í Serbíu Handbók - Land og saga

28
EM í Serbíu 2012
Allt undir okkur sjálfum komið að standa okkur
EM viðtal við Arnór Atlason
„Það er alltaf sami spenningurinn í manni og
tilhlökkunin að taka þátt í þessu janúarmóti
með íslenska landsliðinu. Ekkert nema gaman
og mikil tilhlökkun. Það gefur manni alltaf svo
mikið að hitta strákana, komast í stemninguna,
koma heim til Íslands og ná tengingunni við
landið. Þetta er í eðli sínu stórt ár sem við eigum
framundan í landsliðinu, því við ætlum
okkur að gera fína hluti á þessu móti og svo
að komast á Ólympíuleikana. Við þurfum því
að halda vel á spöðunum til þess að undirbúa
okkur sem best fyrir þessi átök og ná markmiðunum
okkar. Maður finnur alltaf strauminn frá
íslensku þjóðinni þegar maður er hérna heima
og, alltaf þegar nær dregur að hverju móti
fyrir sig, hvað þetta fær mikla athygli fólksins
í landinu og allflestir innstilltir á þetta. Þetta
gefur okkur byr undir báða vængi. Nú er svo
komið að þetta er undir okkur sjálfum komið
að standa okkur og þess vegna þurfum við að
haga að hlutunum í réttu samhengi og gefa
okkur alla í þetta,“ segir Arnór Atlason sem er
stoltur af því að vera fulltrúi þjóðarinnar sem
leikmaður íslenska liðsins á stórmóti sem nær
öll þjóðin er með hugann við.
-Ef við horfum á riðilinn í ár, þá eru þetta
mjög ólík lið sem þið eruð að fara að spila
við?
„Já, liðin eru ólík en það skiptir okkur ekki máli,
heldur förum við bara og spilum okkar leik og
höfum trú á sjálfum okkur og okkar eigin getu.
Fyrirfram séð ætti lið Króatíu að vera það erfiðasta
í riðlinum, en það hefur einkennt Króatana
svolítið að þeir verða alltaf betri og betri
þegar líða fer á mótið. Að því séðu er kannski
gott að byrja á þeim í fyrsta leik, auk þess sem
við byrjum yfirleitt mjög vel á svona stórmótum.
Við verðum vel undirbúnir fyrir leikinn
gegn Króatíu, því gera má ráð fyrir því að þessi
leikur skiptir miklu máli upp á framhaldið. Við
ætlum okkur að komast áfram í milliriðilinn,
það er fyrsta markmiðið, og þar sem má telja
líklegt að Króatía komist þangað að öllu gefnu,
þá kemur leikurinn við Króatíu til með að telja
og skipta miklu máli þegar í milliriðilinn er komið.
Þannig séð er þetta mjög mikilvægur leikur
sem við byrjum á. Að spila svo við lið Slóveníu í
Serbíu verður ekki talið okkur til tekna, því þeir
eru hálfpartinn á heimavelli. Á móti kemur að
Slóvenar hafa gengið í gegnum ýmislegt á síðustu
árum og ekkert verið sérstaklega stöðugir
á stórmótum að undanförnu. En þeir eru með
þrusugott lið og eru að stimpla sig inn aftur
enda mikil handboltaþjóð. Þetta verður hörkuleikur
sem við komum til með að spila gegn
Slóveníu, það er alveg á hreinu, en það er eitthvað
sem er bara gaman. Að spila á móti þjóðum
eins og Króatíu og Slóveníu, sem eru með
mjög blóðheit lið frá fornu fari, og það í Serbíu,
verður alveg sérstaklega gaman,“ segir Arnór.
-Svo spilum við líka við Norðmennina og
vilja þeir ekki alltaf vinna okkur eins og við
viljum alltaf vinna Danina?
„Jú, algjörlega og sem betur fer hefur þeim
ekkert gengið alltof vel að náð því að sigra
okkur. Við vitum það að þegar við spilum við
Noreg, þá þýðir það ekkert annað en hörkuleikur,
blóð, sviti og tár. Það er alveg á hreinu
að hvorugt liðið vill tapa þessum innbyrðisleik
og allt gefið til þess að ná fram sigri. Það hjálpar
okkur kannski aðeins að það eru forföll í
hópnum hjá þeim, en þeir eru með mjög gott
lið og breiðan hóp. Ef litið er á það með hvaða
liðum þeir eru að spila, þá segir það sína sögu.
Það eru nokkrir leikmenn þarna sem hafa verið
okkur frekar erfiðir í gegnum tíðina, þetta eru
heimsklassa leikmenn, en við verðum tilbúnir
að mæta þeim eins og vera ber. Þessir sterku
leikmenn norska liðsins geta átt mjög misjafna
leiki, geta hitt á alveg toppleik þar sem að allt
gengur upp og svo dottið niður þess á milli.
