PDF - Land og saga

12 • Menntun, námskeið og nýsköpun
Dansástríðunni haldið lifandi
-Viðtal við Láru Stefánsdóttur, skólastjóra Listdansskóla Íslands
Lára Stefánsdóttir hefur nýverið
tekið við skólastjórastöðu
Listdansskóla Íslands. Hún
segist muni einbeita sér að því
að viðhalda þeim gæðum sem
einkennt hafa skólann, ásamt
því að innleiða spennandi
nýjungar. Hún segir dansinn
vera og hafa alla tíð verið, heilbrigða
útrás fyrir líkama, anda
og sál og því henti listdansinn
í raun fyrir alla.
Að sögn Láru fylgja nýjum
stjórnanda nýjar áherslur, eðli
málsins samkvæmt og komi þær
í ljós á næstunni. „Ég mun leggja
áherslu á úrvals kennaralið með
gæði og þekkingu í fyrirrúmi. Það
hafa reyndar alla tíð verið góðir
kennarar starfandi við Listdansskóla
Íslands og við erum það lánsöm
að þeir eru margir enn hér
til staðar. Einnig tel ég afar mikilvægt
að í skólastarfinu ríki stöðug
viðleitini til að halda ástríðunni
fyrir dansinum lifandi. Áhuginn
verður að koma innan frá og öllu
starfsfólki sem og nemendum á
að þykja skemmtilegt og ögrandi
að koma til leiks,“ segir Lára.
Aukið samstarf við tónlistarfólk
Meðal nýjunga sem Lára hyggst
kynna fyrir nemendum er líkamsþjálfun
sem kallast Pilates. „Þetta
verður einskonar fagnaðarerindi
inn í skólann. Pilates þjálfunin
er iðkuð af flestum dönsurum
erlendis, bæði sem forvörn við
meiðslum og svo til að ná enn
frekari árangri í danstækni, hver
sem hún er. Listdanskennsla er
bæði erfið og skemmtileg og það
er að mörgu að hyggja til að ná
góðum árangri og Pilates þjálfunin
er ein leið til hjálpar,“ segir
Lára.
Þá hefur Lára áhuga á að efla
samstarf Listdansskólans við
tónlistarfólk og fá upprennandi
tónlistarnema til að flytja lifandi
tónlist á danssýningum Listdansskóla
Íslands. „Ég tel afar
mikilvægt að samvinna þessara
tveggja listgreina, dans og tónlistar,
verði eftirsóknarverður
hluti í dans og sköpunarvinnu
kennara og nemanda skólans,“
segir Lára.
Góður undirbúningur fyrir
lífið
Lára telur listdansnám mjög
gagnlegt að öllu leyti og vera góðan
undirbúning fyrir lífið. „Dansinn
kennir börnum meðal annars
að bera virðingu fyrir sjálfum sér
og listgreininni. Eftir listdansnám
lærir fólk frekar að njóta
þess að horfa á listdans, í hvaða
formi sem er. Þjálfaðir læra að
taka tilfinninguna inn frá þeim
dansi sem þeir horfa á, frekar
en að dæma um hvað eigi að sjá
eða skilja. Fyrir utan það tel ég
Listdanskóli Íslands hvetur alla 9 ára krakka, stráka og stelpur, að koma í prufutíma
þegar skólinn hefst 25.ágúst, prufutímar standa út september.
að gott listdansnám sé mjög góður
grunnur að allri góðri danstækni,“
segir Lára.
Hún segir að fyrir utan ótvíræða
gagnsemi námsins innan dansheimsins
fylgi því aðrir kostir.
„Þeir nemendur sem hafa stundað
listdansnámið að einhverju
Lára Stefánsdóttir skólastjóri
Listdansskóla Íslands.
„Dansinn
kennir börnum
meðal annars að
bera virðingu
fyrir sjálfum sér
og listgreininni.
Eftir
listdansnám
lærir fólk frekar
að njóta þess að
horfa á listdans,
í hvaða formi
sem er.
ráði hafa líka náð að skipuleggja
tíma sinn betur í hvaða starfi
sem þeir taka sér fyrir hendur.
