í Serbíu Handbók - Land og saga

38
EM í Serbíu 2012
Logi Geirsson:
Danmörk, Frakkland, Spánn og Ísland fara í
undanúrslit, þar sem Frakkland og Ísland leika
til úrslita og Frakkar vinna eftir hörkuleik.
Ásbjörn Sveinbjörnsson:
Milliriðill 1, Danmörk 4 stig, Þýskaland 4 stig,
Pólland 2 stig, Svíþjóð 2 stig, Serbía 0 stig, Tékkland
0 stig
Milliriðill 2, Ísland 4 stig, Frakkland 3 stig,
Rússland 3 stig, Króatía 2 stig, Spánn 0, Noregur
0
Hérna verður bara stanslaus skemmtun og ég
hvet alla til þess að koma sér vel fyrir framan
imbann, því veislan er byrjuð og margir hörkuleikir
í báðum riðlum. Byrjum á fyrri riðlinum.
Þar verða Þjóðverjar sterkastir og vinna sína
leiki, Danir verða í 2. sæti, Pólverjar í 3. sæti,
Svíar í 4. sæti, Serbar í 5. sæti og Tékkar í 6.
sæti. Í milliriðli 2, standa strákarnir okkar uppi á
toppi, Frakkar í 2. sæti, Króatar í 3. sæti, Rússar
í 4. sæti, Spánverjar í 5. sæti og Norðmenn reka
lestina.
Leikir um sæti: Spánn - Serbía 28 - 25, Rússland
- Svíþjóð 26 - 30, Króatía - Pólland 30 - 27
Í krossspilinu verða spennandi og skemmtilegir
leikir, það sem heilladísirnar verða okkur ekki
hliðhollar og við náum ekki að klára Danina.
Þjóðverjar leggja svo Frakka að velli í hinum
leiknum., Ísland - Danmörk 26 - 28, Frakkland
- Þýskaland 25 - 26
Úrslitaleikirnir: Ísland - Frakkland 26 - 28. Við
náum ekki að hrista af okkur Frakkagrýluna og
4. sætið verður staðreynd .
Danmörk - Þýskaland 26 – 24, Danir vinna Þjóðverja
í hörkuleik og verða Evrópumeistarar.
Guðríður Guðjónsdóttir:
Milliriðill 1 (A - og B - riðlar), 1. Danmörk, 2.
Serbía, 3. Þýskaland, 4. Svíþjóð, 5. Pólland, 6.
Makedónía
Milliriðlill 2 (C – og D - riðlar), 1. Frakkland,
2. Króatía, 3. Spánn, 4. Ísland, 5. Rússland, 6.
Slóvenía
Spekingarnir spá
Undanúrslit : Danmörk - Króatía og Frakkland
- Serbía. Úrslit 1. Frakkland, 2. Króatía, 3. Serbía,
4. Danmörk, 5. Spánn, 6. Þýskaland, 7. Ísland,
8. Svíþjóð
Frakkar eru einfaldlega með langbesta liðið í
heiminum í dag. Króatar fara langt á reynslunni
en stranda enn einu sinni á frönsku rívíerunni.
Serbar ná langt á heimavelli og geta verið
stoltir af liði sínu, á meðan Danir verða fyrir
vonbrigðum með það að komast ekki í úrslitaleikinn.
Við Íslendingar verðum að sætta okkur
við 7. sætið í ár. Engu að síðar er það ágætur
árangur, enda leiðin á þessu Evrópumóti með
þeim allra erfiðustu.
Páll Ólafsson:
Samkvæmt minni spá fara milliriðlarnir svona:
Staðan fyrir leiki.
Milliriðill 1: Svíar 4 stig, Þjóðverjar 2 stig, Tékkar
0 stig, Danir 4 stig, Serbar 2 stig, Pólverjar 0
stig
Milliriðill 2: Íslendingar 4 stig , Króatar 2 stig,
Slóvenar 0 stig, Spánverjar 4 stig, Frakkar 2 stig,
Ungverjar 0 stig
Í milliriðli 1 er ég nokkuð sannfærður um það
að Danir og Svíar fari áfram í undanúrslitin. Pólverjar
eru eins og gengur með einhverja menn
í meiðslum, sem þýðir að þeir verða í vandræðum
í þessari keppni, og hef ég grun um það að
þeir lendi í neðsta sætinu í milliriðlinum, þrátt
fyrir að vera með vel mannað lið. Tékkar vinna
einn leik og það verður á móti Pólverjum, sem
tryggir þeim 5. sætið í þessum riðli sem þeir
verða væntanlega sáttir með. Serbar og Þjóðverjar
berjast síðan um 3. sætið. Það kemur því
í hlut heimamanna að tryggja sér það og hefur
heimavöllurinn þar mikið að segja. Danir og
Svíar berjast um efsta sætið og er spurning um
það hvort sé betra 1. eða 2. sætið, það fer eftir
því hvar Frakkar lenda. Ég ætla að spá Dönum
sigri í leiknum við Svía og þ.a.l. efsta sætinu í
þessum milliriðli. Svíarnir komast í undanúrslit
sem þeir verða himinlifandi með eftir nokkur
mögur ár í boltanum. Og einnig eru Baunarnir
komnir á þann stað sem þeir eiga svo sannarlega
að vera, þ.e. á meðal fjögurra bestu.