Það verður forvitnilegt að sjá hvernig Norðmönnum
tekst upp á móti okkur og á hvernig
dag þeir hitta.“
„Það kemur ekkert annað til greina hjá okkur
en að komast upp úr riðlinum og við förum
í hvern einasta leik til þess að vinna hann.
Við gerum okkur grein fyrir þýðingu þess að
standa sig vel í riðlinum upp á framhaldið. Ef
við spjörum okkur ekki vel í riðlakeppninni og
tökum ekki mikið af stigum með okkur þangað,
þá minnka möguleikar okkar verulega á
því að ná góðum árangri á þessu móti, því í
milliriðlinum bíða okkar þvílíkir mótherjar. Við
verðum því að fara með sem flest stig áfram
til þess að eiga einhverja möguleika í milliriðlinum,“
segir Arnór Atlason þegar við fórum að
velta því fyrir okkur hvað riðillinn væri tvísýnn
og að allt gæti gerst. Ekkert lið virðist öruggt
með það að komast áfram.
-Hvaða lið heldur þú að verði í milliriðlinum?
„Það er voðalega erfitt að segja. EM er svo
svakalega sterkt mót og öll liðin eru líkleg til
þess að geta spjarað sig. Þó hægt sé að bóka
að Frakkar og Spánverjar verði í milliriðlinum,
liðin sem lentu í fyrsta og þriðja sæti á síðasta
heimsmeistaramóti, þá getur allt gerst á svona
sterku móti. Rússar og Ungverjar eru með
mjög góð lið og aldrei að vita hvað þau koma
til með að gera. Við erum klárlega í erfiðari
helmingnum á þessu móti svona fljótt á litið,
þ.e. að milliriðillinn úr riðlum C og D er sterkari
en hin milliriðillinn. Annars eru öll liðin góð á
EM og allir geta unnið alla eins og við ræddum
um áðan. Það er fyrst og síðast okkar að standa
okkur, hafa trú á okkur og ná þeim markmiðum
sem við ætlum okkur,“ segir Arnór Atlason
og er bjartsýnn á gengi íslenska liðsins í Serbíu,
en segir að liðið verði að halda vöku sinni, annars
geti brugðið til beggja vona.
Sterkur
leikur
Hvernig fara leikirnir?
Ísland - Slóvenía
H V Í TA H Ú S I Ð / S Í A / A c t a v i s 1 1 2 1 6 1
Ásbjörn
Sveinbjörnsson:
Guðríður Guðjónsdóttir:
Ingi Þór Guðmundsson:
Logi Geirsson:
Ásbjörn Sveinbjörnsson: Snúinn leikur þar sem íslenska liðið leiðir með þremur mörkum
allan leikinn og landar síðan fimm marka sigri, 30:25, og sigrar í riðlinum.
Guðríður Guðjónsdóttir: Þeir eiga 2-3 heimsklassa leikmenn en annars er þetta lið sem
við eigum að klára á venjulegum degi. Þeir spila venjulega „aggressíva“ vörn sem hentar
okkur ágætlega. Sigur 35 - 29.
Ingi Þór Guðmundsson: Síðasti leikur Íslands í riðlakeppninni er við Slóveníu og unnum
við þá í æfingamóti í Danmörku rétt fyrir EM og reikna ég með jöfnum leik en íslenskum
sigri, en þetta gæti þó endað með óvæntu jafntefli, 35 - 34 fyrir Ísland.
Logi Geirsson: Jafntefli 27 - 27. Slóvenar ætla að selja sig dýrt og spila sterka vörn og agaðan
sóknarleik með einn besta miðjumann í heimi. Þessi leikur getur dottið hvoru megin
sem er.
Páll Ólafsson: Siggi Sveins: Valdimar Grímsson
Páll Ólafsson: Þetta verður „töff“ leikur, eins og reyndar allir leikir í þessari keppni. Eftir
góða byrjun í mótinu er erfitt að fylgja því eftir. En ég hef bullandi trú á okkar mönnum.
Við vinnum þennan leik eftir mikla baráttu og mikil læti. Það verður mikil barátta í þessum
leik og gæti hann kostað okkur eitthvað síðar í keppninni.
Siggi Sveins: Þetta er lykilleikur upp á framhaldið en við þurfum sigur til að fara áfram
með 2 - 4 stig. Slóvenarnir eru með gott lið en hafa kannski ekki náð saman, eins og svo
oft með þennan blóðheita þjóðflokk. Aftur á móti um leið og þeir fá „blod pa tannen“, þá
geta þeir verið erfiðari en andskotinn. Þetta er skyldusigur fyrir okkar menn og allir verða
að gera sér grein fyrir því og gefa allt af sér í þessum leik. Guðmundur verður að nota alla
leikmenn liðsins, því framhaldið er enginn barnaleikur.
Valdimar Grímsson: Eins og alltaf verður þessi leikur mikil barrátta um það hverjir komast
áfram og reikna ég með að þessi leikur endi 31-31.
