PDF - Land og saga

24 • Menntun, námskeið og nýsköpun Menntun, námskeið og nýsköpun • 25
-Söngstúdíó Igveldar Ýrr Jónsdóttur
Söngnámið mikill gleðigjafi
Söngstúdíó Igveldar Ýrr Jónsdóttur,
hefur verið rekið síðan
árið 2002 og segir hún námið
njóta mikilla vinsælda, jafnt hjá
þeim sem hyggjast leggja sönginn
fyrir sig og hinum sem vilja
bara gleðja sig og sína.
Söngstúdíó Ingveldar býður upp
á byrjendanámskeið, byrjendasönghóp
með aukakennslu í tónfræði
og nótnalestri, einkatíma sem
Ignveldur segir að stundum leiði til
þess að fólk fari í stigspróf og tónfræðinámskeið.
„Svo er ég alltaf
með sönghópinn minn Spectrum
í gangi, sem er bara fyrir vana, en
hópurinn kemur oft fram með mér.
Þá er ég líka með sönghópinn Blikandi
Stjörnur á mínum snærum, en
það er hópur skipaður fötluðum. Er
einnig í samstarfi við HR þar sem ég
kenni fólki raddbeitingu í tali,“ segir
Ingveldur, en hún hefur gefið út
geisladiska í raddbeitingu fyrir söng
og talrödd.
Í söngstúdíói Ingveldar er einnig
hægt að vinna í sérhönnuðum hópanámskeiðum.
„Ég hef sett þetta
hópafyrirkomulag upp til þess
að vinkonur/vinir, hjón, systkini,
vinnufélagar og fleiri geti tekið sig
saman og komið í tíma. Það hefur
margoft gerst að fólk vill vera með
svona “sér” námskeið, æfir röddina
og nokkur lög. Sumir hafa flutt þau
í fjölskylduboðum eða á árshátíðum.
Oft er þetta líka ágætis hópefli,“
segir Ingveldur.
Söngurinn beinir athyglinni
inn á við
Hún segir að meiri hluti fólks sem
komi til hennar séu ekki endilega að
sækjast eftir því að taka stigspróf í
söng, alla vega ekki til að byrja með.
„Fólk tekst oft á við margt í sjálfu
sér þegar það byrjar að læra söng;
sjálfsgagnrýni, spéhræðslu, feimni,
minnimáttarkennd, ótta við eigin
rödd og fleira. Ég reyni að leiðbeina
fólki þannig að það læri uppbyggilega
meðvitund um hljóðfæri sitt,
upplifi gleðina við að syngja, en nái
um leið tökum á röddinni þannig að
það verði sátt. Söngur er gleðjandi
eins og allir vita og margir koma
einfaldlega til þess, en ég kenni fólki
svo að bæta röddina í leiðinni. Fólk
fer iðulega glaðara frá mér en það
kemur inn og þá er ég ánægð.
Fólk sækist í auknum mæli eftir
einhverju sem beinir athygli inná
við, og söngur er tilvalinn til þess.
Einungis brot af þeim sem koma til
mín ætla sér eitthvað með sönginn.
Hinir koma til að kynnast röddinni,
læra tækni, geta sungið skammarlaust
innan um aðra. Margir hafa
lært á gítar og langar að geta sungið
betur með,“ segir Ingveldur.
Breiður hópur fólks leitar til Ingveldar
úr öllum þjóðfélagsstigum,
fólk á öllum aldri, atvinnumenn
og áhugamenn. „Hingað koma
starfandi söngvarar, popparar og
Ingveldur segir njóta þess til jafns að
kenna atvinnupoppurum “söngleyndarmál”
og að leiða manneskju í gegnum
fyrstu tónana. Ljósm. Ingó.
leikarar, stjórnmálamenn og þekktir
fyrirlesarar sem þurfa að nota
röddina mikið starfsins vegna eða
eru undir raddlegu álagi. Í þessu
starfi verður maður að vera svolítill
mannþekkjari, það þarf að vita hvað
hver þarf, því ekki gengur að vinna
eins með öllum og þarfir fólks eru
afar misjafnar. Ég stend mig oft að
því að laga mig að fólkinu, enda
lít ég svo á að ég sé í þjónustu við
nemandann, þó ég sé frekar kröfuharður
kennari. Það er einfaldlega
ekki hægt að neyða sömu aðferðina
á alla. enda eru ekki allir að sækjast
eftir því sama með því að koma
í raddþjálfun. Það hefur kennt mér
mikið að vinna með fötluðum.
Maður þarf að vera ansi uppfinningasamur
til að ná til misfatlaðra
einstaklinga,“ segir Ingveldur.
Gleymir sér í kennslunni
Ingveldur lauk BA gráðu frá
söngleikjadeild Tónlistarskóla Vínarborgar
þar sem hún lærði einnig
leiklist og dans. Árið 1991 lauk hún
síðan mastersgráðu frá Manhattan
School of Music í New York.
