Create successful ePaper yourself
Turn your PDF publications into a flip-book with our unique Google optimized e-Paper software.
Idetë e Darvinit gjejnë zbatim te dukuritë shoqërore • Evolucioni i llojeve të<br />
gjalla ishte një zbulim i një rëndësie të madhe. Prapëseprapë, vlefshmëria e saj shkencore<br />
kufizohej në lëmin biologjik, e cila është shkenca që merret me studimin e qenieve të<br />
gjalla. Por teoritë e Darvinit u zbatuan te dukuritë shoqërore që lindën ideologjinë e<br />
darvinizmit shoqëror. Sipas përkrahësve të këtyre teorive edhe në shoqërinë njerëzore<br />
ndodh një përzgjedhje natyrore, që i dallon individët dhe popujt që janë paracaktuar për<br />
të sunduar ata që janë paracaktuar që të jenë të shtypur.<br />
“Darvinizmi shoqëror” mund të shprehet në këtë mënyrë:<br />
a) ai shpjegonte gjendjen e asaj se kur të pasurit dhe të pushtetshmit,<br />
shfrytëzonin të dobëtit dhe të varfrit, nuk bënin tjetër veçse ndiqnin ligjin e<br />
natyrës. Kështu që pabarazitë shoqërore paraqiteshin si domosdoshmëri të<br />
natyrshme dhe të pashmangshme;<br />
b) në marrëdhëniet ndërkombëtare përligjte sundimin e shteteve më<br />
të fuqishme ekonomikisht dhe më të përparuara ndaj atyre që nuk ishin të tilla.<br />
Teoritë raciste mbështetin epërsinë e racës së bardhë • Epërsia e racës së<br />
bardhë u cilësua një e vërtetë e provuar shkencërisht. Në të vërtetë, teoritë raciste, që te<br />
lloji njerëzor mbështetnin ekzistencën e racave superiore dhe atyre inferiore, nuk kishin<br />
asnjë vlefshmëri shkencore; megjithatë, ato u përhapën dhe u rrënjosën, për të<br />
mbështetur shtrirjen koloniale evropiane dhe si justifikim i shfrytëzimit të popujve të tjerë<br />
nga ana e të bardhëve.<br />
Për shembull, përkrahej ideja se Europa e kishte për detyrë që të mos i braktiste<br />
popujt që ishin më pak të zhvilluar: përkundrazi, ajo duhej t’i edukonte, t’i mësonte të<br />
fitonin kohën e humbur, duke u mësuar rregullat e qytetërimit. Nëpërmjet këtyre<br />
bindjeve u arrit në gjykimin se ishte normale që afrikanët, indianët apo kinezët të<br />
trajtoheshin si skllevër dhe të shfrytëzoheshin si fuqi punëtore me çmim të lirë nëpër<br />
plantacione dhe industri.<br />
Por racizmi nuk është se u ndal këtu. Ai thoshte se edhe brenda racës së bardhë<br />
ishte e mundur të bëheshin dallime. Sipas disave grupi superior ishte trungu gjerman, në<br />
të cilën raca e bardhë, e quajtur edhe “ariane”, ishte ruajtur në vazhdën e shekujve.<br />
Antisemitizmi qysh në fund të shekullit të nëntëmbëdhjetë në Evropën perëndimore filloi<br />
të themelohej në bindjen se hebrenjtë i përkitnin një race inferiore.<br />
Fjalë kyç: demokraci, Zgjedhje të përgjithshme, reformë, sufrazhist (dikush që lufton për të drejtën e<br />
votës), shtet asistencial apo Ëelfare State, parti, shumicë parlamentare, ideologji, nacionalizëm, etni, pakicë<br />
etnike, përzgjedhje natyrore, darvinizëm social.<br />
Tryeza kronologjike: 1859: Darvini boton Evolucioni i specieve; 1883-1889-ligjet sociale në Gjermani;<br />
1906-1914- Ligjet sociale në Angli; 1912-zgjedhje të përgjithshme për meshkujt në Itali; 1918-Zgjedhje për<br />
meshkujt në Angli dhe për femrat (mbi 30 vjeç); 1945-zgjedhje për femrat në Itali.<br />
Idetë kryesore<br />
Në shekullin XX forma e qeverisjes së një numri të madh vendesh evropiane është demokracia, por<br />
qeveritarët përpiqen ta kufizojnë numrin e zgjedhësve (nuk votojnë gratë, analfabetët, të rinjtë dhe të<br />
varfërit).<br />
Në shumë shtete demokratike qeveritarët bëjnë reforma shoqërore: lind Shteti asistencial.<br />
Lindin partitë e masës që u drejtohen masave të gjera të popullsisë.<br />
Shteti i jep vlerë tipareve të përbashkëta të popullsisë që banon në territorin e tij (gjuha, historia, feja,<br />
traditat etj) dhe ndërton kombin, duke edukuar dashurinë për atdheun.<br />
Ndonjëherë një ndjenjë e tepruar dhe agresive e identitetit kombëtar shndërrohet në nacionalizëm.