Create successful ePaper yourself
Turn your PDF publications into a flip-book with our unique Google optimized e-Paper software.
Evropa pas paqes së Vestfalisë (1648). “Shtetet gjermane” të treguara në hartë ishin në të vërtetë më<br />
shumë se 300, të ndara në qytete dhe shtete të vegjël, secili me pavarësinë e vet.<br />
3. Një shtet në zhvillim të shpejtë: republika e Holandës<br />
Republika e Holandës është e vogël, por e pasur dhe e guximshme. Në vitet 600 qendra e<br />
ekonomisë evropiane u zhvendos në Mesdhe në vendet që lageshin nga oqeani Atlantik, pra<br />
Holanda, që paqja e Vestfalisë të shpallej përfundimisht e lirë nga sundimi spanjoll, Anglia dhe<br />
siç do të shohim në kapitullin që vjen, Franca.<br />
Republika e shtatë provincave të bashkuara ose republika e Holandës ishte një shtet i vogël,<br />
popullsia e të cilës mezi arrinte 2 milionë banorë. E megjithatë në gjysmën e parë të viteve 600 u<br />
bë fuqia kryesore tregtare e botës dhe fitoi sundimin mbi detet.<br />
Kjo u bë e mundur falë tregtarëve, bankierëve, sipërmarrësve, kryesisht të besimit kalvinist, që<br />
kishin në Holandë një peshë të madhe politike dhe ditën të krijojnë një model jetese të bazuar mbi<br />
punën. Ndërkaq refugjatët dhe të përndjekurit e shumë vendeve gjetën strehë në Holandë, ku<br />
toleranca fetare ishte një traditë dhe sollën aty teknika dhe njohuri të reja.<br />
Një sekret: zvogëlimi i kostove të prodhimit. Holanda u pasurua me shpejtësi. Sekreti i saj ishte<br />
zvogëlimi në maksimum, në çdo sektor, i kostove të nevojshme për prodhimin, në mënyrë që<br />
të shiteshin mallrat me kosto sa më të ulët dhe të fitoheshin klientë të rinj. Për këtë qëllim<br />
holandezët përdorën teknika më moderne se ato të konkurrentëve dhe ulën – me sa qe e mundur –<br />
edhe cilësinë e prodhimit. Stofrat e tyre, për shembull, ishin të punuar trashë, por u përgjigjeshin<br />
nevojave të popullsisë; anijet e tyre qenë të ndërtuara me dru jo shumë të çmuar, por gjithsesi të<br />
përshtatshme për udhëtime oqeanike dhe mund të merreshin me qira më të ulët.<br />
Holandezët u bënë kështu “karrocierët e deteve” dhe transportonin mall të çdo lloji në gjithë detet<br />
e botës. Amsterdami, porti më i madh holandez, kaloi me shpejtësi nga 20.000 në 200.000<br />
banorë dhe, në pjesën më të madhe të shekullit, ishte qendra tregtare e botës dhe selia më e<br />
rëndësishme e bursës së Evropës.<br />
Lindën shoqëritë e lundrimit. Udhëtimet e gjata transoqeanike ishin plot rreziqe dhe asnjë<br />
tregtar s’mund t’i përballonte i vetëm. Në Holandë, ashtu si në Angli dhe më vinë në Francë,<br />
lindën Shoqëritë e mëdha Tregtare të Lundrimit, ku ortakët mblidhnin bashkë kapitalet për t’i<br />
investuar dhe për të nxjerrë fitime. Edhe qytetarët e zakonshëm mund të blinin aksione në një<br />
Shoqëri dhe të bëheshin ortakë (aksionet janë pjesë, ose më mirë kuota, të ndarjes së kapitalit).<br />
Shoqëritë, me mbrojtjen dhe lejen e shtetit, mund të pushtonin territore dhe të formonin koloni.<br />
Shoqëritë e lundrimit themelojnë koloni dhe bëjnë luftëra. Kështu Shoqëria holandeze e<br />
Indisë lindore vuri në zotërim bazat kryesore tregtare në jug-lindje të Azisë, duke dëbuar<br />
portugezët që qenë vendosur aty që në fillim të viteve 500. në Indonezi (harta faqe 119) pushtoi<br />
territore të gjera dhe i detyroi me dhunë popullsitë vendase të kultivojnë prodhimet e kërkuara në<br />
Evropë (erëza, kafe, pambuk).<br />
Në Amerikë, ku vepronte Shoqëria e Indisë perëndimore, holandezët krijuan koloni të<br />
ndryshme, ndër të cilat Amsterdami i Ri, në Atlantik. Por në vitin 1664 Holanda u mund nga<br />
Anglia në një luftë për rivalitet tregtar dhe ia dorëzoi Amsterdamin e Ri anglezëve, që e pagëzuan<br />
me emrin Nju Jork.<br />
4. Shndërrimet ekonomike të Anglisë<br />
Fillimi i revolucionit bujqësor. Shndërrimi ekonomik i Anglisë filloi në vitet 500, kur disa<br />
fisnikë të fshatit nisën të vënë në zotërim tokat e përbashkëta, pra pyjet dhe kullotat që deri<br />
atëherë bashkësitë e fshatarëve i përdornin për dru dhe për të kullotur bagëtitë. Pronarët e rinj e<br />
ndaluan hyrjen në këto toka dhe i rrethuan me gardhe e mure. Prej këtej morën emrin rrethime.<br />
Kjo i dëmtoi fshatarët më të varfër që s’mund të siguronin dru dhe s’mund të ushqenin falas dhitë