Milliriðill 2: Ef við byrjum á botninum, þá
er það mitt álit að þau lið sem fara stigalaus
áfram berjist um 5. sætið í riðlinum. Það er erfitt
að spá fyrir um svona leiki, eða eiginlega
ekki hægt, þar sem lítið er í húfi, liðin þreytt
og bara spurning um það hvort liðið hafi meiri
áhuga á því að klára mótið með sigri. Ég spái
Ungverjum sigri í þessum leik. Og nú ætlum
við að vera ofurbjartsýnir. Ég tippa á það að
Ísland vinni einungis einn leik í milliriðli, en það
verður rétti leikurinn. Við vinnum Spánverja en
töpum fyrir Ungverjum og Frökkum og endum
með sex stig. Frakkar vinna sína leiki og
enda með átta stig (þeir eru ennþá með besta
liðið). Spánverjar vinna Ungverja en tapa fyrir
okkur og Króötum. Króatar vinna Ungverja og
Spánverja en tapa fyrir Frökkum.
Og þá verður lokastaðan þessi (ótrúlega skrítin!):
Frakkar 8 stig, Ísland 6 stig, Króatar 6 stig,
í framvindu mála
Spánn 6 stig, Ungverjar 4 stig og Slóvenía 0
stig.
Ég er kannski fullbjartsýnn, en mér finnst liðið
okkar líta mjög vel út, þ.e.a.s. okkar leikmenn
hafa verið að spila nokkuð mikið í sínum liðum
og verið að gera góða hluti. Það er annað
útlit á liðinu núna heldur en fyrir ári síðan og
þá enduðum við í 6. sæti. Það er ástæðan fyrir
spá minni um okkar lið. Í undanúrslitum fáum
við Dani því miður, en mér finnst Danirnir vera
feikisterkir um þessar mundir og eru þeir einu
númeri of stórir fyrir okkur. Verður flottur leikur
og minnir mann um margt á Þýskaland fyrir
nokkrum misserum.
Í hinum leiknum fara Frakkar nokkuð sannfærandi
í úrslitin, enda með frábært lið eins og
flestum er kunnugt. Það er kominn tími á það
að Frakkar tapi úrslitaleik og ég held að það
gerist núna. Danir sigra og stoppa einokun
Frakka á sigrum í stórmótum.
Og að sjálfsögðu vinnum við Svía í leik um
3. sætið og þriðju verðlaun okkar á stórmóti
verða staðreynd.
Lokastaðan: Danmörk, Frakkar, Ísland, Svíþjóð,
Serbar ,Króatar, Þýskaland, Spánn, Ungverjar,
Tékkar, Pólverjar, Slóvenar
Ingi Þór Guðmundsson:
Milliriðill 1: A: Danmörk, Serbía, Pólland B:
Þýskaland, Svíþjóð, Makedónía.
Þýskaland vinnur milliriðil 1 og Danmörk verður
í 2. Sæti, Svíþjóð í 3. sæti, Pólland í 4. sæti,
Serbía í 5. sæti og Makedónía í 6. sæti.
Milliriðill 2: C: Frakkland, Spánn, Rússland D:
Króatía, Ísland, Noregur
Frakkar sigra milliriðil 2. Spánn verður í 2. sæti,
Króatía í 3. sæti, Noregur í 4. sæti, Ísland í 5. sæti
og Rússland í 6. sæti.
Íslenska landsliðið lendir óvænt í meiðslum
nokkurra leikmanna í milliriðli og mun það
hafa mikil áhrif á leiki liðsins. Liðið er skipað
sterkum fyrstu sjö leikmönnum, en alþjóðleg
reynsla annarra leikmanna dugar ekki til þess
að draga vagninn í þessu móti og liðið lendir
því óvænt í 5. sæti í milliriðli 2 og spila um 9.
sætið í mótinu.
Undanúrslit: Þýskaland og Spánverjar spila
fyrri annan undanúrslitaleikinn og Frakkar við
Dani. Þýska stálið mun vinna Spánverja í mjög
svo jöfnum og spennandi leik. Danir vinna
Frakka nokkuð óvænt í undanúrslitum og
tryggja sér inn í úrslitaleikinn.
Úrslitaleikurinn: Ég spái Dönum á móti Þjóðverjum
í úrslitum. Það verður jafn og spennandi
leikur. Reikna með að Þjóðverjar vinni EM
2012.
Leikur um 3. sætið: Leikurinn um 3. sætið
verður á milli Spánverja og Frakka. Frakkar
vinna leikinn og enda í 3. sæti. Smá sárabót
fyrir Frakka. Spánverjar enda nokkuð sáttir í 4.
sæti og öruggir með Ólympíusæti.