Hún hefur starfað meðal annars í
óperuhúsinu í Lyon í Frakklandi
og íslensku óperunni, ásamt ótalmörgum
verkefnum í gegn um
tíðina. „Mér finnst allt í sambandi
við sönginn skemmtilegt og gefandi,
þótt ekki sé allt dans á rósum í
faginu og oft mikið álag. Það krefst
mikils aga að vera söngkennari og
söngvari á sama tíma. Það hentar
mér vel að vinna svona upp á mínar
eigin spýtur, ég er þannig að ég
þarf að hafa fjölbreytileika í starfinu
og það fæ ég svo sannarlega
með því starfi sem ég er að vinna í
stúdíóinu mínu. Í raun er fyrir mér
jafnskemmtilegt að kenna eitt stórt
námskeið eins og taka þátt í stórri
óperuuppfærslu. Mér finnst jafngaman
að kenna atvinnupoppara
nokkur “söngleyndarmál” eins og
að leiða manneskju í gegnum fyrstu
tónana og sjá upplifunina við það.
En það getur verið auðvelt að týna
sér í kennslunni einni saman og
gleyma að halda sjálfri sér við, en ég
stend nú í útgáfu á diski með sjálfri
mér,“ segir Ingveldur.
Símenntunarmiðstöðin á
Vesturlandi fagnar sínu tíu
ára starfsafmæli á þessu ári
og segir Inga Dóra Halldórsdóttir,
framkvæmdarstjóri
SV, að á þeim tíma hafi oft
verið þörf á starfsemi SV, en
nú sé það nauðsyn að hennar
mati.
SV er þessa dagana að leggja
lokahönd á námsvísi haustannar,
en það er stefnt á að hann
komi inn um bréfalúgurnar
föstudaginn 4. september. Inga
Dóra segir þar vera að finna
yfirlit yfir flest námskeiðin, en
undantekningalaust þurfi einnig
að bregðast við eftirspurn og
sníða námskeið eftir þörfum
hverju sinni og oftar en ekki
með stuttum fyrirvara.
Fyrstu námskeiðin hefjast
síðan um miðjan september, en
ýmiss konar námskeið verða í
boði jafnt og þétt alla önnina.
Námskeiðin eru birt jafnóðum
á vef Símenntunar þannig að
það er um að gera að fylgjast
með á www.simenntun.is
Úr starfi Símenntunarmiðstöðvarinnar á Vesturlandi
Virk upplýsingaveita þeirra
sem vilja ganga menntaveginn
Fjölbreytt nám
Inga Dóra segir markmið SV
einkum vera að bjóða upp á fjölbreytt
nám, bæði styttri og lengri
námsleiðir, við hæfi sem flestra á
svæðinu og færa fólki námstækifærin
heim í hérað. „Það er stór
hópur fólks á vinnumarkaði og
atvinnuleitendur þar með taldir
sem hafa stutta formlega skólagöngu
að baki en langar í nám og
þessir einstaklingar eru m.a. hluti
af okkar markhópi.
Við erum með samning við
Fræðslumiðstöð atvinnulífsins
sem felur m.a. í sér að sinna þessum
hópi sérstaklega og þá með
námsframboði við þeirra hæfi og
náms- og starfsráðgjöf.
Við leggjum líka mikið upp úr
að byggja upp gott tengslanet á
svæðinu og vera í góðri samvinnu
við menntastofnanir, stéttarfélög,
sveitarfélög, stofnanir og fyrirtæki.
Eitt af markmiðum okkar felst
einnig í því að vera virk upplýsingaveita
um námsmöguleika
fullorðinna og greiða leið þeirra
sem hyggjast ganga menntaveginn,“
segir Inga Dóra.
Ótrygg staða ófaglærðra
„Það sem kemur nýtt inn hjá
okkur í haust er svokallað raunfærnimat
sem við bjóðum upp á í
samstarfi við Fjölbrautaskóla Vesturlands,
Iðuna-fræðslusetur og
Fræðslumiðstöð atvinnulífsins. Við
munum bjóða upp á raunfærnimat
í húsasmíði og vélvirkjun, en raunfærnimat
er leið til að meta þá
færni sem einstaklingar hafa aflað
sér í námi og starfi. Markhópurinn
er einstaklingar, sem ekki
luku iðnnámi en eru starfandi í
starfsgreinum tengdu náminu sem
þeir hófu. Staða þessara einstaklinga
á vinnumarkaði er ótrygg, og
því mikilvægt að finna úrræði sem
gerir þeim kleift að ljúka námi og
öðlast réttindi í faginu.
Við bjóðum einnig upp á námsleiðir
eins og Skrifstofuskóla,
Grunnmenntaskóla og Fagnámskeið
fyrir heilbrigðis- og félagsþjónustu
en þetta er fjármagnað
með samningi við Fræðslumiðstöð
atvinnulífsins. Einnig bjóðum við
upp á tungumálanámskeið, matreiðslu,
handverk, lífsstílsnámskeið
og tölvunámskeið í staðnámi
og í fjarnámi í samstarfi við
Það er stór
hópur fólks á
vinnumarkaði
og atvinnuleitendur
þar
með taldir sem
hafa stutta
formlega
skólagöngu að
baki
Háskólann á Bifröst. Við munum
líka bjóða upp á námskeið í Njálu í
samstarfi við Snorrastofu og Landnámssetur,
en þá hittist fólk einu
sinni í mánuði með sérfræðingum
í viðkomandi Íslendingasögu
og undantekningalaust skapast
miklar umræður um viðfangsefnið
hverju sinni. Auk allra námskeiðanna
bjóðum við upp á ókeypis
náms- og starfsráðgjöf fyrir alla,
áhugasviðspróf á vægu verði og
greiningar á lestrarerfiðleikum svo
fátt eitt sé nefnt,“ segir Inga Dóra.
