Create successful ePaper yourself
Turn your PDF publications into a flip-book with our unique Google optimized e-Paper software.
Inflacioni<br />
Kërkesë e lartë-prodhim i pamjaftueshëm-rritja çmimesh-paraja humbet vlerën-inflacion.<br />
3. Evropa në luftë<br />
Në vitet 500 vendet evropiane buzë Atlantikut, pra Franca, Anglia, Spanja dhe më pak Portugalia,<br />
po shndërroheshin në shtete kombëtarë modernë. Qeveriseshin nga monarki të forta, kishin<br />
territore të gjera të bashkuara nga mbreti, kishin një burokraci (tërësia e funksionarëve që<br />
administrojnë shtetin) efikase dhe një ushtri të përhershme, që nuk shpërndahej as në kohë<br />
paqeje. Shtetasit kontribuonin për mbajtjen e funksionarëve dhe të ushtrisë nëpërmjet pagesës së<br />
taksave.<br />
Për të forcuar pushtetin e tyre mbretërit duhet t’i bënin ballë fisnikërisë së vjetër feudale dhe i<br />
kishin hequr kësaj të fundit disa privilegje. I qenë kundërvënë perandorisë, sepse siç thoshte<br />
mbreti i Francës, asnjë autoritet brenda një shteti nuk mund të qëndronte mbi mbretin. Nuk qenë<br />
dorëzuar as përpara papës, të cilit ia kishin hequr pushtetin dhe paratë, duke i vënë taksa pronave<br />
të Kishës.<br />
Ndërsa Italia ishte e ndarë në shumë shtete të vegjël dhe dobësia politike dhe ushtarake ishte e<br />
dukshme. Kishte qenë një nga qendrat më të mëdha të pasurisë së Evropës dhe kjo ishte një<br />
nga arsyet që ngjalli dëshirat për pushtim të fuqive të mëdha.<br />
Kështu, në vitet 500, Italia u bë pikësynim i sulmeve të huaja dhe u bë arenë e luftërave të<br />
përgjakshme. Shpesh ishin pikërisht princat italianë që kërkonin ndërhyrjen e huaj, të trembur se<br />
mos humbnin pushtetin karshi ndonjë rivali të tyre.<br />
Kjo ndodhi, për shembull, në vitin 1494, kur Ludoviku Zeshkan thirri në Itali mbretin francez<br />
Karlin VIII, gjë që u përsërit disa herë në dekadat që vijuan.<br />
Ende s’kishin kaluar pesë vjet nga ardhja e Karlit VIII (1494) kur kushëriri i tij, mbreti i ri i<br />
Francës Luigji XII, e provoi sërish aventurën italiane (1499), duke kërkuar përveç mbretërisë së<br />
Napolit, edhe trashëgiminë e dukatit të Milanos, si pasardhës i Viskontëve.<br />
Venediku u rreshtua në krah të tij dhe papa Aleksandri VI Borxhia nuk e pengoi, me shpresë se<br />
mbreti i Francës do të ndihmonte të birin Qezarin që të shtinte në dorë principatën e Romanjës.<br />
Pasoi një lëmsh i ngatërruar ngjarjesh politike dhe ushtarake që përfshinë thuajse të gjitha<br />
shtetet italiane, si dhe pretendentët kryesorë Francën dhe Spanjën. Në fund, në vitin 1516, këto<br />
dy fuqi të mëdha arritën një marrëveshje, në bazë të të cilit dukati i Milanos i mbeti francezëve<br />
dhe mbretëria e Napolit spanjollëve.<br />
Por baraspesha e arritur u prish nga një ngjarje e papritur. Në vitin 1519, duke blerë me floririn që<br />
i kishin dhënë hua bankierët Fuger votat e shtatë princave gjermanë që kishin në dorë zgjedhjen e<br />
perandorit (të quajtur “zgjedhësit e mëdhenj”), princi i ri Karli i Habsburgëve, mbret i Spanjës,<br />
mori kurorën mbretërore dhe u quajt Karli V.<br />
Fakti që titulli perandorak po i jepej derës së Habsburgëve nuk ishte ndonjë risi. Por perandori i ri<br />
përbënte rrezik për fuqitë e tjera evropiane, sepse zotërimet e tij ishin shumë të gjera. Karli<br />
kishte trashëguar nga gjyshërit prej nëne, Ferdinand i Aragonës dhe Izabela e Kastijës, Spanjën,<br />
kolonitë amerikane dhe territoret italiane (Napolin, Sicilinë, Sardenjën), nga gjyshërit prej babe<br />
vendet e Ulëta dhe toka të tjera, nga i ati pronat e Habsburgëve në Austri. Titulli perandor i<br />
Perandorisë së Shenjtë Romake gjermanike i mundësonte të kontrollonte edhe territoret gjermane.<br />
Më i kërcënuari nga pushteti i madh i Karlit ishte mbreti i ri i Francës, Fransua I, territoret e të<br />
cilit ishin të rrethuara nga të katër anët prej zotërimeve të perandorit. Rivaliteti mes Spanjës dhhe<br />
Francës u ndez sërish dhe filloi një luftë e re e përgjakshme (1521-59), që për shumë vite pati<br />
Italinë si arenë përleshjesh.<br />
Në konflikt u përfshinë tërë shtetet italiane, duke u rreshtuar herë me njërën dhe herë me tjetrën<br />
palë në luftim, fuqitë më të mëdha evropiane, madje edhe turqit osmanë. Fransuaja I, që mbante<br />
titullin mbret i betuar i krishterë, nuk ngurroi t’iu propozojë aleancë turqve, për ta vënë në<br />
vështirësi kundërshtarin.