Íbúfen ®
– Bólgueyðandi og verkjastillandi
Notkunarsvið: Íbúfen inniheldur íbúprófen sem er bólgueyðandi, verkjastillandi og hitalækkandi lyf. Íbúfen tilheyrir flokki lyfja sem kölluð eru NSAID lyf (bólgueyðandi lyf sem ekki eru sterar). Íbúfen er notað við
vægum til meðal miklum verkjum eins og höfuðverk, mígreni, tannpínu, tíðaverkjum og hita. Ekki má taka Íbúfen: Þeir sem hafa ofnæmi fyrir íbúprófeni, öðrum skyldum lyfjum eða einhverju hjálparefnanna. Þeir sem
fengið hafa ofnæmisviðbrögð eins og astma, nefrennsli, útbrot með kláða eða ef varir, andlit, tunga eða háls hafa bólgnað upp eftir að hafa tekið íbúprófen eða skyld lyf. Þeir sem þjáðst hafa af sárum eða blæðingum í
maga eða smáþörmum (skeifugörn) í tengslum við fyrri notkun bólgueyðandi verkjalyfja, þjást núna af sárum eða blæðingum í maga eða smáþörmum (skeifugörn) eða hafa áður þjáðst af slíku, tvisvar eða oftar, með
alvarleg lifrar-, nýrna-, eða hjartavandamál (kransæðasjúkdómar meðtaldir), þeir sem þjást af umtalsverðum vökvaskorti (vegna uppkasta, niðurgangs eða of lítillar vökvaneyslu), eru með einhverjar blæðingar
(blæðingar í heila meðtaldar), eru með sjúkdóm af óþekktum uppruna sem leiðir til óeðlilegrar myndunar blóðfrumna. Sérstök varnaðarorð: Þeir sem eru með rauða úlfa (SLE) eða aðra sjálfsnæmissjúkdóma, arfgengan
sjúkdóm sem hefur áhrif á blóðrauða, hemoglóbín (purpuraveiki), langvarandi bólgusjúkdóma í þörmum eins og bólgur í ristli með sárum (sáraristilbólgu), bólgur í meltingarvegi (Crohn´s) eða aðra maga- eða þarmasjúkdóma,
truflanir á blóðfrumnamyndun, vandamál tengd blóðstorknun, ofnæmi, ofnæmiskvef, astma, langvarandi bólgur í nefslímhúð, kinnbeinaholum, kokeitlum eða langvarandi teppusjúkdóma í öndunarvegi,
blóðrásarkvilla í slagæðum handleggja og fóta, lifrar-, nýrna- eða hjartavandamál eða háan blóðþrýsting, nýkomnir úr meiriháttar skurðaðgerð ættu ekki að nota lyfið. Meðganga/brjóstagjöf: Íbúprófen má ekki taka
á síðustu 3 mánuðum meðgöngu. Aðeins ætti að nota Íbúfen á fyrstu 6 mánuðum meðgöngu í samráði við lækni og ef það er algerlega nauðsynlegt. Íbúprófen getur gert konum erfiðara með að verða þungaðar. Þessi
áhrif ganga til baka þegar hætt er að taka lyfið. Íbúprófen berst í brjóstamjólk í litlum mæli og brjóstagjöf þarf yfirleitt ekki að hætta meðan á skammtíma meðferð stendur. Ef lengri tíma meðferð er áætluð, ætti að meta
hvort hætta eigi brjóstagjöf. Aukaverkanir: Svartar, tjörukenndar hægðir eða blóðlituð uppköst (sár í meltingarvegi með blæðingum), brjóstsviði, kviðverkir,
meltingartruflanir, truflanir í meltingarfærum s.s. niðurgangur, ógleði, uppköst, vindgangur og harðlífi, sáramyndun í meltingarvegi með eða án rofs, þarmabólga
og versnandi bólga í ristli og meltingarvegi (Crohn´s) og pokamyndun í digurgirni (rof eða fistlar), smásæjar blæðingar frá þörmum sem geta leitt til blóðleysis, sára
og bólgu í munni, höfuðverkur, syfja, svimi, sundl, þreyta, æsingur, svefnleysi og viðkvæmni. Skammtastærðir: Fullorðnir og unglingar eldri en 12 ára (≥ 40 kg):
200-400 mg sem einn skammtur eða 3-4 sinnum á dag með 4-6 klst. millibili. Hámarks dagsskammtur er 1200 mg. Börn 6-9 ára (20-29 kg): 200 mg, 1-3 sinnum á
dag á 4-6 klst. fresti eftir þörfum. Hámarks skammtur er 600 mg á dag. Börn 10-12 ára (30-40 kg): 200 mg, 1-4 sinnum á dag á 4-6 klst. fresti eftir þörfum. Hámarks
skammtur er 800 mg á dag. Sjá nánar í fylgiseðli. Börn 12 ára og yngri eiga ekki að nota Íbúfen nema í samráði við lækni. Lyfið er ekki ætlað börnum yngri
en 6 ára. Lesið vandlega leiðbeiningar sem fylgja lyfinu. Nóvember 2011.