Studimi i Remitencave në Kosovë 2010 - Banka Qendrore e ...

Studimi i Remitencave në Kosovë 2010
3.2 Punësimi i Familjes, të Ardhurat dhe Shpenzimet
Në përputhje me kërkesat e këtij studimi, hulumtimi i remitencave ka kërkuar nga kryefamiljarët e intervistuar
që të raportojnë mbi statusin e punësimit të secilit prej anëtarëve të tyre të familjes, për shumën e të
ardhurave të fituara në familjet e tyre, dhe mbi shpenzimet e përgjithshme të familjes. Përveç kësaj, nga
kryefamiljarët u kërkua të japin më shumë informacion mbi shpërndarjen e shpenzimeve e tyre sipas destinimit
të shpenzimeve.
Hulumtimi gjeti se ka dallime në mes të familjeve që pranojnë remitenca dhe atyre që nuk pranojnë ato në
lidhje me të tre kategoritë e informacionit të raportuar.
Mesatarisht, papunësia është më e lartë në mesin e familjeve që pranojnë remitenca se sa në mesin e familjeve
që nuk pranojnë remitenca. Pra familjet që nuk pranojnë remitenca kanë tendencë të kenë më pak
anëtarë të papunë në familje (Figura 4).
Sipas raportit, të ardhurat mesatare mujore të një familje në Kosovë janë 442 Euro. Poashtu, në kushte reale
familjet që raportojnë se pranojnë remitenca fitojnë më pak të holla gjatë muajit. Rreth 67.5 përqind e
familjeve pranuese të remitencave fitojnë më shumë se 200 Euro krahasuar me 80.4 përqind të familjeve
që nuk pranojnë remitenca.
19