir,
sjúkraþjálfari og tónlistarkennari.
Viðfangsefni námskeiðsins
er álagsmeiðsli tónlistarfólks, líffærafræði,
líkamsbeiting og áhrif
líkamsþjálfunar,“ segir Kjartan.
Starfstengt nám sérsniðið að óskum fyrirtækja
Þekkingarsetur Þingeyinga er
miðstöð símenntunar, háskólanáms
og rannsókna í Þingeyjarsýslum.
ÞÞ stendur fyrir námskeiðum
og hefur milligöngu
um nám í samstarfi við einstaklinga
og atvinnulífið. Setrið
rekur háskólanámssetur með
þjónustu og vinnuaðstöðu fyrir
háskólanema á svæðinu. Einnig
er setrið miðstöð rannsókna á
svæðinu, og hýsir til lengri og
skemmri tíma fólk, stofnanir og
fyrirtæki sem stunda rannsóknir
í héraðinu.
Óli Halldórsson, forstöðumaður
ÞÞ segir að setrið standi sjálft fyrir
stærstum hluta þeirra námskeiða
sem haldin eru á svæðinu. „Frá því
síðasta haust höfum við verið að
breyta áherslum hjá okkur. Áður
lögðum við töluverða áherslu á
tómstunda-, tungumála- og tölvunámskeið
en nú er mest áhersla
lögð á starfstengt nám þá ýmist
eftir námskrám Fræðslumiðstöðvar
atvinnulífsins eða sérsniðin að
óskum fyrirtækja. Námskeiðin sem
boðið verður upp á í haust taka mið
af þessu,“ segir Óli.
Miðstöð rannsóknastarfs
Óli segir hlutverk Þekkingarseturs
Þingeyinga vera í meginatriðum
þríþætt. „Fyrir það fyrsta er
stofnunin hefðbundin símenntunarmiðstöð
og starfar sem slík á
sínu starfssvæði við hlið annarra
níu svæðisbundinna miðstöðva
á landinu. Í öðru lagi er stofnunin
háskólanámssetur og rekur
öflug námsver og þjónustu á því
sviði fyrir alla háskólanema á sínu
svæði. Það sem skilur Þekkingarsetur
Þingeyinga svo frá flestum
hinum símenntunarmiðstöðvunum
er svo það að stofnunin er miðstöð
rannsóknastarfs á norðausturhorni
landsins og bæði veitir rannsakendum
þjónustu og stundar eigin
rannsóknir. Þekkingarsetrið starfar
náið með öðrum símenntunarmiðstöðvum
á landinu og tilheyrir því
stoðkerfi menntakerfisins. Vegna
þessa rannsóknahlutverks Þekkingarsetursins
er þó eina systurstofnun
stofnunarinnar Þekkingarnet
Austurlands, en sú stofnun starfar
í meginatriðum með nákvæmlega
sama hætti, þ.e. hefur ekki eingöngu
hlutverki að gegna á sviði símenntunar
heldur líka rannsókna.
Síðastliðinn vetur höfðum við
Kjartan Eggertsson, skólastjóri Tónskóla
Hörpunnar.
frumkvæði að samstarfi við Vinnumálastofnun,
Framsýn stéttarfélag,
Félagsþjónustu Þingeyinga og Húsavíkurdeild
Rauða Kross Íslands um
málefni atvinnuleitenda í héraðinu.
Eitt af markmiðum samstarfsins var
að stuðla að símenntun atvinnuleitenda
og búa þá undir endurkomu
á vinnumarkaðinn. Við búum að
því samstarfi og munum halda því
áfram í vetur og leggjum okkur
fram við að þjónusta atvinnuleitendur
á sem bestan hátt bæði með
námskeiðum fyrir þá og náms- og
starfsráðgjöf,“ segir Óli
Mörg sóknarfæri
Hann segir að ýmis sóknarfæri
séu á komandi vetri. „Við horfum
Við horfum
bjartsýn á
veturinn
framundan,
en ástandið á
vinnumarkaðnum
batnaði til
muna í vor og
er ágætt eins og
staðan er í dag.
Kjartan segir tónlistariðkun vera þroskavænlega athöfn,
sem auk þess að hafi mikið sálrænt og félagslegt gildi
bjartsýn á veturinn framundan, en
ástandið á vinnumarkaðnum batnaði
til muna í vor og er ágætt eins og
staðan er í dag. Nú eru 112 manns
á atvinnuleysisskrá á svæðinu og
þeim mun fækka um næstu mánaðarmót
þegar skólarnir byrja, sláturtíð
hefst og fiskvinnslan fer aftur
af stað hjá Vísi á Húsavík. Þó er ljóst
að samdráttur hefur orðið í nokkrum
atvinnugreinum. Má þá helst
horfa til iðn- og þjónustugreina.
Það er helst á tímum sem þessum
sem hægt er að ná til einstaklinga
innan þessa geira og hvetja þá til
þátttöku og virkni í eigin símenntun.
Það ætlum við okkur að gera
með því að auka samstarf við fyrirtæki
í þessum greinum,“ segir Óli.
Bætir, hressir og kætir
Þó ÞÞ starfstengt nám fái aukna
áherslu í vetur, segir Óli að tómstundir
og afþreying séu ekki látin
sitja á hakanum. „Við bíðum mjög
spennt eftir að sjá hvernig íbúar á
starfssvæðinu munu taka í nýjan
lið hjá okkur sem við köllum Bætir,
hressir, kætir og snýst kannski
meira um afþreyingu og tómstundir
en störf fólks. Með þessum lið
er ætlunin eins og nafnið ber með
sér að bæta, hressa og kæta þá sem
munu taka þátt í þessu með okkur.
