Create successful ePaper yourself
Turn your PDF publications into a flip-book with our unique Google optimized e-Paper software.
tregimeve të Marko Polos dhe që shpresonte ta takonte. Kishte marrë me vete edhe disa arka me<br />
zilka, pasqyra dhe perla xhami që t’i përdorte për shkëmbi ose për dhurata.<br />
Guximi i Kolombit është për t’u admiruar. Ai udhëtonte drejt së panjohurës, sepse në të vërtetë<br />
askush nuk e kishte provuar që Toka është e rrumbullakët dhe as ai vetë s’mund të ishte i sigurt<br />
që në kufij të oqeanit nuk fillonte zbrazëtia. Sigurisht që Kolombi ishte një lundërtar i madh:<br />
njihte drejtimin e erërave dhe diti t’i shfrytëzojë me mjeshtëri. Fillimisht mori drejtimin e jugut,<br />
drejt Kanarieve (dhe jo drejtpërdrejt në perëndim, siç kishin bërë të tjerët që nuk ishin kthyer më);<br />
këtu ndenji thuajse një muaj, pastaj u nis drejt perëndimit, për në det të hapur: duhet të kalonin<br />
plot 37 ditë që ekspedita të shihte sërish tokë. Ishin ditë të tmerrshme, pasi uji dhe ushqimet po<br />
mbaronin dhe marinarët ishin aq të frikësuar sa për pak desh ngritën krye që të ktheheshin<br />
mbrapsht.<br />
Më në fund njëra prej anijeve lajmëroi me një të shtënë topi se kishte parë tokë. Ishte 12 tetor<br />
1492. Kolombi zbarkoi në një ishull të vogël që vendasit e quanin Guanahani dhe e ripagëzoi me<br />
emrin San Salvador: sot quhet Uetling dhe bën pjesë në arkipelagun e Bahamasit. I bindur që<br />
kishte arritur në Indi, Kolombi i quajti indianë banorët e ishullit (ose indios, në spanjisht) dhe me<br />
këtë emër u quajtën më pas banorët e Amerikës.<br />
Gjatë ekspeditave që vijuan – bëri katër të tilla – Kolombi zbuloi Venezuelën dhe Amerikën<br />
qendrore. Gjatë udhëtimit të tretë e kuptoi që kishte mbërritur në një “botë tjetër”, por ai<br />
mendonte se ndodhej në jug të Azisë. Ai nuk e mësoi kurrë që kishte zbuluar Amerikën.<br />
Pas kthimit nga udhëtimi i parë Kolombi u prit në Spanjë si një triumfator. Por pas viteve të para<br />
të entuziazmit, spanjollët i pllakosi zhgënjimi. Ata kishin besuar se do të nxirrnin fitime të mëdha<br />
nga ekspeditat përtejoqeanit. Por në vendet e zbuluara nga Kolombi ishte gjetur një sasi e vogël<br />
ari, nuk ishin ato sasi ari dhe ato pallate me kupola ari që kishte përshkruar Marko Poloja, por<br />
kasolle me çati kallami dhe në vend të tregtarëve të pasur kishte vetëm indigjenë lakuriq, me të<br />
cilët nuk merreshe dot vesh. Prestigji i Kolombit në oborr nisi të zbehet. Sovranët i besuan<br />
njerëzit që e padisnin Kolombin se nuk kishte ditur t’i administronte tokat e reja dhe kësisoj ky i<br />
fundit pësoi zhgënjime të mëdha dhe kaloi çaste të hidhëruara. Kur vdiq, në vitin 1506, ishte<br />
thuajse i varfër dhe i harruar.<br />
Mbërritja e Kolombit në ishullin e Hispanolias në një ksilografi që tregon vendasit, Santa Maria në radë<br />
dhe një barkë që i afrohet tokës. Ilustrimi është marrë nga një botim i vitit 1493 nga letra e Kolombit e<br />
quajtur De Insulis Indie Inventis (Zbulimi i ishujve indianë) e shtypur në Bazil.<br />
3. Udhëtimet e zbulimit të Botës së Re<br />
Amerika nuk e mori emrin nga Kolombi që e zbuloi, por nga një tjetër lundërtar italian, Amerigo<br />
Vespuçi, që kreu një udhëtim të rëndësishëm zbulimi mes shekujve XV-XVI. Amerigo Vespuçi<br />
ishte ndoshta i pari që e kuptoi se Amerika përbënte jo vetëm një botë të re, të panjohur për<br />
evropianët, por një kontinent më vete, të ndarë nga Azia. Për nder të tij një gjeograf gjerman<br />
propozoi që bota e re të quhej Amerikë, pra “toka e Amerigos”. Por duhet thënë që deri në<br />
shekullin XVIII ende ishte në përdorim emri India perëndimore.<br />
Ndërkaq po organizoheshin ekspedita të reja. Venedikasit Xhovani dhe Sebastiano Kaboto,<br />
duke udhëtuar për llogari të Anglisë, mbërritën në vitin 1497-98 në ishullin e Terranovës dhe në<br />
Kanada, ndoshta në të njëjtat toka ku, shekuj më parë, kishin zbarkuar lundërtarët vikingë, një<br />
aventurë e çartur, por pa përfitime praktike. Në vitin 1500 portugezi Pedro Alvaro Kabral, që<br />
ishte nisur në drejtim të Indisë në rrugën e përshkuar nga Vasko de Gama, mbërriti në Brazil,<br />
ndoshta i shtyrë nga erërat e forta dhe e vuri atë në zotërim në emër të Portugalisë.<br />
Prova përfundimtare se bota ishte e rrumbullakët erdhi nga udhëtimi i portugezit Ferdinando<br />
Magelan. Sipas idesë së vjetër të Kolombit, ai donte të arrinte në lindje duke lundruar drejt<br />
perëndimit. Por ishte e nevojshme të zbulohej një kalim midis Atlantikut dhe oqeanit misterioz që<br />
shtrihej matanë Amerikës.