Svo er það bara spurning hvort
farið er í dansnám til almennrar
ánægju eða hvort ætlunin er
að leggja dansinn fyrir sig til að
veita öðrum ánægju með því að
sýna listina. Þegar uppi er staðið
er markmiðið hjá okkur að nemendur
þekki möguleika sína betur
í hinum stóra dansheimi þar sem
vegirnir eru margir og ólíkir,“ segir
Lára.
Sagan mikilvæg
Lára segir að listdans sé vinsæll
á Íslandi um þessar mundir og æ
fleiri sem vilja dansa. „Viðhorf almennings
gagnvart listdansnámi
virðist jákvætt að öllu leyti. Saga
listdans á Íslandi er ung miðað
við önnur lönd og má segja að við
séum stutt á veg komin í alþjóðlegu
samhengi. En uppbyggingin
hefur verið góð og við höfum verið
að sækja í okkur veðrið á síðustu
árum og allt útlit fyrir að listdansinn
eigi eftir að blómstra enn frekar
á komandi árum. Við skulum bera
virðingu fyrir sögu íslensks listdans
- við værum ekki stödd hér í
dag ef ekki hefði allt þetta listafólk;
dansarar, danshöfundar, kennarar,
skólastjórar og aðrir frumkvöðlar
unnið af alhug brautryjendastarf á
Íslandi“ segir Lára.
„Mitt álit er að það þurfi aðeins
að hægja á hjólinu, svona yfirleitt
í öllu listnámi, minnka hraðann,
kryfja grunninn enn frekar, líta um
öxl og sjá hvað það er sem hefur
haft gildi í okkar listgreinum, þ.e.
þó við fæðumst öll með ákveðna
hæfileika, þá þarf að rækta þá og
leiða á brautir þar sem þeir dafna
sem best. Það er einfaldlega ekkert
“nýtt” undir sólinni. Á endanum
eru það gæðin sem skipta
máli, hvernig hlutirnir eru unnir,
mótaðir og hvaðan þeir spretta.
Árangurinn kemur ekki á einum
degi. Það kostar mikla vinnu að
verða góður dansari og gífurlega
vinnu að vera afburða dansari,“
segir Lára.
Listdansskóli
Íslands
` Aðalnámsgreinar skólans
eru samkvæmt kröfum
aðalnámskrár menntamálaráðuneytisins
á grunn- og
framhaldsstigi: klassískur
ballett, táskór, repertoire,
pas de deux, nútímalistdans,
spuni og snertispuni,
jass (funk, hiphop,
söngleikjadans), karakter,
danssmíði, kóreografía,
composition.
- Nám í Listdansskóla Íslands
hefur fyrst og fremst
það markmið að mennta
framtíðarlistdansara og
nemendur sem vilja halda
námi áfram á háskólastigi
en mikilvægt er að þjálfa
einnig nemendur sem
stunda nám sér til ánægju.
Nemendum er veitt kennsla
í tæknilegum og listrænum
greinum, skapandi færni
og þeir fá tækifæri til að
njóta sín á danssýningum.
Nemendur fá þjálfun í sjálfstæðum
og skapandi vinnubrögðum
og líka í samvinnu
með öðrum. Nemendur
læra einnig að njóta lista,
menningar og sögu listdansins
í gegnum námið.
TVÖ ÁR AF TÖKUM, SKRIFUM,
KLIPPINGUM, LEIK OG LEIKSTJÓRN
GETUM BÆTT VIÐ ÖRFÁUM
NEMENDUM Á HAUSTÖNN 2009
Kvikmyndaskóli Íslands býður tveggja ára nám í leikstjórn, tæknivinnu, handritagerð og leiklist
undir handleiðslu margra fremstu kvikmyndahöfunda og tæknisnillinga landsins. Nýtt og glæsilegt
húsnæði skólans tryggir nemendum frábæra umgjörð fyrir skapandi vinnu og aðstöðu til að skila
framúrskarandi verki. Nánari upplýsingar og umsóknareyðublað er á www.kvikmyndaskoli.is.
Athugið að frá og með vorönn 2010 þurfa nýnemar stúdentspróf eða sambærilega menntun.
Leikstjórn og framleiðsla
Skapandi tæknivinna
Handrit og leikstjórn
VÍKURHVARF 1 203 KÓPAVOGUR S: 533 3309 WWW.KVIKMYNDASKOLI.IS
Leiklist