You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Protagonistët (humanistët, shpikësit – Gutenberg,nartistët – Mikelanxhelo, astronomët – Kopernik,<br />
mecenatët, oborrtarët...)<br />
Krijo një ide për temën:<br />
1.Mecenatët. Gonzagat, të paraqitur në afreskun e Andrea Mantenjit, si dhe shumë princa dhe papë,<br />
mbrojtën dhe u bënë mikpritës të shumë artistëve, duke financuar veprat e tyre madhështore.<br />
2.Artistët si Leonardo Da Vinçi bashkë me njerëzit e letrave, studiues dhe shkencëtarë të Rilindjes, deshën<br />
të ringjallin qytetërimin e lashtë greko-romak dhe t’i japin jetë një epoke të re, klasike dhe të krishtere<br />
njëherësh.<br />
1. Rilindja, lëvizje kulturore<br />
Sido që në Mesjetë jeta e njerëzve sundohej nga mendimi fetar, nga luftërat, sëmundjet, dhe<br />
katastrofat natyrore, që konsideroheshin si ndëshkime të shenjta, në vitet 1300-1400 nisi të<br />
zhvillohet një kulturë laike – pra jo fetare – që interesohet më shumë për njeriun, për jetën<br />
tokësore. Ndërkohë shoqëria vazhdonte të ishte e ndarë në tri shtresa (kleri, fisnikët dhe<br />
fshatarët), që përcaktoheshin si vullnet i Zotit. Megjithëse studimet e asaj kohe bazoheshin në<br />
shkrimet e shenjta dhe interesoheshin sidomos për shpëtimin e shpirtit kultura e re, që po lindte,<br />
nuk diskutonte më për dogmat e besimit, por lartësonte vlera të tilla si lavdia, arti, dija, pushteti,<br />
bukuria, dashuria për jetën etj.<br />
Kjo lëvizje e re kulturore lindi në Itali dhe u përhap në mbarë Evropën, duke arritur zhvillimin e<br />
vet më të madh në vitet 1500. Ajo nuk u bë dot një lëvizje e gjerë popullore, por u kufizua në një<br />
numër të ngushtë njerëzish, kryesisht artistë, letrarë, princa dhe fisnikët e rinj.<br />
Studiuesit e kësaj kulture të re lartësojnë madhështinë e kulturës greko-romake, duke i dhënë hov<br />
rilindjes së qytetërimit. Kështu, periudha historike e shekullit XV u quajt Rilindje. Te njerëzit e<br />
letrave zuri të rrënjoset dashuria për autorët klasikë grekë dhe latinë. U gjetën në manastire<br />
dorëshkrimet e harruara, vepra që pandeheshin si të humbura, për t’i nxjerrë edhe njëherë në dritë.<br />
Atë kohë, krahas latinishtes, u shtua edhe greqishtja, pasi shumë letrarë grekë kishin ardhur në<br />
Itali pas rënies së Kostandinopojës.<br />
Studiuesit e kulturës klasike janë quajtur humanistë. Humanizmi është quajtur periudha fillestare<br />
e Rilindjes dhe është thuajse e gjithë italiane. Te shkrimtarët grekë dhe latinë humanistët shikojnë<br />
mjeshtrit e mendimit dhe të angazhimit në jetën e kohës së tyre, duke qenë magjistratë, noterë,<br />
historianë, njerëz të oborrit dhe qeveritarë.<br />
Shpikja e shtypit në atë kohë, vepër e argjendarit gjerman Johanes Gutenberg, ndihmoi shumë në<br />
përhapjen e kulturës, pasi prodhohej një numër i madh kopjesh identike të të njëjtit libër, në kohë<br />
shumë më të shkurtër dhe me kosto të ulët. Bibliotekat u shtuan dhe u pasuruan me vëllime.<br />
Gjetja e lehtë e librave ndihmoi në lindjen dhe qarkullimin e ideve të reja.<br />
2. Arti<br />
Arti fillon të paraqesë sërish njeriun dhe natyrën, që Mesjeta i kishte lënë në harresë.<br />
Në pikturat me subjekt fetar, zë vend edhe njeriu i thjeshtë, jo shenjtori, ose thjesht porositësi i<br />
tablosë. Nuk ka më sfonde të artë, si në vitet 1200, por peizazhe të gjera e plot detaje. Në vitet<br />
1400 dhe 1500 realizohen shumë vepra me subjekt jo të shenjtë, portreti u kthye në modë, ku<br />
sovranë, prijës luftarakë, papë, njerëz të Kishës, fisnikë dhe tregtarë bënin portretet e tyre, duke<br />
nxjerrë në pah simbolet e pushtetit, pasurinë (veshjet e çmuara), trimërinë (armë), mëshirën fetare<br />
dhe dashurinë për kulturën.<br />
Edhe teknikat artistike u përtërinë. Në Itali, piktorët dhe skulptorët studiuan përpjesëtimet e<br />
trupit të njeriut dhe përdorën persona realë si modele. Disa studiuan dhe i bënë prerje kufomave<br />
për të njohur më mirë anatominë (strukturën) e trupave. Por zbulimi i madh i kohës është<br />
perspektiva. Tablotë mesjetare i rrafshonin vëllimet dhe nuk jepnin idenë e largësisë dhe të<br />
thellësisë. Rregullat e perspektivës, të përshkruara nga arkitekti fjorentin Filipo Bruneleski dhe