Create successful ePaper yourself
Turn your PDF publications into a flip-book with our unique Google optimized e-Paper software.
Pikërisht për të theksuar lidhjen e Moskës me Romën e Lashtë, Ivani IV (1533-1584) – një nga<br />
pasardhësit e Ivanit III – mori në vitin 1547 titullin car, që vjen nga latinishtja caesar dhe do të<br />
thotë pikërisht cezar, perandor. Ai ushtroi mbi shtetasit një pushtet të pakufishëm, që u quajt<br />
autokraci, duke pretenduar se vullneti i tij si sovran përkonte me vullnetin e Zotit.<br />
Të vetmit që iu kundërvunë carit ishin fisnikët, që quheshin bojarë, krerë ushtarakë dhe zotër të<br />
territoreve të gjera. Por kundër tyre Ivani IV, që e thërrisnin i Tmerrshmi, për mizorinë e tij,<br />
ndërhyri fuqishëm dhe egërsisht. Shfarosi një pjesë të madhe të tyre, dëboi me mijëra në zona të<br />
humbura dhe ua mori tokat të gjithëve. Tokat e konfiskuara ia shpërndau ushtarakëve dhe<br />
funksionarëve besnikë, që i shndërroi në një truprojë të fuqishme e të besuar dhe i shpërbleu me<br />
tituj fisnikërie.<br />
Për t’iu siguruar fisnikëve krahun e punës për të mbjellë tokat, cari ua hoqi çdo të drejtë<br />
fshatarëve dhe i detyroi t’i shërbenin përulësisht zotërinjve, duke i lidhur përjetë pas tokës. Që<br />
atëherë e deri në shekullin XIX fshatarët rusë ishin bujkrobër.<br />
Në vitin 1613 u ngjit në fronin e Rusisë Mihail Romanov, cari i parë i një dinastie që e mbajti<br />
pushtetin deri në vitin 1918.<br />
Cari Ivani IV plotëson formimin e shtetit rus dhe fillon krijimin e një perandorie që përfshinte edhe popuj<br />
jo sllavë.<br />
Hartë Perandoria moskovite: principata e madhe e Moskës (1462); pushtimet e Ivanit III i Madhi (1462-<br />
1505); pushtimet e Ivanit IV i Tmerrshmi (1533-1584).<br />
Fjalët kyç: kryeqytet, kapitalizëm tregtar ose komercial, bursë, koniunkturë, inflacion, shtet modern,<br />
burokraci, sheriat, autokraci, bujkrobër.<br />
Tryezë kronologjike: 1499 ardhja e Luigjit XII në Itali; shekulli XVI rritja e popullsisë dhe e çmimeve;<br />
1521-1559 lufta mes Francës dhe Spanjës për sundimin e Italisë dhe të Evropës, 1527 plaçkitja e Romës;<br />
1529 Turqit në dyert e Vjenës, 1559 paqja e Kato-Kambrisit 1571 beteja e Lepantos, fund shekulli XVI<br />
qendra e tregtisë ndërkombëtare zhvendoset nga Mesdheu në Atlantik.<br />
Organizo informacionet<br />
Duke përdorur të dhënat në vijim ndërto një grafik me kolona që të tregojë rritjen e popullsisë evropiane në<br />
periudhën 1450-1600. grafiku është filluar (përbri)<br />
Të dhënat<br />
1450=60 milionë banorë<br />
1500=70 milionë banorë<br />
1550=78 milionë banorë<br />
1600=90 milionë banorë<br />
Një periudhë kundërshtish<br />
1. Shoqëria e viteve 600 mes mjerimit dhe shkëlqimit<br />
Shoqëria është e ndarë në tri shtresa. Në vitet 600, ashtu si në Mesjetë, shoqëria ishte e ndarë<br />
në tri shtresa që mbaheshin si të pandryshueshme dhe të krijuara njëherë e përgjithnjë. Ato ishin<br />
kleri, fisnikëria dhe e ashtuquajtura shtresë e tretë, që përfshinte tërë pjesën tjetër të popullatës.<br />
Fisnikëria gëzon shumë privilegje. Fisnikët zotëronin pjesën më të madhe të pronave të tokës<br />
dhe gëzonin shumë privilegje: për shembull ishin të përjashtuar nga pagesa e shumë taksave,<br />
kishin të drejtë të mbulonin shumë funksione ushtarake dhe kishtare, mund të mbanin shpatë dhe<br />
të mbanin në shërbim njerëz të armatosur. Këto privilegje ishin një shpërblim për shërbimet që<br />
dikur fisnikëria i bënte mbretit, sidomos duke i dhënë ndihmë ushtarake në rast lufte. Me<br />
zhvillimin e ushtrive kombëtare të përhershme pushteti i fisnikëve u zbeh pjesërisht.<br />
Krahas fisnikërisë nga gjaku ekziston edhe një tjetër fisnikëri nga toga. Mes fisnikëve kishte<br />
grada të ndryshme.