í Serbíu Handbók - Land og saga

EM í Serbíu 2012
LEIÐARI
Spekingarnir sjö
Hvernig skyldi íslenska landsliðinu vegna á EM í ár?
Þetta er stór spurning og maður hefur orðið var við það að fólk er mikið að velta þessu fyrir
sér. Um það má segja að í fyrsta lagi þá er Ísland í gríðarlega erfiðum riðli, þar sem Króatía
og Slóvenía spila nánast á heimavelli. Og það er sko ekkert grín að lenda á móti þessum
þjóðum á sjálfum Balkanskaganum, þar sem stuðningsmennirnir eru sjóðheitir og gengur
á ýmsu. Það er einnig mikil hefð fyrir handbolta í þessum löndum fyrrum Júgóslavíu. Svo
eru það Norðmennirnir sem við erum að lenda enn einu sinni á móti á stórmóti. Okkur
hefur gengið vel með þá að undanförnu í mjög svo spennandi leikjum. En skyldi Ísland
standast þá prófraun í ár? Ég lít svo á að höfuðmarkmiðið sé að komast upp úr riðlinum
og vonandi með sem flest stig að sjálfsögðu. Ef okkur tekst það, þá bíður okkar enn meiri
þolraun, því við komum örugglega til með að mæta gríðarsterkum þjóðum, eins og t.d. Frökkum og Spánverjum. Ef dæma má af
viðtölunum við strákana á undirbúningstímanum, þá vantar ekki eldmóðinn, hugarfarið og viljann til þess að ná sem allra lengst í
þessari keppni. Strákarnir töluðu um það að mótherjarnir skiptu ekki meginmáli, heldur miklu frekar það að íslenska liðið væri rétt
innstillt og hefði trúna á það að geta sigrað hvaða lið sem er. Þetta er svo sannarlega það hugarfar sem þarf að vera til staðar ef
árangur á að nást. Í öðru lagi þá verður Ólafur Stefánsson ekki með og er mikill missir af honum. En á móti kemur að aðrir í liðinu
gætu stigið fram og tekið á sig meiri ábyrgð. Nú verða þeir að framkvæma hlutina og fylla það skarð sem Ólafur skilur eftir. Það
verður forvitnilegt að sjá hvað kemur út úr því. Það má með sanni segja að þetta mót sé mikil prófraun fyrir íslenska liðið. Þetta er
frábær hópur og í honum eru einstaklingar sem eru heimsklassa leikmenn. Að mínu mati er Ísland á meðal 10 bestu handboltaþjóða
heims. Fyrsta verkefni íslenska liðsins verður að takast á við þá prófraun að komast upp úr riðlinum. Eins og gerist og gengur,
þá er endalaust hægt að velta því fyrir sér hvernig íslenska liðinu muni ganga í riðlinum, hvaða möguleika það eigi ef það kemst
í milliriðlana o.s.frv. Það er þó sem fyrr að svörin fást ekki fyrr en að leikslokum. Lið Íslands hefur þó alla burði til þess að ná langt
á þessu móti og það er vonandi að það gangi eftir. Á EM eru ekkert nema góð lið og það er ekki svo mikill munur á getu liðanna,
þannig að þetta getur farið á hvaða veg sem er. Eins og sagt er: Stöngin inn eða stöngin út!
Við skulum senda strákunum baráttukveðjur: Koma svo strákar! Þið getið þetta og ekkert nema sigur í þessum leik! Og öll þjóðin
sameinast sem ein heild og segir: ÁFRAM ÍSLAND!
Eiríkur Einarsson, ritstjóri
Útgefandi: Hugmyndahúsið ehf.
Ritstjóri: Eiríkur Einarsson
Umbrot: Ingólfur Júlíusson
auglysingastofa@gmail.com
Prentun: Landsprent
Próförk: Jóhann Frímann
Dreifing: Pósthúsið, Olís og víðar
Sími: 699 7764
Auglýsingar: eikie@mi.is
Forsíða:
Forsíðumyndina tók Ingólfur Júlíusson
Logi Geirsson
Valdimar
Grímsson
Ingi Þór Guðmundsson
Guðríður
Guðjónsdóttir
Eins og ávallt í handbókinni okkar þá fáum við til liðs við
okkur vel valinn hóp mikilla spekinga sem þátt í öllu fjörinu
og stemningunni. Þeir munu spá í leiki Íslands í riðlakeppninni,
spá í hvern riðil fyrir sig og svo í framvindu
mála, þ.e. hvernig milliriðlarnir spilast, hvaða þjóðir komast
í undanúrslit, hverjir spila úrslitaleikinn o.s.frv. Köllum
við þá spekingana sjö. Þetta eru þeir Logi Geirsson, Páll
Ólafsson, Sigurður Sveinsson og Valdimar Grímsson, allt
fyrrverandi landsliðsmenn sem þekkja það mæta vel út á
hvað svona stórmót eins EM gengur. Auk þeirra eru fulltrúar
tveggja fyrirtækja sem eru í samstarfi við HSÍ og miklir
handboltaunnendur. Þetta eru þeir Ásbjörn Sveinbjörnsson
frá Prentsmiðjunni Odda og Ingi Þór Guðmundsson
frá Flugfélagi Íslands, fyrrum handboltajaxl úr Fram. Svo
er það sjálf handboltadrottningin Guðríður Guðjónsdóttir
sem hefur gert garð sinn frægan, bæði með landsliðinu
og Fram. Það verður gaman að bera saman spár þessara
spekinga og sjá hver af þeim er nú mesti spekingurinn.