Undir þessum flokki ætlum við
að bjóða upp á fjölbreytta dagskrá
sem felur í sér ýmist fyrirlestra
sem byggja á fræðilegum grunni
eða léttmeti, örnámskeið sem geta
verið til gagns eða ánægju eða hvort
tveggja og svo skemmtilegar kvöldstundir
þar sem þátttakendur útbúa
mat eða sælgæti,“ segir Óli.
-Þekkingarnet Austurlands
Þekkingarsamfélagið styrkt
Þekkingarnet Austurlands
hefur á tíu árum þróast
frá því að vera eins manns
stofnun yfir í tólf manna
stofnun með fimm starfsstöðvar
víða um Austurland,
þar sem boðið er upp á
náms- og starfsráðgjöf ,
aðstöðu til náms og stuðning
bókasafnsfræðings og
kennara við nemendur. S-
tefanía Kristinsdóttir, framkvæmdastjóri
ÞNA, segir
að með góðu samstarfi við
sveitarfélög, fyrirtæki og
stofnanir leitist ÞNA við að
styrkja innviði og þróun
þekkingarsamfélagsins í
dreifðum byggðum landsins.
Stefanía segir að tilurð ÞNA
á Austurlandi hafi orðið til
þess að auka verulega framboð
á símenntun og fullorðinsfræðslu
á Austurlandi, þá
hafi verið byggð upp aðstaða
og þjónusta fyrir nemendur í
dreifnámi á háskólastigi, enda
hafi fjöldi þeirra tvöfaldast
á síðustu fimm árum. „ÞNA
býður fyrirtækjum og stofnunum
á Austurlandi upp á
margvíslega þjónustu, sérsniðin
námskeið, námsráðgjöf og
markvissa greiningu og ráðgjöf
(stefnumótunarferli er varðar
starfsþróun og símenntunarstefnu
fyrirtækja). ÞNA hefur
með ráðgjöf sinni og þjónustu
orðið til þess að margir hafa
farið aftur í nám á fullorðinsaldri,“
segir Stefanía.
Markmið ÞNA eru víðtæk
og ná meðal annars yfir: að
auka framboð á símenntun og
fullorðinsfræðslu, veita einstaklingsmiðaða
þjónustu til
íbúa varðandi nám og starf,
raunfærnimat í verkgreinum,
Markviss ráðgjöf til fyrirtækja,
fjölgun háskólanemua og auka
framboð á háskólanámi í dreifnámi,
stuðla að þróun staðbundins
háskólanáms í samstarfi
við stofnanir og sérfræðinga á
Austurlandi og stuðla að uppbyggingu
og þróun rannsókna
og rannsóknanáms á Austurlandi.
Hún segir að ástandið á atvinnumarkaði
á Austurlandi sé
nokkuð gott miðað við landið
allt og stöðuna eins og hún var
í vor. „Búist er við neikvæðri
þróun með haustinu og auknu
atvinnuleysi. ÞNA er í góðu
samstarfi við Vinnumálastofnun
og aðila vinnumarkaðarins
um þróun úrræða fyrir atvinnuleitendur.
Þar er horft til
námskeiða, ráðgjafar, áhugasviðsgreininga
og raunfærnimats
sem mögulegra úrræða.
Þessi úrræði má tvinna við
það námsframboð sem þegar
er í boði hjá framhalds- og
háskólum sem og úrræði tengd
starfsþjálfun,“ segir Stefanía.
Framundan eru fjölbreytt
námskeið, bæði tómstunda og
starfstengd námskeið. „Síðari
ár hefur verið lögð áhersla á
að þróa lengri námskeið fyrir
ákveðna hópa oft í samstarfi
við sveitarfélög, stofnanir,
fyrirtæki og hópa á svæðinu
sem mótað hafa hugmyndir
að námskeiðum í samráði við
starfsmenn ÞNA,“ segir Stefanía
Dæmi um námskeið
á haustönn:
• Hönnunarnám í samstarfi við Menningaráð Austurlands
með áherslu á þjálfun í hönnun og efnismeðferð.
Markhópurinn er handverksfólk á
Austurlandi.
• Meistari Megas, námskeið um líf og starf, lög og
ljóð Meistarans. Áhersla á náttúrusýn, slangur og
hæðni í verkum Megasar.
• Menningartengd ferðaþjónusta á Vopnafirði,
áhersla á sögu Vesturfara og heiðarbýla.
• Frumkvöðlanámskeið fyrir innflytjendur.
• Rússneska fyrir byrjendur í fjarnámi
• Nýjar leiðir - námskeið fyrir fiskvinnslufólk á
Hornafirði • Evrópunámskeið, krass- kúrs fyrir
þá sem vilja vita um hvað málið snýst
SKÓLA
FARTÖLVUBAKPOKI
FYLGIR FRÍTT MEÐ!
ALLAR TECAIR
FARTÖLVUTÖSKURUR
Á 30% AFSLÆTTI
WWW.SVAR.IS
SÍÐUMÚLA 37 - SÍMI 510 6000
Vopnafjörður
Egilsstaðir
Höfn í Hornafirði
Neskaupstaður
Reyðarfjörður
Starfsstöðvar ÞNA
TILBOÐ!
ACER ASPIRE 5536
Öflug fartölva með stórum og björtum 15.6“
skjá. Þægilegt lyklaborð með talnaborði og
nýjasta kynslóð snertimúsar. Öflugur tveggja
kjarna örgjörvi, 3GB vinnsluminni, 250GB
harður diskur og ATi Radeon 3200 skjákort.
119.900
www.tna.is