You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
me kuaj, që vendasit nuk i njihnin dhe dyshonin se ishin të pavdekshëm; spanjollët kishin barka<br />
shumë më të shpejta se kanoet indiane.<br />
Pas pushtimit ushtarak, Meksika u bë koloni e Spanjës, pra një zotërim territorial ku spanjollët<br />
ushtronin sundimin e tyre politik, ushtarak, ekonomik dhe kulturor. Kolonia u quajt Nënmbretëria<br />
e Spanjës së Re.<br />
Në vitin 1532 i erdhi radha perandorisë inkase.<br />
Pushtuesit spanjollë, të udhëhequr nga Francisko Pizarroja, tërhoqën në një kurth mbretin inkas<br />
Atahualpa dhe, pasi e zunë rob, e detyruan të paguajë një haraç të madh në këmbim të lirisë.<br />
Duke shpresuar se mbretit do t’i shpëtonte jeta, inkasit mbushën me ar dhe argjend një dhomë<br />
thuajse shtatë metra të gjatë dhe pesë të gjerë. Por spanjollët nuk e mbajtën fjalën e dhënë: pasi e<br />
morën atë që deshën, e paditën Atahualpën për tradhti dhe e mbytën pasi e pagëzuan.<br />
Pas ekzekutimit të mbretit, Pizarroja kurorëzoi një mbret “kukull”, pra krejt të nënshtruar ndaj<br />
vullnetit të tij dhe marshoi në Kuzko, në kryeqytet. Edhe këtu, siç kishte ndodhur kundër<br />
aztekëve, spanjollët patën përparësi mbi vendasit për shkak të kuajve dhe armëve të zjarrit,<br />
dyshimi se të huajt ishin perëndi dhe kriza ku qe zhytur perandoria inkase, e dërrmuar nga luftërat<br />
civile mes pretendentëve për fron. Pas disa betejash, Pizarroja hyri në Kuzko (1533), duke u<br />
paraqitur si mbrojtësi i inkasit legjitim.<br />
Edhe perandoria inkase u bë një koloni spanjolle me emrin Nën-mbretëria e Perusë.<br />
Me pushtimin evropian, qytetërimet e indiosve u mbytën dhe u shkatërruan. Pasuria e tyre u<br />
grabit dhe u plaçkit; shumë vepra arti në ar dhe në argjend u shkrinë për t’i bërë lingota; kode dhe<br />
libra u dogjën. Gjuha e tyre, me shumë pak përjashtime, u zëvendësua nga spanjishtja dhe fetë u<br />
zëvendësuan nga krishterimi.<br />
Të tjerë pushtues spanjoll u shtynë në veri, deri në Florida dhe në jug deri në Kilin dhe<br />
Argjentinën e sotme. Brazili, në bazë të marrëveshjes së ndarjes, u bë koloni portugeze. Më vonë<br />
mbërritën në Amerikë edhe francezët, holandezët dhe anglezët, që shtinë në dorë shumë toka.<br />
Indiosit nuk u dorëzuan pa luftë dhe u bënë qëndresë pushtuesve. Disa prej tyre, si araukanët e<br />
Kilit, luftuan për shekuj të tërë dhe vetëm në vitin 1884 u nënshtruan plotësisht. Ata pak araukanë<br />
që mbetën e ruajnë ende gjuhën, zakonet dhe fenë.<br />
5. Popullsitë e Amerikës, Afrikës dhe Azisë pas pushtimit<br />
Siç shihet në grafik, pushtimi u shoqërua me një rënie të madhe demografike të popullsive<br />
amerinde, pré të indigjenëve të Amerikës. Shumë indios u masakruan gjatë luftërave për<br />
pushtim, por një numër shumë më i madh humbi jetën për shkak të keqtrajtimeve të pësuara. Kur<br />
më në fund thesarët që iu rrëmbyen indiosve shteruan, spanjollët i detyruan këto popullsi të<br />
punojnë falas për ta, në miniera dhe plantacione, hapësira të gjera toke ku kultivohej një produkt<br />
i vetëm.<br />
Por sidomos amerindët vdiqën për shkak të sëmundjeve infektive që sollën me vete evropianët,<br />
si tifoja, lija etj, ndaj të cilave organizmi i tyre nuk ishte mësuar të bënte qëndresë. Gjatë rrethimit<br />
të Tenochtitlan-it aztekët u shfarosën nga lija dhe një epidemi e rëndë që qarkullonte mes inkasve<br />
pas mbërritjes së Pizarros. Numri i madh i të vdekurve u interpretua nga fitimtarët dhe të<br />
mundurit si ndëshkim hyjnor dhe shenjë se Zoti ishte në anën e spanjollëve.<br />
Qenë të shumtë ata, sidomos nga radhët e misionarëve, që e kundërshtuan trajtimin çnjerëzor që<br />
iu bë indiosve. Ndër ta më i njohuri është frati domenikan Bartolomeo de Las Kazas, që paditi<br />
mizorinë e pushtuesve dhe i mbrojti amerindët nga akuzat për inferioritet, me të cilat evropianët<br />
përligjnin nënshtrimin e atyre popujve.<br />
Shfarosja e indiosve, e shkaktuar nga luftërat, keqtrajtimet dhe sidomos nga sëmundjet ngjitëse,<br />
nuk ishte një tragjedi vetëm për Amerikën, por edhe për Afrikën. Evropianët nisën të sjellin në<br />
kolonitë e tyre mijëra e mijëra skllevër afrikanë, që u morën me forcë nga tokat e tyre dhe u<br />
sollën aty për të zëvendësuar krahun e punës amerind, përherë e më të paktë e të dobësuar.<br />
Tregtia e skllevërve, pra shitblerja e popullsive të tëra të Afrikës, nisi në shekullin XV, pak vite