საქართველოს სამოქალაქო კოდექსი წიგნი პირველი ს

ზიანი.
მუხლი 785. ზიანის ანაზღაურების ვალდებულება
შემნახველი პასუხისმგებელია შესანახად გადაცემული საქონლის დაკარგვით
ან/და დაზიანებით მიყენებული ზიანისათვის, გარდა იმ შემთხვევისა, როცა ამის
თავიდან აცილება კეთილსინდისიერ შემნახველსაც არ შეეძლო.
მუხლი 786. გვაროვნული ნივთების შენახვის თავისებურებანი
1. გვაროვნული ნივთების შენახვისას შემნახველს მხოლოდ მაშინ აქვს უფლება
შეურიოს ისინი იმავე სახისა და თვისების სხვა ნივთებს,თუ ამაზე არსებობს
მიმბარებლის ნებართვა.
2. ამ შერევის შედეგად წარმოშობილ საქონელზე მიმბარებლებს აქვთ საერთო
საკუთრების უფლება. თითოეული მიმბარებლის წილი განისაზღვრება მის მიერ
ჩაბარებული საქონლის ოდენობის შესაბამისად.
3. შემნახველი მოვალეა თითოეულ მიმბარებელს დაუბრუნოს მიბარებული
საქონელი მისი კუთვნილი წილის შესაბამისად, დანარჩენი მიმბარებლების
თანხმობის გარეშე.
მუხლი 787. მიბარებული საქონლის გაყიდვა
თუ შესანახად მიბარებული საქონელი ფუჭდება ან იმდენად იცვლება, რომ
იგი შეიძლება გაუფასურდეს,და შემნახველს დრო აღარ რჩება ამის თაობაზე
შეატყობინოს ან არ შეუძლია შეატყობინოს უფლებამოსილ პირს, მაშინ ის
უფლებამოსილია საქონელი გაყიდოს.
მუხლი 788. სასაწყობო მოწმობა
საქონლის მიღებისას შემნახველი ვალდებულია მიმბარებელს გადასცეს
სასაწყობო მოწმობა.
მუხლი 789. სასაწყობო მოწყობის რეკვიზიტები
1. სასაწყობო მოწმობაში უნდა აღინიშნოს:
ა. სასაწყობო მოწმობის გაცემის თარიღი და რეგისტრაციის ნომერი;
ბ. მხარეთა ვინაობა და მისამართი;
გ. შენახვის ადგილი;
დ. საქონლის შენახვის წესი;
ე. შესანახი საქონლის აღწერა (ოდენობა, ზომა ან წონა) და ხარისხი; საქონლის
შეფუთვისას - შეფუთვის აღწერა;
ვ. შენახვის საზღაურისა და სხვა აუცილებელი ხარჯების ოდენობა;
ზ. თუ შესანახი საქონელი დაზღვეულ უნდა იქნეს, მაშინ - სადაზღვევო თანხა;
თ. ხელშეკრულების მოქმედების ვადა;
ი. შემნახველის ხელმოწერა, დამოწმებული შესაბამისი ბეჭდით.
2. თუ ამ მუხლში დასახელებული პირობები სრულად არ არის ასახული სასაწყობო