í Serbíu Handbók - Land og saga

14
EM í Serbíu 2012
Góð markvarsla skiptir mjög miklu máli
EM viðtal við Björgvin Pál Gústavsson
Björgvin Páll Gústavsson, markvörður
íslenska liðsins, hefur heldur betur
tekið stórum framförum síðustu árin,
bæði með landsliðinu og í atvinnumennskunni.
Það er svo komið að menn eru farnir að telja
hann á meðal bestu markvarða í handboltaheiminum
í dag. Það er mikil lyftistöng fyrir
árangur Íslands á stórmótum, en lið verður að
hafa á að skipa heimsklassa markverði ef það
ætlar sér stóra hluti á stórmótum eins og EM,
þar sem allir bestu handboltamenn heims
eru samankomnir. Björgvin er orðinn góður af
meiðslunum sem voru að hrjá hann í haust og
mætir fílefldur til leiks í Serbíu. Enda þykir honum
fátt skemmtilegra en að spila með íslenska
liðinu á stórmóti með tilheyrandi stemningu í
kringum það.
-Það er alltaf sama góða stemningin Björgvin?
„Já, það er alltaf svoleiðis þegar maður hittir
strákana og hópinn. Það er mikil uppörvun og
hvatning þegar landsliðið kemur saman og
síður en svo að við lítum á þetta sem eitthvert
hörkupúl og erfiði. Þótt þetta taki á og menn
verði að hafa sig allan við, þá er það bara svo
mikið sem leysist úr læðingi þegar landsliðið
kemur saman og fer á stórmót. Það er eins og
Óli Stefáns orðaði það svo skemmtilega hér
um árið, að það að fara í undirbúning og á
stórmót með landsliðinu væri eins og að vera
á skemmtilegu leikjanámskeiði. Þetta er svo
frískandi og skemmtilegt að maður gleymir
öllu erfiðinu í kringum þetta. Svo er það alltaf
góð tilfinning að koma á klakann, færir manni
mikla hugarró og maður verður afslappaðri
fyrir vikið,“ segir Björgvin Páll.
-Hefur það svo ekki alltaf sitt að segja að
finna meðbyrinn frá íslensku þjóðinni þegar
þið komist að segja má í bein tengsl við
hana?
„Jú, maður finnur alltaf fyrir meðbyrnum.
Stuðningur þjóðarinnar er alveg ómetanlegur
og það er svo gaman ef við getum glatt land
og þjóð. Við skynjum líka svo sterkt alla eftirvæntinguna.
Það er eitthvað mikið að fara að
gerast: Íslenska landsliðið er að fara að spila á
stórmóti í handbolta. Við vitum að fólkið hér
heima er að fylgjast með okkur og tökum þá
strauma með okkur. Áhugi og stuðningur Íslendinga
er alveg einstakur. Þegar maður er að
segja frá þessu úti, að allt að 90% Íslendinga
séu að horfa á okkur spila, þá er okkur varla
trúað. Það er gert létt grín að okkur eins og við
séum að ýkja og segja einhverjar furðufréttir,
en þetta er staðreynd og við vitum svo sannarlega
af því,“ segir Björgvin.
EM 2012 í Serbíu er fjórða stórmót Björgvins
Páls. Hann byrjaði með liðinu sem sótti silfur
á Ólympíuleikana í Peking árið 2008, fór svo
og sótti bronsið á EM í Austurríki 2010 og
var svo með á HM í fyrra þegar Ísland náði
6. sætinu.
„Þegar við berum þessi mót saman, þá er undirbúningurinn
og allt atferlið á mótunum með
mjög líku sniði. Við erum hópur sem er búinn
að vera saman mjög lengi og við gjörþekkjum
hver annan. Auðvitað breytum við alltaf einhverju
á milli móta og erum með nýjar áherslur
og ný kerfi sem við tökum inn í heildarmyndina.
Við byggjum þó alltaf á sama grunni og
bætum í og fínpússum það sem þarf. Þannig
göngum við alltaf að því vísu hvað á að fara að
gera, þróum það jafnt og þétt og getum nýtt
okkur það á komandi árum og stórmótum.“
-Ertu ekki orðinn heill af meiðslunum í öxlinni?
„Jú, ég er orðinn heill af axlarmeiðslunum. Það
er kannski að bakið sé eitthvað að stríða mér
öðru hverju, en maður hugsar ekkert um það
þegar út í leikina er komið. Þetta er líka svo lítið
að það er ekkert til þess að tala um,“ segir
Björgvin kokhraustur og vill ekki hlusta á neitt
væl.
Það vantar ekki eldmóðinn í Björgvin Pál,
sem endurspeglar hugarfar og markmið
landsliðsins, þegar talið berst að EM í Serbíu
og liðunum sem Ísland kemur til með að
mæta þar. Þar er eingöngu hugsað um það
að fara út í hvern leik til þess að sigra hann
og þá skiptir engu máli hver andstæðingurinn
er.