Eitt af hlutverkum er að þjónusta
háskólana og fjarnema, en
fjarnemar geta tekið próf hjá SV.
„Nemendum hefur fjölgað undanfarið
sem nýta sér þessa þjónustu,
en þetta er enn einn liðurinn
að þjónusta íbúana á svæðinu,“
segir Inga Dóra.
-Símey, Símenntunarmiðstöð Eyjafjarðar,
Nær hundrað námskeið í boði
Starfsmenn
SÍMEY geta
skipulagt
námskeið fyrir
starfsmenn
fyrirtækja í heild
eða leitt saman í
hóp einstaklinga
frá fyrirtækjum
sem þurfa
svipaða þjálfun
eða fræðslu.
Símey, sem er Símenntunarmiðstöð
Eyjafjarðar, mun
á komandi önn bjóða upp á
nærri hundrað námskeið og
námsleiðir í samstarfi við
fjölda aðila. Hjá SÍMEY má
fimma allrahanda námskeið,
starfstengd námskeið, námskeið
til að efla persónuhæfni,
tómstundanámskeið,
tungumálanámskeið, tölvunámskeið
og námsleiðir
sem meta má til eininga á
framhaldsskólastigi.
Erla Björg Guðmundsdóttir,
framkvæmdastjóri SÍMEY, segir
SÍMEY vera vettvang símenntunar
á öllu Eyjafjarðarsvæðinu
og hafi samstarf við sveitarfélögin.
„SÍMEY hefur umsjón
með símenntun starfsmanna í
fjölda fyrirtækja í Eyjafirði. Þar
fyrirfinnst mikil reynsla af því
að klæðskerasníða námskeið eftir
þörfum einstakra fyrirtækja
eða hópa starfsmanna auk þess
sem miðstöðin býður fyrirtækjum
upp á þarfagreiningar með
tilliti til sí- og endurmenntunar.
Starfsmenn SÍMEY geta skipulagt
námskeið fyrir starfsmenn
fyrirtækja í heild eða leitt saman
í hóp einstaklinga frá fyrirtækjum
sem þurfa svipaða
þjálfun eða fræðslu. Þetta er
gert á forsendum fyrirtækjanna,
hvort sem er í tíma eða rúmi og
innan þess fjárhagsramma sem
fyrirtækin vinna eftir.
Náms- og starfsráðgjafar á vegum
SÍMEY fara mikið út í fyrirtækin á
svæðinu með sína ráðgjöf en þá geta
starfsmenn pantað viðtal hjá námsog
starfsráðgjafanum, sem hefur verið
vel nýtt og gefið afar góða raun, oft
sem fyrsta skrefið í þá átt að bæta við
sig þekkingu og frekara námi, segir
Erla Björg.
Hún segir SÍMEY vera símenntunarmiðstöð
fyrir fullorðið fólk, sem
þjónusti jafnt einstaklinga, fyrirtæki
og fræðara. „Við kappkostum að
bjóða einstaklingum upp á fjölbreytt
náms- og þjálfunartilboð, höfum umsjón
með fræðslustarfsemi fjölda fyrirtækja
og erum í frábæru samstarfi
við fjölda fræðara jafnt á Eyjafjarðarsvæðinu
sem utan þess. Við erum
t.d. að hefja samstarf við Fjölmennt,
sem er símenntunarmiðstöð fyrir fullorðið,
fatlað fólk,“ segir Erla Björg.
Lágmarksþátttöku
löngu náð
Erla Björg segir stöðuna á vinnumarkaði
í Eyjafirði í raun vera bjartari
nú fyrir haustið en reiknað var með.
Uppsagnir sem til stóð að kæmu nú
til framkvæmda hafa frestast og vonir
standa til að jafnvel komi ekki til þeirra.
En auðvitað hafa Eyfirðingar fundið heilmikið
fyrir þeim erfiðleikum sem þjóðfélagið
allt hefur staðið frammi fyrir. Fólk
er mikið að velta fyrir sér hvernig það
geti notað þennan tíma til að efla sig enn
frekar. Þeir sem eru í starfi vilja bæta
við sig með því að taka starfstengd námskeið
og mjög margir aðrir hugsa sér að
nota þennan tíma til að koma sér aftur
af stað í nám, sem þeir hafa hugsanlega
ekki klárað á sínum tíma. Þetta sjáum
við hvað best á skráningum í námsleiðir
sem verða í boði á önninni og meta
má til eininga á framhaldsskólastigi.
Lágmarksþátttöku í þær allar vorum
við búin að ná áður en farið var af stað
í kynningar af nokkru tagi, segir Erla
Björg.