Skipulag, byggingar og hönnun - Land og saga

38 • Skipulag, byggingar og hönnun Skipulag, byggingar og hönnun • 39
Úr dagbók verkfræðings
Einn af elstu og örugglega
einn af skemmtilegustu verkfræðingum
sem við Íslendingar
eigum er Prófessor Einar B.
Pálsson. Öll umræða við Einar
um verkfræði tvinnast strax
saman við samfélagið í stærra
samhengi og þá sér í lagi tónlist
og eftir stuttan tíma verður
ljóst að það er fátt hægt að
hugsa sér skemmtilegra og
meira skapandi en að starfa
sem verkfræðingur.
Kennsla, tilraunir, samskipti
við presta, börn og byggingarverktaka.
Allt mótar þetta daglegt
starfsumhverfi og vinnulag
margra starfstétta og ekki skal
hér fullyrt að öðrum en verkfræðingum
sé meinuð hamingja í lífinu.
Reyndar hefur borið nokkuð
á því að „ekki - verkfræðingar“
skilji ekki hamingju okkar til fulls
og halda að við séu stærðfræðitrúar
reglugerðargæðingar án
áhuga á hönnun og höfundarrétt.
Nú er smekkur manna misjafn
en til að gefa innsýn í daglegt líf
verða hér sýndar nokkrar svipmyndir
og getur þá hver metið
fyrir sig. Annars vegar er um
form- og hönnunarrannsóknir
burðarvirkja að ræða. Fyrstu
myndirnar sýna módelrannsóknir
við Staedel listaháskólann
í Frankfurt sem urðu kveikja að
burðarkonsepti skúlptúrs sem
reis við Norræna Húsið sl. sumar
í samstarfi við SHIFT Architects
og sér í lagi Arnald Schram.
Gler og íslenska krónan eiga það
sameiginlegt að hvort tveggja eru
hlutir sem hafa verið notaðir í
óhófi og af sannfærandi vanþekkingu
undanfarin ár. Ef svartir X5
eru bílar kreppunnar þá er gler
byggingarefnið í sama flokki. Sem
sagt verkfræðingar og gler. Þegar
verkfræðingar hugsa um gler
þá sjá þeir t.d. sólhlíf líkt og við
hönnun Húss íslenskra fræða eða
handrið sem standast þurfa þennan
vaska fótboltahóp frá Akureyri.
Neðstu myndirnar sýna inngang í
neðanjarðarlest í London teiknaða
af Norman Foster. London
Underground lét framkvæma tilraunir
í Þýskalandi á burðargetu
glersins, einnig í brotnu ástandi.
Þýska borgin þar sem glerin voru
prófuð var Darmstadt. Þar var
Einar sem ungur verkfræðinemi
í kringum 1930. Af hverju Darmstadt?
Nú þar var besta óperulíf í
Evrópu!
Höfundur er hamingjusamur
verkfræðingur á Almennu Verkfræðistofunni.
Módlemyndir
eftir
: Yang Zhenyuan, Martin
Schrot,Kristina Madsen
Fótboltakempur: af vef Glerárskóla
Sigurður Gunnarsson
Icelandic Times í annað sinn
Land og saga hefur nú gefið út
annað eintak sitt af ferðaþjónustutímaritinu
Icelandic Times.
Líkt og nafnið gefur til kynna er
blaðið skrifað upp á enska tungu
og því ætlað þeim mikla fjölda
ferðamanna sem sækja okkur
heim allt árið um kring.
Í blaðinu má finna yfirlit yfir
fjölda þeirra tækifæra sem ferðamönnum
standa til boða hér á
landi, hvort sem það eru náttúruperlur
Íslands, gistimöguleikar,
veitingahús, skipulagðar ferðir
eða önnur þjónusta. Blaðinu er
einnig ætlað að kynna lesendum
þess nánar fyrir landi og þjóð. Má
því þar finna áhugaverðar greinar
um allt frá hreindýrum að baðvenjum
Íslendinga.
Blaðið mun koma út annan
hvern mánuð í sumar og er blaðið
aðgengilegt á flestum þeim stöðum
sem ferðamenn eiga leið um,
s.s. samgöngumiðstöðvum, gistiheimilum
og verslunum.
Blaðið má einnig lesa í heild
sinni á www.icelandictimes.com