You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Në Francë, atdheu i Joan Kalvinos, doktrinat kalviniste shpejt fituan terren krahas atyre katolike<br />
(harta në faqen 93). Uniteti fetar u prish dhe bashkë me të vendi për pak humbi edhe unitetin<br />
politik. Në fakt si katolikët ashtu dhe kalvinistët – që në Francë u quajtën hugenotë – ishin<br />
plotësisht të bindur se feja e tyre ishte e vetmja e vërtetë dhe tregoheshin intolerantë karshi njëritjetrit.<br />
Disa familje të mëdha të fisnikërisë franceze u rreshtuan në krah të katolikëve (për<br />
shembull, familja e Guizës) dhe disa të tjera në krah të hugenotëve (për shembull, Burbonët) dhe<br />
nën udhëheqjen e tyre politike dhe ushtarake, të dyja palët u ndeshën për plot tridhjetë e gjashtë<br />
vjet, nga viti 1562 deri në 1598, në një luftë të ashpër civile.<br />
Ngjarja më mizore ndodhi në gusht 1572, kur hugenotët, që mbërritën në Paris pas dasmës së<br />
kreut të tyre Henriku i Burbonëve, u masakruan tradhtisht në natën e Shën Bartolomeut. Vetëm<br />
në kryeqytet u vranë thuajse 3000 vetë, por masakra u zgjerua në mbarë Francën.<br />
Konflikti i përgjakshëm nisi të marrë zgjidhje vetëm kur Henriku IV, pra hugenoti Henrik i<br />
Burbonës, u bë mbret i Francës. Ai hoqi dorë nga besimi i tij dhe u konvertua në katolik, duke i<br />
dhënë fund masakrave dhe duke sjellë paqen në Francë. Në vitin 1598, me editin e Nantës,<br />
Henriku u njohu hugenotëve të drejtën për të ushtruar fenë e tyre thuajse lirisht: për herë të parë<br />
pranohej brenda një mbretërie ekzistenca e dy feve të ndryshme.<br />
Ndërsa në Spanjë nuk pati kurrfarë tolerance fetare; këtu sundonte Filipi II, bir i Karlit V, prej<br />
vitit 1556.<br />
Në gjysmën e dytë të viteve 500, Filipi ishte mbreti më i fuqishëm i Evropës. Kishte trashëguar<br />
Spanjën, Vendet e Ulëta, zotërimet italiane dhe kolonitë e Amerikës. Në vitin 1580 kishte marrë<br />
kurorën e Portugalisë, mbreti i së cilës kishte vdekur pa lënë trashëgimtarë dhe bashkë me të<br />
zotërimet portugeze në Amerikë, Azi dhe Afrikë. I përkisnin edhe ishujt e Paqësorit të pushtuara<br />
nga spanjollët në vitin 1569 dhe që për nder të tij u quajtën Filipine.<br />
Filipi ishte besimtar shumë i devotshëm. Në pushtetin e tij të madh ai shihte mjetin që Zoti i<br />
kishte besuar për të mbrojtur krishterimin – ose më saktë katolicizmin – nga tërë armiqtë:<br />
heretikët, turqit, protestantët.<br />
Ende kishte në Spanjë pakica hebrenjsh dhe myslimanësh. Filipi II që nuk donte të ishte “mbret i<br />
heretikëve”, i përndoqi mizorisht. Veçanërisht i ashpër u tregua kundër moriskosve, myslimanëve<br />
të detyruar të ndërronin fe, që kishin ruajtur gjuhën, veshjet dhe shpesh edhe ritet e fesë së tyre.<br />
Ata që i shpëtuan vdekjes u shitën si skllevër ose u dëbuan.<br />
Në Mesdhe Filipi luftoi kundër piratëve berberë (në veri të Afrikës), aleatë të sulltanit të<br />
Kostandinopojës; njëherësh u përpoq të luftojë sundimin turk në Mesdhe. Siç e dimë, Spanja,<br />
Venediku dhe të tjera shtete të vogla kristiane të bashkuara në Lidhjen e Shenjtë i shkaktuan<br />
humbje të rëndë flotës osmane në gjirin e Lepantos. Sa për protestantizmin, fetë reformatore nuk<br />
hodhën dot rrënjë në Spanjë, gjithsesi Filipi II ndërhyri në ndihmë të katolikëve francezë kundër<br />
hugenotëve dhe u përpoq të shtypë herezinë në Vendet e Ulëta, ku kalvinizmi po përhapej me<br />
shpejtësi.<br />
Masakra e Shën Bartolomeut e vitit 1572 në një pikturë të kohës që tregon mizorinë e masakrave që<br />
zgjatën disa ditë dhe nuk kursyen as fisnikë, as zejtarë, as gra dhe fëmijë.<br />
5. Filipi II dhe Elisabeta I, rivalë në politikë dhe në fushën e fesë<br />
Përndjekjet kundër heretikëve, që u kryen me bekimin e Filipit II, në Vendet e Ulëta<br />
ngjallën indinjatën e pjesës më të madhe të popullatës, sidomos të borgjezëve të pasur të<br />
qytetit të konvertuar në kalvinistë jo shumë kohë më parë. Arsye të tjera për protestë ishin<br />
edhe taksat e rënda dhe administrata e keqe spanjolle. Pakënaqësia e përgjithshme<br />
shpejt u shndërrua në një luftë të hapur, që njëherësh ishte një luftë fetare mes katolikëve<br />
dhe kalvinistëve dhe luftë për pavarësi politike të vendit nga Spanja.