Create successful ePaper yourself
Turn your PDF publications into a flip-book with our unique Google optimized e-Paper software.
për punëtorë që të punonin nëpër fabrika dhe lëvizja për zhdukjen e skllavërisë ishte<br />
jashtëzakonisht e fortë.<br />
Për më tepër, në ndryshim nga pronarët jugorë të tokave, sipërmarrësit e veriut kërkonin<br />
marrjen e masave proteksioniste, me qëllim mbrojtjen e industrisë së tyre nga konkurrenca<br />
evropiane.<br />
Lufta e secesionit (shkëputjes, ndarjes) • Kundërshtitë që ekzistonin mes veriut dhe<br />
jugut u ashpërsuan më 1860-ën, kur president u zgjodh Abraham Linkolni, përfaqësues i Partisë<br />
Republikane, që ishte kundër shtrirjes së sistemit të skllavërisë edhe në territorin perëndimor, që<br />
atëherë ishte në kolonizim e sipër.<br />
Njëmbëdhjetë shtete të jugut vendosën të largoheshin nga Bashkimi duke shpallur<br />
secesionin (domethënë ndarjen, shkëputjen), duke i dhënë kështu jetë një konfederate autonome,<br />
me një president tjetër. Ky vendim shënoi fillimin e një lufte civile të përgjakshme, që u quajt<br />
“lufta e secesionit”, e cila zgjati pesë vjet dhe kushtoi më shumë se gjysmë milioni jetë njerëzore.<br />
Në fillim të luftë trupat jugore fituan epërsi, por më pas situata ndryshoi në favor të<br />
shteteve të veriut, që kishin një ushtri më të madhe në numër dhe më të mirëpajisur. Pasi<br />
mësymja e jugorëve dështoi në Getisburg (1863), trupat e veriorëve nisën të depërtonin gjithnjë e<br />
më thellë në territorin e konfederatës dhe në prill të 1865-ës i detyruan kundërshtarët e tyre të<br />
dorëzoheshin. Pikërisht atë vit në Shtetet e Bashkuara të Amerikës skllavëria u shfuqizua.<br />
Revolucioni Industrial Amerikan • Pas luftës së secesionit ekonomia amerikane hyri në<br />
një fazë zgjerimi të madh.<br />
Në themel të zhvillimit ekonomik vend të parë zinte shtimi i popullsisë, që në një shkallë<br />
të madhe i detyrohej ardhjes së masave të mëdha të emigruarve – më shumë se 20 milionë nga<br />
1880 deri më 1910 – që në pjesën më të madhe të tyre vinin nga Evropa, por edhe nga Kina dhe<br />
Japonia. Emigrimi i dendur i zmadhoi qytetet.<br />
Ligjet proteksionist që patën dalë pas përfundimit të luftës civile i dhanë shtysë<br />
ekonomisë së veriut. Por, industrializimin e Shteteve të Bashkuara të Amerikës e favorizoi mbi të<br />
gjitha bollëku i madh i lëndëve të para.<br />
Për shfrytëzimin e burimeve minerare të pafundme të vendit u ngritën kilometra të tëra<br />
vijë hekurudhore, që transportonin nëpër gjithë kontinentin qymyr, hekur, bakër dhe, mbas<br />
gjysmës së dytë të shekullit XIX, edhe naftë.<br />
Nga perëndimi shkonin drejt brigjeve të Atlantikut dhe më pas, nëpërmjet rrugëve detare,<br />
deri në Evropë, mish dhe drithëra me çmime të ulëta.<br />
Pionierët merrnin nëpërmjet rrugëve hekurudhore produktet industriale të nevojshme për<br />
jetën e tyre.<br />
Në më pak se njëzet vjet uzinat e shkrirjes së çelikut në Amerikës i rrëmbyen Britanisë<br />
së Madhe parësinë që mbante në prodhimin e çelikut. Punishtet mekanike amerikane hidhnin në<br />
treg produkte me një teknologji jashtëzakonisht të përsosur, si makina korrëse me avull e<br />
MakKormikut, makina qepëse Singer, revolet me mulli Colt, mjaft e parapëlqyer nga pionierët,<br />
kutitë e konservave me kallaj me mbyllje hermetike dhe vagonët-frigoriferë, për ruajtjen e<br />
mishit gjatë transportit.<br />
Përqendrimi i sipërmarrjeve: trustet • Njëlloj si në Evropë, prodhuesit formuan<br />
trustet, për kontrollimin e tregut. Njëra nga më të fuqishmet qe Standard Oil Company.<br />
Për të mbrojtur perandoritë e tyre industriale apo financiare, disa afaristë ngritën “lobe”,<br />
grupe pak a shumë me persona të fuqishëm, që kishin për qëllim t’u bënin presione njerëzve të<br />
politikës, në mënyrë që këta të fundit të nxirrnin ligje të favorshme për të parët.<br />
Zezakët detyrohen të rrojnë veçmas, lëkurëkuqtë shfarosen • Fuqia e madhe<br />
amerikane duhej të përballej me probleme të rënda shoqërore.<br />
Mbas luftës së secesionit zezakët, që ishin liruar me ligj nga skllavëria, në shtetet e jugut<br />
u detyrën të jetonin të ndarë, domethënë veç nga të bardhët, ndërsa e drejta e votës së tyre pësoi<br />
kufizime të shumta, derisa u shfuqizua fare. Në mbrojtje të privilegjeve të tyre të bardhët e jugut<br />
më 1866-ën themeluan një shoqëri të ndarë, Ku-Kluks-Klanin, që ekziston edhe sot e kësaj dite