საქართველოს სამოქალაქო კოდექსი წიგნი პირველი ს

საკუთრების მიმნდობს.
3. ქონების ნაყოფი რჩება საკუთრების მიმნდობს.
მუხლი 727. საკუთრების მინდობის ხელშეკრულების ფორმა
საკუთრების მინდობის ხელშეკრულება იდება წერილობით.
მუხლი 728. მინდობილი მესაკუთრის პასუხისმგებლობა
მესამე პირებთან ურთიერთობაში პასუხს აგებს მინდობილი მესაკუთრე.
მუხლი 729. დავალების ხელშეკრულების წესების გამოყენება
საკუთრების მინდობის მიმართ გამოიყენება დავალების ხელშეკრულების
შესაბამისი წესები.
თავი მეთხუთმეტე
სატრანსპორტო ექსპედიცია
მუხლი 730. ცნება
1. ექსპედიციის ხელშეკრულებით ექსპედიტორი კისრულობს თავისი
სახელითა და შემკვეთის ხარჯზე განახორციელოს ტვირთის გადაზიდვასთან
დაკავშირებული მოქმედებანი. შემკვეთი მოვალეა გადაიხადოს შეთანხმებული
პროვიზია.
2. ექსპედიციის მიმართ შესაბამისად გამოიყენება დავალების წესები, თუ ამ
თავიდან სხვა რამ არ გამომდინარეობს.
მუხლი 731. კეთილსინდისიერების მოთხოვნა ექსპედიტორისაგან
ექსპედიტორმა კეთილსინდისიერი ექსპედიტორის გულისხმიერებით უნდა
გაგზავნოს ტვირთი,შეარჩიოს გადაზიდვაში მონაწილე პირები;ამასთან, მან უნდა
დაიცვას გამგზავნის ინტერესები და შეასრულოს მისი მითითებები.
მუხლი 732. შემკვეთის მოვალეობანი
1. შემკვეთმა ექსპედიტორის მოთხოვნით დროულად უნდა მიაწოდოს მას
შესაბამისი ცნობები ტვირთის შესახებ, აგრეთვე მისცეს მითითებები, რომლებიც
აუცილებელია გადაზიდვის დოკუმენტების გასაფორმებლად, მიაწოდოს
აუცილებელი ცნობები საბაჟო და სხვა მოქმედებათა შესასრულებლად და,
აუცილებლობის შემთხვევაში, ტვირთის საბაჟო გადასახადის გადასახდელად. გარდა
ამისა, შემკვეთმა უნდა გადასცეს აუცილებელი დოკუმენტები აღნიშნული ცნობების
უტყუარობის დასადასტურებლად.
2. საფრთხეშემცველი ტვირთის არსებობისას შემკვეთმა უნდა გააფრთხილოს
ექსპედიტორი საფრთხის ზუსტი სახეობის შესახებ და, აუცილებლობის შემთხვევაში,
მიუთითოს მას უსაფრთხოების ზომებზე.