Create successful ePaper yourself
Turn your PDF publications into a flip-book with our unique Google optimized e-Paper software.
Tashmë më 1890-ën ekzistonin njëqind fabrika që funksiononin me makineri me<br />
avull dhe në vitet e para të shekullit njëzet mjaft industri furnizoheshin me rrymë nga<br />
hidrocentralet e shumta në numër, që shfrytëzonin forcën e përrenjve malorë. Mëndafshi<br />
japonez pushtoi tregjet evropiane, ndërsa pëlhurat prej pambuku hynë në konkurrencë me<br />
ato angleze. U ngritën fabrika armësh dhe kantiere detare; një rrjet linjash hekurudhore,<br />
telegrafike dhe telefonike nisi të lidhte shpejt qytetet kryesore japoneze. Njëlloj si në<br />
Evropë dhe Amerikë u formuan trustet, shumica dërrmuese e të cilave u vu nën kontrollin<br />
e daimyo të lashtë, zotërinjve feudalë që qenë shndërruar në sipërmarrës.<br />
Zgjerimi territorial japonez • Për shkak të domosdoshmërisë së sigurimit të<br />
lëndëve të para të cilat mungonin në vend (hekuri dhe nafta sidomos), e detyruar nga<br />
zhvillimi industrial i saj, Japonia u nxit të zgjeronte territorin e saj, në kurriz të vendeve<br />
të tjera që furnizoheshin prej saj.<br />
Në vetëm dhjetë vjet, nga 1894 gjer më 1905-ën, ajo zhvilloi dhe fitoi dy luftëra,<br />
të parën kundër Perandorisë Kineze, kurse të dytën kundër Perandorisë Ruse, dhe pushtoi<br />
ishullin e Formozës, Mançurinë jugore dhe Korenë.<br />
Kësisoj, Perandoria Japoneze dha prova se ishte shndërruar në një fuqi industriale<br />
dhe ushtarake të madhe e kërcënuese.<br />
Perandoria koloniale britanike • Nga gjithë perandoritë koloniale më e madhja<br />
ka qenë ajo britanike. Në fillim të shekullit njëzet ajo shtrihej në 20% të sipërfaqes së<br />
steresë dhe përfshinte pothuajse 23% të popullsisë botërore. Një zinxhir bazash ushtarake<br />
që qenë vendosur përgjatë itinerareve kryesorë detarë u siguronte anglezëve kontrollin e<br />
tregtisë ndërkombëtare. Në Kanada, Australi, Zelandën e Re dhe Afrikën e Jugut<br />
Britania e Madhe kishte krijuar koloni të paana në të cilat jetonin një numër i madh të<br />
bardhësh, sidomos me prejardhje angleze (koloni popullzimi). Copëtimi në tryezë i<br />
Afrikës i njihte Anglisë zotërimin e një korridori të gjatë tokash të cilat – vetëm me një<br />
ndërprerje – shkonte “nga Kairoja gjer në Kep”, domethënë nga Egjipti deri në pikën më<br />
jugore të kontinentit afrikan.<br />
Por zemra e Perandorisë Britanike, kolonia më e rëndësishme për ekonominë<br />
angleze ishte India që prej shekujsh ishte tregu kryesor aziatik dhe thithte deri në 45% të<br />
prodhimeve të pambukta angleze.<br />
Sundimi kolonial i Anglisë mbi kontinentin indian kishte nisur aty nga gjysma e<br />
shekullit të tetëmbëdhjetë me pushtimin e rajonit të madh e të pasur të Bengalit nga ana e<br />
East India Company. Nga Bengali pushtimi territorial u shtri, pak nga pak, thuajse në tërë<br />
Gadishullin Indian. Më 1803-shin u shtrëngua të merrte rrugën e mërgimit perandori i<br />
fundit i dinastisë Mogol, e cila sundonte në Indi qysh nga shekulli XVI, dhe në gjysmën e<br />
dytë të shekullit nëntëmbëdhjetë, duke larguar Kompaninë e Indive, monarkia britanike<br />
mori drejtpërdrejt në dorë qeverinë e kolonisë: më 1877-ën mbretëresha Viktoria (1837-<br />
1901) u shpall Perandoreshë e Indisë.<br />
4 “Fati i dukshëm” perandorak i Shteteve të Bashkuara të Amerikës<br />
Edhe Shtetet e Bashkuara të Amerikës fillojnë politikën e zgjerimit • Aty nga<br />
fundi i shekullit të nëntëmbëdhjetë SHBA-të qenë bërë tashmë fuqia e parë ekonomike<br />
botërore. Mjaft intelektualë dhe politikanë amerikanë ishin të mendimit se detyra e<br />
vendit të tyre ishte çuarja e qytetërimit dhe përparimit botës. Gazetarët nacionalistë