Ásbjörn
Sveinbjörnsson
Sigurður
Sveinsson
Páll Ólafsson
ÞAÐ KOMAST ALLIR
MEÐ STRÁKUNUM OKKAR
Á EM Í SERBÍU
Spekikóngur HM 2011
Ef við berum það saman hvernig spekingarnir
stóðu sig í handbókinni í fyrra, um HM 2011 í
Svíþjóð, þá var þetta gríðarlega jafnt hjá þeim
varðandi spár um úrslit leikja Íslands og hvaða
lið kæmust áfram úr riðlunum. Stigin voru þannig
gefin að eitt stig fékkst fyrir að segja rétt til
um það hvernig þeir leikir færu sem Ísland spilaði
og svo var gefið aukastig ef menn spáðu
hárrétt til um markatölu. Ísland spilaði fimm
leiki í riðlakeppninni og fengu allir fimm stig
fyrir spárnar þar, nema Siggi Gunn. sem fékk
fjögur stig. Auk þess fékk Valdimar Grímsson
eitt aukastig fyrir að hafa markatöluna rétta í
einum leik.
Í spá spekinganna, um það hvaða lið kæmust upp úr hverjum
riðli, var mest hægt að fá 12 stig, þar sem það voru
þrjú lið úr hverjum riðli sem komust áfram og riðlarnir voru
fjórir. Enn var jafnræði með spekingunum en enginn náði
fullu húsi. Úrslitin voru eftirfarandi:
Leikir Íslands Riðlaspá Samtals
Ingi Þór Guðmundsson 5 11 = 16 stig
Ásbjörn Sveinbjörnsson 5 10 = 15 stig
Guðríður Guðjónsdóttir 5 10 = 15 stig
Hemmi Gunn. 5 10 = 15 stig
Sigurður Gunnarsson 4 11 = 15 stig
Valdimar Grímsson 5 + 1 9 = 14 + 1 stig
Logi Geirsson 5 9 = 14 stig
Ingi Þór Guðmundsson reyndist því Spekikóngurinn 2011.
Til hamingju með það!
Ef við lítum á það hvernig spekingarnir spáðu fyrir um
framvindu mála, en það var svona aukakeppni, var gefið
eitt stig fyrir rétta spá um það í hvaða sæti hver þjóð myndi
lenda. Þar var mest hægt að fá 12 stig, því spáð var fyrir um
röð tólf efstu liðanna.
Það voru fjórir spekingar af sjö sem spáðu fyrir um röðina
1-12. Þar gekk nú á ýmsu og var ekki mikið skorað hjá spekingunum.
Þeir spekinganna sem spáðu um röðina voru
Ingi, sem fékk þrjú stig, Guðríður tvö stig, Logi einnig tvö
stig og svo Ásbjörn sem fékk eitt stig. Valdimar, Sigurður og
Hemmi Gunn. tóku ekki sætaröðina sérstaklega fyrir.
Nú þegar EM 2012 byrjar hefst önnur keppni með sama
sniði á milli spekinganna og það verður gaman að sjá
hverjir hafa mestu innsýnina og spá rétt. Skyldi Ingi Þór
verja titilinn eða verður nýr spekikóngur krýndur eftir mótið?
Við fylgjumst spennt með því!
Spurning mótsins
Hvernig mun íslANDI
ganga á EM?
Hakon Gunnarsson: Ég
er þokkalega bjartsýnn
á gengi íslenska liðsins.
Þetta er mót mikilla tíðinda
- enginn Ólafur Stefánsson
og því reynir mikið
á þjálfarann að leysa
slíkt. En ég fæ ekki séð
hverjir stöðva Frakkana,
Karabatic er betri sem
aldrei fyrr. Vonast eftir
góðu móti og skemmtilegum
leikjum.
Hjálmar A Jónsson
Ég hef fulla trú á strákunum
og vona að þeir nái
öllum þeim stigum sem að
þeir verðskulda.
Það gera þeir ef að þeir ná
alltaf að gera sitt besta.
Haraldur Ingi Hraldsson:
Sagan sýnir að hóflegar
væntingar eru afarsælastar.
Ég held við séum niðri
á jörðinni hvað það varðar
sem veit á gott. Lykilatriðið
er að menn nái að spila
saman í vörninni. Sem einn
maður. En ég er farinn að
hlakka til að sjá knöttinn
syngja í netinu – hjá mótherjunum!
EM Í HANDBOLTA
15.- 29. JANÚAR
ÁFRAM ÍSLAND!
Annað og meira