Create successful ePaper yourself
Turn your PDF publications into a flip-book with our unique Google optimized e-Paper software.
vendeve bashkohuni në luftën revolucionare – “lufta e klasave” –, do të përmbyste borgjezinë dhe<br />
kapitalizmin, duke u bërë kështu proletariati klasa sunduese. Atëherë, do të lindte një shoqëri e re<br />
komuniste, që s’do të kishte më klasa shfrytëzuese e cila do të karakterizohej nga pronësia<br />
kolektive e të gjitha mjeteve të prodhimit (fabrikat, makineritë, lëndët e para, tokat, minierat…).<br />
Lind Internacionalja e Parë: Bashkimi profesional i punëtorëve të të gjitha vendeve<br />
• Teoritë socialiste u përhapën me të shpejtë më 1864-ën, në Londër, ku edhe u themelua<br />
Internacionalja e Parë, një bashkim profesional punëtorësh të të gjitha vendeve. Qëllimi i saj<br />
ishte bashkërendimi i nismave të lëvizjeve punonjëse që po lindnin gjithandej.<br />
Edhe pse Internacionalja e Parë mbizotërohej nga mendimi i Karl Marksit, gjithsesi në gji<br />
të saj ekzistonin kundërshti dhe përçarje. Të parët që u larguan prej saj qenë demokratët e Mazinit<br />
që nuk pranonte idenë marksiste të luftës së klasave. Më pas, më 1872-shin, u dëbua Mikail<br />
Bakunini, përfaqësuesi kryesor i anarkisë koherente. Anarkikët kishin mosmarrëveshje me<br />
marksistët ngaqë refuzonin ekzistencën e çfarëdo lloj shteti e qeverisje, edhe pse të sunduar nga<br />
klasa punëtore.<br />
Në Internacionalen e Dytë ata që mbizotëruan ishin socialdemokratët •<br />
Internacionalja e Dytë u mbaj në Paris më 1889-ën, por edhe ajo u trazua nga kundërshti të<br />
brendshme. Një pjesë e socialistëve ishte e mendimit se vetëm revolucioni do t’i jepte pushtetin<br />
proletariatit, kurse pjesa tjetër e mbështetnin besimin e tyre te reformat dhe mendonin ta<br />
transformonin gradualisht shoqërinë nëpërmjet përfaqësuesve në parlament.<br />
Në Internacionalen e Dytë socialistët reformistë (të quajtur gjithashtu edhe<br />
socialdemokratë), përbënin shumicën e saj.<br />
Prirje reformiste kishin edhe partitë e mëdha socialiste që në atë periudhë do të formonin,<br />
Partinë Socialdemokratike Gjermane, krijuar më 1875-ën, dhe Partinë e Punës (apo Partinë<br />
Laburiste), që në Angli lindi më 1906-ën.<br />
Edhe Kisha mori qëndrim në çështjen shoqërore • Lidhur me çështjen shoqërore edhe<br />
Kisha Katolike mori qëndrim.<br />
Më 1891-shin, Leoni XIII (papa që kishte zëvendësuar Piun IX) u dërgoi arqipeshkëve<br />
një qarkore, domethënë një letër në latinisht, fjalës çelës të së cilës fillojnë: Rerum Novarum. Me<br />
anë të saj papa dënonte idetë socialiste dhe në veçanti parimin e luftës midis klasave, që cilësohej<br />
një gabim mjaft i rëndë. Në emër të fesë së krishtere, kryeprifti (papa) ftonte si të pasurit ashtu<br />
edhe të varfrit që të bëheshin në një mendje dhe të bashkëpunonin me njëri-tjetrin. Megjithatë, ai<br />
u njihte punëtorëve të drejtën që të organizoheshin për të përmirësuar kushtet e jetës dhe për të<br />
formuar një shoqëri më të drejtë.<br />
Kështu, lindën në një numër të madhe shoqëri punonjësish të ndihmës së përbashkët,<br />
kooperativa dhe sindikata me frymëzim katolik.<br />
Manifest austriak që lajmëron festën e 1 Majit. Kortezhi kalon mes një fushe të lulëzuar, si për të<br />
treguar se rizgjimi i pranverës shoqërohet edhe me zgjimin e klasës punëtore.<br />
4. Fytyra e re e qyteteve dhe e banesave<br />
Qytetet zhvillohen • Në dhjetëvjeçarët e fundit të shekullit XX qytetet u pasuruan me:<br />
ura, pallate publike dhe sheshe. Qendrat më të mëdha patën nga një stacion hekurudhor<br />
monumental, shpesh të ndërtuara pa ekonomi, me struktura moderne prej gize dhe xhami.<br />
Qendra historike e Parisit, me rruginat dhe rrugët anësore, ua la vendin rrugëve të gjera dhe të<br />
drejta, ndërsa përbri bulevardeve ngriheshin pallate të bukura. Shumë qytete të tjera ndoqën<br />
shembullin e Parisit.<br />
Të dëbuar nga qendrat historike, të varfrit u strehuan te rrethinat e qyteteve, të cilat<br />
ndërkohë ishin zgjeruar në mënyrë të pamatshme nga dyndja e miliona të emigruarve nga<br />
fshatrat, ku makineritë kishin zëvendësuar tashmë punën e fshatarësisë.