Create successful ePaper yourself
Turn your PDF publications into a flip-book with our unique Google optimized e-Paper software.
Përplasja i dobësoi që të dy dhe ndërkaq, duke përfituar nga situata e favorshme, krijohen<br />
realitete të reja politike. Ato janë: monarkitë e mëdha, komunat, principatat në luftë për<br />
autonomi.<br />
Mesjeta: Ngjarjet kryesore<br />
Mbretëritë romako-barbarike<br />
Në shekujt e parë të mesjetës, në territoret që dikur i përkisnin perandorisë së perëndimit, u<br />
formuan mbretëri të shumta, të quajtura romako-barbarike (ose romano-gjermanike) sepse në të<br />
ishin të pranishme dy popullsi dhe dy kultura, romake dhe gjermanike. Të gjitha këto mbretëri<br />
patën jetë të shkurtër, me përjashtim të asaj të frankëve.<br />
Kisha dhe murgjëria<br />
Në periudhën e pushtimeve, ndërkohë që perandoria shpërbëhet, autoriteti i Kishës mbetet i<br />
pacënuar dhe meqë shteti mungon ose është i paaftë, ajo merr edhe detyra politike, si sigurimi i<br />
ushqimeve apo mbrojtja e qyteteve. Murgjit benediktinë përhapin krishtërimin në fshatra, ende<br />
pjesërisht pagane dhe në manastiret e tyre transkriptojnë tekstet e lashta duke i shpëtuar nga<br />
shkatërrimi.<br />
Perandoria e Shenjtë Romake<br />
Në shekullin VIII një mbret frank, Karli i Madh, shtrin sundimin e tij në pjesën më të madhe të<br />
Evropës dhe i kthen bashkimin perëndimit: për këtë arsye, ditën e Krishtlindjeve të vitit 800, papa<br />
e kurorëzon perandor. Në territoret e perandorisë së tij, Perandoria e Shenjtë Romake, jetojnë<br />
vetëm popuj të krishterë dhe, pas shekujsh braktisje, në Evropë hapen shkollat dhe lulëzon sërish<br />
kultura. Perandoria e gjerë administrohet nga njerëz besnikë të Karlit dhe të lidhur me të me nhjë<br />
pakt besnikërie: vasalët. Në këmbim të shërbimeve të tyre, sovrani u siguron mbrojtje dhe një<br />
zotërim të përkohshëm, që më pas u quajt feud.<br />
Zotërinjtë e kështjellave<br />
Në shekullin IX-X Evropa kërcënohet nga mësymjet e normanëve, hungarëve dhe saraçenëve.<br />
Meqë mbreti është i dobët dhe ndodhet larg, zotërinjtë e fuqishëm vendas ndërtojnë kështjella<br />
dhe marrin mbi vete pushtetin e sovranit, që më pas e ushtrojnë mbi popullsinë. Fillimisht feudet<br />
e mëdhenj dhe më pas të vegjëlit, bëhen të trashëgueshëm dhe qendra të shumta pushteti<br />
zëvendësojnë autoritetin e vetëm qendror, atë të mbretit.<br />
Evropa e krishterë në vitin 1000<br />
Rreth vitit 1000 perandoria karolinje nuk ekziston më. Në vend të saj lindi Perandoria e Shenjtë<br />
Romake Gjermanike (shekulli X), që përfshin Gjermaninë dhe një pjesë të Italisë dhe shumë<br />
mbretëri të tjera, që do të jenë zanafilla e kombeve të ardhshëm evropianë. Në Evropën e re<br />
elementët e bashkimit janë krishtërimi dhe kultura e përbashkët latine (latinishtja ishte gjuha e<br />
të diturve dhe e Kishës). Në anën tjetër të Mesdheut shtrihet perandoria islame, që arabët dhe<br />
myslimanët e kanë ngritur në shekullin VII, me një shpejtësi mbresëlënëse.<br />
Rimëkëmbja në Mesjetën e Vonë. Mesjeta e Vonë (shekulli XI-XV) fillon me një periudhë<br />
begatie, gjatë së cilës popullsia rritet, tokat kultivohen dhe rritet prodhimi bujqësor; qytetet<br />
gjallërohen pas shekujsh të tërë rrënimi dhe lulëzon sërish tregtia dhe tregjet.<br />
Zgjerimi i Evropës së krishterë<br />
Pas vitit 1000 Evropa në rimëkëmbje zgjerohet në territoret e islamit. Shtetet e krishtera të<br />
Spanjës veriore fillojnë ripushtimin e gadishullit iberik dhe i dëbojnë arabët brenda kufijve të