Siggi Sveins:
Milliriðlarnir eru gríðarlega sterkir og það verða
Danir, Pólverjar, Serbar, Þjóðverjar, Svíar og
Tékkar sem verða saman í riðli og þar má búast
við frábærum leikjum og nánast ómögulegt
að spá í úrslit riðilsins. Ég hef þó trú á því að
það verði Danir og heimamenn í Serbíu sem
komi til með að komast í undanúrslitin, eftir
harða keppni við Þjóðverja, Svía og Pólverja. Ef
danska stórskyttan Hansen verður í formi, þá
vinna þeir milliriðilinn, Serbar verða í 2. sæti,
studdir af kolvitlausum áhorfendum, Svíar ná
3. sæti, Pólverjar 4. sæti, en vonbrigði keppninnar
verða Þjóðverjar, sem koma til með að
berjast um síðasta sætið við Tékka.
Það verður ekkert grín að komast áfram fyrir
okkar menn, með Frakka, Spánverja og Ungverja
sem andstæðinga. Ég hef trú á okkar
mönnum og spái því að við vinnum bæði
Spánverja og Ungverja og við tryggjum okkur
þannig sæti í undanúrslitunum ásamt Frökkum.
Lykilatriði hjá okkur er að ná upp góðri
vörn og markvörslu, enda höfum við sýnt það
í undanförnum mótum að það er ekki vandamál
fyrir okkur að skora mörk. Strákarnir verða
að hafa trú á verkefninu, þrátt fyrir að það vanti
„galdramanninn“ Ólaf Stefánsson. Við eigum
samt að eiga nógu sterkan hóp til að komast
áfram ef gamla Íslandshjartað er á réttum
stað. Reynsluboltarnir Guðjón Valur, Alexander,
Snorri Steinn og Arnór verða að standa upp
úr og draga vagninn en spútnikmaður liðsins
gæti orðið Aron Pálmarsson, ef hann nær að
slappa af og gera sér grein fyrir því að hann
er orðin fullvaxinn handboltamaður. Annars er
hópurinn mjög samstilltur og reynslumikill og
það á eftir að fleyta okkur langt.
Spá mín er sú að við fáum Dani í undanúrslitum
og því miður, eins og svo oft áður, þá þurfum
við að lúta í gras eftir enn einn spennuleikinn
gegn frændum okkar. Það er samt frábær
árangur að spila um 3. sætið.
Það verða síðan Frakkar og Serbar sem mætast
í hinum undanúrslitaleiknum þar sem heimamenn
standa í frönsku vélinni framan af en
reynslan skiptir sköpum að lokum og heimsmeistararnir
eru komnir í enn einn úrslitaleikinn.
Frakkland – Danmörk verður án efa frábær
úrslitaleikur og ef Danirnir ná að stöðva Karabatic
þá eiga þeir smá möguleika á sigri.
Valdimar Grímsson:
Í milliriðli 1 verða leikirnir skemmtilegir og erfitt
að gera sér grein fyrir því hvernig fer, því
bæði Makedónía og Serbar geta unnið öll liðin
ef þau detta í stuð en vantar stöðugleika. Þau
lið sem geta sýnt mesta agann fara hér áfram
í undanúrslitin og reikna ég með því að það
verði lið Danmerkur og Póllands. Svíar verða í
3. sæti, Þjóðverjar í 4. sæti og síðan koma Serbar
og Makedónar.
Varðandi milliriðil Íslands verður þessi keppni
erfið fyrir okkur og við eigum eftir að lenda í
töluverðum vandræðum. Frakkar og Spánverjar
fara áfram í undanúrslit og Ísland mun lenda
í 5. sæti riðilsins, Króatía verður í þriðja sæti,
Rússland í 4. sæti og Slóvenía rekur svo lestina.
Allt í steik!
1
2
3
4
4ra rétta tilboðsseðill og A la Carte í Perlunni
Þú velur aðalréttinn. Verð á matseðli 5.960 kr.
LÉTTREYKTUR LAX OG LAXATARTAR
með agúrkusalati, vatnakarsa og piparrótarkremi
RJÓMALÖGUÐ HUMARSÚPA
með Madeira og grilluðum humarhölum
VELDU ÞÉR AÐALRÉTT
FISKUR DAGSINS
ferskasti fiskurinn hverju sinni,
útfærður af matreiðslumönnum Perlunnar
eða
NAUTAFILLE
með kartöflu- og sellerýrótarköku,
blönduðum skógarsveppum og bearnaisesósu
eða
LAMBABÓGUR
með fondant-kartöflum,
steiktu grænmeti og rósmarínsósu
VOLG SÚKKULAÐIKAKA
með sólberjasósu og vanilluís
MARLAN D
FISKUR ER OK KAR FAG
Verð aðeins
5.960 kr.
Næg bílastæði
Vissir þú?
Að uppskriftin af humarsúpu
Perlunnar kemur frá belgíska
matreiðslumeistaranum
Pierre Romeyer. Hann er af
jafningjum talinn vera einn besti
matreiðslumaður síðustu aldar.
Hann gaf aldrei út matreiðslubók
en hann gaf Perlunni allar
sínar uppskriftir!
Gjafabréf
Perlunnar
Góð gjöf við
öll tækifæri!
Veitingahúsið Perlan
Sími: 562 0200 · Fax: 562 0207
Netfang: perlan@perlan.is
Vefur: www.perlan.is