„Ég er bara bjartsýnn fyrir þessa keppni, enda
þýðir ekkert annað. Maður finnur alveg kraftinn,
trúna og getuna í hópnum. Svo er bara að
mæta í leikina með því hugarfari að sigra og
ekkert annað. Það kemur svo bara í ljós eftir
á hvernig til hefur tekist hverju sinni. Við vitum
alveg hvað við þurfum að gera til þess að
undirbúa okkur sem best og höfum notað tímann
vel fram að móti til þess að fínstilla allt það
sem þarf. Það er of seint að fara að vinna í því
þegar á hólminn er komið. Ég hef mjög góða
tilfinningu fyrir þessu móti og að við mætum
rétt stemmdir og með hlutina á hreinu,“ segir
Björgvin.
„Við eigum mjög erfiðan fyrsta leik á móti Króötum
og það er mjög mikilvægt að ná hagstæðum
úrslitum gegn þeim. Við hugsum um
hvern leik fyrir sig og einbeitum okkur að honum.
Við erum með reynslumikið lið og vitum
að svona stórmót er langhlaup. Hvernig sem
úrslitin verða gegn Króatíu, góð eða slæm, þá
höldum við okkur við efnið og förum strax að
undirbúa okkur fyrir næsta leik sem verður
gegn Noregi. Við látum það ekkert slá okkur út
af laginu þó við töpum fyrir Króatíu og gætum
þess að halda okkur á jörðinni ef við sigrum.
EM 2010 byrjaði ekki vel hjá okkur þegar við
misstum tvo næstum unna leiki niður í jafntefli.
Það var gegn Serbíu og Austurríki. Við létum
það ekkert á okkur fá, heldur héldum ótrauðir
áfram og niðurstaðan varð sú að við unnum
bronsið. Leikurinn gegn Króatíu verður ákveðinn
lykilleikur í riðlinum og ef við náum tveim
stigum þar, þá stöndum við nokkuð vel að vígi
fyrir framhaldið, ef Króatía kemst áfram í milliriðilinn
sem flestir telja líklegt. Annars er riðillinn
mjög jafn og það getur allt gerst í honum
og allir unnið alla. Allir leikirnir í riðlinum eru
úrslitaleikir, þar sem barist er til síðasta blóðdropa
og hvert einasta stig skiptir mjög miklu
máli. Það er mjög mikilvægt að komast áfram
upp úr riðlinum, helst með fjögur stig í milliriðilinn
og ekki minna en tvö, því þar verða mjög
erfiðir mótherjar, eins og Frakkland og Spánn,“
segir Björgvin Páll og ætlar sér ekkert annað en
að gera góða hluti í marki Íslands á EM í Serbíu,
því hann veit að góð markvarsla er lykilatriði
til þess að ná góðum árangri á slíku stórmóti
sem EM er.
ENNEMM / SÍA / NM49712
Hvernig fara leikirnir?
Ísland - Noregur
> Saman náum við árangri
Ásbjörn
Sveinbjörnsson:
Guðríður Guðjónsdóttir:
Ingi Þór Guðmundsson:
Logi Geirsson:
Ásbjörn Sveinbjörnsson: Enn einn hörkuleikurinn, þarna verður allt í járnum en ég hallast
að strákarnir okkar taki þetta í lokin og landi þægilegum sigri. 28:25 fyrir Ísland.
Guðríður Guðjónsdóttir: Það hafa verið gríðarlega jafnir leikir á milli þessara liða undanfarin
ár en nú virðist sem að Strandamaðurinn sé úr leik, Kjelling er sennilega meiddur og
Steinar Ege hvílir, því spái ég okkur góðum sigri 33 - 26.
Ingi Þór Guðmundsson: Þessar þjóðir hafa keppt innbyrðis ansi oft á undanförnum
árum. Reikna með íslenskum sigri, 32 - 28.
Logi Geirsson: Þessi leikur fer 31-28 fyrir Ísland. Norðmenn eru án einhverra lykilmanna
og ég held að þetta verði leikurinn sem verði auðveldastur í riðlinum.
Páll Ólafsson: Siggi Sveins: Valdimar Grímsson
Páll Ólafsson: Hef einhvern veginn aldrei haft trú á Norðmönnum í karlahandbolta og
það hefur ekkert breyst. Því mætum við sprækir eftir hvíldardag og tökum Norðmennina
kannski ekki í nefið, en vinnum þá og það er það sem skiptir máli. Þetta verður svona
leikur sem við leiðum allan leikinn, en náum einhvern veginn ekki að slíta þá frá okkur
almennilega. En samt nokkuð þægilegur sigur.
Siggi Sveins: Héðinn gamli, þjálfari Norðmanna hefur nú ekki verið að ríða feitu hrossi
með liðið að undanförnu. Eins og við vitum í gegnum aldirnar, þá eru frændur okkar mun
sterkari í skíðagöngunni en samt hafa þeir oftar en ekki náð að hanga í okkur. Í þessum
leik eiga þeir ekki möguleika. Þrátt fyrir að vera með ágætis lið, þá hafa þeir ekki nógu gott
hjarta til að klára okkur.
Valdimar Grímsson: Við eigum eftir að lenda í vandræðum hér og töpum með tveim
mörkum, 31 - 29.
Við þekkjum þetta. Við vitum hvað metnaður og atorka skipta miklu máli.
En við vitum líka að samvinnan er lykillinn að framúrskarandi árangri.
Samskip styðja með stolti við bakið á strákunum okkar.
www.samskip.is