Create successful ePaper yourself
Turn your PDF publications into a flip-book with our unique Google optimized e-Paper software.
dhe derrat. Të zotët e këtyre rrethimeve u përpoqën të nxjerrin fitime maksimale nga pronat e<br />
reja. Fushat nuk u lamë në djerrë një herë në tre vjet, por në vitin e tretë ato u mbollën me bimë<br />
foragjere, që shërbenin për ushqimin e kafshëve, por edhe për të pasuruar tokën. Teknika e re e<br />
kultivimit të tokës, që u quajt qarkullim shumëvjeçar, solli rritjen e prodhimit bujqësor, krijimin<br />
e rezervave në foragjere për dimër dhe përmirësimin e rritjes së kafshëve. Dalëngadalë blegtorët<br />
përzgjodhën racat e gjedhit, bagëtisë së imët dhe derrave, prej nga nxorën sasi më të mëdha<br />
mishi, qumështi dhe leshi. Bagëtia siguronte edhe plehun e vetëm që njihej deri atëherë, plehun<br />
organik.<br />
Këto ndryshime, që morën emrin revolucion bujqësor, ndodhën shumë ngadalë dhe arritën<br />
përhapje të gjerë vetëm në shekullin XIX.<br />
Në fshatra përhapet puna në shtëpi. Ndërkaq në fshatrat angleze u përhap puna në shtëpi.<br />
Tregtarët u shpërndanin familjeve fshatare lëndët e para (për shembull, leshin), ndonjëherë edhe<br />
mjetet e punës (për shembull tezgjahun), pastaj vinin të merrnin punën e përfunduar (për<br />
shembull, pëlhurën). Gjatë kohës së vdekur në bujqësi, e tërë familja ndihmonte në këtë lloj pune<br />
dhe tregtarët nxirrnin përfitime të mëdha.<br />
U zhvillua industria minerare. Që në lashtësi druri qe përdorur gjerësisht (për të ndërtuar shtëpi,<br />
anije, për ngrohje, për të shkrirë metalet). Në rrjedhën e shekujve qenë prerë pyje të tërë dhe në<br />
vitet 500 druri u bë një material i rrallë dhe i kushtueshëm. Atëherë nisi të përdoret qymyri fosil,<br />
një mineral me të cilin Anglia ishte e pasur. Prej tij, në vitet 600, anglezët arritën të nxjerrin<br />
koksin, një lloj qymyri mjaft i përshtatshëm për fonderitë dhe fabrikat. Kështu edhe industria<br />
minerare mori një zhvillim të ndjeshëm.<br />
Anglia bëhet një fuqi e madhe tregtare. Por sidomos në gjysmën e dytë të viteve 600 Anglia<br />
nisi të konkurrojë Holandën në sundimin e deteve.<br />
Në Amerikën veriore, ku në vitin 1607 kishte lindur Virxhinia, shpejt lindën edhe koloni të tjera,<br />
ndër të cilat Anglia e Re, Pensilvania dhe dy Karolinat. Në ishujt Antile anglezët shtinë në dorë<br />
ishujt Barbados – që shpejt u bënë një strofkë piratësh – dhe u morën Xhamajkën spanjollëve,<br />
duke e shndërruar në qendër tregtare të zonës.<br />
Nën mbrojtjen e monarkisë, Shoqëria e fuqishme angleze e Indisë lindore ngriti qendrat e saj të<br />
para në Indi (Madras, Bombej, më pas Kalkuta), duke hedhur bazat për pushtimin e mëvonshëm<br />
të kontinentit indian.<br />
Londra, selia e Shoqërisë, brenda pak vitesh u bë porti më i rëndësishëm i Anglisë dhe mbeti<br />
gjatë gjithë shekullit XVIII dhe XIX, qendra më e madhe ekonomike dhe tregtare e botës.<br />
Rrugët tregtare angleze në shekujt XVI-XVII (hartë)<br />
Gjatë shekullit XVII rëndësia tregtare e Anglisë rritet përherë e më shumë derisa hyn në konkurrencë dhe<br />
fiton mbi Holandën.<br />
Fjalët kyç: epidemi, kompani tregtare të lundrimit, koloni, përfitim, rrethim me gardh, revolucion bujqësor,<br />
punë në shtëpi<br />
Tryeza kronologjike: fundi i shekullit XVI- Italia dhe Mesdheu fillojnë ta humbasin rëndësinë e<br />
dikurshme; 1602-krijohet në Amerikë kolonia e parë angleze: Virgjinia; 1618-1648-lufta e Tridhjetë<br />
vjetëve; 1630-1631-epidemia e murtajës në Itali; 1647-Revolta e Mazanielos; 1648-paqja e Vestfalisë;<br />
1656-1657- epidemia e murtajës në mbretërinë e Napolit.<br />
Idetë kryesore<br />
Shoqëria e viteve 600 është ende e ndarë në tri shtresa: fisnikëria, kleri dhe shtresa e tretë.<br />
Qendra ekonomike evropiane shpërngulet nga Mesdheu në oqeanin Atlantik.<br />
Varfërohet Spanja, që nuk di t’i shfrytëzojë pasuritë amerikane, Italia, që nuk di ta përditësojë prodhimin,<br />
Gjermania që bëhet arenë e luftës së Tridhjetë vjetëve.<br />
Holanda dhe Anglia janë në zhvillim të shpejtë. Holanda në gjysmën e parë të viteve 600 ka epërsinë në<br />
dete, Anglia në gjysmën e dytë të shekullit bëhet fuqia më e madhe detare botërore.<br />
Shoqëritë tregtare holandeze dhe angleze krijojnë kolonitë.